Նիկոլ Փաշինյան.

Փաշինյանը խոսեց Հայաստանում կենսալաբորատորիաների գործունեության մասին

85
(Թարմացված է 19:53 19.11.2019)
Փաշինյանը հայտարարեց, որ Հայաստանը չի գործի Ռուսաստանի անվտանգության դեմ։ Նա վստահություն հայտնեց, որ Ռուսաստանը նույնպես չի գործի Հայաստանի անվտանգության դեմ։

ԵՐԵՎԱՆ, 19 նոյեմբերի — Sputnik. Հայաստանը պատրաստ էր կենսալաբորատորիաների վերաբերյալ հուշագիր ստորագրել, բայց ռուսական կողմն առաջարկել է սկզբից մշակել փաստաթղթի տեքստը։ Երբ կողմերը պատրաստ լինեն, այդ ժամանակ էլ կստորագրվի պայմանագիրը։ Այս մասին այսօր ռուսաստանցի լրագրողների հետ հանդիպման ժամանակ ասաց ՀՀ վարչապետ Նիկոլ Փաշինյանը։

Նոյեմբերի 11–ին ՌԴ ԱԳ ղեկավար Սերգեյ Լավրովը Երևանում լրագրողներին ասել էր, որ ռուս մասնագետների` հայկական կենսալաբորատորիաներ մուտք գործելու հուշագրի հետ կապված բանակցություններն ավարտվել են։

«Աշխատում ենք (փաստաթղթի վրա` խմբ), երբ կողմերը պատրաստ լինեն, այդ ժամանակ էլ կստորագրենք», – ասաց Փաշինյանը։

ՀՀ կառավարության ղեկավարը չպարզաբանեց, թե ռուսական կողմը հատկապես ինչ է ցանկացել լրացուցիչ մշակել։

Վարչապետն ընդգծեց, որ Հայաստանում կենսալաբորատորիաների գործունեությունը չի ֆինանսավորվում ԱՄՆ–ի կողմից։ Թեև ի սկզբանե այդ հաստատությունները ստեղծվել են ամերիկյան միջոցներով, դրանք Հայաստանի սեփականությունն են, ամերիկացիները մուտք չունեն այնտեղ։

«Այսինքն` ոչ ոք առանց Հայաստանի իշխանությունների թույլտվության չի կարող մտնել կեսալաբորատորիայի տարածք։ Դա շատ կարևոր պահ է։ Նույն ամերիկացիները չեն կարող ազատ մուտք ունենալ այդ հաստատություններ», – պարզաբանեց կառավարության ղեկավարը։

Փաշինյանը «գաղտնազերծել» է Պուտինի հետ գազի սակագնի մասին բանակցությունների մանրամասները

Նրա խոսքով` այս պահին ամերիկացիները նույնքան շանս ունեն թափանցելու կենսալաբորատորիաների տարածք, որքան և ռուսները։

«Կարդալով ռուսական մամուլ` երբեմն տպավորություն է ստեղծվում, որ ԱՄՆ–ի ներկայացուցիչները կարող են ցանկացած պահի մտնել այնտեղ, բայց դա այդպես չէ», – հավելեց Փաշինյանը։

Նա նաև նշեց, որ Հայաստանը և Ռուսաստանը, լինելով ռազմավարական դաշնակիցները, չեն կարող գործել միմյանց դեմ, չեն կարող ոտնահարել միմյանց անվտանգության շահերը։

«Բացառված է, որ Հայաստանը գործի Ռուսաստանի անվտանգության դեմ։ Նման բան ուղղակի չի կարող լինել։ Ես վստահ եմ, որ Ռուսաստանը նույնպես չի գործի Հայաստանի անվտանգության դեմ», – հայտարարեց Փաշինյանը։

Հիշեցնենք, որ ավելի վաղ Փաշինյանը ռուսական «Կոմերսանտ» թերթին տված հարցազրույցում հայտարարել էր, որ Հայաստանի տարածքում գործող կենսալաբորատորիաներն օգտագործվում են զուտ բժշկական նպատակներով։

