Նիկոլ Փաշինյան

Փաշինյանի խոստացած 10 մլն ծառը բյուջեի նախագծով նախատեսված չէ. ովքե՞ր են տնկելու

162
(Թարմացված է 12:54 29.10.2019)
Շրջակա միջավայրի նախարար Էրիկ Գրիգորյանը ԱԺ–ում փորձել է բացատրել, թե որտեղից ու ինչ գումարով են ձեռք բերվելու Փաշինյանի հայտարարած 10 մլն տնկիները։

ԵՐԵՎԱՆ, 29 հոկտեմբերի — Sputnik. 2020թ–ին 10 մլն ծառ տնկելու ծրագիրը հաջորդ տարվա բյուջեի նախագծով նախատեսված չէ։ Այս մասին այսօր ԱԺ–ում բյուջեի նախագծի քննարկումների ժամանակ հայտարարեց ՀՀ շրջակա միջավայրի նախարար Էրիկ Գրիգորյանը։

Նրա խոսքով, 2020թ–ին անտառվերականգնման համար բյուջեում 400 մլն դրամից ավելի գումար է նախատեսված, բայց այդ գումարի մեջ 10 մլն տնկիներ գնելն ու տնկելը նախատեսված չեն։

«Այդ 10 մլն ծառերի ծրագիրն այլ ֆինանսավորման գործընթացներ է ենթադրում։ Մենք կապի մեջ ենք ՌԴ–ի, Բելառուսի, Ղազախստանի մեր գործընկերների հետ` տնկիներ ձեռք բերելու, համատեղ ծրագիր իրականացնելու համար։ Բայց սա համահայկական ծրագիր է, և գաղափարն այն է, որ դրան լայն մասնակցություն կունենան ինչպես ՀՀ տարբեր շահառուներ, մասնակիցներ` բիզնես կառույցներ, դպրոցներ, այնպես էլ սփյուռքի»,– ասաց Գրիգորյանը։

Հիշեցնենք` 2019թ–ի հոկտեմբերի 16-ին «Գլոբալ ինովացիոն ֆորում 2019. փոխակերպելով բանականությունը» համաժողովում ունեցած իր ելույթում ՀՀ վարչապետ Նիկոլ Փաշինյանը հայտարարել էր 2020 թվականի 10-րդ ամսվա 10-րդ օրը 10 միլիոն հատ ծառ տնկելու ծրագրի մասին։

Մինչ այդ, այս գաղափարը հնչել էր կառավարության նիստում, և բնապահպանության նախարարի Էրիկ Գրիգորյանի խոսքով` չէր քննարկվել հնարավոր դոնորների հետ։

Հարությունյան. «Ծառը միայն տնկելով չէ, պետք է տնկին 4-5 տարի պարբերաբար խնամվի»

Այդուհանդերձ, ծրագրի մասին պաշտոնապես արդեն մի քանի անգամ հայտարարվել է, և բնապահպանները տարակուսել են. այդ ծավալի աշխատանքներին պետք է նախապես պատրաստվել` ունենալ մշակված հողատարածք, ոռոգման հնարավորություն ու մեծ գումար` 10 մլն տնկի ձեռք բերելու համար։

Որքանո՞վ է իրատեսական Փաշինյանի ասած 10 մլն ծառ տնկելը. վերցնենք ցնցուղն ու ջրենք անապատը

162
թեգերը:
Նիկոլ Փաշինյան, Հայաստան
Ըստ թեմայի
Աշխատավարձերի հերթական բարձրացումը. հերթը հասավ անտառի պահապաններին
Սահմանված չափանիշներին չհամապատասխանող ձկնաբուծարանները պետք է փակվեն. վարչապետ
Հայաստանում 44 լքված պոչամբար և 5 հանքավայր կա. որոշ տեղերում վիճակն աղետալի է
Փաշինյանի գաղտնի հանձնարարականով բարձրացել են նախարարների, փոխնախարարների աշխատավարձերը