Գլխավոր շտաբի պետին չե՞ն հեռացնի. ՀՀ ՊՆ–ն պարզաբանում է տվել
(Թարմացված է 20:06 19.11.2019)
Մամուլում ՀՀ ԶՈՒ գլխավոր շտաբում տեղի ունեցող պաշտոնանկությունների ու նշանակումների մասին լուրեր են շրջանառվում։ Sputnik Արմենիան փորձել է դրանց իսկության վերաբերյալ պարզաբանում ստանալ Պաշտպանության նախարարությունից։ԵՐԵՎԱՆ, 19 նոյեմբերի – Sputnik. ՀՀ պաշտպանության նախարարությունը հերքում է ԶԼՄ–ների տարածած լուրերն այն մասին, որ ՀՀ ԶՈՒ գլխավոր շտաբի ղեկավարությունում փոփոխություններ են լինելու։
Ոչ մի գլխավոր շտաբի պետ էլ մինչև կյանքի վերջ չի պաշտոնավարել. Արտակ Դավթյան
Պաշտպանության նախարարության խոսնակ Արծրուն Հովհաննիսյանը Sputnik Արմենիայի թղթակցի հետ զրույցում նշեց, որ Գլխավոր շտաբում պաշտոնանկություններ ու փոփոխություններ չեն նախատեսվում։
Ավելի վաղ «Ժողովուրդը» գրել էր, որ ԳՇ պետ Արտակ Դավթյանը կազատվի պաշտոնից, իսկ պետի տեղակալ Օնիկ Գասպարյանը կմնա համակարգում և, ամենայն հավանականությամբ, կնշանակվի Դավթյանի փոխարեն: Կայքի տվյալներով` Դավթյանի մյուս 3 տեղակալների հարցը դեռևս որոշված չէ։ Իրեն` Դավթյանին, իբր նշանակելու են ՊՆ ռազմական վերահսկողության ծառայության ղեկավար։
Մինչդեռ Sputnik Արմենիային հաջողվեց պարզել, որ իրականում Զինվորական վերահսկողության ծառայության պետի պաշտոնը զբաղեցնելու է Մովսես Հակոբյանը։
Փաշինյանի «զեմլյակը» կնշանակվի ԳՇ պետի պաշտոնում՝ Արտակ Դավթյանի փոխարեն. «Ժողովուրդ»
Բանն այն է, որ նոյեմբերի 18–ին Հակոբյանին ազատել էին գլխավոր ռազմական տեսուչի պաշտոնից։ Այժմ տեսչությունը դառնալու է Զինվորական վերահսկողության ծառայություն, որը, մեր տեղեկություններով, կգլխավորի Հակոբյանը։
Նշենք` Հակոբյանը գլխավոր զինվորական տեսուչ է նշանակվել նախորդ տարվա մայիսին` Փաշինյանի` ՀՀ վարչապետ ընտրվելուց հետո։ Մինչ այդ նա Գլխավոր շտաբի պետն էր։
Նախկինում Հակոբյանը եղել է նաև Արցախի ՊԲ–ի հրամանատար, ՀՀ ԶՈՒ ԳՇ պետի տեղակալ։
Մովսես Հակոբյանը, ի դեպ, ԱԽ քարտուղար Արմեն Գրիգորյանի մորեղբայրն է:
ԲԴԽ նախագահը Արման Բաբաջանյանին խոստացավ ավելի խիստ ու վիրավորական բառապաշարով պատասխանել
(Թարմացված է 13:39 03.03.2021)
ԲԴԽ նախագահը խոստացավ Արման Բաբաջանյանի հարցով դիմել ԱԺ էթիկայի հանձնաժողովին, իսկ այն պահից, երբ այլևս չի հանդիսանա ԲԴԽ նախագահ, Բաբաջանյանին կպատասխանի նույն կամ ավելի խիստ ու վիրավորական բառապաշարով:
ԵՐԵՎԱՆ, 3 մարտի - Sputnik. ԱԺ անկախ պատգամավոր Արման Բաբաջանյանն այսօր ԱԺ-ում ԲԴԽ նախագահ Ռուբեն Վարդազարյանին մեղադրեց քաղաքականապես անաչառ չլինելու մեջ՝ հավելելով, որ նրա որդին Բաղրամյան պողոտայի ակտիվիստներից է:
«Տեղեկացնեմ ձեզ և մեր հասարակությանը, որ տղաս առնվազն երկու շաբաթ առաջ ողնաշարի ճողվածքով մի շաբաթ տանը պառկել է հիվանդ, ապա վիրահատվել է և հիմա հետհիվանդանոցային բուժում է ստանում՝ տանը պառկած: Եվ ձեր պնդումը, իմ գնահատմամբ, ընդամենը քայլ է փորձելու վիրավորելու, գոտկատեղից ներքև հարվածելու և իմ ընտանիքի անդամներին ներքաշելու այս պրոցեսին»,- ասաց Վարդազարյանը:
Նման վարքագիծը, նրա խոսքով, հարիր չէ պատգամավորին, ուստի ԲԴԽ նախագահը խոստացավ Արման Բաբաջանյանի հարցով դիմել ԱԺ էթիկայի հանձնաժողովին, իսկ այն պահից, երբ այլևս չի հանդիսանա ԲԴԽ նախագահ, Բաբաջանյանին կպատասխանի նույն կամ ավելի խիստ ու վիրավորական բառապաշարով:
Հիշեցնենք՝ ԲԴԽ նախագահ Ռուբեն Վարդազարյանն այսօր խորհրդարանում է՝ ներկայացնելու Վճռաբեկ դատարանի դատավորների թեկնածուներին:
Բայց մինչ պատգամավորները կսկսեին հարցեր տալ թեկնածուներին՝ իրենց ապագա գործունեության վերաբերյալ, նրանք նախ սկսեցին իրենց հետաքրքրող հարցերի պատասխանները պահանջել Վարդազարյանից: Հարցուպատասխանը, որն այս պահին շարունակվում է, անցնում է շատ թեժ մթնոլորտում:
Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի եւ Արսեն Մկրտչյանի թեկնածությունները։
Սամվել Գրիգորյանը մարտի 2-ին ինքնաբացարկ էր հայտնել, ինչի հետևանքով հարցի քննարկումը մեկ օրով հետաձգվել էր:
Երևանում մեքենան կայանելու շուրջ ծագած վեճն ավարտվել է դանակահարությամբ. կան վիրավորներ
(Թարմացված է 13:31 03.03.2021)
Արտակարգ դեպքը տեղի է ունեցել Երևանի Միկոյան փողոցում։ Վիճաբանության մասնակիցներից մեկը հիվանդանոց է տեղափոխվել «որովայնի առաջնային պատի կտրած-ծակած վերք» ախտորոշմամբ, մյուսը` գլխի վնասվածքով։ԵՐԵՎԱՆ, 3 մարտի – Sputnik. Երեկ՝ մարտի 2-ին, արտակարգ դեպք է տեղի ունեցել Երևանում։ Վիճաբանությունն ավարտվել է դանակահարությամբ։ Կան վիրավորներ։ Տեղեկությունը հայտնում է shamshyan.com–ը։
©
Photo : Авилов Александр / АГН "Москва"
Ժամը 22։40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «որովայնի առաջնային պատի կտրած-ծակած վերք» ախտորոշմամբ իրենց մոտ է տեղափոխվել մի քաղաքացի։
Ոստիկանները պարզել են, որ վիրավորը Աջափնյակ վարչական շրջանի բնակիչ՝ 27-ամյա Գարիկ Մ-ն է։
Մինչ ոստիկաններն ու քննիչները կպարզեին դեպքի հանգամանքները, ժամը 23։45-ին թիվ 1 համալսարանական հիվանդանոցից ոստիկանության Մաշտոցի բաժին ահազանգ է ստացվել, որ «գլխի վնասվածք» ախտորոշմամբ իրենց մոտ է տեղափոխվել մի քաղաքացի։
Ոստիկանները և քննիչները, մեկնելով նշված հիվանդանոց, պարզել են, որ վիրավորը Էրեբունի վարչական շրջանի բնակիչ՝ 43-ամյա Գևորգ Ա-ն է։
«Պարզվել է, որ նույն օրը` ժամը 22։30-ի սահմաններում, Միկոյան փողոցում ավտոմեքենաների կայանման շուրջ Գարիկ Մ-ի ու Գևորգ Ա-ի միջև վիճաբանություն է տեղի ունեցել, որի ժամանակ Գարիկ Ա-ն սուր կտրող-ծակող առարկայով հարվածել է Գարիկ Մ-ին, իսկ վերջինս էլ ձեռքերով հարվածել է Գևորգ Ա-ի գլխին»,–գրում է կայքը։
«Արմենիա» ԲԿ-ում ոստիկաններին և քննիչներին հայտնել են, որ Գարիկ Մ-ն այս պահին ի վիճակի չէ կատարվածի մասին բացատրություն տալու։
Ոստիկաններն ու քննիչները ձեռնարկում են անհրաժեշտ օպերատիվ հետախուզական և քննչական միջոցառումներ՝ հանցագործության գործիք հանդիսացող սուր կտրող առարկան հայտնաբերելու համար։
Դանակահարություն Երևանում. պատճառը` sms-հաղորդագրություններն են