Վահագն Հայրապետյան

Հայաստան են ժամանել աշխարհահռչակ երաժիշտներ. ինչ է սպասում ջազի սիրահարներին

274
(Թարմացված է 20:16 30.10.2019)
Yerevan Jazz Fest 2019-ի շրջանակում Հայաստանում ջազի տոնը շարունակվում է: Լինելու են ֆանտաստիկ համերգներ։

ԵՐԵՎԱՆ, 30 հոկտեմբերի – Sputnik. Ջազի հայկական ասոցիացիայի և «Մեցցո Փրոդաքշնի» ջանքերով Հայաստան են ժամանել աշխարհահռչակ մի քանի երաժիշտներ։ Շեփորահար  Ջոն Մարշալը՝ ԱՄՆ-ից, աշխարհահռչակ երգչուհի Ագաթա Իրակեման՝ Բրազիլիայից, վոկալիստներ Գրանտ Ստյուարտը և Լուսի Եղիազարյանը կմասնակցեն Yerevan Jazz Fest 2019-ին: Այս մասին այսօր Sputnik Արմենիա մուլտիմեդիոն մամուլի կենտրոնում ասաց ճանաչված ջազմեն Վահագն Հայրապետյանը:

«Ջազի սիրահարներին այսօր՝ հոկտեմբերի 30-ին, ժամը 19.00-ին, սպասելու ենք  Արամ Խաչատրյանի համերգասրահում, որտեղ Հայաստանի պետական ջազ նվագախումբը՝ գեղարվեստական ղեկավար և դիրիժոր  Արմեն Հյուսնունցի ղեկավարությամբ համերգ կտա, որին ինձնից բացի կմասնակցեն լեգենդար շեփորահար Ջոն Մարշալը, երգչուհի Ագաթա Իրակեման»,-ասաց Հայրապետյանը:

Ջազմենը տեղեկացրեց, որ նոյեմբերի 1–ին նույնպես ֆանտաստիկ համերգ է սպասվում «Մոսկվա» կինոթատրոնի Կարմիր դահլիճում, որտեղ ելույթ կունենան «Վահագն Հայրապետյան և ընկերներ» խումբը, վոկալիստներ Գրանտ Ստյուարտը, Լուսի Եղիազարյանը և իհարկե շեփորահար  Ջոն Մարշալը:

Հայտնի հայ ջազմենները վերադառնում են Հայաստանը վերամիավորելու. «Վարդան Հովսեփյան» տրիոն

Համերգի ընթացքում  կներկայացվի նաև ջազի մասին առաջին հայկական անիմացիոն ֆիլմը:

Пресс-конференция, посвященная открывшемуся в Ереване джазовому фестивалю Yerevan Jazz Fest 2019 (30 октября 2019). Ереван
© Sputnik / Asatur Yesayants
Ջազմենների ասուլիսը Sputnik Արմենիա մուլտիմեդիոն կենտրոնում

Հայրապետյանը պատմեց, որ լեգենդար շեփորահար Ջոն Մարշալի հետ իրենց համագործակցությունը սկսվել է 2017 թվականին: Նրանք վերջերս մեծ համերգային տուր են ունեցել ողջ Եվրոպայում:

Փաշինյանը տիկնոջ ու դստեր հետ մասնակցել է ջազի տոնին. լուսանկարներ

Ի դեպ, հայ շեփորահարների համար Մարշալը նոյեմբերի 2-ին, ժամը 12։00-ին, Հայաստանի պետական ջազ նվագախմբի փորձասրահում  վարպետության դաս կանցկացնի:

Джон Маршалл (30 октября 2019). Ереван
© Sputnik / Asatur Yesayants
Լեգենդար շեփորահար Ջոն Մարշալը