«Մեր օրոք այդ թեմայով որևէ հարց չի քննարկվել». Փաշինյանը` Լավրովի հայտարարության մասին

85
թեգերը:
ԱՄՆ, կենսալաբորատորիա, Նիկոլ Փաշինյան, Ռուսաստան, Հայաստան
Ըստ թեմայի
Փորձանքը մեկ անգամ է գալիս. Փաշինյանը` շմոլ գազից մահացած տատի ու 4 թոռների մասին
Նիկոլ Փաշինյանը պաշտոնից ազատել է Հերմինե Նաղդալյանի որդուն
«Ով է մեղավոր, լավ հարց է». հավաքականի կրած պարտությունը Փաշինյանը խոշոր տապալում է կոչում
Նիկոլ Փաշինյան

ՊԵԿ-ն ամփոփել է 2019-ը և միջոցառումների կատարողականը ներկայացրել Փաշինյանին

2
(Թարմացված է 19:04 03.08.2020)
2019-ին Հայաստանում տպվել է 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 21.9%-ով շատ առևտրաշրջանառություն։

ԵՐԵՎԱՆ, 3 օգոստոսի – Sputnik. Պետական եկամուտների կոմիտեի նախագահ Էդվարդ Հովհաննիսյանը վարչապետ Նիկոլ Փաշինյանին է ներկայացրել 2019 թվականին կատարված ՊԵԿ-ի միջոցառումների կատարողականը: Տեղեկությունը հայտնում է վարչապետի մամուլի ծառայությունը։

Համաձայն Հովհաննիսյանի ներկայացված զեկույցի՝ 2019-ին Հայաստանում տպվել է ավելի շատ ՀԴՄ կտրոն, ՊԵԿ-ում կատարվել են ավելի շատ գանձումներ և հարուցվել են քրեական գործեր, քան 2018-ին և մնացած նախորդ տարիներին։ Օրինակ՝ 2019-ին Հայաստանում տպվել է 120 մլն կամ 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 345 մլրդ դրամի կամ 21.9%-ով շատ առևտրաշրջանառություն։

ՊԵԿ իրավական գործառույթ իրականացնող ստորաբաժանումների կողմից 2019-ի ընթացքում պետական բյուջե է գանձվել 63,6 մլրդ դրամ, 2018-ին՝ 30,6 մլրդ դրամ, 2017-ին՝ 26,8 մլրդ դրամ։ 2019-ի ընթացքում հարուցվել են 454 քրեական գործեր: Հաշվետու ժամանակաշրջանում վերականգնվել է 11,9 մլրդ դրամ գումար, 55 քրեական գործով ավարտվել է նախաքննությունը, գործերը մեղադրական եզրակացությամբ ուղարկվել են դատարաններ:

Ռեկորդային ցուցանիշ. պետության պարտքը տնտեսվարող սուբյեկտներին նվազել է

Նվազել են ՊԵԿ-ի ստուգումները։ 2019-ին հարկային մարմնի իրականացրած համալիր հարկային ստուգումների քանակը 2018-ի նույն ժամանակաշրջանի համեմատ նվազել է 5.6%-ով: Իրականացված համալիր ստուգումների թվի կրճատման պայմաններում արձանագրված լրացուցիչ պարտավորությունների գումարն աճել է 81.2%-ով, միաժամանակ աճել է նաև մեկ ստուգմանը բաժին ընկնող լրացուցիչ պարտավորության գումարը 92.0%-ով: 2019-ին 2018թ-ի համեմատ էականորեն նվազել են ՀՀ սահմանով ներմուծվող բեռների նկատմամբ մաքսային մարմինների կողմից իրականացվող բեռների ֆիզիկական զննման դեպքերը։ Դրանց տեսակակար կշիռը ներմուծման հայտարարագրերի ընդհանուր թվի մեջ 2018թ-ի 22%-ի փոխարեն 2019թ. կազմել է շուրջ 12%։ Էականորեն պարզեցվել է ԵԱՏՄ անդամ պետություններում հաշվառված անձնական տրանսպորտային միջոցների ՀՀ սահմանահատման գործընթացը։

