Մհեր Գրիգորյան

ԵԱՏՄ–ում տուրքերի բաշխման հարցը երկար է քննարկվել, բայց լուծվել է. ՀՀ փոխվարչապետ

103
(Թարմացված է 12:40 28.11.2019)
Մաքսատուրքերի բաշխումը փոքր–ինչ փոխվել է. Ռուսաստանի և Ղազախստանի հաշվին մի փոքր աճել է Բելառուսի մասնաբաժինը։

ԵՐԵՎԱՆ, 28 նոյեմբերի — Sputnik. Եվրասիական միությունում մաքսատուրքերի բաշխման հարցը երկար է  քննարկվել, բայց ի վերջո լուծվել է։ Այս մասին Երևանում ընթացող Եվրասիական միության երկրների Վերահսկիչ պալատների համատեղ նիստում հայտարարեց ՀՀ փոխվարչապետ Մհեր Գրիգորյանը։

Փրկարարների աշխատավարձերն ուշացնում են. ԱԻ նախարարը կառավարությունից գումար ուզեց

Գրիգորյանը նշեց, որ այդ տուրքերի բաշխումը  պարզապես մաթեմատիկական բանաձև չէ։ Այն արտացոլում է յուրաքանչյուր երկրի տնտեսական զարգացման մակարդակը։

Քննարկումները երկար և մանրակրկիտ են եղել, և այս տարի վերջապես լուծումը  գտնվել է։

«Բազմաթիվ գործոններ, որոնք մեր երկրների տնտեսությունների համար նշանակություն ունեն, հաշվի են առնվել։ Մենք ուրախ ենք նկատել, որ դա տեղի է ունեցել ԵԱՏՄ–ում Հայաստանի նախագահության ընթացքում։ Մեր հանրապետությունը մեծ ջանքեր է գործադրել` ամրապնդելու մեր երկրների ինտեգրացիան և ընդլայնելու մեր համագործակցության աշխարհագրությունը»,–նկատեց Գրիգորյանը։

Նա հիշեցրեց, որ Հայաստանի նախագահության ընթացքում ստորագրվել են համաձայնագրեր Սինգապուրի և Սերբիայի հետ ազատ առևտրի մասին, ուժի մեջ է մտել Իրանի հետ ազատ առևտրի գոտու մասին ժամանակավոր (երեք տարի ժամկետով) համաձայնագիրը, և որ ինտեգրացիան ամրապնդվելու է նաև հետագայում։

ԵԱՏՄ երկրներից մեկում որոշել են «հայկական» ապրանք արտադրել. գործը քննում է ԵԱՏՄ–ն

Հիշեցնենք, որ Երևանում հոկտեմբերի 1-ին կայացած Եվրասիական տնտեսական բարձրագույն խորհրդի նիստին  ԵԱՏՄ երկրների առաջնորդները պայմանավորվել էին մաքսատուրքերի վերաբաշխման մասին։ Բելառուսի մասնաբաժինն ավելացվել է  և 4,56%–ից դարձել 4,86% (մոտավորապես  40-50  միլիոն դոլար)։ Դրա փոխարեն Ռուսաստանի մասնաբաժինն իջել է  85,265%–ից մինչև 85,065%, իսկ Ղազախստանինը`  7,055%–ից 6,955%։ Հայաստանի և Ղրղըզստանի մասնաբաժինը չի փոխվել. այն համապատասխանաբար մնացել է 1,22% և 1,9%։

103
թեգերը:
Հայաստան, մաքսատուրք, Եվրասիական Տնտեսական Միություն (ԵԱՏՄ), Մհեր Գրիգորյան
Ըստ թեմայի
Ժամանակն է միմյանցից սովորելու. Սուրեն Գյուրջինյանը` ԵԱՏՄ–ում էներգախնայողության մասին
Ինչպես պաշտպանել ԵԱՏՄ սպառողներին. Մինասյանը խոսել է կեղծ ապրանքների դեմ պայքարի մասին
Եվրամիությունում սկսել են հասկանալ, որ ԵԱՏՄ–ն զուտ տնտեսական միավորում է. Տիգրան Սարգսյան
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

81
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

81
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Երևան, արխիվային լուսանկար

Ողբերգական դեպք Երևանում. վարորդը վրաերթի է ենթարկել 2 հետիոտնի, մեկը մահացել է

28
(Թարմացված է 00:15 04.07.2020)
Դեպքը տեղի է ունեցել «Մեգամոլ» առևտրի կենտրոնի դիմաց։ Հավաքվածներն ասել են, որ վրաերթի ենթարկվածներն ամուսիններ են։

ԵՐԵՎԱՆ, 3 հուլիսի – Sputnik. Այսօր վրաերթ է տեղի ունեցել Երևանում: Ժամը 22:15-ի սահմաններում Երևանի բնակիչ, 32-ամյա Աշոտ Ավետիսյանը իր վարած «Nissan» մակնիշի ավտոմեքենայով Գայի պողոտայում՝ «Մեգամոլ» առևտրի կենտրոնի հարևանությամբ, վրաերթի է ենթարկել 2 հետիոտնի, որոնք փողոցը որոշել են հատել հետիոտների համար չնախատեսված հատվածով։ Տեղեկությունը հայտնում է shamshyan.com–ը։

Վարորդն ահազանգել է Երևանի 1-03 շտապօգնություն, դեպքի վայր ժամանած շտապօգնության բժիշկները վրաերթի ենթարկվածներին ծայրահեղ ծանր ախտորոշմամբ տեղափոխել են թիվ 1 համալսարանական հիվանդանոց:

Վարորդը տեղում ենթարկվել է սթափության փորձաքննության, պարզվել է, որ նա եղել է սթափ:

Դեպքի վայրում հավաքվածներն ասել են, որ վրաերթի ենթարկվածներն ամուսիններ են:

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

Մինչ դեպքի վայրում աշխատել է հետաքննիչը, հիվանդանոցից հայտնել են, որ վրաերթի ենթարկվածներից 41-ամյա Արթուր Շ.-ն գիտակցության չգալով ՝ մահացել է:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:

Կրակոցներ Երևանում. մեկ մարդ գլխի շրջանում վնասվածքներ է ստացել

28
թեգերը:
Մահ, հետիոտն, Վրաերթ, Հայաստան
թեմա:
Վթար, պատահար, սպանություն, գողություն
Ըստ թեմայի
Երևանում վրաերթի են ենթարկել հեծանվով երեխային
Իրինդ գյուղի ջրամբարում 36–ամյա քաղաքացի է խեղդվել
25-ամյա երիտասարդը սպանվել է տան մուտքի մոտ արձակած կրակոցից