Զանգեզուրի պղնձամոլիբդենային կոմբինատ

Սերժ Սարգսյանի փեսան մասնաբաժին չունի Հայաստանի խոշորագույն հանքավայրում. Պոլոսկով

290
(Թարմացված է 18:15 11.11.2019)
Զանգեզուրի պղնձամոլիբդենային կոմբինատը հրապարակել է իր բաժնետերերի և նրանց հետևում կանգնած անձանց անունները։

զանգեզուրԵՐԵՎԱՆ, 11 նոյեմբերի – Sputnik. Միքայել Մինասյանը մասնաբաժին չունի Զանգեզուրի պղնձամոլիբդենային կոմբինատում։ Այդ մասին Քաջարանում մամուլի ասուլիսի ժամանակ լրագրողներին հայտնեց կոմբինատի տնօրեն Մհեր Պոլոսկովը։

«Զանգեզուրի պղնձամոլիբդենային կոմբինատ» ՓԲԸ–ն Հայաստանի խոշորագույն արդյունաբերական ձեռնարկությունն է։ Այն շահագործում է Հայաստանի հարավում գտնվող Քաջարանի պղնձամոլիբդենային հանքավայրը և այնտեղ ունի հարստացման ֆաբրիկա, որտեղ թողարկում է պղնձի և մոլիբդենի կոնցենտրատներ։

Ավելի վաղ Civilnet–ը հոդված է հրապարակել, որում պնդում են` կոմբինատի թաքնված սեփականատերը Միքայել Մինասյանն է` Հայաստանի նախկին նախագահ Սերժ Սարգսյանի փեսան։

Մեկնաբանելով հրապարակումը` Պոլոսկովը հայտարարեց, որ ընկերությունը հրապարակել է իր բաժնետերերի ցուցակը։ Հայաստանի բոլոր լեռնահանքային ձեռնարկությունները պետք է բացահայտեն բաժնետերերին 2020թ.–ի հունվարի 30–ից։ Հայաստանը նման պարտավորություն է ստանձնել Արդյունահանող ոլորտների թափանցիկության միջազգային նախաձեռնությանը (EITI) համապատասխան։ Բաժնետերերին պետք է բացահայտել ամբողջ շղթայով` ընդհուպ մինչև վերջնական սեփականատերեր։

«EITI–ն պարտավորեցնում է բացահայտել բաժնետերերին, որոնք ունեն  ավելի քան 10 տոկոս, բայց մենք բոլորին ենք բացահայտում»,–նշեց Պոլոսկովը։

Կոմբինատի ներկայացրած տվյալներով` գործարանի բաժնետոմսերի 74,665%–ը պատկանում է գերմանական  Cronimet Holding և Cronimet Verwaltungs ձեռնարկություններին, որոնք պատկանում են Պիլարսկի ընտանիքին։

Генеральный директор Зангезурского медно-молибденового комбината Мгер Полосков
© Sputnik / Aram Nersesyan
Զանգեզուրի պղնձամոլիբդենային կոմբինատի գլխավոր տնօրեն Մհեր Պոլոսկովը

Բաժնետոմսերի 12,5% –ը պատկանում է «Զանգեզուր Մայնինգ» ընկերությանը, որի սեփականատերը Շվեյցարիայի քաղաքացի Ժան Ժակ Պոլ Բաֆեն է, մնացած 12,5% –ը` AMP Holding ընկերությանը, որի բաժնետոմսերի 60%–ը Զանգեզուրի կոմբինատի գլխավոր տնօրեն Մհեր Պոլոսկովինն է, 20–ական տոկոս ունեն նրա առաջին տեղակալ Նարեկ Համբարյանը և Կարեն Հակոբյանը` Սյունիքի նախկին մարզպետ Վահե Հակոբյանի եղբայրը։ Եվ վերջապես, ևս 0,335%–ը պատկանում է մինորիտար բաժնետերերին։

«Ահա տվյալները, որոնք մենք ներկայացրել ենք կառավարությանը և հասարակությանը։ Մեր ընկերությունում այլ բաժնետերեր չկան»,–ասաց Պոլոսկովը։

