Տիգրան Խաչատրյան

««Սպայկայի» փաստաթղթերը դեռ չենք տեսել». նախարարը` ՌԴ արտահանվող պանրի խնդրի մասին

56
(Թարմացված է 15:27 08.11.2019)
ՀՀ էկոնոմիկայի նախարար Տիգրան Խաչատրյանը մեկնաբանել է «Սպայկա» ընկերության պանրի արտահանման ընթացքում Վերին Լարսի անցակետում ծագած խնդիրը։ Նախարարի խոսքով` նախկինում նման խնդիր չէր եղել։

ԵՐԵՎԱՆ, 8 նոյեմբերի — Sputnik. ՀՀ էկոնոմիկայի նախարարությունը «Սպայկայի» հետ կապված խնդիրը կկարողանա պաշտոնապես գնահատել ընկերության փաստաթղթերը ստանալուց հետո։ Այսօր ԱԺ–ում ասաց ՀՀ էկոնոմիկայի նախարար Տիգրան Խաչատրյանը:

«Սպայկա» ընկերության` ՌԴ արտահանվող 21 տոննա կապույտ բորբոսով պանիրը տևական ժամանակ «Վերին Լարսի» մաքսային անցակետում կանգնեցվելուց հետո նոյեմբերի 7-ին վերադարձվել է Հայաստան։ Ռուսական կողմի բանավոր մեկնաբանության համաձայն` ընկերության 2 բեռնատարներն անցակետում կանգնեցվել են արտադրանքի ծագման վերաբերյալ ունեցած կասկածների հիման վրա (պանիրը Հայաստանում է արտադրվել, թե ոչ – խմբ)։

Բեռան պատճառով «Սպայկայի» մեքենաները մնացել են Վերին Լարսի անցակետում

«Ես խոսել են «Սպայկայի» ներկայացուցիչների հետ։ Նրանք ասել են, որ մինչև հիմա 15 տոննա պանիր են արտահանել ՌԴ, և իրենց բեռները երբեք նման հսկողության չեն ենթարկվել»,– ասաց նախարարը` հավելելով, որ սահմանին զննությունն իրականացվում է ընտրողական կարգի` ըստ ռիսկերի գնահատման։

Հայաստանում կատարված ներդրումները կառավարությանը չեն բավարարում. նախարար

«Փաստորեն այդ բեռը հասցվել է ՌԴ սահման` առանց արտադրանքի ծագումը հաստատող որևէ փաստաթղթի։ Եվ դա խախտում չէ, դա սովորական իրավունքից օգտվել է նշանակում։ Հիմա մյուս կողմն էլ իր իրավունքից է օգտվել ու այդ բեռը զննության է ենթարկել ընտրողաբար։ Այդ ընթացակարգը տևում է 3 շաբաթ։ Մենք չենք կարող պահանջել, որ 3 շաբաթ պահանջող գործառույթը ավարտվի 2 օրում»,– ասաց Խաչատրյանը` հավելելով, որ «Սպայկային» հորդորել են համբերատար սպասել։

Նախարարի խոսքով` իրենց հարցմանն ի պատասխան ռուսական կողմի ներկայացրած գրությունից ենթադրվում է, որ «Սպայկայի» արտահանած պանիրը միանշանակ հայաստանյան արտադրության չէ։

««Սպայկայի» փաստաթղթերը դեռ չենք տեսել»,– ասաց Խաչատրյանը` նշելով, որ միայն դրանից հետո նախարարությունը կարող է պաշտոնապես գնահատել առաջացած խնդիրը։

«Սպայկա» ընկերության տարածած հայտարարության համաձայն` պանիրն արտադրված է եղել իրենց ընկերության նորակառույց պանրի գործարանում։ Ընկերությունն ավելի վաղ հայտնել էր նաև, որ անցակետում ներկայացվել է նաև անասնաբուժական սերտիֆիկատը, կապույտ բորբոսով պանրի արտադրության տեխնիկական պայմանները, արտադրության տեխնոլոգիական սխեման: Տրամադրվել են նաև ընթացիկ արտադրությունը նկարագրող տեսանյութեր, ինչպես նաև հայաստանյան և ռուսաստանյան լրատվամիջոցների ռեպորտաժները «Սպայկա» ընկերության պանրի գործարանի բացման վերաբերյալ, որին ներկա էին ՀՀ վարչապետ Նիկոլ Փաշինյանը, կառավարության անդամները, ՌԴ, ԳԴՀ արտակարգ և լիազոր դեսպանները:

Հայաստանի խոշոր բիզնեսը «հարմոն է նվագում». ո՞ր ոլորտներն են «ակտիվացել»

56
թեգերը:
Պանիր, «Սպայկա» ՍՊԸ, Տիգրան Խաչատրյան, Հայաստան
Ըստ թեմայի
Հույսը դնելով միայն խոշոր բիզնեսի վրա՝ պետությունը երկար ճանապարհ չի անցնի. Բեջանյան
Պետրոսյան. «ՀՀ-ում կան գազի և նավթի պաշարներ, պետք է զբաղվել դրանց արդյունահանմամբ»
Ոչ թե 0, այլ 46 000. մասնագետը չի հավատում արտագաղթի դադարի մասին ԿԲ հայտարարությանը