Հայաստան. կենսալաբորատորիա

Լավրովը խոսել է Հայաստանում գործող կենսալաբորատորիաների մասին

124
(Թարմացված է 15:18 11.11.2019)
Ռուսաստանը շահագրգռված է, որ կենսալաբորատորիաների հարցում մտերիմ դաշնակիցների հետ ամեն ինչ թափանցիկ լինի։

ԵՐԵՎԱՆ, 11 նոյեմբերի – Sputnik. Ռուս մասնագետների` հայկական կենսալաբորատորիաներ մուտք գործելու հուշագրի հետ կապված բանակցություններն ավարտվեցին։ Այս մասին այսօր ՌԴ արտգործնախարարն ասաց ՀՀ արտգործնախարար Զոհրաբ Մնացականյանի հետ ճեպազրույցի ժամանակ։

Նրա խոսքով` Մոսկվան հույս  ունի, որ մոտ ապագայում այն կստորագրվի, ինչը լրացուցիչ հնարավորություններ կընձեռի կենսաբանական անվտանգության ոլորտում համագործակցության համար։

«Մենք այսօր քննարկեցինք այդ հարցերը։ Դրանք քննարկվում են նաև առողջապահության նախարարության գծով. մեր նախարար Վերոնիկա Սկվորցովան այստեղ է եղել, շփվել է հայ գործընկերների հետ։ Այսօր էլ ընդհանուր առմամբ նշեցինք, որ հուշագրի տեքստի աշխատանքներն ավարտվել են, փաստաթուղթը միջգերատեսչական համաձայնություն է անցնում»,–ընդգծեց ՌԴ արտգործնախարարը։

Նա նշեց, որ Մոսկվայում կարևորում են մտերիմ գործընկերների հետ օրակարգի հարցերը։

«Կենսաբանական զենքի վերաբերյալ կոնվենցիա կա, որն արգելում է  նման զենք արտադրել։ Եվ այդ կոնվենցիայում չկա նույնականացման մեխանիզմ (ԱՄՆ–ի խիստ դեմ լինելու պատճառով), ինչպես դա լինում է բազմակողմանի շատ այլ փաստաթղթերում»,–ասաց Լավրովը։

ՀՀ–ում գործող կենսալաբորատորիաներն օգտագործվում են զուտ բժշկական նպատակներով. Փաշինյան

Լավրովի խոսքով` ԱՄՆ–ն նախընտրում է ամբողջ աշխարհով երկկողմանի հիմքով իր համար կենսալաբորատորիաներ ստեղծել։

Մոսկվան շահագրգռված է, որ այդ հարցում դաշնակիցների մեջ ամբողջական թափանցիկություն լինի։  Այս մասին խոսք կա հուշագրում։

ՀՀ արտգործնախարար Զոհրաբ Մնացականյանն իր հերթին հայտնեց, որ կենսաբանական անվտանգության հարցը շատ կարևոր է երկրի համար։ Նախորդ տարիների ընթացքում Հայաստանին հաջողվել է գործընկերների հետ համագործակցությամբ ամրապնդել այդ անվտանգության ամրապնդման մեխանիզմը։

Նրա խոսքով` պետք է ավարտվի բուն հուշագրի վերաբերյալ համաձայնությունների գործընթացը։

Հիշեցնենք, որ Լավրովը պաշտոնական այցով Հայաստան է եկել նոյեմբերի 10-ին։ Այսօր նրան ընդունել է ՀՀ վարչապետ Նիկոլ Փաշինյանը։

Նախարարը հանդիպելու է նաև ՀՀ նախագահ Արմեն Սարգսյանի հետ։

124
թեգերը:
կենսալաբորատորիա, Զոհրաբ Մնացականյան, ՀՀ Արտաքին գործերի նախարարություն. ԱԳՆ, Ռուսաստան, Հայաստան, Սերգեյ Լավրով
Ըստ թեմայի
ՀՀ–ն ոչ մի բանակցություն չի վարում երրորդ երկրների զինվորականների տեղակայման մասին. ԱԳՆ
ՌԴ արտգործնախարար Սերգեյ Լավրովն այցելելու է Հայաստան. ի՞նչ է ստորագրելու նա
Ինչ–որ աղբյուրներ դուրս են հանում տեղեկություներ ու ստեղծում անտեղի քամի. Մնացականյան
Ռուսաստանի դեսպանը մեկնաբանեց Հայաստանում կենսալաբորատորիաների մասին հարցը
«Զվարթնոց» օդանավակայան

