Նիկոլ Փաշինյանն ու Սերժ Սարգսյանը. արխիվային լուսանկար

Պետականը սեփականի հետ չխառնենք. Փաշինյանը ցույց է տվել Սերժ Սարգսյանի նախկին առանձնատունը

925
(Թարմացված է 17:32 02.11.2019)
ՀՀ վարչապետն ուղիղ եթերում ցուցադրել է իր ընտանիքի նոր բնակավայրն ու մեկնաբանել` ինչ է փոխվել այդտեղ Սերժ Սարգսյանի հեռանալուց հետո։

ԵՐԵՎԱՆ, 2 նոյեմբերի — Sputnik. Վարչապետ Նիկոլ Փաշինյանը Facebook-ի ուղիղ եթերում ներկայացրել է կառավարական թիվ 1 առանձնատունը, որտեղ արդեն մի քանի օր է, ինչ տեղափոխվել ու ապրում է ընտանիքի հետ։

Վարչապետը հիշեցրել է, որ մինչև հեղափոխությունն այս նույն առանձնատանն էր ապրում Սերժ Սարգսյանի ընտանիքը, իսկ իր կառավարման վերջին օրերին նա փորձում էր դառնալ առանձնատան սեփականատերը։

«2018 թվականին կառավարությունը որոշում էր ընդունել, որ այս շենքը պետք է սեփականաշնորհի Սերժ Սարգսյանին, հետագայում երբ տեղի ունեցավ «թավշյա հեղափոխությունը»,  այս առանձնատան սեփականաշնորհման վերաբերյալ որոշումը չեղյալ համարվեց, այնպես որ, մենք համաձայնեցինք, որ այս առանձնատունը պետք է վերադարձվի հանրապետությանը և հանձնվի պետության ղեկավարին»,– ասաց Փաշինյանը։

Վարչապետը չթաքցրեց, որ մինչ տեղափոխվելը առանձնատանը վերանորոգման աշխատանքներ են արվել, բայց ասաց, որ դրանք արժեցել են ոչ թե 2 մլն դոլար, այլ շատ ավելի քիչ։ Թե որքան` չասաց։

«Էստեղ որևէ կապիտալ ներդրում տեղի չի ունեցել․ էս տանը չեն փոխվել դռները, չի փոխվել հատակը, չեն փոխվել խոշոր ջահերը, չեն փոխվել կոնդիցիոներները»,- ասաց Փաշինյանը։

Աննա Հակոբյանն էլ ավելացրեց՝«որևէ սենյակ կամ վարսավիրանոց չի ավելացել»։

Փաշինյանը նշեց, որ հիմնականում փոխվել է առանձնատան ինտերիերի գույները։

«Սերժ Սարգսյանի ժամանակ ամեն ինչ այս գույնի մեջ էր,– ասաց Փաշինյանը` ցուցադրելով փայտե, շագանակագույն դռները,– հիմա ամեն ինչ սպիտակի մեջ է»։

Փաշինյանը նշեց նաև, որ երբ Սերժ Սարգսյանի ընտանիքը լքել է առանձնատունը, բացի ներկառուցված կահույքից, որևէ այլ բան այստեղ չի թողել։ «Մենք «Կոնդ» ՊՈԱԿ–ի հաշվեկշռում պահեստներում եղած գույքն ենք այստեղ տեղափոխել, որոշ բաներ էլ ձեռք ենք բերել»,– ասաց նա։

Փաշինյանը ներկայացրեց նաև առանձնատան իր աշխատասենյակը, որի կահույքը ևս բերվել է նախկին առանձնատան տարածքից, պաշտոնական ընդունելությունների սենյակը, որտեղ, Աննա Հակոբյանի խոսքով` արդեն պաշտոնական ճաշի են ընդունել Սինգապուրի վարչապետի տիկնոջը։ 

«Նախկինում եղել է, երբ պետք է տուն հրավիրեինք բարձրաստիճան հյուրերի, խնդիրներ ենք ունեցել։ Չասեմ` ինչ խնդիրներ, մամուլի դրանց մասին գրել է, որ պարտքով բազկաթոռ ենք ուզել»,– ասաց Փաշինյանը` ծիծաղելով։ Ապա շեշտեց. «Այստեղ մեծ մասը պետական է, մի մասը` սեփական։ Կարևորը` չխառնենք»։

