«Էյ Դի Էմ Դայմոնդս» ադամանդի գործարանի բացումը` Աբովյանում

«Բոլորն ուզել են փայ մտնեն, բոլորը». ո՞ւմ է պատկանում Աբովյանի ադամանդի գործարանը

5155
(Թարմացված է 18:23 02.12.2019)
Աբովյանում վերազինումից հետո վերաբացված ադամանդի վերամշակման գործարանի բացման հանդիսավոր արարողությանը ներկա են եղել ՀՀ վարչապետ Նիկոլ Փաշինյանը, ԱԺ պատգամավորներ, գործարարներ։

ԵՐԵՎԱՆ, 2 դեկտեմբերի – Sputnik. Կոտայքի մարզի Աբովյան քաղաքում այսօր հանդիսավորությամբ բացվեց «Էյ Դի Էմ Դայմոնդս» ադամանդի վերամշակման վերազինված գործարանը։

Церемония открытия алмазообрабатывающей компании ADM
© Sputnik / Asatur Yesayants.
«Էյ Դի Էմ Դայմոնդս» ադամանդի վերամշակման վերազինված գործարանը

Հանդիսավոր արարողությանը ներկա ՀՀ էկոնոմիկայի նախարար Տիգրան Խաչատրյանը Sputnik Արմենիայի հետ զրույցում նշեց, որ «Էյ Դի Էմ Դայմոնդսը» ադամանդագործության առաջատար կազմակերպություններից մեկն է Հայաստանում և ունի ավելի քան 180 աշխատակից։

«Գործարանը վերազինվել է։ Իրենք ունեին ավելի փոքր արտադրությամբ նոր գործարան։ Հիմա ավելի ընդլայնել են այն։ Առաջիկայում նախատեսվում է աշխատակիցների թիվը հասցնել 700–ի` տեխնոլոգիապես ամենաժամանակակից սարքավորումներով զինվելու մտադրությամբ։ Կարծում ենք` շուտով կարողանալու ենք հետ բերել ադամանդագործության բնագավառում մեր այն դիրքերը, որ ունեցել ենք ոչ վաղ անցյալում»,– ասաց Խաչատրյանը։

Նախարարը նշեց նաև, որ ադամանդագործության ոլորտում Հայաստանը ԵԱՏՄ–ում առաջատար դիրքերում է` շնորհիվ խորհրդային ժամանակաշրջանից պահպանված լավ ավանդույթների։

Тигран Хачатрян на церемонии открытия алмазообрабатывающей компании ADM (2 декабря 2019). Абовян
© Sputnik / Asatur Yesayants
ՀՀ էկոնոմիկայի նախարար Տիգրան Խաչատրյանը

Հետաքրքրական է, որ ինչպես խորհրդային տարիներին, այնպես էլ այսօր` ադամանդագործությունը Հայաստանում կենտրոնացած է բացառապես Կոտայքի մարզում։

Պղնձի ու ադամանդի արտահանումը նվազել է, փոխարենը նոր շուկաներ են նվաճում գինին ու շոկոլադը

Կոտայքի մարզպետ Ռոմանոս Պետրոսյանը կարծում է, որ սա ևս պայմանավորված է մարզում մասնագիտական ներուժի ու ձևավորված դպրոցի` դեռ որոշ չափով պահպանված ավանդույթներով։

Այդուհանդերձ, մարզպետը Sputnik Արմենիայի հետ զրույցում չթաքցրեց, որ լավ մասնագետներ գտնելն արդեն գրեթե անհնար է դարձել։

Романос Петросян на церемонии открытия алмазообрабатывающей компании ADM (2 декабря 2019). Абовян
© Sputnik / Asatur Yesayants
Կոտայքի մարզպետ Ռոմանոս Պետրոսյանը

«Դժվար է մասնագետներ գտնելը, քանի որ, որպես կանոն, այս ոլորտը պահանջում է բավականին մասնագիտացված մոտեցում և մի քանի ամսվա համառ աշխատանքից հետո են միայն աշխատանքի ընդունում»,– ասաց նա։