Հովհաննիսյանը տեղեկացրել է, որ ներդրվել են երրորդ անձանց վերաբերյալ ՀՀ ՊԵԿ-ին տեղեկատվություն փոխանցելու երկու նորարար վեբ-ծառայություններ:

Հովհաննիսյանը խոսել է նաև Գյումրու արտաքին տնտեսական գործունեության կենտրոնի շինաշխատանքների մասին։ Նա հայտնել է, որ շինարարության առաջին փուլը կավարտվի առաջիկա ամսվա ընթացքում, իսկ երկրորդի աշխատանքները կմեկնարկեն 2021-ին ու կավարտվի 2022-ի վերջին:

Փաշինյանը սրան ի պատասխան հանձնարարել է կենտրոնի շինաշխատանքների ուղղությամբ իրականացնել խիստ վերահսկողություն: Նա նաև հավելել է, որ պատրաստվում է առաջիկայում այցելել սահմանային անցակետեր՝ գնահատելու նախորդ այցից հետո իրականացված աշխատանքները:

Խորհրդակցության վերջում ՊԵԿ նախագահը վարչապետին ներկայացրել է ՀՀ ՊԵԿ 2020-2024 թվականների զարգացման և վարչարարության բարելավման ռազմավարական ծրագիրը:

2
թեգերը:
Պետական եկամուտների կոմիտե (ՊԵԿ), Էդվարդ Հովհաննիսյան (ՊԵԿ նախագահ), Նիկոլ Փաշինյան, Հայաստան
Ըստ թեմայի
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Միջպետական ճանապարհները հիմնանորոգվում են. Փաշինյանը տեսանյութ է հրապարակել
Գևորգ Պետրոսյանը խոստացել է ավլել Հանրապետության հրապարակը, եթե...
Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

15
(Թարմացված է 18:42 03.08.2020)
Գեներալ-լեյտենանտը համապատասխան հանձնարարականներ է տվել ստորաբաժանումների հրամանատարներին։

ԵՐԵՎԱՆ, 3 հուլիսի – Sputnik. ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն օգոստոսի 1-ին շրջայց է կատարել 4-րդ և 5-րդ զորամիավորումներ: Տեղեկությունը հայտնում է ՀՀ պաշտպանության նախարարության մամուլի ծառայությունը։

Շրջայցի ընթացքում ստուգվել են զորամիավորումների զորամասերի պատրաստության և պատրաստականության աստիճանը, իրականացված միջոցառումները, տարբեր իրադրություններում հրամանատարների գործելու և ստորաբաժանումների գործողությունները ղեկավարելու կարողությունները։

ՀՀ պաշտպանության նախարարությունը հերքում է թուրքական կործանիչների մասին լուրերը

Զորամիավորումների հրամանատարները ԶՈւ գլխավոր շտաբի պետին զեկուցել են սահմանագոտում տիրող իրավիճակի, անձնակազմի ֆիզիկական, մարտական ու բարոյահոգեբանական պատրաստության մակարդակի և ստորաբաժանումներին առաջադրված խնդիրների մասին: Այցի ավարտին գեներալ-լեյտենանտ Օնիկ Գասպարյանը համապատասխան հանձնարարականներ է տվել ստորաբաժանումների հրամանատարներին:

Ինչպես է անցել գիշերը Տավուշի սահմանին. ՀՀ ՊՆ խոսնակը տեղեկություններ է հայտնել

15
թեգերը:
Օնիկ Գասպարյան, Հայաստան
Ըստ թեմայի
Խոցված դրոնների ուժեղ և թույլ կողմերը. արժե՞ վախենալ թուրքական ԱԹՍ-ներից
ՀՀ զինված ուժերում հանկարծակի ստուգումներ են անցկացվել. ՊՆ
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