Մշակույթի նախարարության աշխատակիցների բողոքի ակցիան ընդդեմ օպտիմալացման. արխիվային լուսանկար

Բյուջեն կընդունվի, կրճատումները` հետո. օպտիմալացումը պետական ապարատում կշարունակվի 2020–ին

216
(Թարմացված է 21:31 12.11.2019)
Պետական ապարատի աշխատանքի արդյունավետությունը բարձրացնելու նպատակով 2018թ.–ին հայտարարված ու 2019թ.–ին մեկնարկած օպտիմալացումը կշարունակվի նաև 2020թ.–ին։ Sputnik Արմենիան պարզել է, թե քանի ծառայող է մնացել անգործ ու քանիսին է դա սպառնում հաջորդ տարի։ 

ԵՐԵՎԱՆ, 12 նոյեմբերի – Sputnik. Նելլի Դանիելյան. «Թավշյա հեղափոխությունից» հետո 2018թ.–ին հայտարարված պետական ապարատի օպտիմալացումը չի ավարտվել և կշարունակվի նաև 2020թ.–ին։ Այս մասին Sputnik Արմենիային հայտնեցին ՀՀ կառավարությունից։

Ինչ վերաբերում է արդեն կատարված կրճատումներին, պարզվում է` դրանք այնքան էլ մեծ ծավալի չեն եղել։

ՀՀ ֆինանսների նախարարության հաստիքների թվաքանակն, օրինակ, հեղափոխությունից հետո դեռ չի փոխվել, ասել է թե` կրճատումներ այստեղ դեռ չեն եղել, բայց առաջիկայում արդեն կլինեն։ 

Հիմնական կրճատումները դեռ առջևում են. 13 աշխատակցի արդեն կրճատել են 

ֆինանսների նախարարությունից Sputnik Արմենիայի գրավոր հարցմանն ի պատասխան հայտնեցին, որ 2019 և 2020թթ–ին նախարարության աշխատողների հաստիքները հաշվարկվել են համապատասխանաբար 528 և 522 աշխատակցի համար։  Այլ կերպ ասած` առայժմ հայտնի է միայն, որ 2020թ.–ին նախարարության 6 հաստիք կրճատվելու է։ 

«Ինչ վերաբերում է 2020 թվականին նախատեսվող կրճատումներին, ապա հայտնում ենք, որ նախարարությունում հաստիքների և /կամ պաշտոնների կրճատումն ուղղակիորեն փոխկապակցված է օպտիմալացման գործընթացների իրականացման հետ, ուստի ձեր կողմից բարձրացված հարցին հնարավոր կլինի անդրադառնալ 2020 թվականի ընթացքում»,– հայտնում են Ֆիննախից։

Շրջակա միջավայրի նախարարությունից ևս հայտնեցին, որ «Կառավարության կառուցվածքի ու գործունեության մասին օրենքի փոփոխություններից հետո իրենց գերատեսչությունում կրճատումներ չեն եղել։ 2019թ.–ի բյուջեով այս նախարարությունում հաշվառված է եղել 228 հաստիք, նույնքան էլ հաշվարկվել է 2020թ.–ի համար։

Իսկ 2020թ.–ի հաստիքների վերջնական քանակը պարզ կլինի կառավարության մի որոշմամբ, որի նախագիծը 2019թ.–ի նոյեմբերի 7-ին ներկայացվել է վարչապետի աշխատակազմ։

Այս նախագծի բովանդակությունն առայժմ չի բացահայտվում, չնայած այն հանգամանքին, որ 2020թ.–ի բյուջեի նախագիծը` պետական համակարգի հաստիքների հստակ հաշվարկներով, այս շաբաթ արդեն քննարկվելու է ԱԺ նիստում։

Նույն իրավիճակն է նաև Առողջապահության նախարարությունում։ 2018թ.–ի իշխանափոխությունից հետո այստեղ կրճատումներ չեն եղել։  2019թ.–ին հաշվարկվել է 186 հաստիք, նույնքան էլ ներկայացված է 2020թ.–ի բյուջեի նախագծում։

Այդուհանդերձ, Առողջապահության նախարարությունը ևս Sputnik Արմենիային հասցեագրած գրավոր պատասխանում հիշեցնում է` «Օպտիմալացման գործընթացը դեռևս ընթացքի մեջ է»։

