Մնացականյանն ու Գալագերը

Հայաստանը երախտապարտ է Հռոմի պապի՝ Հայոց ցեղասպանության ճանաչման ուղերձի համար

101
(Թարմացված է 14:45 09.11.2019)
Զոհրաբ Մնացականյանը նշել է, որ Հայոց ցեղասպանության աներկբա դատապարտումը կարևոր է ոչ միայն ճշմարտության և պատմական արդարության տեսակետից, այլև մեծ ներդրում է ապագա նմանօրինակ ոճիրների կանխարգելման համար։

ԵՐԵՎԱՆ, 9 նոյեմբերի – Sputnik. Հայաստանը շահագրգռված է Վատիկանի հետ համագործակցությունը շարունակելու և առավել խորացնելու հարցում։ ՀՀ արտգործնախարար Զոհրաբ Մնացականյանն այս մասին ասել է Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումից հետո։

«Հայաստանը և Սուրբ Աթոռն ունեն բազմակողմ հարթակներում համագործակցության դրական փորձ, ուղղված միջազգային ասպարեզում մարդասիրական սկզբունքների ու համամարդկային արժեքների ամրապնդմանը, և մենք հանձնառու ենք շարունակելու և առավել խորացնելու մեր սերտ համագործակցությունն ու գործընկերությունը»,– նշել է նախարարը։

  • Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    © Sputnik / Asatur Yesayants
  • Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    © Sputnik / Asatur Yesayants
  • Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը
    © Sputnik / Asatur Yesayants
1 / 3
© Sputnik / Asatur Yesayants
Սուրբ Աթոռի Պետությունների հետ հարաբերությունների քարտուղար, արքեպիսկոպոս Պոլ Ռիչարդ Գալագերի հետ հանդիպումը

Մնացականյանի խոսքով` Գալագերն իր մեծ ավանդն ունի, ինչպես հայ-վատիկանյան միջպետական հարաբերությունների խորացման գործում, այնպես էլ առհասարակ միջազգային հարաբերություններում։

Նախարարը նշել է, որ Գալագերի հետ հանդիպման ժամանակ անդրադարձել են միջազգային և տարածաշրջանային արդի հարցերին, փոխադարձաբար ներկայացրել դրանց հասցեագրման ուղղությամբ դիրքորոշումները և մոտեցումները:

«Մեր քաղաքական օրակարգում է Մերձավոր Արևելքում կրոնական փոքրամասնությունների, քրիստոնյաների պաշտպանության հարցերը, քրիստոնեական պատմամշակութային ժառանգության պահպանումը»,– ասել է Մնացականյանը։

Նա գործընկերոջն է ներկայացրել նաև ԼՂ հիմնախնդրի խաղաղ կարգավորման գործընթացի շուրջ վերջին զարգացումները և այդ առնչությամբ Հայաստանի սկզբունքային դիրքորոշումը և մոտեցումները: Որպես միջազգային հարթակում ցեղասպանությունների և մարդկության դեմ հանցագործությունների կանխարգելման օրակարգի առաջամարտիկ, բնականաբար, անդրադարձ կատարեցինք նաև այդ օրակարգի շրջանակներում ձեռնարկվող քայլերին և առկա մարտահրավերներին:

«Ընդգծեմ, որ պաշտոնական Երևանն ու հայ ժողովուրդը երախտապարտ են Հռոմի Սրբազան Քահանայապետի՝ Հայոց ցեղասպանության ճանաչման սկզբունքային ու միանշանակ ուղերձի համար: Այդ հանցագործության աներկբա դատապարտումը կարևոր է ոչ միայն ճշմարտության և պատմական արդարության տեսակետից, այլև մեծ ներդրում է ապագա նմանօրինակ ոճիրների կանխարգելման և ազգերի ու պետությունների միջև հարատև համերաշխությանը հասնելու համար»,– ասել է նախարարը:

Մնացականյանը ներկայացրել է նաև Հայաստանի ներկայիս ներքաղաքական օրակարգը և Կառավարության բարեփոխումների աշխատանքը։

