Սպայկա ընկերության մեքենա. արխիվային լուսանկար

«Սպայկայի» պանիրը հայկական է եղել. ռուսաստանցի մասնագետները եկել, տեղում համոզվել են

67
(Թարմացված է 23:16 25.11.2019)
ՊԵԿ նախագահը նշեց, որ ռուսական կողմի կասկածներն անհիմն չեն եղել. տարիներ առաջ հայ արտադրողները փորձել են հայկական արտադրանքի անվան տակ ՌԴ արտահանել Եվրոպայում արտադրված պանիրը։

ԵՐԵՎԱՆ, 25 նոյեմբերի - Sputnik. «Սպայկա» ընկերության` Ռուսաստան արտահանվող պանրի նկատմամբ ռուսական կողմի ունեցած կասկածները չեն հիմնավորվել։ Այս մասին այսօր ԱԺ–ում հայտնեց ՀՀ ՊԵԿ նախագահ Դավիթ Անանյանը։

««Սպայկայի» փաստաթղթերը դեռ չենք տեսել». նախարարը` ՌԴ արտահանվող պանրի խնդրի մասին

Անանյանը նշեց, որ ՌԴ ֆիտոսանիտարական ու մաքսային մարմինները կասկած ունեին, որ այն պանիրը, որն արտադրվել էր ՀՀ–ում, հնարավոր է` չունի հայաստանյան ծագում, այլ ունի, օրինակ, եվրոպական ծագում։ 

«Նախկինում ընկերությունն իրականում ունեցել է լատվիական ծագում ունեցող պանրամթերք, որն ինչ–որ տեխնոլոգիական մշակումից հետո արտահանվել է ՌԴ։ Եվ նախկինում լաբորատոր հետազոտություններով հայտնաբերվել են ոչ հայկական ծագմամբ կոնցենտրատներ։ Նախնական այդպիսի տեսակետ է եղել մեր ռուս գործընկերների մոտ»,– ասաց Անանյանը։

ՊԵԿ նախագահը հայտնեց, որ «Սպայկայի» պանրի արտադրության ամբողջ շղթան ուսումնասիրելուց ու համոզվելուց հետո իրենք ռուսական կողմին ևս հրավիրել են Հայաստան` տեղում ծանոթանալու ընկերության արտադրական շղթային։

«Սպայկայի» կապույտ բորբոսով պանրի բեռնատարն ուղևորվել է ՌԴ. արտահանումը թույլատրվել է

«Մեր ռուսաստանյան գործընկերներին նույնիսկ հրավիրել ենք հայաստանյան արտադրամաս, միասին շրջել ենք։ Մեր ռուսաստանյան գործընկերները հավաստիացել են, որ որևէ խնդիր չկա։ Հիմա արդեն ոչ մի խոչընդոտ չկա. բեռները գնում են»,– ասաց Անանյանը։

Հիշեցնենք` «Սպայկա» ընկերության՝ ՌԴ արտահանվող 21 տոննա կապույտ բորբոսով պանիրը 24 օր ՌԴ Վերին Լարսի մաքսային անցակետում կանգնեցվելուց հետո նոյեմբերի 7-ին վերադարձվել էր Հայաստան։

«Սպայկա» ընկերության տարածած հայտարարության համաձայն՝ պանիրն արտադրված է եղել իրենց ընկերության նորակառույց պանրի գործարանում։

Բեռան պատճառով «Սպայկայի» մեքենաները մնացել են Վերին Լարսի անցակետում

Ռուսական կողմի բանավոր մեկնաբանության համաձայն՝ «Սպայկա» ընկերության 2 բեռնատարները Լարսի մաքսային անցակետում կանգնեցվել են արտադրանքի ծագման վերաբերյալ ունեցած կասկածների հիման վրա։

67
թեգերը:
Հայաստան, Ռուսաստան, Պանիր, «Սպայկա» ՍՊԸ
Ըստ թեմայի
Չեչիլ պանիր պետք է լինի ցանկացած սառնարանում. ամերիկյան պարբերականը` հայկական պանրի մասին
Հայաստանի լեռներում ռուսական անվանումով պանիր են արտադրում. տեսանյութ
Մրգեր, կաթ ու պանիր. «Սպայկա» ընկերությունն իր նոր նախագծերի համար գումար է գտել