Երևան. արխիվային լուսանկար

Խցանումները կնվազե՞ն. նոր նախագծով վարորդը կտուգանվի, եթե վթարված մեքենան չհանի ճանապարհից

1700
(Թարմացված է 21:30 10.11.2019)
ՃՏՊ–ի ենթարկված վարորդներն այդ մասին ոստիկանությանը հայտնելուց հետո տեսանկարահանող կամ լուսանկարահանող սարքերի միջոցով պետք է ֆիքսեն մեքենաների դիրքը, կրած վնասները, բացի այդ, պետք է 20 րոպեի ընթացքում մեքենան հանեն ճանապարհից։

ԵՐԵՎԱՆ, 10 նոյեմբերի – Sputnik. «Ճանապարհային երթևեկության անվտանգության ապահովման մասին» օրենքում փոփոխությունները կարող են նվազեցնել խցանումները, սակայն մյուս կողմից` կարող են նաև անմեղ վարորդներին մեղավոր ճանաչելու դեպքերն ավելացնել։ Sputnik Արմենիայի հետ զրույցում նման կարծիք հայտնեց ոստիկանության պետին կից հասարակական խորհրդի անդամ Սերգեյ Ղահրամանյանը։

Նշենք, որ Տարածքային կառավարման և ենթակառուցվածքների նախարարությունը հանրային քննարկման է ներկայացրել «Ճանապարհային երթևեկության անվտանգության ապահովման մասին» օրենքում փոփոխություններ կատարելու նախագիծը:

Գորիսի ոլորաններում խցանումներ են` ճանապարհաշինարարների տառասխալի պատճառով

Այնտեղ նշվում է, որ ՃՏՊ–ների ժամանակ եթե մեքենայի տեղափոխումը հնարավոր է, ապա ոստիկանություն հայտնելուց հետո 20 րոպեի ընթացքում պետք է ազատել ճանապարհի երթևեկելի հատվածը` նախապես տեսանկարահանող կամ լուսանկարահանող սարքերի միջոցով ֆիքսելով մեքենաների դիրքը, կրած վնասները։ Եթե ՃՏՊ–ի հետևանքով չկան վնասվածքներ ստացած անձինք և վարորդը 20 րոպեի ընթացքում չազատի ճանապարհի երթևեկելի մասը` կտուգանվի 10 000 դրամի չափով։

«Նախագիծը խցանումները թեթևացնելու լծակ է լինելու և փորձ է արվելու ավտովթարների ժամանակ հնարավորինս արագ վերականգնել ճանապարհի երթևեկելի հատվածը: Պիկ ժամերին` առավոտյան 9-11–ը և երեկոյան 17։00-19։00–ը, խցանումների հետևանքով փոքր վթարներ են լինում, իսկ այդ փոքր վթարների հետևանքով առաջանում են խոշոր խցանումներ։ Նախագծով առաջարկված մեխանիզմը նաև սա վերացնելու համար է»,–ասաց Ղահրամանյանը։

Նրա խոսքով, սակայն, հետագայում կարող են որոշ խնդիրներ առաջանալ։ Մասնագետը հայտնեց, որ այսօր էլ, երբ ՃՈ տեսուչները և ԱՊՊԱ ներկայացուցիչները գալիս են ու տեղում արձանագրություն կազմում, լինում են դեպքեր, որ անմեղ վարորդները մեղավոր են ճանաչվում։ Ըստ նրա՝ անկախ ամեն ինչից, երբ փորձագետը մեքենան տեսնում է վթարի ժամանակ, ավելի լավ է պատկերացնում իրավիճակը, քան` երբ նկարներով փորձի տեղանքը և իրավիճակը պատկերացնել։

Օրինակ, երբ վթարի հետևանքով մեքենայի վրայից մասեր թափվեն գետնին, որը կարող է քննիչներին ինչ–որ բան ասել, ապա մեքենան տեղանքից հանելուց հետո, բնականաբար, գետնին թափված մասերը մյուս մեքենաների երթևեկության հետևանքով կտեղաշարժվեն։

«Սակայն սա էլ կարող է իր հետևից դրական փոփոխություն բերել` վարորդները կպահանջեն, որ ավելանան ոստիկանության կարգախմբերը, որ շուտ հասնեն վթարի վայր։ Խնդիրն այն է, որ այսօրվա դրությամբ ոչ մի վթարի ՃՈ կարգախմբերը 20 րոպեի ընթացքում չեն կարողանում հասնել, քանի որ նրանց քանակը շատ քիչ է։ Տարիների ընթացքում ավտոմեքենաների քանակն ավելացել է, իսկ կարգախմբերի քանակը` ոչ»,–ասաց Ղահրամանյանը։

Sputnik Արմենիան զրուցել է նաև վարորդների հետ. 54–ամյա Գարեգին Ավետյանը, որը 13 տարի է, ինչ տաքսի է վարում, նշեց, որ նախագիծը կթեթևացնի վարորդների կյանքը։ Նրա խոսքով՝ ՃՏՊ–ների հետևանքով երբեմն մեկ ժամանոց խցանումներ են առաջանում։

«Այստեղ մեկ այլ հարց կա՝ ինչ է անելու վարորդը, որի հեռախոսը տեսանկարահանելու հնարավորություն չունի։ Թոռներս այնքան են հեռախոս ջարդել, որ հիմա հին հեռախոսներից եմ գնել, որը լուսանկարում է, բայց էկրանն այնքան փոքր է, որ չի երևում նկարածը»,–ասաց նա։

Մեկ ուրիշ վարորդ՝ 43–ամյա Գայանե Մանուկյանը մեզ հետ զրույցում նշեց, որ եթե տեսուչներն ու ԱՊՊԱ ներկայացուցիչները սուբյեկտիվ չլինեն, 20 րոպեի ընթացքում հանեն վթարված մեքենան հանեն երթևեկելի հատվածից, ապա մյուս վարորդները նրանց պատճառով ստիպված չեն լինի խցանման մեջ ընկնել։

