Եկատերինա Զախարիևա

Բուլղարիան շատ լավ հարաբերությունների մեջ է թե՛ Ադրբեջանի հետ, թե՛ Հայաստանի. Զախարիևա

20
(Թարմացված է 14:08 28.10.2019)
Ղարաբաղյան հիմնահարցի միակ լուծումը, ըստ Բուլղարիայի ԱԳ նախարարի, խաղաղ երկխոսությունն է, այս դեպքում` ԵԱՀԿ Մինսկի խմբի օգնությամբ։

ԵՐԵՎԱՆ, 28 հոկտեմբերի - Sputnik. Բուլղարիան շատ լավ հարաբերությունների մեջ է թե՛ Ադրբեջանի հետ, թե՛ Հայաստանի։ Այս մասին ասաց Բուլղարիայի ԱԳ նախարար Եկատերինա Զախարիևան` ՀՀ ԱԳ նախարար Զոհրաբ Մնացականյանի հետ հանդիպման ժամանակ պատասխանելով լրագրողների հարցերին։

Նշենք, որ 2020թ.–ի վերջից Բուլղարիան «Շահդենիզ-2» հանքավայրի շրջանակում մեկ միլիարդ խմ գազ կստանա, ինչը թույլ կտա բավարարել Բուլղարիայի գազի պահանջարկի շուրջ 30 տոկոսը:

«Կայունությունը, բարեկեցությունը և սառեցրած կոնֆլիկտների լուծումն ամենակարևոր առաջնահերթություններից են ԵՄ–ի համար։ Ինչ վերաբերում է Ղարաբաղյան հիմնահարցին, ապա կարծում եմ, որ դրա միակ լուծումը խաղաղ երկխոսությունն է, այս դեպքում` ԵԱՀԿ Մինսկի խմբի օգնությամբ»,–ասաց նա։

Ղարաբաղյան հակամարտությունը լրացուցիչ լարվածություն է մտցնում Կովկասում. Սեմերիկով

Բուլղարիայի ԱԳ նախարարի խոսքով` լավ կլինի, որ Ղարաբաղյան խնդիրը լուծվի ու այն չսահմանափակի Հայաստանի տնտեսական համագործակցությունն այս կամ այն երկրի հետ։ Զախարիևան հայտնեց, որ Բուլղարիան հատուկ մոտեցում ունի Հարավային Կովկասի նկատմամբ և միակ բանը, որ կարող են անել Ղարաբաղյան հիմնահարցի առնչությամբ` Հայաստանին օգնելն է, որ ոչ կենտրոնանք հռետորաբանության, այլ երկխոսության վրա։

Հիշեցնենք, որ Ադրբեջանում Բուլղարիայի դեսպան Նիկոլայ Յանկովն ավելի վաղ հայտնել էր, որ Բուլղարիան գտնվում է իր ազգային գազատրանսպորտային ցանցի  արդիականացման փուլում։ Ըստ նրա`  մոտ ժամանակներում երկիրը տարբեր աղբյուրներից գազի տարանցումն իրականացնելու հնարավորություն կստանա, այդ թվում` նաև Ադրբեջանից Բալկանյան երկրներ, այնուհետև Արևելյան և Արևմտյան Եվրոպա:

20
թեգերը:
Եկատերինա Զախարիևա, Բուլղարիա, Ադրբեջան, Հայաստան
Ըստ թեմայի
Հայաստանն ու Բուլղարիան քննարկում են կանոնավոր չվերթերի հնարավորությունը
Հակոբյան. «Բուլղարիան մեզ հետաքրքրում է որպես տարանցիկ երկիր, մենք էլ` Բուլղարիային»
Նախագիծ Բուլղարիայում․ ինչու է հայը ՌԴ արտգործնախարարությանը «Կիրիլիցայի պալատ» կանչում
Բուլղարիան չեղարկել է Հայաստանի և Վրաստանի հետ փոխադրումների «ժամկետանց» համաձայնագիրը