Հրայր Թովմասյան

Թանկարժեք ճգնաժամ. Թովմասյանին ու ՍԴ դատավորներին որքան գումարի դիմաց կուղարկեն թոշակի

273
Հայաստանում նվազագույն կենսաթոշակը հաջորդ տարի կբարձրանա` դառնալով 26 500 դրամ, այնինչ ՍԴ–ում առկա ճգնաժամի լուծման համար դատավորներին ավելի քան 1 մլն դրամ թոշակ են առաջարկում։

ԵՐԵՎԱՆ, 8 նոյեմբերի — Sputnik, Կարինե Հարությունյան. Արդարադատության նախարարությունը շրջանառության մեջ է դրել «ՍԴ մասին օրենքում փոփոխությունների նախագիծը», որը բավականին բուռն արձագանք ունեցավ, քանի որ ըստ նախագծի եզրափակիչ դրույթի` ՍԴ դատավորներին առաջարկվում է վաղ կենսաթոշակի գնալ։ Այսինքն` ՍԴ դատավորները, այս նախագիծն ուժի մեջ մտնելուց հետո 2 ամսվա ընթացքում եթե հրաժարական տան, կստանան ամսական որոշակի կենսաթոշակ։

Սա արվել է, ինչպես նշում են իշխանության ներկայացուցիչները, ՍԴ–ում եղած ճգնաժամը լուծելու համար։ Պատկան մարմինները թվեր չէին ներկայացնում, և հայտնի չէր` որքան գումար են պատրաստ վճարել դրա համար, և տարեկան որքան գումար կարժենա նման փոփոխությունը պետբյուջեի համար։ Այդուհանդերձ, արդարադատության նախարար Ռուստամ Բադասյանը լրագրողների հետ զրույցում չէր հերքել, որ այն լրացուցիչ ֆինանսական բեռ է բյուջեի համար։

Sputnik Արմենիան գրավոր հարցմամբ նախարարությունից ճշտել է` ինչ գումարի մասին է խոսքը, և արդյոք գումարի չափը կարող է դեր խաղալ ՍԴ դատավորների համար որոշում կայացնելու հարցում։ Զրուցել ենք նաև մասնագետի հետ` հասկանալու, թե դատավորներին վաղ կենսաթոշակի ուղարկելը լուծո՞ւմ է։

Որքան գումար կտրվի ՍԴ անդամներին ու նախագահին, ինչպես է հաշվարկվել գումարի չափը

ՀՀ արդարադատության նախարարությունից մեր գրավոր հարցմանն ի պատասխան հայտնում են, որ վաղ կենսաթոշակի գնալու դեպքում Սահմանադրական դատարանի դատավորները կստանան ամսական 1 միլիոնից ավելի դրամ։

«Հաշվարկների արդյունքում պարզ է դառնում, որ ՍԴ նախագահի ամսական կենսաթոշակի գումարը կկազմի 1.375.712 դրամ, ՍԴ անդամի կենսաթոշակի գումարը կկազմի 1.031.784 դրամ։ Տարեկան կտրվածքով 6 դատավորների և նախագահի կենսաթոշակի ընդհանուր գումարը կկազմի 90.796.992 դրամ»,– հայտնում են նախարարությունից։

Իսկ նախարարությունը նման թիվ է ստացել պարզ հաշվարկի միջոցով. հաշվի է առնվել ՍԴ դատավորների ու նախագահի ներկայիս ամսական աշխատավարձն ու նրանց տրվող հավելավճարը։ Այսինքն` եթե ՍԴ դատավորն այժմ ստանում է 793 680 դրամ աշխատավարձ, իսկ ՍԴ նախագահը` 1 058 240 դրամ, ապա այդ թվին գումարվել է նրանց աշխատավարձի 30 տոկոսը կազմող հավելավճարը։

Գումարի չափը դեր կխաղա՞ որոշում կայացնելու հարցում

Մինչ այս պահը ՍԴ անդամներից միայն Ալվինա Գյուլումյանն է վաղ կենսաթոշակի գնալու վերաբերյալ իր կարծիքը հրապարակային հայտնել` ասելով, որ չի պատրաստվում նման քայլի դիմել։ Գյուլումյանը Sputnik Արմենիայի հետ զրույցում, լսելով կենսաթոշակի չափի մասին, վերահաստատեց իր որոշումը` ասելով, որ իրենց հասանելիք գումարի չափը չի կարող որևէ ազդեցություն ունենալ իր դիրքորոշման վրա։ «Ես չեմ պատրաստվում հրաժարական տալ, և գումարի չափը որևէ բան չի փոխում ինձ համար»,–ասաց նա։

Առաջարկվող կենսաթոշակի չափն ու սոցիալական արդարությունը

Սահմանադրագետ Արա Ղազարյանի կարծիքով`վաղ կենսաթոշակի անցնելը պետք է լինի անձի համաձայնությամբ` չպետք է դատավորներին դնեն այն իրավիճակի մեջ, որ ստիպված դիմեն այդ քայլին։ Մյուս կողմից, սակայն, առաջարկվող կենսաթոշակի չափը, ըստ նրա, չափազանց բարձր է։