Նոր կանոններ կգործեն օդային ճանապարհով Հայաստան եկողների համար

4
(Թարմացված է 23:01 14.08.2020)
Հայաստան մուտք գործելուց հետո 14-օրյա ինքնամեկուսացման պահանջը շարունակում է ուժի մեջ մնալ։ Կան նաև այլ պահանջներ։

ԵՐԵՎԱՆ, 14 օգոստոսի — Sputnik. ՀՀ Զբոսաշրջության կոմիտեն տեղեկացրել է, թե օդային ճանապարհով Հայաստան եկողների համար ինչ ընթացակարգեր են գործելու։

Օգոստոսի 12-ին կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով։ Սակայն արտակարգ դրության ռեժիմում մեղմացումներ են եղել, որոնցից մեկն էլ օտարերկրացիների առջև ՀՀ օդային սահմանը բացելն է։

«Օդային ուղիներով ՀՀ տարածք մուտք գործելուց հետո անհապաղ կատարվում է բժշկական զննություն վարակի առկայության կամ վարակի ախտանիշների բացահայտման նպատակով։ Զննություն անցնելուց հետո ՀՀ մուտք գործող անձը ենթակա է ինքնամեկուսացման 14-օրյա ժամկետով, եթե ախտանիշներով պայմանավորված վերջինիս նկատմամբ չի կիրառվում հոսպիտալացում կամ այլ սահմանափակող միջոցառում»,–նշված է կոմիտեի Facebook սոցցանցում տեղադրված հաղորդագրության մեջ։

Բացի այդ, ինքնամեկուսացման մեջ գտնվող անձը կարող է ինքնակամ, վճարովի հիմունքներով անցնել կորոնավիրուսի ախտորոշման ՊՇՌ հետազոտություն: Ընդ որում, մեկուսացման ընթացքում ՊՇՌ թեստավորման համար անհրաժեշտ նմուշառումը պետք է իրականացվի բացառապես անձի ինքնամեկուսացման վայրում համապատասխան լաբորատորիաների մասնագետների այցի միջոցով։ ՊՇՌ հետազոտության բացասական պատասխանի դեպքում անձը դուրս է գալիս ինքնամեկուսացումից:

ՊՇՌ հետազոտությունը իրականացվում է գրեթե բոլոր մասնավոր բժշկական կենտրոններում։

Արտակարգ դրություն. ինչն է թույլատրվում օգոստոսի 13-ից

Հիշեցնենք` կորոնավիրուսի համավարակի պատճառով մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել և սահմանվել են պարտադիր պահանջներ։

 

4
թեգերը:
ուղևոր, «Զվարթնոց» օդանավակայան, Արտակարգ դրություն, կարանտին, կորոնավիրուս, չվերթ, թռիչք
Ըստ թեմայի
Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել
Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին
Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները
Սուրեն Պապիկյան

Սուրեն Պապիկյանը կմեկնի արձակուրդ

3
(Թարմացված է 22:47 14.08.2020)
Մինչ Սուրեն Պապիկյանը կլինի արձակուրդում, տարածքային կառավարման և ենթակառուցվածքների նախարարին կփոխարինի նրա տեղակալը։

ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանի որոշմամբ՝ ՀՀ տարածքային կառավարման ենթակառուցվածքների նախարար Սուրեն Պապիկյանը կմեկնի արձակուրդ:

«Հայաստանի Հանրապետության տարածքային կառավարման և ենթակառուցվածքների նախարար Սուրեն Պապիկյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 2020 թվականի օգոստոսի 24-ից սեպտեմբերի 4-ը ներառյալ»,–նշված է որոշման մեջ։

Փաշինյանի որոշմամբ` Սուրեն Պապիկյանի արձակուրդում գտնվելու ընթացքում ՀՀ տարածքային կառավարման և ենթակառուցվածքների նախարարին կփոխարինի ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը:

Հիշեցնենք, որ Sputnik Արմենիան անդրադարձել էր ՀՀ պաշտոնյաների արձակուրդներին։ Մասնավորապես, գրել էինք, որ նախագահ Արմեն Սարգսյանը չի ծրագրում մեկնել արձակուրդ:

ՀՀ վարչապետ Նիկոլ Փաշինյանի` արձակուրդ գնալու որոշում էլ չկա։ Փոխվարչապետ և արտակարգ դրության պարետ Տիգրան Ավինյանը նույնպես դեռ չի պլանավորում հանգստանալ։

3
թեգերը:
Նիկոլ Փաշինյան, Նախարար, Արձակուրդ, Սուրեն Պապիկյան
Ըստ թեմայի
Հրայր Թովմասյանն արձակուրդ է գնացել
Երևանի քաղաքապետն արձակուրդ է գնում. խոսնակը հայտնել է, թե որտեղ է լինելու Մարությանը
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»