Իսկ քանի որ աշխատանքային առաջին ամիսներին գործատուն, մարզպետի խոսքով, բավական ցածր է վարձատրում նոր աշխատակիցներին, այդ աշխատանքով մարզի բնակչությունն այնքան էլ չի ոգևորվում։

«3-4 ամիս շարունակ, մի քանի տասնյակ հազար դրամ են ստանում, իսկ աշխատանք փնտրողները, գիտեք` առաջին իսկ ամսվանից ակնկալում են հավուր պատշաճի վարձատրություն։ Բայց մյուս կողմից էլ` սա օբյեկտիվ է, քանի որ ինքը մասնագետ պետք է դառնա, որ իրեն վստահեն թանկարժեք քարի հետ աշխատել և ի վնաս գործատուի չաշխատի»,– ասաց Ռոմանոս Պետրոսյանը։

Նշենք, որ ադամանդի վերամշակմամբ զբաղվող գործարանը 2018թ.–ին Աբովյանում հիմնադրել է Արաբական Միացյալ Էմիրություններում 2014 թվականին հիմնադրված «Արվա Դայմոնդս ԴԲՀԲ»  ընկերությունը։

Հայաստանում կատարված ներդրումները կառավարությանը չեն բավարարում. նախարար

Ոչ պաշտոնական լուրերի համաձայն, սակայն, գործարանի իրական սեփականատերը գործարար Խաչատուր Սուքիասյանն է, ով, ի դեպ, այսօր ներկա էր բացման արարողությանը։

Առիթից օգտվելով, Sputnik Արմենիան փորձեց անձամբ իրենից ճշտել, թե ինչ կապ ունի նա գործարանի հետ, ու որքանով են իրականությանը համապատասխանում տարածված լուրերը։

Церемония открытия алмазообрабатывающей компании ADM
© Sputnik / Asatur Yesayants.
Գործարար Խաչատուր Սուքիասյանը

Սուքիասյանն ասաց, որ ադամանդի գործարանի սեփականատերերն իրեն հարազատ մարդիկ են` Արմեն և Արտակ Բաղիկյանները, հետո, շարունակելով Հայաստանում ադամանդագործության զարգացման թեման` նշեց, որ հեղափոխությունից հետո Հայաստանում բիզնեսն ազատ ու թափանցիկ գործելու հնարավորություն է ձեռք բերել։ Մինչդեռ նախկինում ստիպված էր բավարարել իշխանությունների պահանջները։

«Ես այս օրերին ընդունել եմ այնպիսի մարդկանց, որոնք ուզում են զբաղվել ադամանդագործությամբ։ Երկար զրույցներ եմ ունեցել իրենց հետ։ Իրենցից եղան մարդիկ, որոնք ասացին, որ տարիներ առաջ եղել են Հայաստանում և պատմում էին, թե ինչ է եղել, երբ եկել են ու ուզել են գործարան հիմնել։ Բոլորն ուզել են փայ մտնեն, բոլորը։ Որ դուռը գնացել են` ուզել են խոսել, պայմանավորվել, որ գան ՀՀ–ում աշխատեն` տարբեր պայմաններ են դրել»,– պատմեց Սուքիասյանը։

Անուններ տալ գործարարը չցանկացավ։ Միայն հույս հայտնեց, որ այս հարցով կզբաղվեն իրավապահները։

Ադամանդի գործարանի բացման հանդիսավոր արարողությանն Աբովյանում ներկա էին նաև ՀՀ վարչապետ Նիկոլ Փաշինյանը, ԱԺ պատգամավորներ, գործարարներ, որոնց թվում` նաև ԲՀԿ առաջնորդ Գագիկ Ծառուկյանը։

Романос Петросян и Гагик Царукян на церемонии открытия алмазообрабатывающей компании ADM (2 декабря 2019). Абовян
© Sputnik / Asatur Yesayants
ԲՀԿ առաջնորդ Գագիկ Ծառուկյանը և Կոտայքի մարզպետ Ռոմանոս Պետրոսյանը

Վերազինված գործարանի վերաբացման խորհրդանիշ ժապավենը կտրելու պատիվը հանդիսավոր արարողության ժամանակ վստահվեց Արմեն և Արտակ Բաղիկյանների ժառանգներին։

