ԵՐԵՎԱՆ, 19 նոյեմբերի — Sputnik. ՀՀ երկրորդ նախագահ Ռոբերտ Քոչարյանի և մյուսների քրեական գործով դատախազ Պետրոս Պետրոսյանը կշարունակի մասնակցել դատավարությանը։ Այս մասին հայտարարեց Երևանի ընդհանուր իրավասության դատարանի դատավոր Աննա Դանիբեկյանը` հրապարակելով դատարանի որոշումը։

«Դատարանը որոշեց Քոչարյանի պաշտպանների` Պետրոս Պետրոսյանին բացարկ հայտնելու միջնորդությունը մերժել։ Որոշումը ենթակա չէ բողոքարկման»,– ասաց նա։

Նախորդ դատական նիստում Քոչարյանի պաշտպան Հովհաննես Խուդոյանը մեղադրող դատախազին բացարկի միջնորդություն էր ներկայացրել: Քոչարյանի մյուս պաշտպանները ևս միացել էին միջնորդությանը:

Միջնորդության մեջ պաշտպանները նշել էին, որ նախաքննության ընթացքում վարույթ իրականացնող մարմինը մի շարք խախտումներ է արել` գործի հետ կապ չունեցող գույքն ապօրինի են առգրավել, թաքցրել են Քոչարյանի օգտին տված ցուցմունքները։ Այս ամենը, ըստ պաշտպանների, դատախազն անտեսել է։ Պաշտպանների խոսքով` դատախազը չի իրականացրել պատշաճ դատախազական վերահսկողություն։

© Photo : Photolure / Vahram Baghdasaryan

Ֆրանսիայի նախագահ Մակրոնը նամակ է գրել Ռոբերտ Քոչարյանի ֆրանսիացի փաստաբանին

Գործով մեղադրյալ, պաշտպանության նախկին նախարար Սեյրան Օհանյանի պաշտպան Կարեն Մեժլումյանն էլ այսօր էր ներկայացրել Պետրոս Պետրոսյանին բացարկ հայտնելու միջնորդությունը։

Դատական հաջորդ նիստը տեղի կունենա նոյեմբերի 26-ին, ժամը 13։00-ին։

Հիշեցնենք, որ նոյեմբերի 12–ին կայացած դատական նիստի ժամանակ Քոչարյանի պաշտպանները դատավոր Աննա Դանիբեկյանին ինքնաբացարկի միջնորդություն էին ներկայացրել։ Դատարանը մերժել էր միջնորդությունը։

Նոյեմբերի 5-ին Ռոբերտ Քոչարյանի փաստաբանները նրա խափանման միջոց կալանքը փոխելու և իրենց պաշտպանյալի նկատմամբ որպես խափանման միջոց գրավը կիրառելու միջնորդություն էին ներկայացրել։

Նոյեմբերի 7–ին Երևանի ընդհանուր իրավասության դատարանի դատավոր Աննա Դանիբեկյանը մերժել էր Քոչարյանի խափանման միջոցը փոխելու միջնորդությունը` նրան թողնելով կալանքի տակ։

Քոչարյանի պաշտպանը դիմել է արդարադատության նախարարին

Սեպտեմբերի 20–ին էլ Երևանի ընդհանուր իրավասության դատարանն էր մերժել Քոչարյանին գրավի դիմաց ազատ արձակելու միջնորդությունը, որը ներկայացրել էր փաստաբան Հովհաննես Խուդոյանը:

2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-րդ հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։

© Photo : Авилов Александр / АГН "Москва"

Գյումրիում դանակահարել են շտապօգնության վարորդի. վիճակը ծանր է

Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։

Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։

Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։

Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։

«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։

«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։

Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։

Դանակահարություն Երևանում. պատճառը` sms-հաղորդագրություններն են