Հիշեցնենք, որ Հռոմի Սրբազան Քահանայապետը 2016-ին Հայաստան էր այցելել` Սերժ Սարգսյանի ու Ամենայն Հայոց Կաթողիկոս Ն.Ս.Օ.Տ.Տ. Գարեգին Բ-ի և Կաթոլիկ եկեղեցու հրավերով և «Այց առաջին քրիստոնյա երկիր» կարգախոսով: Այցի շրջանակում այցելել էր Ծիծեռնակաբերդ և Հայոց ցեղասպանության թանգարան-ինստիտուտի պատվո այցելուների գրքում գրել. «Ցավը սրտումս աղոթում եմ այստեղ, որպեսզի այլևս երբեք նման ողբերգություններ, ինչպիսին այս է, չկրկնվեն, որպեսզի մարդկությունը չմոռանա և իմանա չարությանը բարությամբ հաղթել»։

101
թեգերը:
Հռոմի պապ, Զոհրաբ Մնացականյան, Հայաստան
Ըստ թեմայի
Հայերի ջարդերը վկայող գաղտնի հեռագրերը․ ի՞նչ է Հռոմի պապը խնդրել թուրք սուլթանին
Նիկոլ Փաշինյանը կհանդիպի Հռոմի պապին. «Ժողովուրդ»
Գարեգին Բ–ն ու Հռոմի պապը հանդիպել են. լուսանկարներ
Հումանիտար օգնություն

Ռազմական դրության ժամանակ պետությունը կօգնի իրեն աջակցող գործարարներին

34
(Թարմացված է 17:35 28.10.2020)
ՊԵԿ-ը մանրամասնել է, թե ինչ կարգով և որ դեպքում են Հայաստանին ու Արցախին աջակցություն տրամադրող գործարարներն ազատվում հարկային պարտավորությունից:

ԵՐԵՎԱՆ, 28 հոկտեմբերի – Sputnik. Պատերազմի օրերին հաղթանակի շուրջ համախմբված անհատներն ու կազմակերպությունները Հայաստան օժանդակություն ուղարկելիս կարող են չմտածել հարկեր վճարելու մասին: ՀՀ պետեկամուտների կոմիտեն հիշեցնում է, որ հոկտեմբերի 23-ից ուժի մեջ է մտել «Ռազմական դրության ժամանակահատվածում հարկային արտոնություններ սահմանելու մասին» օրենքը, որով սահմանված արտոնությունները վերաբերելու են սեպտեմբերի 27-ից հետո կատարված աջակցություններին:

Ըստ օրենքի`նվիրատվությունը պետք է կատարվի 5 գերատեսչություններից որևէ մեկին` պաշտպանության, արտակարգ իրավիճակների, տարածքային կառավարման և ենթակառուցվածքների, բարձր տեխնոլոգիական արդյունաբերության կամ առողջապահության նախարարությանը, և վերաբերում է Եվրասիական տնտեսական միությունից կատարված ներկրումներին: Իսկ երրորդ երկրներից ներմուծումների պարագայում արդեն վաղուց հարկային արտոնություն է գործում՝ հրաժարում հօգուտ պետությանը ընթացակարգի դեպքում:

Որպեսզի արտոնությունը կիրառվի, ԵԱՏՄ միասնական օրենսդրության պահանջով պետք է, այնուամենայնիվ, ներկայացնել ներմուծման հարկային հայտարարագիր և անուղղակի հարկերը վճարված լինելու վերաբերյալ հայտարարություն: Կազմակերպությունները, անհատ ձեռնարկատերերը և նոտարները պետք է նաև հաշվարկային փաստաթղթեր դուրս գրեն ստացող նախարարություններին, որոնք էլ պետք է վավերացնեն փաստաթուղթը:

Պատերազմի պատճառով հանրության ֆինանսական վարքագծում խուճապային տրամադրություն չկա

Ֆիզիկական անձանց դեպքում արտոնությունից օգտվելու կարգն այլ է: Եթե ռազմական դրության օրերին անձը սահմանված չափաքանակներից շատ ապրանք ներմուծի Հայաստան և նվիրաբերի պետությանը, ապա այդ գերազանցող մասի համար ստիպված չի լինի հարկեր վճարել:

Հարկային արտոնության մյուս խումբը վերաբերում է պարտադիր դրոշմավորման ենթակա ապրանքներին: Օրինակ` շշալցված և հանքային ջրերը կամ այլ ապրանքատեսակներ այս օրերին հնարավոր է պետությանն անհատույց օտարել` առանց պիտակավորման:

Պետությանն անհատույց տրամադրելու դեպքում հարկերից ազատվող ապրանքների ցանկը սահմանված է կառավարության որոշմամբ:

34
թեգերը:
հարկեր, գործարար, Պետական եկամուտների կոմիտե (ՊԵԿ), Հայաստան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմն ու կորոնավիրուսն ազդել են. տնտեսական ակտիվության ցուցանիշը նվազել է 7.5%–ով
Պատերազմ գնացողները գումարը հանում ու թողնում են ընտանիքի անդամներին. ավանդները նվազել են
Արխիվային լուսանկար

ԱԺ-ն միաձայն ընդունեց պաշտպանության ոլորտին վերաբերող նախագծերը

475
(Թարմացված է 16:48 28.10.2020)
Հայաստանն այսուհետ պաշտոնապես աշխարհազոր կունենա, զինծառայությունից խուսափողներն ու հրամաններին չենթարկվողներն էլ շատ ավելի խիստ պատժի կարժանանան:

ԵՐԵՎԱՆ, 28 հոկտեմբերի - Sputnik. ՀՀ ԱԺ-ն այսօր արտահերթ նիստում երկրորդ ընթերցմամբ և ամբողջությամբ ընդունեց կառավարության առաջարկած բոլոր նախագծերը: Նշենք, որ ներկայացված բոլոր նախագծերը խորհրդարանն առաջին ընթերցմամբ ընդունել էր հոկտեմբերի 27-ի երեկոյան գումարված արտահերթ նիստում:

Հաստատված նախագծերից առաջինը «Ռազմական դրության իրավական ռեժիմի մասին» ՀՀ օրենքում լրացումների նախագիծն է, որով սահմանվում է, որ ռազմական դրության ժամանակ պետության կարիքների դեպքում պետությունը կարող է օգտագործել ֆիզիկական և իրավաբանական անձանց գույքը: Իսկ դրա ավարտից հետո կա՛մ գույքը վերադարձնել սեփականատիրոջը, կա՛մ փոխհատուցել վնասը:

Երկրորդը «Պաշտպանության մասին» ՀՀ օրենքի ու կից նախագծորի փաթեթն է, որով սահմանվում է Հայաստանում աշխարհազորի գործունեության կարգը, պայմանական ստորաբաժանումների ու դրանց հրամանատարության մեխանիզմները:

Երրորդը Քրեական օրենսգրքի զինվորական հանցանքների՝ դասալքության, ծառայության վայրը ինքնակամ լքելու, հրամանին չենթարկվելու համար նախատեսված պատիժները խստացնող նախագիծն է:

Ռազմական դրության ժամանակ պետությունը կարող է ժամանակավորապես վերցնել քաղաքացիների գույքը

Դրանով ժամկետային զինվորական կամ այլընտրանքային ծառայությունից, վարժական հավաքներից կամ զորահավաքային ծառայությունից խուսափելու համար գործող երեքից ութ տարի ազատազրկման փոխարեն առաջարկվում է սահմանել վեցից տասներկու տարվա ազատազրկմամբ:

Պատերազմի ժամանակ հրամաններ կատարելուց կամ հարկեր վճարելուց խուսափելու համար գործող առավելագույնը 4 տարվա ազատազրկման փոխարեն առաջարկվում է սահմանել 5 տարվա ազատազրկում:

Զինվորական հրամանը չկատարելու համար սահմանված հինգից տասնհինգ տարի ազատազրկման փոխարեն կառավարությունն առաջարկում է կիրառել ութից տասնհինգ տարվա, զորամասը կամ ծառայության վայրն ինքնակամ թողնելու համար սահմանված երեքից ութ տարվա ազատազրկման փոխարեն՝ վեցից տասներկու, և դասալքության համար սահմանված վեցից տասներկու տարվա փոխարեն` ութից տասնհինգ տարվա ազատազրկում:

ԱԺ-ն ընդունեց նաև «Վարձկանների հավաքագրման, օգտագործման, ֆինանսավորման և ուսուցման դեմ միջազգային կոնվենցիան վավերացնելու մասին» նախագիծը։

Ադրբեջանի օգտին լրտեսություն կատարած երկու անձինք կալանավորված են. ԱԱԾ

Հայաստանը հույս ունի, որ կոնվենցիայի վավերացմամբ կկարողանա այն օգտագործել Ադրբեջանի դեմ, որն, ի դեպ, դրան միացել է դեռ 1997թ-ից, ինչպես նաև Թուրքիայի դեմ, որը թեև չի վավերացրել կոնվենցիան, բայց հանդիսանում է Ադրբեջանի հանցակից կողմ, որը փաստացի մասնակցում է վարձկանների հավաքագրման, ֆինանսավորման, ուսուցանման, Ադրբեջան ուղարկելու և Արցախի դեմ օգտագործելու գործում:

475
թեգերը:
ռազմական դրություն, կառավարություն, նախագիծ, ԱԺ
Ըստ թեմայի
Հայաստանում պայմանական ռազմական դրություն է հայտարարվել. լուսանկարներ
Արցախում ռազմական դրություն և համատարած զորահավաք է հայտարարվել
Հայաստանում ռազմական դրություն է հայտարարվում. Նիկոլ Փաշինյան
Շուշին հրթիռակոծությունից հետո

Շուշիի հրթիռակոծությունից փրկարարներ են վիրավորվել

0
(Թարմացված է 18:09 28.10.2020)
Ավելի վաղ Արցախի արտակարգ իրավիճակների պետական ծառայությունը տեղեկացրել էր, որ Շուշիի հրթիռակոծման հետևանքով քաղաքում կան բազմաթիվ ավերածություններ։

ԵՐԵՎԱՆ, 28 հոկտեմբերի - Sputnik. Շուշիում հրթիռակոծությունից հետո մարդասիրական առաքելություն իրականացնելու ժամանակ վիրավորում են ստացել ԱՀ ԱԻ պետական ծառայության Շուշիի շրջանային բաժնի 3 փրկարարներ, տեղեկացնում են Արցախի Հանրապետության արտակարգ իրավիճակների պետական ծառայությունից։

Բժիշկներից ստացված տեղեկատվության համաձայն՝ տուժածների վիճակը գնահատվում է միջին ծանրության։

Ավելի վաղ Արցախի արտակարգ իրավիճակների պետական ծառայությունը տեղեկացրել էր, որ Շուշիի հրթիռակոծման հետևանքով քաղաքում կան բազմաթիվ ավերածություններ, այդ թվում` մասնակի վնասվել է Խ.Աբովյանի անվան դպրոցը։

«Կեսօրին ռազմական ավիահրթիռներով ռմբակոծվել է նաև Շուշին, որի հետևանքով քաղաքացիական 2 անձ վիրավորվել են, մեկը՝ զոհվել: Ամբողջությամբ ավերվել է բնակելի մեկ առանձնատուն»,–նշված է հաղորդագրության մեջ։

Արցախի խաղաղ բնակավայրերը շարունակում են մնալ թշնամական ուժերի թիրախում:

Հայկական միասնական տեղեկատվական կենտրոնն էլ տեսանյութ էր հրապարակել`ներկայացնելով, թե ինչ վնասներ է կրել Ստեփանակերտի «Մոր և մանկան առողջության պահպանման կենտրոնը»։

Տեսանյութում երևում է, թե ինչպես է ավիրվել ծննդատունը` ապակիները կոտրվել են, առաստաղը կախվել ցած։ Շինության ներսում ամբողջությամբ ապակիներ են ու քանդված պատ–առաստաղի կտորներ։

Նշենք, որ Ստեփանակերտում թշնամին կիրառվել է ռազմական ավիացիա, ինչի հետևանքով մի ամբողջ թաղամաս է վնասվել: Ռմբակոծության հետևանքով վնասվել կամ ամբողջությամբ ավերվել են բնակելի տներ, ավտոմեքենաներ։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ստեփանակերտի ծննդատունը ադրբեջանական հրետակոծությունից հետո

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեմա:
Ադրբեջանական ագրեսիան Արցախում - 2020