Церемония открытия алмазообрабатывающей компании ADM (2 декабря 2019). Абовян
© Sputnik / Asatur Yesayants
Արմեն և Արտակ Բաղիկյանների ժառանգները

Նշենք, որ Կոտայքի մարզի Նոր Հաճն համայնքում, որտեղ 1971թ.–ին հիմնադրվել ու մինչ օրս գործում է ադամանդի վերամշակման «Շողակն» գործարանը, այսօր արդեն այդ ոլորտի  7 մեծ ու փոքր ձեռնարկություններ կան։ Եվս մեկը, ինչպես արդեն նշեցինք` 2018թ–ին հիմնադրվել է Աբովյանում։

Հայաստանից վերամշակված ադամանդն արտահանվում է երկու ձևով` որպես ոսկերչական արտադրանք և որպես մշակված քար։

Премьер-министр Никол Пашинян на церемонии открытия алмазообрабатывающей компании ADM (2 декабря 2019). Абовян
© Sputnik / Asatur Yesayants
ՀՀ վարչապետը, Կոտայքի ,արզպետը և այլ պաշտոնյաներ` Աբովյանի ադամանդի գործարանի բացմանը
5155
թեգերը:
Հայաստան, Աբովյան, Կոտայք, գործարան, գործարար, ադամանդ, Խաչատուր Սուքիասյան, Գագիկ Ծառուկյան
Ըստ թեմայի
Ուզում ես Ծառուկյանին հունից հանե՞ս. ԲՀԿ առաջնորդը` «Սերամիզիան» սպասքի գործարանի բացմանը
Վայրկյանը մեկ` նոր սմարթֆոն․ չինական ընկերությունը նոր գործարան է բացում
Սերժ Սարգսյանը վատ ղեկավար է եղել, վատ ընկեր, ինձնից գործարան է խլել. Խաչատուր Սուքիասյան
Ինչպես է Հայաստանը զարգացնում ադամանդագործությունը. նոր գործարանի բացման լուսանկարները
Камо Оганесян

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

1 / 2
26
Ալմաթինցիների ապագա մրցակցին Հովհաննիսյանը բնութագրել է որպես ամուր, կարգապահ թիմ, որը պայքարում է մինչև վերջ:

ԵՐԵՎԱՆ, 12 օգոստոսի - Sputnik. Հայաստանի հավաքականի պաշտպան Կամո Հովհաննիսյանը Եվրոպայի լիգայի խաղարկությունում ուրախ կլինի հանդիպել հայկական թիմի հետ: Ֆուտբոլիստը նման հայտարարություն է արել Ալմաթիի «Կայրաթ» թիմի ասուլիսի ժամանակ։ Ֆուտբոլիստը «Կայրաթի» շարքերն համալրել է այս տարի։

«Վիճակահանություն է։ Անձամբ ինձ համար հաճելի կլինի խաղալ հայկական ակումբի դեմ», - ասել է նա։

Ֆուտբոլի Եվրոպայի լիգայի որակավորման առաջին փուլի վիճակահանության արդյունքում Երևանի «Նոան» կմրցի Ալմաթիի «Կայրաթի» հետ:

Ալմաթինցիների ապագա մրցակցին Հովհաննիսյանը բնութագրել է որպես ամուր, կարգապահ թիմ, որը պայքարում է մինչև վերջ:

«Նոան» դարձավ Հայաստանի սուպերգավաթակիր

«Շատ լավ անձնակազմ է։ Իհարկե, ես այնտեղ ծանոթներ ունեմ։ Ես շատ լավ գիտեմ «Նոայի» տնօրեն Արթուր Սահակյանին։ Մենք միասին ենք սկսել ֆուտբոլ խաղալ», - նշել է Հայաստանի ազգային հավաքականի պաշտպանը։

Հովհաննիսյանը խոստովանել է, որ իրեն հաճելի կլիներ խաղալ «Նոայի» դեմ նաև Հայաստանում:

Նշենք, որ օգոստոսի 10-ին շվեյցարական Նյոն քաղաքում կայացավ Եվրոպայի լիգայի որակավորման առաջին փուլի վիճակահանությունը: Գյումրիի «Շիրակը» ուժերը կփոձի ռումինական «Ստյաուայի» հետ, Երևանի «Նոան»՝ Ալմաթիի «Կայրաթի», իսկ Երևանի «Ալաշկերտը»՝ մակեդոնական «Ռենովայի»:

26
թեգերը:
Հայաստան, հայ, ֆուտբոլ
Ըստ թեմայի
Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»
Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար
2019/20 մրցաշրջան. հայտնի է` ով է Հայաստանի լավագույն ֆուտբոլիստը
Ռաֆայել Նադալը ոչ միայն թենիս, այլև ֆուտբոլ է լավ խաղում
Ապամոնտաժվել է Աժդահակի խառնարանալճում տեղադրված բենզապոմպը

Քաղաքացին արդեն երկրորդ անգամ է տուգանվում Աժդահակի խառնարանալճից ջրառ կատարելու համար

49
Լճում տեղադրված բենզապոմպը հեռացվել ու առգրավվել է, հարուցվել է վարույթ։

ԵՐԵՎԱՆ, 12 օգոստոսի - Sputnik. Ապամոնտաժվել է Աժդահակի խառնարանալճում տեղադրված բենզապոմպը։ Լուրը Facebook-ի իր էջում է հայտնում է Շրջակա միջավայրի նախարարի մամուլի խոսնակ Դավիթ Գրիգորյանը:

«Շրջակա միջավայրի նախարար Ռոմանոս Պետրոսյանի ցուցումով՝ Բնապահպանության և ընդերքի տեսչական մարմնի, հարակից համայնքի ղեկավարի և ոստիկանության ծառայողների ներկայությամբ ապամոնտաժվել, հեռացվել և առգրավվել է Աժդահակ խառնարանալճում տեղադրված բենզապոմպը։ Հարուցվել է վարույթ»,- գրել է Գրիգորյանը։

ՀՀ Բնապահպանության և ընդերքի տեսչական մարմնի մամուլի ծառայությունն ապօրինի ջրառի հետ կապված մանրամասներ է հաղորդում։

«Կոտայքի տարածքային բաժնի աշխատակիցները ս/թ օգոստոսի 7-ին հայտնաբերել են ապօրինի ջրառ իրականացնող Արմավիրի մարզի Արտաշատ համայնքի բնակիչ Թ․Խ-ին, որի նկատմամբ կազմվել է վարչական իրավախախտումների վերաբերյալ արձանագրություն»,- տեղեկացնում են տեսչական մարմնից ու հավելում՝ նույն անձը դեռևս 2019 թվականին նույն արարքի համար ենթարկվել է վարչական պատասխանատվության։

Ավելի վաղ Facebook-յան օգտատերեր Կարինե Փանոսյան իր էջում լուսանկար էր տեղադրել և ահազանգել, որ Աժդահակ բարձրանալիս՝ Կարմիր Կատարի Խառնարանային լճում պոմպը է նկատել, որով ջուրը դուրս են մղում՝ օգտագործելով կենցաղային նպատակների համար։ Շրջակա միջավայրի նախարարությունը պաշտոնական հաղորդագրություն էր տարածել՝ շեշտելով՝ բնական ճանապարհով ձևավորված այս լճից ջրառ իրականացնելու համար նախարարության կողմից ջրօգտագործման թույլտվություն չի տրամադրել։ Հետևաբար, որևէ քաղաքացի նման իրավունք չունի։

Նախարարությունը տեղեկացրել էր, որ նշված վայր են մեկնել տեղական ինքնակառավարման մարմինների, նաև Բնապահպանության և ընդերքի տեսչական մարմնի ու ոստիկանության ներկայացուցիչները։

49
թեգերը:
Հայաստան, Տուգանք, Ռոմանոս Պետրոսյան, Դավիթ Գրիգորյան, բնապահպանական, ջրառ
Ըստ թեմայի
«Ալեքս Հոլդինգը» տուգանվել է. շաքարավազի շուկայում խախտումներ են բացահայտվել
Խախտումները շատ են ատամնաբուժարաններում, գեղեցկության սրահներում, դեղատներում. ԱԱՏՄ խոսնակ
Արմավիրում հանրային սննդի կետերում խախտումներ չեն գրանցվել անգամ «խոշորացույցով»
Կոպիտ խախտումներ Ծաղկաձորի հյուրանոցներում. պարետին միջնորդություններ կներկայացնեն