Հիշեցնենք` սա այս թեմային մեր երկրորդ անդրադարձն է։ Մինչ այդ Sputnik Արմենիան ներկայացրել էր 4 այլ նախարարություններից ստացված պատասխանները։

Դրանց համաձայն` ՀՀ արդարադատության նախարարությունում  օպտիմալացման ամբողջ գործընթացի արդյունքում 2019-20թթ–ին կրճատվելու է 5 աշխատակից, ԿԳՄՍ նախարարության կազմավորման արդյունքում միավորված 3 նախարարություններից` 13։ Բարձր տեխնոլոգիական արդյունաբերության նախարարությունում, հակառակը` կրճատումների փոխարեն նոր աշխատատեղեր են բացվել։ Եթե տրանսպորտի, կապի և ՏՏ նախկին նախարարությունը 2018թ.–ին 130 աշխատակից ուներ, ապա նոր ձևավորված գերատեսչությունն ունի 198–ը։

Իսկ աշխատանքի և սոցիալական հարցերի նախարարությունում հաստիքների թիվը մնում է անփոփոխ` 700։

Նշենք, որ ՊՆ հաստիքների քանակը չի հրապարակվում` տեղեկատվության գաղտնիությունից ելնելով։ Իսկ 12 նախարարություններից 4-ի պատասխանները մենք դեռ ակնկալում ենք ստանալ ու ներկայացնել ընթերցողներին։

Հիշեցնենք` 2019թ. ՀՀ կառավարությունը փոփոխություններ իրականացրեց «Կառավարության կառուցվածքի ու գործունեության մասին» օրենքում, որով 17 նախարարությունների թիվը կրճատվեց 5–ով։ Նախկին 17-ի փոխարեն այսօր 12 նախարարություն է գործում։  Կրթության, Սպորտի և Մշակույթի նախարարությունները միավորվեցին մեկ գերատեսչության կազմում։ Գյուղատնտեսության նախարարությունը միացվեց Էկոնոմիկայի նախարարությանը։

ԾԻԳ-ը փակում ենք, ՓԲԸ ենք ստեղծո՞ւմ. Փաշինյանն ու նախարարները վիճեցին օպտիմալացման թեմայով

88 հաստիք ունեցող Սփյուռքի նախարարությունը լուծարվեց, փոխարենը վարչապետի աշխատակազմում ստեղծվեց Սփյուռքի հարցերով հանձնակատարի գրասենյակ՝ 25 հաստիքով:

216
թեգերը:
«Թավշյա հեղափոխություն», Հայաստան, օպտիմալացում, ՀՀ Գյուղատնտեսության նախարարություն, ՀՀ Առողջապահության նախարարություն, ՀՀ ֆինանսների նախարարություն, ՀՀ մշակույթի նախարարություն, ՀՀ սփյուռքի նախարարություն, ՀՀ կառավարություն
Ըստ թեմայի
Ալավերդյան. «Պահանջում եմ օպտիմալացման ոչ թե փաստաթղթային, այլ բովանդակային հիմնավորում»
Ի՞նչ արդյունքներ են ակնկալվում տեսչական մարմինների օպտիմալացումից
Նիկոլ Փաշինյանը բացատրել է օպտիմալացված նախարարության նպատակը
Մարզպետարաններն օպտիմալացվում են. աշխատողների 30 տոկոսն անգործ կմնա
10 հազար մարդու չեն կրճատի՞. Ջանջուղազյանը խոսեց աղմկահարույց օպտիմալացման մասին
Արման Թաթոյան

Ադրբեջանի իշխանությունների պնդումը չի համապատասխանում իրականությանը. ՄԻՊ

160
Բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

ԵՐԵՎԱՆ, 30 հոկտեմբերի - Sputnik. Ադրբեջանի իշխանության մարմինները հայտարարել են, թե հայկական կողմը հրաժարվել է այսօր ընդունել քաղաքացիական անձ, 84-ամյա Միշա Մելքումյանին, նշված է Հայաստանի Մարդու իրավունքներին պաշտպան Արման Թաթոյանի Facebook-ի էջում։

Հայաստանի մարդու իրավունքների պաշտպանի քննության արդյունքներով հաստատվել է, որ այս պնդումը չի համապատասխանում իրականությանը:

Ադրբեջանական իշխանությունների նշված հայտարարությունը հրապարակվելուց անմիջապես հետո Հայաստանի իրավասու մարմիններին ներկայացրվել են հրատապ հարցումներ։ Պարզվել է, որ իրականում բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