«Եթե այդ հարցին նայես ոչ իրավաբանորեն, սոցիալական արդարության խնդիր է առաջանում։ Եկեք չմոռանանք, որ սոցիալական պետություն ենք, և սոցիալական համերաշխության գաղափարը հուշում է` կենսաթոշակների միջև էական տարբերություններ չպետք է լինեն։ 1 մլն–ից ավել թոշակ ստանալը սոցիալական անարդարություն է»,–ասաց նա։

Ղազարյանի խոսքով` վաղ կենսաթոշակի ուղարկելը հարցի լուծում չէ, ավելին` այն իրավաբանները, որոնք աշխատում են ՍԴ–ի հետ, դիմումներ ներկայացում ու պատասխան ստանում, չեն կարող ասել, որ ՍԴ–ում ճգնաժամ կա։ Իսկ նրանք, ովքեր քաղաքականությամբ են զբաղվում, ըստ սահմանադրագետի, ՍԴ–ում ճգնաժամ են տեսնում։ Ղազարյանը վստահ է` վերջիններս իրավական գործընթացները չափում են քաղաքական բանաձևերով, ինչն անընդունելի է։

ԵԺԿ–ին մտահոգել է Հրայր Թովմասյանի և ՍԴ–ի շուրջ ստեղծված իրավիճակը

Մասնագետը կարծում է, որ միայն այս տարվա մեջ ՍԴ–ն բազմաթիվ համակարգային խնդիրներ է լուծել։ «10 օր առաջ ՍԴ–ն գրավի ու կալանքի վերաբերյալ մի խնդիր լուծեց, որը 18 տարվա վաղեմություն ուներ։ Այդ որոշման շնորհիվ պաշտպանյալս ձեռք բերեց ամենակարևոր բանը կյանքում` ազատություն։ Սա ճգնաժա՞մ է»,–ասաց նա։

Նրա խոսքով` այս ընթացքում այնքան շատ քաղաքական անհանդուրժողականության կոչեր են հնչել ՍԴ դատավորների հասցեին, որ բոլորին պարզ է` վաղ կենսաթոշակի ուղարկելով ներկայիս իշխանությունն ուզում է` նրանք հեռանան համակարգից, քանի որ նախկին իշխանությունների օրոք են ընտրվել։

Ի դեպ, կառավարությունից հայտնեցին, որ արդարադատության նախարարությունը «ՍԴ մասին օրենքում փոփոխությունների նախագիծն» արդեն իսկ ուղարկել է գործադիր, սակայն այն դեռ կառավարության նիստի օրակարգ չի մտել։

Հիշեցնենք, որ 2020–ին նախատեսվում է Հայաստանում նվազագույն կենսաթոշակի բարձրացում` 25 500 դրամից այն կդառնա 26 500 դրամ։

Նշենք, որ հուլիսի 27–ին ՀՀ ՍԴ դատավոր Վահե Գրիգորյանը նամակով դիմել էր Սահմանադրական դատարանի անդամներին, Ազգային ժողովին, ՀՀ նախագահին, Կառավարությանը, Դատավորների ընդհանուր ժողովին՝ նշելով, որ Սահմանադրական դատարանում ճգնաժամ կա: Դրանից հետո իշխանությունը սկսեց քայլեր ձեռնարկել այդ ուղղությամբ, որոնցից մեկն էլ դատավորներին վաղ կենսաթոշակի ուղարկելու նախագիծն է։

ՍԴ դատավորների՝ վաղ կենսաթոշակի անցնելու կարգավորումը հստակեցվել է

273
թեգերը:
Թոշակ, Սահմանադրական դատարան, Հրայր Թովմասյան, Հայաստան
Ըստ թեմայի
Իմ հայրն էլ լիներ, ստուգելու էին. Ալեն Սիմոնյանը` Հրայր Թովմասյանի հոր մասին
Հրայր Թովմասյանը չարաշահե՞լ է պաշտոնեական լիազորությունները
Հրայր Թովմասյանի դեմ կոնկրետ ցուցմունք տվող է եղել. «Ժողովուրդ»

Հանրապետության հրապարակում զորահավաք է, ազատամարտիկները հավաքվում են. տեսանյութ

95
(Թարմացված է 13:22 27.09.2020)
Արցախի Հանրապետությունում և Հայաստանի Հանրապետությունում ռազմական դրություն և զորահավաք է հայտարարված։

Երևանի Հանրապետության հրապարակում՝ Արամ Մանուկյանի արձանի մոտ հավաքվել են ՀՅԴ կամավորականներ՝ Արցախ մեկնելու համար։ Ինչպես հայտարարեց ՀՅԴ բյուրոյի նախկին ներկայացուցիչ Հրանտ Մարգարյանը՝ առաջին վաշտն արդեն պատրաստ է ճակատ մեկնել, երկրորդ վաշտը թիկունքից գալիս է, երրորդն ու չորրորդն էլ մոտակա օրերի խնդիր է։