Ասուլիսին ներկա Ջոն Մարշալը նշեց, որ շատ ուրախ է Հայաստան ժամանելու համար, որտեղ բազմաթիվ երաժիշտ ընկերներ ունի: Ասաց` Հայաստանի մասին շատ բան չգիտի, միայն համացանցում հետաքրքիր տեսանյութեր է տեսել, որոնցից  տեղեկացել է երկրի մասին: Կարծում է` հայ հանդիսատեսը կվայելի ճաշակով երաժշտությունը և գոհ կմնա:

Ջազ, օպերա և Պուշկին. Սթենլի Քլարկը Երևանում պատմեց իր նոր ու մեծ նախագծի մասին

Աշխարհահռչակ երգչուհի Ագաթա Իրակեմանը պատմեց, որ իր հայրը երաշժիշտ է եղել և իր ողջ մանկությունն անցել է երաժշտության ուղեկցությամբ: Իրակեմանը Հայաստանն ասոցացնում է Շառլ Ազնավուրի և Տիգրան Համասյանի հետ:

Агата Иракема (30 октября 2019). Ереван
© Sputnik / Asatur Yesayants
Աշխարհահռչակ երգչուհի Ագաթա Իրակեմանը

Ասուլիսին ներկա էր նաև երգչուհի Լուսի Եղիազարյանը, որը  Հայաստան է ժամանել իր փեսացուի՝ Գրանտ Ստյուարտի հետ:

Люси Егиазарян (30 октября 2019). Ереван
© Sputnik / Asatur Yesayants
Աշխարհահռչակ երգչուհի Ագաթա Իրակեմանը և Լուսի Եղիազարյանը

Լուսին ծնունդով Արմավիրից է: Մոտ 20 տարի առաջ տեղափոխվել է Նյու Յորք, որտեղ սկսել է երգել և արդեն երկրպագուների մեծ բանակ ունի: Ասում է`իրեն 1950-60–ականների ջազն է հոգեհարազատ։

«Նյու Յորքում թեպետ մեծ հայկական համայնք չկա, բայց ես այնտեղի ակումբներում երգելով` մեծ ճանաչում եմ ձեռք բերել և ուրախ եմ, որ այսօր Հայաստանում եմ»,-ասաց Լուսին` հավելելով, վերջերս լույս է տեսել իր առաջին ձայնասկավառակը:

Հիշեցնենք, որ հոկտեմբերի 25-ին քառակի գրեմմիակիր բաս կիթառահար Սթենլի Քլարքի համերգով մեկնարկեց  ամենամյա միջազգային ջազ փառատոնը՝ Yerevan Jazz Fest 2019-ը:

274
թեգերը:
Yerevan Jazz Fest 2019, Երևան, Համերգ, Հայաստան, ասուլիս, ջազ
Ըստ թեմայի
Սուպերեթերաշրջանում կդառնամ ջազ երգչուհի. Սաթենիկ Գևորգյանը`«Ты супер!» նոր նախագծի մասին
Ամբողջ աշխարհում մեկ օր, Գյումրիում` չորս. համեցե՛ք Գյումրի՝ ջազ լսելու
Ու միայն Երևանում էր դա խրախուսվում. քաղաքը, որը չդադարեց ջազ լսել
Երևանում կհանդիպեն դասականն ու ջազը. հանդիսատեսին անմոռանալի համերգ է սպասում
Արմեն Չարչյան

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

66
(Թարմացված է 10:11 19.06.2021)
Դատախազը միջնորդություններ է ներկայացրել ԿԸՀ, որպեսզի Արմեն Չարչյանի նկատմամբ քրեական հետապնդում իրականացնելու համաձայնություն ստանան։

ԵՐԵՎԱՆ, 19 հունիսի – Sputnik. «Իզմիրլյան» բժշկական կենտրոնի տնօրեն Արմեն Չարչյանն ընդունել է ձերբակալման օրը առավոտյան գործընկերների հետ ունեցած զրույցի փաստը։ Տեղեկությունը հայտնում է գլխավոր դատախազի խորհրդական Գոռ Աբրահամյանը։

