ԿԲ նախագահ Արթուր Ջավադյանն ու ՊԵԿ նախագահ Դավիթ Անանյանը. արխիվային լուսանկար

Գները կաճեն, բայց ոչ շատ արագ. Կենտրոնական բանկը ցածր գնաճ է կանխատեսում

94
ԿԲ-ն կարող է վարել ավելի ագրեսիվ դրամավարկային քաղաքականություն` գնաճն էլ ավելի զսպելու համար։ Բայց ԿԲ նախագահը դա վտանգավոր է համարում։ 

ԵՐԵՎԱՆ, 28 հոկտեմբերի – Sputnik. 2020թ.–ի համար Հայաստանում կանխատեսվող նվազագույն գնաճը կլինի 2.5 տոկոսի սահմանում, առավելագույնը` 4 +/-1.5 տոկոս։ Այս մասին այսօր ԱԺ–ում, 2020թ.–ի բյուջեի նախագծի քննարկման ժամանակ հայտարարեց ՀՀ ԿԲ նախագահ Արթուր Ջավադյանը։

«Ցածր գնաճը մեզ հնարավորություն տվեց թիրախավորել գնաճային սպասումները։ Շատ կարևոր է, որ մեր բնակչության մոտ գնաճային սպասումները գրեթե վերացել են։ Սա բավականին լավ միջավայր է տնտեսական աճ ունենալու համար։ Այն գործողությունները, որոնք իրականացնում է կառավարությունը և այն պոտենցիալը, որ կուտակվում է մեր գործառույթներում, վկայում է, որ այս տարի էլ մենք կունենանք ավելի լավ ցուցանիշներ, քան նախատեսում ենք, և ես վստահ եմ, որ նույնը կլինի նաև հաջորդ տարի»,– ասաց  Ջավադյանը։

ԿԲ նախագահը չհերքեց, որ հնարավոր է վարել ավելի ագրեսիվ դրամավարկային քաղաքականություն` գնաճն ավելի շատ զսպելու ուղղությամբ։ Բայց դա, նրա խոսքով, հղի է անկանխատեսելի հետևանքներով։

Դեպի Հայաստան փոխանցումների սահմանափակում չկա. ԿԲ

Գների կայունության առումով, Արթուր Ջավադյանի խոսքով, ԿԲ–ն իր ներկա քաղաքականությամբ էլ որևէ խնդիր չի տեսնում։

Խոսելով ԿԲ վարչական ծախսերի մասին` Արթուր Ջավադյանը նաև շեշտեց, որ ԿԲ աշխատակիցների աշխատավարձերը վերջին 5 տարիների ընթացքում չեն ավելացել, այն դեպքում, երբ ՀՀ բանկային համակարգում աշխատավարձերն ավելացել են 8 տոկոսով։

Նշենք, որ 2019թ.–ի համար Կենտրոնական բանկը նույնպես 4 +-1.5 % 12-ամսյա գնաճի թույլատրելի միջակայք էր սահմանել։

94
թեգերը:
ՀՀ Ազգային ժողով, ԱԺ, գնաճ, Կենտրոնական բանկ (ԿԲ), Արթուր Ջավադյան
Ըստ թեմայի
Որքա՞ն գնաճ է գրանցվել նոյեմբերին և 12 ամսում. Կենտրոնական բանկը հաշվել է
Գնաճը և աշխատավարձերը Հայաստանում. ով ինչքանի է «արժանի»
Ապրանքների ու ծառայությունների գնաճը Հայաստանում
Աճ կա. Հայաստանի տնտեսության զարգացումն արագանում է, գնաճն ու արտաքին պարտքը` նվազում
Ադրբեջանական զրահատեխնիկա, արխիվային լուսանկար

Ինչ կորուստներ ունի Ադրբեջանը

407
(Թարմացված է 01:50 29.09.2020)
Ադրբեջանն իր իսկ սանձազերծած ռազմական գործողությունների հետևանքով արդեն 80 զրահատեխնիկայից է զրկվել։

ԵՐԵՎԱՆ, 29 սեպտեմբերի – Sputnik. ՀՀ ՊՆ մամուլի խոսնակ Շուշան Ստեփանյանը Facebook–ի իր էջում ներկայացրել է հայկական զինուժի կողմից խոցված սպառազինությունը սեպտեմբերի 28-ի, ժամը 21:00-ի դրությամբ։ 

Ըստ այդմ` Ադրբեջանը կորցրել է 19 ԱԹՍ, 4 ուղղաթիռ, 80 զրահատեխնիկա, 1 ինքնաթիռ և 82 ավտոտրանսպորտ։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

407
թեգերը:
ինքնաթիռ, անօդաչու թռչող սարք, տանկ, Ադրբեջան
թեմա:
Ադրբեջանական ագրեսիա Արցախում. 2020
Անտոնիո Գուտերեշ

Փաշինյանն ու ՄԱԿ–ի գլխավոր քարտուղարը հեռախոսազրույց են ունեցել

51
(Թարմացված է 01:50 29.09.2020)
ՀՀ վարչապետի ու Գուտերեշի հեռախոսազրույցը կայացել է վերջինիս նախաձեռնությամբ։ ՄԱԿ–ի գլխավոր քարտուղարը մտահոգված է ղարաբաղա-ադրբեջանական սահմանագոտում տիրող իրավիճակով։

ԵՐԵՎԱՆ, 29 սեպտեմբերի – Sputnik.  ՀՀ վարչապետ Նիկոլ Փաշինյանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ։ Տեղեկությունը հայտնում է ՀՀ վարչապետի մամուլի ծառայությունը` նշելով, որ զրույցը կայացել է Գուտերեշի նախաձեռնությամբ:

Վարչապետն անդրադարձել է ղարաբաղա-ադրբեջանական սահմանագոտում տիրող իրավիճակին և ընդգծել Ադրբեջանի կողմից սանձազերծված պատերազմի փաստը: Նիկոլ Փաշինյանը նշել է, որ ի տարբերություն նախորդ տարիների էսկալացիաներին՝ այս մեկին բնորոշ է Թուրքիայի խիստ ակտիվ և կողմնակալ դիրքորոշումն ու ապակայունացնող ուղղակի ներկայությունն ադրբեջանական գործողություններում:

ՄԱԿ-ի գլխավոր քարտուղարը խոր մտահոգություն է հայտնել ստեղծված իրավիճակով և զարգացումներով՝ ընդգծելով ԵԱՀԿ Մինսկի խմբի շրջանակում խաղաղ գործընթացի վերսկսման անհրաժեշտությունը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 2 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, հայկական կողմը հայտնում է, որ հակառակորդի կորուստներն անհամեմատ մեծ են։

Արցախում և Հայաստանում ռազմական դրություն և համատարած զորահավաք է հայտարարվել։

Սա մեր վերջին ու ամենապատասխանատու ճակատամարտն է լինելու. ԱՀ նախագահը` կամավորականներին

51
թեգերը:
Անտոնիո Գուտերեշ, Միավորված ազգերի կազմակերպություն (ՄԱԿ), Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
«Երեկ որ տվել էին, թե Մռավը գրավել են, այսօր արդեն հարձակվել են». Արցախի նախագահ
Պետք է շատ ավելի ծանր և երկար մարտական գործողությունների պատրաստ լինենք. Արցախի նախագահ
Այստեղ պետք չէ բացատրել՝ ով է Էրդողանը և ինչ է ուզում անել Արցախում. սիրիացի պատգամավոր