Արցախի Հանրապետությունում և Հայաստանի Հանրապետությունում ռազմական դրություն և զորահավաք է հայտարարված։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

«ՊԲ-ն կասեցնում է թշնամու առաջխաղացումը՝ պատճառելով ծանր կորուստներ». Տոնոյանի կոչը

95
թեգերը:
Հայ Յեղափոխական Դաշնակցություն (ՀՅԴ), զորահավաք, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Հորդորում ենք վերականգնել հրադադարի ռեժիմը. ՀԱՊԿ-ը հայտարարություն է տարածել
Արցախում ուսումնական հաստատություններն անորոշ ժամանակով կփակվեն․ ԱՀ ԱԺ նախագահ
Օդային տագնապ Շուշիում. տեսանյութ
Արծրուն Հովհաննիսյան

Ավիառումբեր, ԱԹՍ–ներ. եղել են հարվածներ Վարդենիսի ուղղությամբ. Արծրուն Հովհաննիսյան

60
(Թարմացված է 13:28 27.09.2020)
Մարտերն ինտենսիվ են, խոսել այն մասին, որ մենք ընդհանրապես կորուստներ չենք ունենա, ճիշտ չի լինի։

ԵՐԵՎԱՆ, 27 սեպտեմբերի– Sputnik. Լարվածությունը հայ–ադրբեջանական սահմանի ողջ ամբողջ երկյանքով է։ Այսօր ճեպազրույցի ժամանակ նման հայտարարություն արեց ՀՀ պաշտպանության նախարարության ներկայացուցիչ Արծրուն Հովհաննիսյանը։

Նա տեղեկացրեց, որ հարվածներ են եղել նաև Վարդենիսի ուղղությամբ, սակայն հիմնական հարձակումն Արցախի հանրապետության ուղղությամբ է։

Հովհաննիսյանի խոսքով, այսօր ադրբեջանական զինուժը կիրառել է նաև ավիառումբեր, թռչող սարքեր, ուղղաթիռեր և այլն։

«Մարտերն ինտենսիվ են, խոսել այն մասին, որ մենք ընդհանրապես կորուստներ չենք ունենա, ճիշտ չի լինի»,– նշեց Հովհաննիսյանը` հավելելով, որ այս պահին այլ մանրամասներ հաղորդել չի կարող։

Ըստ առկա տեղեկությունների` բացառությամբ մեկ– երկու ամենամեծ տրամաչափի հրթիռային միջոցների` մնացած բոլոր միջոցներն Ադրբեջանը կիրառել է, գործի է դրել նաև բանակային օդուժը` կիրառելով նաև ավիառումբեր, թռչող սարքեր, ուղղաթիռներ և այլն։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Արցախում ռազմական դրություն և համատարած զորահավաք է հայտարարվել

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

60
թեգերը:
Վարդենիս, Արծրուն Հովհաննիսյան
թեմա:
Ադրբեջանական ագրեսիա Արցախում. 2020
Ըստ թեմայի
Օդային տագնապ Շուշիում. տեսանյութ
Ադրբեջանի ագրեսիան նախապես ծրագրված էր. Նիկոլ Փաշինյանը մեղադրել է Ադրբեջանին
Ադրբեջանական տանկերը հերթով խոցվում են. ՊՆ–ն նոր տեսանյութ է հրապարակել
Ստեփանակերտ

Պաշտոնական Ստեփանակերտը հերքում է 10 զոհերի մասին տեղեկությունը

21
(Թարմացված է 13:33 27.09.2020)
Ավելի վաղ Սամվել Բաբայանը հայտնել էր 10 զոհերի մասին, սակայն Հայաստանի և Արցախի պաշտպանական գերատեսչությունները հերքում են տեղեկատվությունը:

ԵՐԵՎԱՆ, 27 սեպտեմբերի — Sputnik. Պաշտոնական Ստեփանակերտը հերքում է առաջնագծում տեղի ունեցած մարտերի ընթացքում 10 զոհերի մասին տեղեկությունները: Sputnik Արմենիայի թղթակցի հետ զրույցում ասել է Արցախի նախագահի մամուլի քարտուղար Վահրամ Պողոսյանը։

Ավելի վաղ Արցախի անվտանգության խորհրդի քարտուղար Սամվել Բաբայանը հայտարարել էր, որ իր տեղեկություններով` հայկական կողմը 10 զոհ ունի։ ՀՀ պաշտպանության նախարարությունը ևս իր հերթին հայտարարում է, որ կորուստների մասին այս պահին հստակ ինֆորմացիա չկա։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Հանրապետության հրապարակում զորահավաք է, ազատամարտիկները հավաքվում են. տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

21
թեգերը:
Սամվել Բաբայան, Զոհ, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Այսօր թշնամուն ծնկի բերելու խնդիր ունենք . Հրանտ Մարգարյան
«ՊԲ-ն կասեցնում է թշնամու առաջխաղացումը՝ պատճառելով ծանր կորուստներ». Տոնոյանի կոչը
Ադրբեջանի ագրեսիան նախապես ծրագրված էր. Նիկոլ Փաշինյանը մեղադրել է Ադրբեջանին