«Մենք չենք խառնում»,–վստահեցրեց Աննա Հակոբյանը։

Միակ տեղը, որտեղ ոչինչ չի փոխվել ու ամեն ինչ մնացել է հին ձևավորման ու գույների մեջ, առանձնատան գինետուն–մառանն է։ Փաշինյանը հայտնեց, որ երբ իրենք եկել են, այդտեղ ոչ մի շիշ գինի չի եղել։

Վանեցյանն ընտանիքի հետ ազատել է կառավարական ամառանոցը

«Հիմա դրված են պաշտոնական այցերի ընթացքում բերված գինիները, որոնք չենք հասցնում խմել»,– ասաց նա։

Առանձնատան ննջարաններից Փաշինյանը նախընտրեց ցույց տալ միայն որդու ննջարանը, որտեղ դեռ ոչ ոք չի քնում, քանի որ վարչապետի որդին ծառայում է բանակում։

Խոսելով առանձնատան վերանորոգման թեմայից` Փաշինյանը հայտնեց, որ առաջինը սպասարկող անձնակազմի կեցավայրն է բարեկարգվել։

«Այնտեղ անմարդկային պայմաններ էին ուղղակի։ Հիմա ցնցուղ ենք տեղադրել, արժանապատիվ սանհանգույց կառուցել, խոհանոց, որտեղ կարող են իրենց համար սուրճ կամ որևէ այլ բան պատրաստել։ Առաջին գործը, որ արվել է, եղել է սպասարկող անձնակազմի, բանվորների կացարանը կարգի բերելը»,– ասաց Փաշինյանը։

Ի դեպ, նրա հաշվարկով, սպասարկող անձնակազմի տարածքի վերանորոգումը 1 քմ–ի հաշվարկով 2 անգամ ավելի թանկ է արժեցել, քան առանձնատան հատվածի վերանորոգումը։

«Սա պետք է լինի պետության սեփականությունը, պետք է լինի պետության ղեկավարի` վարչապետի առանձնատունը` անկախ նրանից, թե ով է այդ ղեկավարը։ Ոչ թե Փաշինյանների, այլ վարչապետի ընտանիքի առանձնատունը։ Եվ սա չի կարող սեփականաշնորհվել ընդհանրապես»,– շրջայցն այս խոսքերով ավարտեց վարչապետը։

Հիշեցնենք` 2018թ.–ի մարտի 29–ին կառավարությունը որոշում էր ընդունել, որի համաձայն Սերժ Սարգսյանին` որպես նախկին նախագահի, հանձնվել էր պետական առանձնատուն` որպես սեփականություն։

Բայց ապրիլի 19–ի նիստում արդեն վարչապետ Սերժ Սարգսյանը հանձնարարել էր որոշումը ճանաչել ուժը կորցրած։

Հեղափոխությունից հետո` մայիսի 11–ին, կառավարության նիստում վարչապետ Նիկոլ Փաշինյանը հայտարարեց, որ Սերժ Սարգսյանին` որպես Հայաստանի երրորդ նախագահի, պետք է պետական  տուն հատկացնել մեկ ամսվա ընթացքում։ Հետագայում, սակայն, Սարգսյանը հրաժարվեց ընդունել այդ նվիրատվությունը։

Որոշ տեղեկություններով` նա առ այսօր բնակվում է փեսայի` Միքայել Մինասյանի` Ձորաղբյուրում գտնվող առանձնատանը։ Ձորաղբյուրի տեղամասում էլ, ի դեպ, մասնակցել էր 2018թ.–ի խորհրդարանական ընտրություններին։ 

925
թեգերը:
առանձնատուն, Վարչապետ, Նախագահ, տեսանյութ, կառավարական ամառանոց, Սերժ Սարգսյան, Նիկոլ Փաշինյան
Ըստ թեմայի
Նիկոլ Փաշինյանն ու Լևոն Տեր–Պետրոսյանը հանդիպել են կառավարական առանձնատանը
Ռոբերտ Քոչարյանի առանձնատունն ու գրասենյակը խուզարկել են
Փաշինյանն իր կառավարական առանձնատանը հանդիպել է Մեդվեդևի հետ
Գրանցված չէ. կադաստրի պետի անկեղծությունը Սուրիկ Խաչատրյանի առանձնատան մասին
Հրանտ Բագրատյան