Հանքարդյունաբերության և մեդիադաշտի իրական տերերը կբացահայտվեն. նախարար

Նա հավելեց, որ ընկերությունն ապագայում մտադիր է անցկացնել IPO, այսինքն բորսայում վաճառքի հանել իրենց բաժնետոմսերը։ Իսկ դա կնշանակի, որ դրանց այն մասը, որն արդեն ազատ շրջանառության մեջ է, կկարողանա ձեռք բերել գրեթե յուրաքանչյուրը։ Ընկերությունը նախապատրաստական քայլ է արել` սեպտեմբերի վերջին թողարկելով 50 միլիոն դոլարի պարտատոմսեր (հայկական ֆոնդային շուկայի խոշորագույն էմիսիաներից մեկը)։

Քաջարանի հանքավայրը խոշորագույնն է Անդրկովկասում պղնձի և մոլիբդենի պաշարներով։ Հայաստանը մոլիբդենի արդյունահանման ծավալներով 6–րդն է աշխարհում։

290
թեգերը:
Միքայել Մինասյան, Սերժ Սարգսյան, Մհեր Պոլոսկով, Զանգեզուր, հանքարդյունաբերություն, Հայաստան
Ըստ թեմայի
Ազգային ժողովը մտադիր է ուսումնասիրել մետաղական հանքավայրերի ֆինանսական հաշվետվությունները
Հանքարդյունաբերության ոլորտի ֆինանսական ներդրումները կստուգվեն. ինչ է առաջարկում ԲՀԿ–ն
Քիչ մնաց. շուտով կիմանանք` ովքեր են հայաստանյան հանքերի իրական տերերը
Հայաստանում 44 լքված պոչամբար և 5 հանքավայր կա. որոշ տեղերում վիճակն աղետալի է
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

77
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

77
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Երևան, արխիվային լուսանկար

Ողբերգական դեպք Երևանում. վարորդը վրաերթի է ենթարկել 2 հետիոտնի, մեկը մահացել է

28
(Թարմացված է 00:15 04.07.2020)
Դեպքը տեղի է ունեցել «Մեգամոլ» առևտրի կենտրոնի դիմաց։ Հավաքվածներն ասել են, որ վրաերթի ենթարկվածներն ամուսիններ են։

ԵՐԵՎԱՆ, 3 հուլիսի – Sputnik. Այսօր վրաերթ է տեղի ունեցել Երևանում: Ժամը 22:15-ի սահմաններում Երևանի բնակիչ, 32-ամյա Աշոտ Ավետիսյանը իր վարած «Nissan» մակնիշի ավտոմեքենայով Գայի պողոտայում՝ «Մեգամոլ» առևտրի կենտրոնի հարևանությամբ, վրաերթի է ենթարկել 2 հետիոտնի, որոնք փողոցը որոշել են հատել հետիոտների համար չնախատեսված հատվածով։ Տեղեկությունը հայտնում է shamshyan.com–ը։

Վարորդն ահազանգել է Երևանի 1-03 շտապօգնություն, դեպքի վայր ժամանած շտապօգնության բժիշկները վրաերթի ենթարկվածներին ծայրահեղ ծանր ախտորոշմամբ տեղափոխել են թիվ 1 համալսարանական հիվանդանոց:

Վարորդը տեղում ենթարկվել է սթափության փորձաքննության, պարզվել է, որ նա եղել է սթափ:

Դեպքի վայրում հավաքվածներն ասել են, որ վրաերթի ենթարկվածներն ամուսիններ են:

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

Մինչ դեպքի վայրում աշխատել է հետաքննիչը, հիվանդանոցից հայտնել են, որ վրաերթի ենթարկվածներից 41-ամյա Արթուր Շ.-ն գիտակցության չգալով ՝ մահացել է:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:

Կրակոցներ Երևանում. մեկ մարդ գլխի շրջանում վնասվածքներ է ստացել

28
թեգերը:
Մահ, հետիոտն, Վրաերթ, Հայաստան
թեմա:
Վթար, պատահար, սպանություն, գողություն
Ըստ թեմայի
Երևանում վրաերթի են ենթարկել հեծանվով երեխային
Իրինդ գյուղի ջրամբարում 36–ամյա քաղաքացի է խեղդվել
25-ամյա երիտասարդը սպանվել է տան մուտքի մոտ արձակած կրակոցից