Մանուկյանը նշեց, սակայն, որ միայն սրանով խցանումների հարցը չի լուծվի, և ՃՈ–ն պետք է այլ լուծումներ էլ մտածի։

1700
թեգերը:
Տուգանք, վարորդ, Ճանապարհային ոստիկանություն(ՃՈ), Ոստիկանություն, ԱՊՊԱ, խցանում, վթար
Ըստ թեմայի
Երևանի փողոցների խցանումների հիմնական մեղավորները միշտ «ջրից չոր են դուրս գալիս»
Երևանում առաջին խելացի խաչմերուկն է շահագործվել, այն կպայքարի խցանումների դեմ
Խցանումներ և հանցագործությունների աճ. ինչու՞մ է մեղավոր ՀՀ ոստիկանությունը
Պատահար. Բագրատունյաց պողոտայի և Արտաշիսյան փողոցի խաչմերուկում խցանում է. լուսանկարներ
Сирун Минас

Սիրուն Մինասը մայրանալուց հետո առաջին անգամ ընտանեկան լուսանկար է հրապարակել

10
Լուսանկարում երևում է, որ Սիրունը ամուսնու` Ռաֆայելի հետ, որդուն զբոսանքի է տարել։

ԵՐԵՎԱՆ, 10 օգոստոսի- Sputnik. Նորաթուխ մայրիկ, պլաստիկ վիրաբույժ, «Women’s Сlub»-ի մասնակից Սիրուն Մինասը Instagram-ի իր էջում որդու ծնվելուց հետո առաջին անգամ ընտանեկան լուսանկար է հրապարակել։

Հայտնի է Սիրուն Մինասի առաջնեկի սեռը․ նա լուսանկար է հրապարակել

Լուսանկարում երևում է, որ Սիրունն ամուսնու` Ռաֆայելի հետ, որդուն զբոսանքի է տարել։ Հետևորդները շատ են հավանել լուսանկարը։ Նրանք բազմաթիվ հաճոյախոսություններ են գրել զույգի հասցեին։

«Սիրուն ջան, շնորհավորում եմ, առողջ և հաջողակ բալիկ մեծանա»,« Աստված օրհնի ու պահպանի ձեր ընտանիքը»,« Սիրունի սիրուն ընտանիքը»,«հրաշք զույգ եք»,–գրել են նրանք։

Посмотреть эту публикацию в Instagram

Публикация от Siroon Minas, MD (@siroon.minas)

Հիշեցնենք, Սիրունը մայրիկ է դարձել հուլիսի 14–ին։ Որդու անունը Սիրունը դեռ չի հայտնել։ Ավելի վաղ Սիրունը նշել էր, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ էր առանձնացրել:

«Շքեղ զույգ»․ Սիրուն Մինասն ամուսնու հետ նոր լուսանկար է հրապարակել

Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։

10
թեգերը:
դերասանուհի, ամուսին, երեխա, Սիրուն Մինաս, Հայաստան
Ըստ թեմայի
Սիրուն Մինասը գիտի` ինչու է Երևանում խինկալին ավելի համեղ, քան Թբիլիսիում. լուսանկար
«Պտուղը ծառից հեռու չի ընկնում». հղի Սիրուն Մինասը մոր հետ լուսանկար է հրապարակել
Անհավանական գեղեցկություն․ սևամորթ հայ բժշկուհի ու շոուվուման Սիրուն Մինասը հղի է
ՀԴՄ

Արտակարգ դրության պայմաններում տնտեսվարողները սկսել են ՀԴՄ կտրոններ չտրամադրել

5
(Թարմացված է 15:03 10.08.2020)
Վերջին մեկ ամսվա ընթացքում ՊԵԿ-ը ՀԴՄ կանոնների խախտման ավելի շատ դեպք է գրանցել, քան 2018թ-ի հունվարից հետո իրականացրած այլ ստուգումների ընթացքում:

ԵՐԵՎԱՆ, 10 օգոստոսի – Sputnik. Պետական եկամուտների կոմիտեն 2020թ. հուլիսին արձանագրել է ՀԴՄ-ների շահագործման կանոնների խախտման 941 դեպք: Ըստ ՊԵԿ-ի, սա 2018 թվականի հունվարից առ այսօր ամենաբարձր ցուցանիշն է:

Խախտումներն արձանագրվել են կոմիտեի տարբեր ստորաբաժանումների իրականացրած հսկիչ-դրամարկղային մեքենաների կիրառման ճշտության ստուգումների արդյունքում:

Ամփոփելով ստուգումների արդյունքները՝ ՊԵԿ-ը եզրակացնում է, որ արտակարգ դրության պայմաններում տնտեսվարողներն ավելի շատ հարկային անկարգապահություն են դրսևորել:

Հանքեր, ծխախոտ ու կրթություն. ինչպես է ճգնաժամը խմբագրել ՀՀ խոշոր հարկատուների ցանկը

Կոմիտեն զգուշացնում է, որ խնդիրն իր ուշադրության կենտրոնում է, հարկ վճարողներին էլ հորդորում է պահպանել հարկային կարգապահությունը և ստեղծված իրավիճակը չօգտագործել իրացման շրջանառությունները թերհայտարարագրելու կամ ՀՀ հարկային օրենսդրության այլ խախտումներ թույլ տալու համար:

Ֆինանսների նախկին նախարարին և ՊԵԿ–ի ծառայողներին կաշառք են տվել. հարուցվել է քրգործ

5
թեգերը:
Պետական եկամուտների կոմիտե (ՊԵԿ)