«Այս ռեգիոնում մենք կա՛մ թուրքերի հետ պետք է լինենք, կա՛մ ռուսների». Հրանտ Բագրատյան

13
(Թարմացված է 17:42 25.11.2020)
ՀՀ նախկին վարչապետ Հրանտ Բագրատյանը լրագրողների հետ հանդիպմանը խոսել է արցախյան պատերազմում Հայաստանի իշխանության թույլ տված արտաքին քաղաքական սխալների մասին։

ԵՐԵՎԱՆ, 25 նոյեմբերի – Sputnik. Սա պարտություն չէ, սա ջախջախում է։ Այսօր լրագրողների հետ հանդիպմանը, մեկնաբանելով արցախյան պատերազմի ընթացքն ու ավարտը, ասաց ՀՀ նախկին վարչապետ Հրանտ Բագրատյանը։

Նրա տեղեկություններով`հայկական բանակի տեխնիկայի 85 տոկոսը ջարդված է։

Խոսելով ՀՀ իշխանությունների ստրատեգիական սխալների մասին` Բագրատյանը շեշտեց Արցախի անկախությունը չճանաչելու փաստը` հիշեցնելով, որ որպես ԱԺ պատգամավոր ինքը տարիներ առաջ այդ հարցը բարձրացրել էր, բայց մերժվել։

Հաջորդ սխալն, ըստ նրա, արտաքին քաղաքականությունն էր։

«20 տարի առաջ` Արցախյան ազատամարտի տարիներին, ԱՄՆ–ն ու Ռուսաստանն իրար մոտ էին։ Բայց վերջին տարիներին, հատկապես 2014թ–ից հետո, դժբախտաբար, պրոբլեմներ առաջացան։ Հիմա ԱՄՆ–ն և Ռուսաստանը տարբեր բևեռներում են։ Երբ մենք այս վիճակին են անդրադառնում, չենք կարող ասել` կոմպլեմենտար քաղաքականություն ենք վարում։ Չկա տենց բան։ Մենք պետք է մնանք պրոռուսական ծիրում, ինչքան էլ սիրենք կամ չսիրենք։ Քանի որ աշխարհում դեգլոբալիզացիա է ընթանում, այս ռեգիոնում մենք կա՛մ թուրքերի հետ պետք է լինենք, կա՛մ ռուսների»,– ասաց Բագրատյանը։

Նախկին վարչապետը ստրատեգիական սխալ որակեց նաև «Իրանին նեղացնելը»։ «Այնպես, ինչպես մենք ենք Իրանին նեղացրել, ոչ ոք չի նեղացրել։ Այն աստիճան, որ Իրանը չէր ուզում թույլ տալ, որ պատերազմի ընթացքում իր տարածքով բեռներ տեղափոխեինք»,– ասաց Բագրատյանը` նեղացած երկրների շարքում հիշատակելով նաև Վրաստանը։

Իսկ Չինաստանին, նրա բնորոշմամբ, Հայաստանը` Տիգրան Ավինյանի մակարդակով ուղղակի ապտակել է` միանալով Չինաստանի դեմ ույղուրների պրոթուրքական դաշինքին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

13
թեգերը:
Հրանտ Բագրատյան, Հայաստան
Ըստ թեմայի
«8 ամսում Փաշինյանն իր կառավարության հետ «ապահովեց» 8 հազար զոհ». Արծվիկ Մինասյան
Ինչպես ապրել պատերազմից հետո, կամ դեղատոմսեր՝ սթրեսի դեմ
Փաշինյանը բացատրել է, թե ինչու ընդդիմության կոչերը լայն տարածում չեն գտել Հայաստանում
Հայկական ԱԷԿ

Հայկական ԱԷԿ-ում սկսվել են ռեակտորի վերականգնողական նախապատրաստական աշխատանքները

9
(Թարմացված է 17:37 25.11.2020)
Ռեակտորի թրծաթողումը համարվում է մետաղի վերականգնման ամենաարդյունավետ միջոց։ Այս գործողությունը թույլ է տալիս ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին՝ երկարաձգելով դրա շահագործմամ ժամկետը։