Ավելի վաղ հայտնի էր դարձել, որ բժշկական հաստատության ղեկավարի կողմից տվյալ կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում ձերբակալվել է 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը: ՀՔԾ–ի հաղորդագրության համաձայն` Չարչյանը ճնշում է գործադրել աշխատակիցների նկատմամբ։

«Քրեական գործով ձեռք բերված բավարար ապացույցներով հաստատվել է ձայնագրության մեջ առկա դեպքի փաստն ու բովանդակությունը։ Չարչյանն ընդունել է զրույցի փաստը»,– Facebook–ի իր էջում գրել է Աբրահամյանը։

Նա նշել է` քրեական գործի նախաքննության օրինականության նկատմամբ հսկողություն իրականացնող դատախազն օրենքով սահմանված կարգով ՀՀ կենտրոնական ընտրական հանձնաժողով միջնորդություններ է ներկայացրել նրա նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու վերաբերյալ՝ հաշվի առնելով այն հանգամանքը, որ վերջինս հանդիսանում է ԱԺ պատգամավորության թեկնածու:

Հիշեցնենք` երեկ համացանցում հայտնված ձայնագրությունում Չարչյանն ասում է, որ տնօրինությունը «շատ կոշտ, խիստ համարժեք վերաբերմունք է ցուցաբերելու» նրանց նկատմամբ, ովքեր ընտրություններին չեն մասնակցի։

Մայր աթոռը կոչ է անում ազատ արձակել Արմեն Չարչյանին

66
թեգերը:
Գոռ Աբրահամյան, ձայնագրություն, Արմեն Չարչյան
Pop it

Միֆ և իրականություն. ի՞նչ պետք է իմանան հայ ծնողները «Pop it» խաղալիքների մասին

144
(Թարմացված է 19:36 17.06.2021)
Ճանաչված հոգեբան Անի Խուդոյանը Sputnik Արմենիայի հետ զրույցում մանրամասն ներկայացրել է ծնողներից շատերին մտահոգող խաղերի, երեխաների ագրեսիայի առաջացման հիմնական պատճառների մասին և ոչ միայն։

Վերջին ամիսներին Հայաստանում թրենդային են դարձել ամբողջ աշխարհում հայտի «Pop it» խաղալիքները, որոնք նախատեսված են երեխաների նյարդերը թուլացնելու համար։ Սակայն համացանցում այս խաղալիքների հանդեպ ծնողների կարծիքները խիստ հակասական են։ Օրեր շարունակ Facebook սոցիալական ցանցի հայկական տիրույթի մի շարք խմբերում ծնողներն ահազանգում են, որ նշված խաղալիքները «խիստ վտանգավոր» են երեխաների համար և խանգարում են ուղեղի բնականոն աշխատանքին։

Sputnik Արմենիան խաղալիքի օգուտների և վնասների մասին խոսել է հոգեբանական գիտությունների թեկնածու, հոգեբան Անի Խուդոյանի հետ։

«Երբ մարդու հոգին լարված է, մարմինը փորձում է հանգստացնել այն։ Շատերն անգիտակցաբար կրկնվող գործողություն են անում, որպեսզի լարվածությունը թուլացնեն։ Ելնելով այդ առանձնահատկությունից խաղալիք արտադրողները ստեղծել են Pop it–ն ու դրա նման խաղալիքներ, որոնք նյարդերը հանգստացնող ազդեցություն ունեն»,–ասում է հոգեբանը։

Նրա խոսքով` այլ հարց է, թե արդյո՞ք երեխաներն այնքան լարված իրավիճակում են, որ անհրաժեշտ է նրանց նյարդերը թուլացնել։

