Ռոբերտ Քոչարյան

Քոչարյանի պաշտպանը դիմել է արդարադատության նախարարին

167
(Թարմացված է 19:27 14.11.2019)
Ռոբերտ Քոչարյանի պաշտպանը արդարադատության նախարարի ուշադրությունն է հրավիրել նաև Արմեն Դանիելյանի կանխակալ վերաբերմունքի վրա։

ԵՐԵՎԱՆ, 14 նոյեմբերի — Sputnik. ՀՀ 2–րդ նախագահ Ռոբերտ Քոչարյանի պաշտպանը դիմել է արդարադատության նախարար Ռուստամ Բադասյանին՝ դատավոր Արմեն Դանիելյանին կարգապահական պատասխանատվության ենթարկելու հարցով։ Այս մասին հայտարարություն է տարածել ՀՀ երկրորդ նախագահի պաշտպանական թիմը։

«Սահմանադրական դատարանում Քոչարյանի ներկայացուցիչ, պաշտպան Արամ Վարդևանյանը հաղորդում է ներկայացրել արդարադատության նախարար Ռուստամ Բադասյանին` Վերաքննիչ քրեական դատարանի դատավոր Արմեն Դանիելյանի կողմից կարգապահական խախտում թույլ տալու վերաբերյալ։ Վարդևանյանը խնդրել է միջոցներ ձեռնարկել և նրան կարգապահական պատասխանատվության ենթարկելու վարույթ հարուցել»,–նշված է հաղորդագրության մեջ։

Նշենք, որ 2019թ․հունիսի 25-ին դատավոր Արմեն Դանիելյանը բեկանել է Առաջին ատյանի դատարանի որոշումը՝ վերացնելով Ռոբերտ Քոչարյանի նկատմամբ որպես խափանման միջոց ընտրված անձնական երաշխավորությունը և կիրառել կալանավորումը։ Նույն օրվա մեկ այլ որոշմամբ դատավոր Ա․Դանիելյանը բեկանել է «ՍԴ դիմելու և գործի վարույթը կասեցնելու մասին» Առաջին ատյանի դատարանի որոշումը։

Ըստ պաշտպան Վարդևանյանի՝ դատավոր Դանիելյանն այս որոշումները կայացրել է նյութական ու դատավարական կոպիտ խախտումներով, մասնավորապես, խախտվել է ՄԻԵԴ Կոնվենցիայով ամրագրված մարդու արդար դատաքննության իրավունքը։ Քոչարյանի պաշտպանի խոսքով` նիստը նախագահող դատավորը պարբերաբար թույլ չի տվել պաշտպանական կողմին ներկայացնել իր դիրքորոշումը, զրկել է իրենց խոսքի իրավունքից, ինչն աննախադեպ է դատական պրակտիկայում, հատկապես, կալանքի հարցի քննության շրջանակներում։

Քոչարյանի պաշտպանը արդարադատության նախարարի ուշադրությունն է հրավիրել նաև դատավոր Դանիելյանի կանխակալ վերաբերմունքի վրա։

Ռոբերտ Քոչարյանի մոտ ուռուցք է եղել, որն էլ վիրահատել են. որդին մանրամասներ է հայտնում

Հիշեցնենք, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-րդ հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

167
թեգերը:
Նախարար, Ռուստամ Բադասյան, Դատավոր, Արամ Վարդևանյան, Ռոբերտ Քոչարյան
թեմա:
Ռոբերտ Քոչարյանի գործը (443)
Ըստ թեմայի
Արսեն Բաբայանն ազատ արձակվեց. որոշումը կայացվել է
Քաղաքական որոշմամբ ինձ տարան, փակեցին, քաղաքական որոշմամբ ազատ արձակեցին. Արսեն Բաբայան
Ի՞նչ գործունեություն կծավալի Արսեն Բաբայանը և հանուն ինչի՞. նա խոսեց ապագա պլաններից
Զոհրաբ Մնացականյան

Զոհրաբ Մնացականյանը Վրաստանի գործընկերոջը ներկայացրել է սահմանին տիրող վիճակը

13
(Թարմացված է 22:16 13.07.2020)
ՀՀ արտգործնախարարը հեռախոսազրույցի միջոցով մանրամասներ է հայտնել Վրաստանի իր գործընկերոջը։