Ռուսաստանն աշխարհում առաջինը գրանցեց կորոնավիրուսի դեմ պատվաստանյութը

0
(Թարմացված է 00:35 13.08.2020)
Ռուսաստանի ուղիղ ներդրումների ֆոնդի գլխավոր տնօրենը հայտնել է, որ աշխարհի 20 երկրներից պատվաստանյութի ավելի քան 1 միլիարդ խմբաքանակ ձեռք բերելու հայտ են ստացել:

Վլադիմիր Պուտինը աշխարհում առաջինն է հայտարարել կորոնավիրուսի դեմ պատվաստանյութի գրանցման մասին։ Դեղամիջոցը մշակել են ՌԴ Պաշտպանության նախարարության և Ն․Ֆ․ Գամալեայի անվան համաճարակաբանության և միկրոկենսաբանության ազգային-հետազոտական կենտրոնի  մասնագետները։ Այն ստացել է «Սպուտնիկ V» անվանումը։ Պատվաստանյութի փորձարկումն ավարտվել է հաջողությամբ։

Թեստավորման մասնակիցները նշել են, որ իրենց լավ են զգում և պատվաստումից հետո որևէ կողմնակի ազդեցություն չեն նկատել: Բժիշկների խոսքով ՝ բոլոր կամավորների մոտ COVID-19-ի նկատմամբ դիմադրողականություն է առաջացել, իսկ դեղամիջոցն ապացուցել է իր անվտանգությունը:

Ռուսական դեղամիջոցով հետաքրքրված են աշխարհի շատ երկրներ, այժմ բանակցություններ են ընթանում այլ պետություններում դեղամիջոցի թեստավորում և արտադրություն սկսելու մասին։

Բացի Պաշտպանության նախարարության և Գամալեայի անվան կենտրոնի համատեղ աշխատանքից, պատվաստանյութի ստեղծմամբ զբաղվում է ևս երկու ռուսական ընկերություն՝ Նովոսիբիրսկի «Վեկտոր» վարակաբանության և բիոտեխնոլոգիայի դաշնային բյուջետային կառույցը, որն արդեն սկսել է իր երեք նախատիպերը փորձարկել մարդկանց վրա, և Սանկտ-Պետերբուրգի Պատվաստանյութերի և շիճուկների գիտահետազոտական ինստիտուտը։ Սպասվում է, որ ռուսաստանցիների զանգվածային պատվաստման համար նախատեսված պատվաստանյութերի առաջին խմբաքանակը կհայտնվի արդեն օգոստոսի կեսին։

Ռուսաստանում կորոնավիրուսի դեմ պատվաստանյութն առաջինը կստանան բժիշկներն ու տարեց մարդիկ

ՌԴ նախագահ Վլադիմիր Պուտինն անձամբ է հայտարարել է «Սպուտնիկ V» դեղամիջոցի գրանցման մասին:

«Այսօր առավոտ աշխարհում առաջինը գրանցվել է նոր կորոնավիրուսային վարակի դեմ պատվաստանյութը»,- ասել է նա:

Դեղամիջոցը մշակել են ՌԴ Պաշտպանության նախարարությունը և Գամալեայի անվան կենտրոնը համատեղ: Ռուս ռազմաբժիշկների փորձը թույլ է տվել ամենակարճ ժամկետներում արդյունավետ պատվաստանյութ ստանալ:

«Սպուտնիկ V»-ն արդեն իսկ ապացուցել է իր արդյունավետությունն ու անվտանգությունը: ՌԴ առողջապահության նախարար Միխայիլ Մուրաշկոն հայտնել է, որ կամավորներից որևէ մեկի մոտ իմունիզացիայի լուրջ բարդացումներ ի հայտ չեն եկել։

