Գագիկ Հարությունյան

Գագիկ Հարությունյանի ցուցմունքի որոշ մանրամասներ հայտնի են. «Ժողովուրդ»

40
(Թարմացված է 11:12 26.10.2019)
Սահմանադրական դատարանի նախկին նախագահը Սամվել Բաբայանի դեմ հարուցված քրգործով ցուցմունք է տվել, որը քննիչները դասախոսություն են որակել։

ԵՐԵՎԱՆ, 26 Հոկտեմբեր — Sputnik. ՍԴ նախկին նախագահ Գագիկ Հարությունյանը հարցաքննության ժամանակ ասել է, թե հրաժարականի դիմումը գրել է մարտի 1-ին, բայց այն ԱԺ է հանձնվել մարտի 2-ին: Այս մասին գրում է «Ժողովուրդ» թերթը։

Գագիկ Հարությունյանին, ինչպես արդեն հայտնել էինք, հարցաքննել էին ԱԺ աշխատակազմի ղեկավարի նախկին տեղակալ Արսեն Բաբայանի դեմ հարուցված քրգործով, ըստ որի` պաշտոնական անձինք, այդ թվում` Բաբայանը, Գագիկ Հարությունյանի` լիազորությունները վայր դնելու գործընթացում կատարել են պաշտոնեական կեղծիքներ։

«ՀՔԾ քննիչը Հարությունյանին ներկայացրել է Արսեն Բաբայանին մեղադրանք առաջադրելու` իշխանության յուրացման բոլոր հանգամանքները։ Բայց Հարությունյանը, հղում անելով մի շարք օրենքների, բավականին երկար` մի քանի էջ պարզաբանում է ներկայացրել` հիմնավորելով, թե ՍԴ նախագահի պաշտոնի յուրացում չէր կարող լինել, ամեն ինչ կատարվել է օրենքով»,–գրում է թերթը։

ՀՔԾ քննիչները, ըստ «Ժողովուրդի», Հարությունյանի ցուցմունքը դասախոսություն են որակել։

Չի բացառվում, որ Բաբայանի գործով «Լուսավոր Հայաստանը» ՀՔԾ պետին խմբակցություն հրավիրի

Հիշեցնենք, որ ըստ Հատուկ քննչական ծառայության հաղորդագրության` Հարությունյանի` ՍԴ նախագահի պաշտոնից հրաժարվելու մասին դիմումը ՍԴ աշխատակազմի ընդհանուր բաժնից ելքագրվել և աշխատակազմի ղեկավարի միջոցով ԱԺ աշխատակազմի ղեկավարի տեղակալի պաշտոնակատար Արսեն Բաբայանին է հանձնվել 2018–ի մարտի 5-ին, մինչդեռ ԱԺ նախագահ Արա Բաբլոյանը, պաշտոնապես ստացած չլինելով Գագիկ Հարությունյանի հիշյալ դիմումը, 2018 թ. մարտի 2-ին ապօրինի ստորագրել և հանդես է եկել ՍԴ նախագահի հրաժարականի դիմում ներկայացնելու մասին հայտարարությամբ:

«ՀՔԾ–ում բոլոր հարցերին հստակ պատասխանել եմ». Արա Բաբլոյանին մեղադրանք չի առաջադրվել

40
թեգերը:
Արսեն Բաբայան, Գագիկ Հարությունյան, Հայաստան
Ըստ թեմայի
Մարդու իրավունքների պաշտպանը պարզաբանում է պահանջել ՀՔԾ–ից Արսեն Բաբայանի գործի մասին
Ով է ցուցմունք տվել Արսեն Բաբայանի գործով. «Ժողովուրդ»
Արսեն Բաբայանի ձերբակալումը ՍԴ նախագահի դեմ սկսած օպերացիայի հերթական սերիան է. Շարմազանով
Ինչու Արսեն Բաբայանի գործին չի կցվել ՍԴ աշխատակազմի նախկին ղեկավարի ցուցմունքը
Ղազարյան. «Արսեն Բաբայանին ներկայացված մեղադրանքի հոդվածը թույլ է, խնդրահարույց»