ԵՐԵՎԱՆ, 13 հուլիսի – Sputnik. ՀՀ ԱԳՆ–ն հայտնում է, որ այսօր ԱԳ նախարար Զոհրաբ Մնացականյանը հեռախոսազրույց է ունեցել Վրաստանի իր գործընկերոջ` Դավիդ Զալկալիանիի հետ։

«ԱԳ նախարար Մնացականյանը հանգամանալից ներկայացրել է հայ-ադրբեջանական սահմանի մի հատվածում իրավիճակի լարվածությունը»,–նշված է ԱԳՆ հաղորդագրության մեջ։

Մնացականյանն ընդգծել  է տարածաշրջանում իրադրության ապակայունացմանն ու անվտանգության խաթարմանն ուղղված Ադրբեջանի գործողությունների անթույլատրելիությունը։

Նշենք, որ քիչ առաջ ԱԳՆ խոսնակ Աննա Նաղդալյանը նույնպես հայտարարությամբ էր հանդես եկել` դատապարտելով Ադրբեջանի ԶՈւ–ի գործողությունները և դրանք դադարեցնելու կոչ անելով։

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Սալոմե Զուրաբիշվիլին խաղաղության կոչ է արել հարևաններին՝ Հայաստանին և Ադրբեջանին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

13
թեգերը:
հրետակոծություն, հայ-ադրբեջանական, Ադրբեջան, Տավուշ, Սահման, Նախարար, Վրաստանի Հանրապետություն, Զոհրաբ Մնացականյան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Արցախի ԱԳՆ–ն համանախագահներին կոչ է անում գնահատական տալ Ադրբեջանի գործողություններին
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը
Աննա Նաղդալյան

Գյուղերի հանցավոր թիրախավորումը միջազգային հումանիտար իրավունքի խախտում է. Նաղդալյան

80
(Թարմացված է 22:00 13.07.2020)
ԱԳՆ խոսնակը հանդես է եկել հայտարարությամբ` անդրադառնալով ադրբեջանական զինված ուժերի գործողություններին։

ԵՐԵՎԱՆ, 13 հուլիսի - Sputnik. Ադրբեջանը պետք է անվերապահորեն դադարեցնի հայ–ադրբեջանական սահմանին  գործողությունները. Facebook սոցիալական ցանի իր էջում գրել է ՀՀ ԱԳՆ խոսնակ Աննա Նաղդալյանը։

«Խստորեն դատապարտում ենք Ադրբեջանի շարունակական փորձերը պահպանելու լարվածությունը հայ-ադրբեջանական սահմանի հյուսիս-արևելյան ուղղությամբ և այդ նպատակով Տավուշի մարզի Չինարի և Այգեպար գյուղերի քաղաքացիական ենթակառուցվածքների և բնակչության հանցավոր թիրախավորումը։ Սա միջազգային հումանիտար իրավունքի բացահայտ խախտում է»,–գրել է Նաղդալյանը։

Նրա խոսքով` Ադրբեջանը պետք է ձեռնարկի անհրաժեշտ քայլեր կանխելու հետագա լարվածությունը, որի հետևանքների համար կրում է ողջ պատասխանատվությունը:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ադրբեջանն արկեր է արձակել Չինարիի ուղղությամբ. մեկն ընկել է տան վրա, երկուսը՝ բակում

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

80
թեգերը:
Արտաքին գործերի նախարարություն (ԱԳՆ), Աննա Նաղդալյան, հրետակոծություն, դիրքեր, Սահման, Տավուշ, Հայաստան, հայ-ադրբեջանական, Ադրբեջան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից
Սալոմե Զուրաբիշվիլին խաղաղության կոչ է արել հարևաններին՝ Հայաստանին և Ադրբեջանին
Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը
Սերոբ Անտինյան

Մարդկանց՝ հանրահավաք անելու իրավունքը պե՞տք է սահմանափակել մասնագետի վերլուծությունը

0
(Թարմացված է 22:33 13.07.2020)
Կառավարման մասնագետ, վերլուծաբան Սերոբ Անտինյանը Sputnik Արմենիայի եթերում անդրադարձել է արտակարգ դրության երկարաձգման խնդրին, այդ պայմաններում հանրային կառավարման արդյունավետության հարցին և արտակարգ դրությունից բխող որոշ հանգամանքներին: 
Անտինյան. «Հավաքների սահմանափակումը տեղավորվում է համավարակի դեմ պայքարի տրամաբանության մեջ»