Պատվաստումը կանցկացվի 2 փուլով․ նախ՝ առաջին բաղադրանյութով, իսկ երեք շաբաթ անց՝ երկրորդով: Պատվաստանյութը հնարավորություն կտա վիրուսի նկատմամբ դիմադրողականությունն ապահովել 2 տարի:

Պատվաստանյութի արտադրությունն արդեն սկսվել է Գամալեայի անվան գիտական կենտրոնում և «Բիննոֆարմ» գործարանում: Ռուսաստանում քաղաքացիների համար այն կարող է հասանելի լինել հաջորդ տարեսկզբին

Ռուսական նոր դեղամիջոցով հետաքրքրված են աշխարհի 20 երկրներ՝ ԱՊՀ, Եվրոպայի, Մերձավոր Արևելքի, Աֆրիկայի և Հարավային Ամերիկայի հանրապետությունները ներառյալ:

«Մենք կարող են հաստատել, որ արդեն պատվաստանյութի մեկ միլիարդ խմբաքանակ են խնդրել, իրականում՝ միլիարդից մի քիչ ավելի։ Դա նախնական հայտերի թիվն է, որոնք այս պահի դրությամբ ստացել ենք ավելի քան 20 երկրից»,- նշել է Ռուսաստանի ուղիղ ներդրումների ֆոնդի գլխավոր տնօրեն Կիրիլ Դմիտրիևը։

Այնուամենայնիվ, Ռուսաստանում արտադրվող բոլոր չափաբաժիններն առաջին հերթին կուղղվեն ներքին շուկային, իսկ արտասահմանցի սպառողի համար արտերկրում առանձին արտադրություններ կբացվեն: Բայց մինչ այդ պատվաստանյութը լրացուցիչ փորձարկումների կենթարկվի այլ երկրներում:

«Երրորդ փուլը կսկսվի գրանցումից անմիջապես հետո, այնպես որ գործնականում այն մեկնարկում է վաղվանից, ինչպես արդեն ասացի՝ օգոստոսին մենք այն կսկսենք նաև ԱՄԷ-ում, Սաուդյան Արաբիայում և Ֆիլիպիններում, հուսով եմ՝ նաև Բրազիլիայում։ Այդ երկրները կմասնակցեն 3-րդ փուլի փորձարկումներին»,- ընդգծել է Դմիտրիևը։

ԱՀԿ-ն ևս արձագանքել է ռուսական պատվաստանյութի գրանցմանը և մոտակա ժամանակներում պատրաստվում է միջազգային ստանդարտներին համապատասխանության գնահատում իրականացնել:

Բացի ՊՆ-ից և Գամալեայի անվան կենտրոնից, Ռուսաստանում դեղամիջոցի մշակմամբ զբաղվում են նաև Նովոսիբիրսկի «Վեկտոր» վարակաբանության և բիոտեխնոլոգիայի ԴԲԿ-ն և Սանկտ-Պետերբուրգի Պատվաստանյութերի և շիճուկների գիտահետազոտական ինստիտուտը:

Ռուսաստանցի բժիշկն ասել է` ում է հակացուցված կորոնավիրուսի դեմ պատվաստումը

Այս կազմակերպությունները ևս կորոնավիրուսի դեմ դեղամիջոցների ստեղծման առաջատարներից են և շրջանցում են անգամ բազմաթիվ արևմտյան մրցակիցներին:

«Վեկտորի» մշակած պատվաստանյութի երեք նախատիպ արդեն անցել են առաջնային փորձարկումները և հիմա գիտական կենտրոնում սկսել են դրանց թեստավորումը մարդկանց վրա:

0
թեգերը:
Վլադիմիր Պուտին, կորոնավիրուս, պատվաստանյութ, Ռուսաստան
Ըստ թեմայի
Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը
«Պատվաստանյութային ազգայնականություն». ինչո՞ւ է Արևմուտքն անհանգիստ շարժումներ անում
Ռուսաստանում հայտնել են COVID-19-ի պատվաստանյութի փորձարկման 3–րդ փուլի կամավորների թիվը
Նուբար Աֆեյանի ընկերությունը սկսել է Covid-19-ի դեմ պատվաստանյութի փորձարկման 3-րդ փուլը