Փաշինյանի գաղտնի որոշման արդյունքում ՊԵԿ նախագահի պարգևավճարը նվազել է
(Թարմացված է 13:57 24.10.2019)
Դավիթ Անանյանը լրագրողներին պատմել է, թե ՊԵԿ–ում ով որքան աշխատավարձ է ստանում և ով է դրանք հաշվարկում։ԵՐԵՎԱՆ, 24 հոկտեմբերի — Sputnik. ՀՀ ՊԵԿ նախագահ Դավիթ Անանյանի պարգևավճարը նվազել է։ Այսօր կառավարության նիստից հետո լրագրողների հետ զրույցում այս մասին ասաց հենց Անանյանը` մեկնաբանելով կառավարության անդամների աշխատավարձերի բարձրացման որոշումը։
«Վարչապետի ու վարչապետի աշխատակազմի կողմից սահմանվել են պարգևավճարների առավելագույն չափեր։ Այդ կարգավորումների արդյունքում, օրինակ, իմ պարգևավճարը նվազել է»,– ասաց ՊԵԿ նախագահը։
Անանյանը հստակեցրեց` անցած տարի 2 մլն էր ստանում, այս տարի` 1.5։ Իր աշխատակիցների, այդ թվում` օգնականի, քարտուղարուհու վարձատրության չափերը, որոնց մասին մամուլը ժամանակին ակտիվորեն գրում էր, Անանյանը չցանկացավ բացահայտել։
Նիկոլ Փաշինյանը երկու պաշտոնյայի ազատել է աշխատանքից
«Յուրաքանչյուր ամիս յուրաքանչյուր աշխատակից գնահատվում է, ու բոլոր պարգևավճարներն ամեն ամիս հաշվարկում եմ ես` իմ համակարգչով, գնահատման համակարգերի հիման վրա։ Դրա արդյունքում կարող է լինել աշխատող, որ ստանա բարձր, կարող է լինել աշխատակից, որ ստանա ցածր»,– ասաց նա։
Անանյանը հայտնեց, որ ՊԵԿ–ն ունի 750 աշխատակից, որոնցից համեմատաբար բարձր են վարձատրվում վարչությունների պետերը։ Տեսուչները ստանում են 150 000 դրամ։
©
Sputnik / Asatur Yesayants
Լրագրողների դիտարկմանը, թե այդ գումարը բավարա՞ր է կոռուպցիան կանխելու համար, Դավիթ Անանյանը պատասխանեց. «Իհարկե, ոչ։ Դրա համար մենք աշխատում ենք այնպես անել, որ այդ տեսուչն ամեն ամիս պարգևավճար ստանա, որն իրականում ոչ թե պարգևավճար է, այլ իր աշխատանքի իրական գնահատականը։ Դա մոտավորապես 50-75 տոկոսն է իր աշխատավարձի»։
Հիշեցնենք` հոկտեմբերի 21-ին «Հետքը» գրել էր, որ վարչապետ Նիկոլ Փաշինյանի գաղտնի հանձնարարականով էականորեն բարձրացել են նախարարների, փոխնախարարների և նախարարությունների գլխավոր քարտուղարների աշխատավարձերը։
Ըստ «Հետքի»` Փաշինյանն աշխատավարձերի բարձրացման հանձնարարականը տվել է հուլիսին։
Հոկտեմբերի 23-ին ԱԺ–ում վարչապետը հայտարարեց, որ ոչ բոլոր նախարարների ու փոխնախարարների աշխատավարձերն են բարձրացել, ոմանցը իջել է։
Ինչ վերաբերում է գաղտնիությանը, Փաշինյանը նշեց, որ դա ընթացակարգի հարց է։ Նախկինում վարձատրություններին վերաբերող բոլոր որոշումները կրում էին «գաղտնի» գրիֆը, որն այսօր էլ իներցիայով շարունակվում է։
Բայց ըստ վարչապետի` որոշումն իրականում գաղտնի չի ընդունվել, այլ 1 տարի առաջ, 2019թ–ի բյուջեի նախագծի քննարկման ժամանակ, հրապարակային։
թեգերը:
Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին
(Թարմացված է 19:03 03.03.2021)
ՀՀ շախմատի ֆեդերացիայի նախագահն անդրադարձել է հայկական շախմատի առաջատարի որոշմանը։ ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է հայ գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:57 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց