Մանվել Գրիգորանի և Նազիկ Ամիրյանի դատ. արխիվային լուսանկար

Նազիկ Ամիրյանի դեմ հարուցված քրգործն առանձնացվեց Մանվել Գրիգորյանի գործից

98
(Թարմացված է 16:27 26.11.2019)
Մանվել Գրիգորյանը պարբերաբար չի ներկայանում դատական նիստերին, ինչի համար էլ դատարանը որոշեց առանձնացնել նրա ու Նազիկ Ամիրյանի քրգործերը։

ԵՐԵՎԱՆ, 26 նոյեմբերի — Sputnik. ՀՀ ԱԺ նախկին պատգամավոր, ԵԿՄ նախկին նախագահ Մանվել Գրիգորյանի և նրա կնոջ` Նազիկ Ամիրյանի դեմ հարուցված քրեական գործերը կառանձնացվեն։ Երևանի ընդհանուր իրավասության դատարանում այսօր ընթացող դատական նիստի ժամանակ այս մասին ասաց դատավոր Մնացական Մարտիրոսյանը։

«Դատարանն արձանագրում է, որ Գրիգորյանը պարբերաբար չի ներկայանում դատական նիստերին` առողջական վիճակից ելնելով։ Քանի որ մեղադրյալը չի ներկայանում դատարան, դատական նիստերը հետաձգվում են։ Ուստի, դատարանը որոշում է, գործի հանգամանքներից ելնելով, առանձնացնել Մանվել Գրիգորյանի և Նազիկ Ամիրյանի քրեական գործերը»,–ասաց դատավորը։

Դատավորը հայտնեց նաև, որ Նազիկ Ամիրյանի դեմ հարուցված քրգործով նիստը կկայանա դեկտեմբերի 3-ին ժամը 14։00-ին, իսկ դեկտեմբերի 17–ին, ժամը 14։00-ին կլինի Մանվել Գրիգորյանի գործով դատական նիստը։

Հիշեցնենք, որ նոյեմբերին 5–ին դատավոր Մնացական Մարտիրոսյանը որոշեց Գրիգորյանի խափանման միջոց կալանքը չփոխել` մերժելով պաշտպանների միջնորդությունը։

«Հանել ու նոր շինծու քրգործ գցել հանրության առաջ, անբարոյականություն է». Նազիկ Ամիրյան

Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակություն կազմակերպելու մեջ: Նրան մեղադրանք է առաջադրվել 2018թ.–ի հունիսի 19-ին։

Մանվել Գրիգորյանի կինը յուրացրել է պետական գույքը. իրավապահների նոր բացահայտումը.տեսանյութ

Նազիկ Ամիրյանին մեղադրանք էր առաջադրվել 2018–ի հունիսի 30–ին` ՀՀ քրեական օրենսգրքի 235-րդ հոդվածի 2-րդ մասով նախատեսված հանցավոր արարքի կատարման համար, այն է` մի խումբ անձանց կողմից ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:

98
թեգերը:
Հայաստան, Դատարան, Դատավոր, Նազիկ Ամիրյան, Մանվել Գրիգորյան
թեմա:
Մանվել Գրիգորյանի շուրջ ծավալված իրադարձությունները (228)
Ըստ թեմայի
Մանվել Գրիգորյանի կյանքին վտանգ չի սպառնում. Թորոսյան
Մանվել Գրիգորյանն իրեն պատկանող 109 միավոր անշարժ գույքը, բաժնետոմսերը փոխանցեց պետությանը
Մանվել Գրիգորյանը կմնա կալանքի տակ. դատարանը մերժեց պաշտպանների միջնորդությունը