Արման Թաթոյանի խոսքով՝ Միշա Մելքումյանի տեղափոխումը կազմակերպելու անթույլատրելիության վերաբերյալ բժշկական եզրակացության մասին տեղյակ են եղել նաև Ադրբեջանի իշխանությունները։ Հայաստանի իրավասու մարմինները Մարդու իրավունքների պաշտպանի հարցումներին ի պատասխան ներկայացրել են միանշանակ պատրաստակամություն առ այն, որ Միշա Մելքումյանի առողջական վիճակը թույլ տալու առաջին իսկ հնարավորության դեպքում կկազմակերպվի նրա վերադարձը:

Նշենք, որ այսօր հայկական կողմին է փոխանցվել 85-ամյա Եվգենիա Բաբայանը:

Հիշեցնենք, որ հոկտեմբերի 29-ին ադրբեջանական կողմը Երևանին է հանձնել նաև զոհված հայ զինվորների և սպաների մոտ 30 դի։ Դիերը փոխանցել են Տավուշի մարզի Այգեպար գյուղի մոտ։ 

Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։ Փոխանցումն իրականացվել է ՌԴ պաշտպանության նախարարության միջնորդական ջանքերի շնորհիվ։

Ադրբեջանական դաժանությունները` օրինակներով. ՀՀ ՄԻՊ-ը հանդիպել է Ֆրանսիայի պատվիրակներին

160
թեգերը:
Ադրբեջան, գերի, ՀՀ ՄԻՊ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
Ադրբեջանը թիրախավորում է փրկարարներին. նրանցից մեկը զոհվել է. Արցախի ՄԻՊ
Ռոբերտ Օ'Բրայան

ԱՄՆ-ը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց

207
(Թարմացված է 00:12 30.10.2020)
Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

ԵՐԵՎԱՆ, 30 հոկտեմբերի – Sputnik. Վաշինգտոնը երրորդ երկրներին կոչ է անում ձեռնպահ մնալ ղարաբաղյան հակամարտությանը միջամտելուց և միանալ ԱՄՆ-ին ԵԱՀԿ Մինսկի խմբի համանախագահների աջակցությամբ բանակցություններին վերադառնալու ջանքերին: Այս մասին ասված է ԱՄՆ նախագահի ազգային անվտանգության հարցերով օգնական Ռոբերտ Օ'Բրայանի հայտարարության մեջ, որը տարածել է Սպիտակ տանը կից Ազգային անվտանգության խորհրդի մամուլի ծառայությունը։

Ռոբերտ Օ'Բրայանը տեղեկացրել է, որ հեռախոսազրույց է ունեցել ՀՀ վարչապետ Նիկոլ Փաշինյանի հետ և կոչ արել բոլոր կողմերին պահպանել հրադադարի ռեժիմը:

«Հակամարտությունը ռազմական լուծում չունի։ Ադրբեջանն ու Հայաստանը պետք է կատարեն հրադադարի վերաբերյալ իրենց պարտավորությունները։ Երկու երկրների ժողովուրդները ծանր կորուստներ են կրել։ Ավելին, Հայաստանի ժողովուրդը, որը բախվել է հարձակողական գործողությունների, այժմ իր վրա է կրում կորուստների հիմնական ծանրությունը»,–ասել է Օ'Բրայանը։

Նա կոչ է արել երրորդ երկրներին զերծ մնալ միջամտությունից և միանալ ԱՄՆ-ին` կողմերին ԵԱՀԿ Մինսկի խմբի համանախագահների հովանու ներքո բանակցություններին վերադարձնելու համար։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

207
թեգերը:
Նիկոլ Փաշինյան, ԱՄՆ, Արցախյան պատերազմ
Ըստ թեմայի
Մնացականյանն ԱՄՆ–ում հայ համայնքի ներկայացուցիչների հետ խոսել է ԼՂ իրավիճակի մասին
«ԱՄՆ-ի նախագահը պետք է անձամբ միջամտի, որպեսզի կանգնեցնի պատերազմը Ղարաբաղում»․ Ջո Բայդեն
Սա Ադրբեջանի լկտի պատասխանն էր Ռուսաստանին, Ֆրանսիային ու ԱՄՆ–ին. Արցախի ԱԳՆ