ԵՐԵՎԱՆ, 25 նոյեմբերի - Sputnik. Հայկական ԱԷԿ-ում մեկնարկել են ռեակտորի իրանի վերականգնողական թրծաթողման նախապատրաստական աշխատանքները:

Հայկական ԱԷԿ-ի աշխատակիցները ռուսաստանյան  մասնագետների հետ միասին կհավաքեն ռեակտորի թրծաթողման կայանքը, կկատարեն դրա համապարփակ ստուգումը, ինչպես նաև ռեակտորի կորպուսի  անհրաժեշտ հաշվարկները և նյութագիտական ուսումնասիրությունները:

Թրծաթողման աշխատանքներն իրականացվում են «Ռուսատոմ Սերվիս» ԲԸ հետ կնքված՝ Հայկական ԱԷԿ-ի  արդիականացման և անվտանգության մակարդակի բարձրացմանն ուղղված պայմանագրի շրջանակներում: Ռեակտորի թրծաթողումը կմեկնարկի 2021 թվականին կայանում պլանային նախազգուշական վերանորոգման աշխատանքների ընթացքում։ Այդ աշխատանքները նախատեսված է իրականացնել մայիս-հոկտեմբեր ամիսներին։ Ռեակտորի թրծման աշխատանքների կապակցությամբ ՊՆՎ-2021 կտևի սովորականից ավելի երկար՝ շուրջ 140 օր։

Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել

Ռեակտորի թրծաթողումը համարվում է մետաղի վերականգնման ամենաարդյունավետ միջոց․ ռեակտորի իրանը թրծաթողման կայանքի օգնությամբ տաքացվում է մինչև 475 աստիճան, պահվում այդ ջերմաստիճանում 150 ժամ, որից հետո տեղի է ունենում դանդաղ սառեցումը։ Այս գործողությունը թույլ կտա ռեակտորի մետաղի շահագործման բնութագրերը 80-ից 85 տոկոսով վերադարձնել ելակետային վիճակին, այսպիսով երկարացնել դրա շահագործմամ ժամկետը։

Թրծաթողման աշխատանքները կանցկացվեն «Ատոմէներգորեմոնտ» ԲԸ մասնագետների մասնակցությամբ։

Նշենք, որ  «Ատոմէներգորեմոնտ»-ը Ռուսաստանի ամենամեծ ընկերությունն է ատոմակայանների տեխնիկական սպասարկման, սարքավորումների վերանորոգման և արդիականացման ոլորտում։

Հայկական ԱԷԿ-ը Հարավային Կովկասի միակ ատոմային կայանն է, այն արտադրում է Հայաստանի էլեկտրաէներգիայի ավելի քան 30 տոկոսը։ Ատոմային էներգետիկայի բնագավառում Հայաստանի և Ռուսաստանի առանցքային նախագիծն է Հայկական ԱԷԿ-ի երկրորդ էներգաբլոկի արդիականացումն ու շահագործան ժամկետի երկարաձգումը։ Երկրորդ էներգաբլոկը վերագործարկվել է շուրջ 6.5 տարվա դադարից հետո։ Կայանը կարևորագույն դեր է խաղում Հայաստանի էներգահամակարգի զարգացման և երկրի սոցիալ-տնտեսական կյանքի համար։

Հայկական ԱԷԿ-ի շահագործման ժամկետի երկարաձգման նախագծի գլխավոր կապալառուն է «Ռուսատոմ Սերվիս» ընկերությունը։

Այսօր «Ռոսատոմը» միավորում է ավելի քան 300 ձեռնարկություն և կազմակերպություն, ընդհանուր առմամբ դրանցում աշխատում է շուրջ 250 հազար մարդ:

9
թեգերը:
«Ռոսատոմ», Ռուսաստան, Հայաստանի Ատոմային էլեկտրակայան (ԱԷԿ)
Ըստ թեմայի
Պապիկյանն ԱԷԿ–ին հարվածելու թեմայով խոսել է Ատոմային էներգիայի գործակալության տնօրենի հետ
Չնայած ԱՄՆ պատժամիջոցներին` Իրանը կշարունակի էներգետիկ համագործակցությունը ՀՀ–ի հետ. Զարիֆ
Մինչև 6 ժամ էներգիայի անջատումներ են լինելու Երևանի և Կոտայքի մարզի որոշ հասցեներում