Игрушка-антистресс Попит
© Sputnik / Andranik Ghazaryan
Pop it

«Ես փորձել եմ մի փոքր հետազոտություն անել այն ծնողների հետ, որոնց երեխաները խաղում են «Pop it»–ով։ Կարող եմ ասել, որ դա ընդամենը թրենդային խաղալիքի մակարդակից ավել չի անցել ու որևէ բացասական ազդեցություն այս պարագայում դժվար թե նկատվի։ Երեխան ուզում է կամ ունի «Pop it» , որովհետև դրանից ունի իր ընկերը, դասարանցին... Ծնողները փաստում են, որ երեխաներն այդ խաղալիքը 1-2 անգամ օգտագործելուց հետո ուղղակի մի կողմ են դնում, այնուհետև պարզապես ասում, որ իրենք էլ դրանից ունեն։ Կա տեսակետ, մտահոգություն, որ այդ խաղալիքը անջատում է երեխայի ուղեղը, չի թողնում, որ այն լավ աշխատի։ Կարճ ասեմ` դա այն խաղալիքը չէ, որի հետևանքով երեխան կկտրվի աշխարհից։ Ուղղակի եթե երեխայի մոտ նյարդային լարվածություն կա, այս խաղալիքը կարող է թեթև, աննշան դրական ազդեցություն ունենալ»,–նշում է մասնագետը։

Բայց նման խաղալիքները հակացուցուցված են հատուկ կարիքներ ունեցող երեխաներին, որոնք չափազանց դյուրագրգիռ են։

«Օրինակ` աուտիզմով երեխաները ուրախանում են կրկնվող գործողություններից, կարող են ձեռքերը թափահարել, ծափ տալ, նրանց դեպքում նման խաղալիքը հակացուցված է, դա կարող է երեխայի մոտ ստիմային վարքի (ինքնախթանում) առաջացմանը նպաստել, երեխան դրանից ոգևորվում է, ու նորից սկսում են ստիմերը ակտիվանալ»,–զգուշացնում է Խուդոյանը։

Հոգեբանի խոսքով` երեխաների հետ աշխատանքում իրենք էլ են լարվածությունը արհեստականորեն թուլացնող խաղեր կիրառում։

Օրինակ` փուչիկի մեջ ալյուր են լցնում, երեխան լարվածության ժամանակ այն սեղմում–թողնում է, կամ լոբին խառնում են ձավարի հետ, երեխային խնդրում են` դրանք իրարից առանձնացնի և այլն։

Խուդոյանը շեշտում է, որ երեխաների ագրեսիվ վարքի պատճառները պետք է հասկանալ, հետո միայն փորձել նրան օգնել։ Իսկ ամենաառաջին պատճառը հենց ծնողի վարքի ընդօրինակումն է։

«Եթե ծնողը երեխայի հետ բղավելով է խոսում, ապա երեխան կրկնօրինակում է։ Եթե չի կարող ծնողի վրա բղավել, բղավում է ընկերոջ կամ խաղալիքի վրա։ Ամերիկացի հոգեբան Ալբերտ Բանդուրան «Բոբո» տիկնիկի փորձով ապացուցում է, որ երեխան ագրեսիվ վարքը ընդօրինակելու հատկություն ունի. երեխան նստում է մեծ էկրանի դիմաց և նայում, թե ինչպես է մեկ այլ երեխա ծեծում տիկնիկին, դրանից հետո երեխային տալիս են այդ նույն տիկնիկը ու սպասում, թե նա ինչ պետք է անի։ Երեխան սկսում է ծեծել տիկնիկին։ Այսինքն` նախադպրոցական տարիքում երեխայի ընդօրինակման ֆունկցիան շատ զարգացած է»,–ասում է մասնագետը։

Նրա խոսքով` նախ պետք է հասկանալ, թե ծնողների մոտ ինչն է առաջին հերթին ագրեսիա առաջացնում։ Առաջին տեղում համացանցն է, որտեղ կա հսկայական տեղեկատվություն։ Ծնողների մեծ մասը չի տարբերում ճշտված լուրը չճշտվածից, անընդհատ սթրեսի մեջ են ընկնում, դրան գումարվում է երկրի դրությունը, հետպատերազմական իրավիճակը, ընտանեկան խնդիրները և այլն։