Սերոբ Անտինյանը, թեև չի ցանկանում քաղաքական գնահատական տալ, թե արտակարգ դրության իրավական ռեժիմի սահմանումը ինչպես է մեկնաբանվում քաղաքական ուժերի կողմից, բայց զուտ ողջախոհության շրջանակներում դիտարկելով խնդիրը՝ բացատրում է՝ արդյո՞ք  հանրահավաքները կամ զանգվածային միջոցառումները համավարակի դեմ պայքարի տրամաբանության մեջ թույլատրելի են: 

«Եթե մենք խոսում ենք համավարակի դեմ համապետական պայքարի մասին, պետք է ողջախոհության սահմաններում ընդունենք, որ պարետատան կողմից կիրառվող զանգվածային միջոցառումների սահմանափակումը տեղավորվում է համավարակի դեմ պայքարի տրամաբանության մեջ»,- նշում է կառավարման մասնագետը:

Սերոբ Անտինյանը վկայակոչում է այն հանգամանքը, որ ոչ վաղ անցյալում որոշվել էր, որ լրատվամիջոցներով կորոնավիրուսի թեմայի վերաբերյալ տեղեկատվության տարածումը պետք է համահունչ լիներ միայն պաշտոնական լրահոսին, սակայն հետագայում արգելքը հանվեց, հետևաբար պարետատունն ըստ անհրաժեշտության կիրառում է գործիքակազմեր՝ նկատի առնելով համավարակի դեմ պայքարի միջոցների արդյունավետությունը: Ըստ վերլուծաբանի՝ այդ արգելքը հանվեց, որպեսզի չդիտարկվեր որպես խոսքի ազատության սահմանափակում: 

«Չեմ կարծում, թե համավարակի դեմ պայքարի տրամաբանության մեջ, եթե նույնիսկ մի կողմ թողնենք արտակարգ դրության իրավական ռեժիմը, հանրահավաքների ազատության իրավունքը պետք է լիարժեք կիրառվի, որովհետև այդ իրավունքի սահմանափակումը բխում է հանրության շահերից, համավարակի չտարածման ու կանխարգելման տրամաբանությունից»,- նշում է կառավարման մասնագետը: 

Սերոբ Անտինյանի կարծիքով՝ արտակարգ դրության պայմաններում հանրային կառավարման արդյունավետությունը պետք է գնահատել համեմատության մեջ, որովհետև գործ ունենք ըստ էության նոր տեսակի համավարակի հետ, որն ուսումնասիրված չէ, դրա դեմ արդյունավետ պայքարի եղանակները դեռ առկա չեն և միջազգային գիտական շրջանակները տակավին փնտրտուքների մեջ են:  

Բողոքի ակցիայի մասնակիցներից 48–ին ոստիկանություն են տարել. Նարեկ Մալյանը նրանց թվում է

Այդուհանդերձ, ըստ մասնագետի, կան նաև կորոնավիրուսի դեմ պայքարի հաջողված դեպքեր, երբ որոշ երկրներ կարողացել են համավարակի տարածման դեռ նախնական փուլում իրականացնել կանխարգելիչ արդյունավետ միջոցառումներ, ուստի համեմատաբար լավ վիճակում են, վիրուսի տարածման մակարդակը շատ ցածր է, կարողանում են նույնիսկ արագ դուրս գալ «լոքդաունի» ռեժիմից՝ կարգավորելով ներքին տնտեսական գործունեությունն ու կապն արտաքին աշխարհի հետ: Հետևաբար Հայաստանն էլ կարող էր ավելի արդյունավետորեն պայքարել կորոնավիրոսի տարածման դեմ, եթե դեռ փետրվարին համավարակի մասին տեղեկատվության առկայության պարագայում կիրառեր ավելի անմիջական ու նպատակասլաց միջոցառումներ:   

  Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Կառավարությունն այսօր՝ հուլիսի 13-ին, որոշեց 4-րդ անգամ երկարաձգել արտակարգ դրությունը, որը կտևի մինչև օգոստոսի 12–ը։

0
թեգերը:
Բողոքի ակցիա, կարանտին, Արտակարգ դրություն, կորոնավիրուս, Հայաստան