Համացանցի պատճառով մի շատ վատ էֆեկտ է տարածվում մարդկանց մեջ` իրենց ընտանիքը լավն է, մերը` վատը։ Օրինակ` երբ կինը համացանցում տեսնում է ինչ–որ մեկին ամուսնու հետ ջերմ գրկախառնված, մտածում է, որ ինքն այդպիսի նկար չի կարող հրապարակել, որովհետև գուցե բավարար սիրված չէ, ու նրա մոտ արդեն սթրես է սկսվում։ Այդ պահին մարդու մոտ ներքին չարություն է կուտակվում։

Հոգեբանը բացատրում է, որ ստեղծված իրավիճակը իրականում շատ հեշտ է հաղթահարել։ Պետք է ընդամենը դուրս գալ համացանցից և ժամանակը հատկացնել սեփական երեխային, ընտանիքին, իսկ համացանցը օգտագործել որպես կարճ ժամանակում տեղեկություն ստանալու միջոց։

Մասնագետի խոսքով`երկրորդ կարևոր գործոնը, որը ազդում է երեխայի վրա, նրա նայած մուլտֆիլմներն են, յութուբյան տեսանյութերը։

«Ցանկացած մուլտֆիլմ, տեսանյութ կարող է ունենալ բացասական հետևանք, եթե ծնողը չի բացատրում երեխային դրա իմաստը։ Եթե երեխայի համար մուլտֆիլմ եք միացնում ու գնում եք ձեր գործերն անելու, ու երեխան 2-3 ժամ նայում է, օրինակ, թե ինչպես է Մաշան («Մաշան և արջը» մուլտֆիլմի գլխավոր հերոսը ) չարություններ անում, ապա նա անգիտակցաբար դա կրկնելու է, բայց եթե ծնողը նստի երեխայի կողքին, բացատրի, թե ինչն է ճիշտ, ինչը` սխալ, ապա երեխան վատ բանը չի անի։ Այստեղ կրկին պետք է խոսել Ալբերտ Բանդուրան «Բոբո» տիկնիկի երկրորդ փորձից, որի ժամանակ ծնողը երեխային բացատրում է, որ մյուս երեխան սխալ է անում, երբ ծեծում է տիկնիկին, ու երբ տեսանյութից հետո երեխային նույն տիկնիկը տալիս են, նա այլևս տիկնիկին չի ծեծում»,–բացատրում է Խուդոյանը։

Հոգեբանը երեխաների ագրեսիայի 3–րդ պատճառը համարում է համակարգչային «կռիվ–կռիվ» խաղերը, որոնք ուղղակի չեն կարող ագրեսիա չառաջացնել։ Իհարկե դրա հակատեսությունն էլ կա. որոշ մասնագետներ նշում են, որ երեխաները խաղի միջոցով դուրս են հանում իրենց ագրեսիան, բայց հետազոտություններն այլ բան են ցույց տալիս։

Փաստ է, որ միայն 6-7 տարեկանում է երեխայի մոտ ձևավորվում տրամաբանական մտածողությունը, ու նա սկսում է ինքնուրույն վերլուծություններ անել, թե որն է ճիշտ, որը` սխալ, բայց մինչ այդ, երեխային պետք է օգնել։ Երեխայի դաստիարակության համար բաց թողնված տարիները, ոչ բավարար ուշադրությունը անդառնալի հետևանքներ կարող են ունենալ։

Ինչպես ազատվել սթրեսից ու նյարդային լարվածությունից․ 6 արդյունավետ միջոց

144
թեգերը:
Խաղ, հոգեբան, ծնող, երեխա, Հայաստան
Ըստ թեմայի
Ո՞րն է երեխայի սեռական դաստիարակության սահմանը. պարզաբանում է հոգեբանը
Կոմունիկատորի վստահելիություն. հոգեբանն ասել է` որ դեպքերում են մարդիկ տրվում ասեկոսեներին
Ինչ հոգեբանական խնդիրներ կարող է առաջացնել կորոնավիրուսը. պարզաբանում է մասնագետը