Հայկական նավերը կլողան ԵԱՏՄ ջրերում. Հայաստանը վավերացնում է նավագնացության համաձայնագիրը
(Թարմացված է 11:15 24.10.2019)
Ծով չունեցող Հայաստանը կարող է նավարկել ԵԱՏՄ անդամ երկրների ջրային ճանապարհներով։ Կառավարությունը համաձայն է օգտվել ծովային փոխադրումներ ունենալու հնարավորությունից։ ԵՐԵՎԱՆ, 24 հոկտեմբերի — Sputnik. Հայաստանի դրոշով նավերը կկարողանան անարգել անցնել ԵԱՏՄ անդամ երկրների ջրային տարածքն ու լողալ այդ պետությունների ներքին ջրային ուղիներում։ Դրա համար Հայաստանը պետք է վավերացնի 2019 թվականի փետրվարի 1-ին ստորագրված «Նավագնացության մասին» համաձայնագիրը։ ՀՀ կառավարությունն այսօր հավանություն տվեց համաձայնագրի վավերացման նախագծին։Վերջին խոսքն Ազգային ժողովինն է։
©
Sputnik / Aram Nersesyan
Այժմ մի պետության նավերը մյուսի ջրային տարածք են մուտք գործում թույլտվության դեպքում։ Համաձայնագրով նախատեսվում է անցում կատարել ծանուցման համակարգի, այսինքն`ջրային սահմանը հատելու համար բավական է նախապես ծանուցել տվյալ պետությանը։
Բացի այդ, համաձայնագիրը թույլ կտա փոխադարձաբար ճանաչել ԵԱՏՄ անդամ պետությունների նավերի, դրանց նավապետների ու անձնակազմերի որակավորման փաստաթղթերը:
Որտեղ աշխատել ես, այնտեղից էլ թոշակ ստացիր. Հայաստանը կողմ է ԵԱՏՄ նոր համաձայնագրին
Նշենք, որ ծով չունեցող երկրներին նավեր ունենալու իրավունք է ընձեռում Ծովային իրավունքի մասին ՄԱԿ–ի կոնվենցիան, որին միացել են ծովային ելք չունեցող 44 երկիր, այդ թվում` Հայաստանը։
Կոնվենցիան ընդունվել է 1982թ.–ի դեկտեմբերի 10–ին, ուժի մեջ մտել 1994թ.-ի նոյեմբերի 16–ին։
Հայաստանը կոնվենցիան վավերացրել է 2002թ.-ի դեկտեմբերի 9–ին։
Հիշեցնենք` ԵԱՏՄ անդամ երկրներն են Հայաստանը, Բելառուսը, Ղազախստանը, Ղըրղըզստանն ու Ռուսաստանը։
Հայաստանը ԵԱՏՄ–ում ավելի հեշտ առևտուր կանի Չինաստանի հետ. ի՞նչ սպասել Հնդկաստանից
Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին
(Թարմացված է 19:04 03.03.2021)
ՀՀ շախմատի ֆեդերացիայի նախագահն անդրադարձել է հայկական շախմատի առաջատարի որոշմանը։ ԵՐԵՎԱՆ, 3 մարտի - Sputnik. ՀՀ շախմատի ֆեդերացիայի նախագահ, ՀՀ 3-րդ նախագահ Սերժ Սարգսյանը խոսել է գրոսմայստեր Լևոն Արոնյանի՝ ԱՄՆ տեղափոխվելու մասին, տեղեկացնում է armsport.am-ը։
«Ես որևէ կերպ չեմ խրախուսել նրա որոշումը, բացարձակապես, նույնիսկ ես նրան առաջարկել եմ հնարավորություն ստեղծել, որ այդ օժանդակությունը Հայաստանում շախմատ սիրողների կողմից տրամադրվի: Ինքն ասել է, որ վերադառնալու է, երբ իր նկատմամբ վերաբերմունքը փոխվի, և նախկինի նման շախմատը հարգվի Հայաստանում»,-ասել է ՀՀ 3-րդ նախագահը լրագրողների հետ զրույցում:
Հիշեցնենք, որ օրեր առաջ Արոնյանը հայտնել էր ԱՄՆ տեղափոխվելու և այդ երկրի հավաքականում հանդես գալու մասին:
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
«Ես ապացուցելու ոչինչ չունեմ». Վազգեն Մանուկյանի դեմ քրեական գործ է հարուցվել
(Թարմացված է 18:57 03.03.2021)
Գեղամ Մանուկյանը հայտնեց, թե Հայրենիքի փրկության շարժման վարչապետի թեկնածուին որ հոդվածով է մեղադրանք առաջադրվել։ ԵՐԵՎԱՆ, 3 մարտի – Sputnik. Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում` քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
Մանուկյանը Sputnik Արմենիայի հետ զրույցում նշեց, որ դեռ 1988-ից է սովոր նման ծանուցումների։
«Իրենք պետք է ինչ–որ բան ապացուցեն։ Ես ապացուցելու որևէ բան չունեմ»,–ասաց Մանուկյանը։
Հարցին, թե որքանո՞վ էր այն սպասելի Մանուկյանի համար, վերջինս պատասխանեց, թե պետք է որ մեր երկրում նման բան սպասելի չլիներ, սակայն քանի որ երկիրն այն վիճակում է, որ շատ մարդկանց շատ ծանուցումներ են ուղարկել, անսպասելի չէր։
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Մանուկյանը հավելեց` եթե նախաքննական մարմինն իրեն կանչի հարցաքննության այն ժամին, որ իրեն հարմար լինի, ապա որևէ խնդիր չկա` կներկայանա ՔԿ։
Հիշեցնենք` 301-րդ հոդվածը սահմանում է, որ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչեր անելը պատժվում է տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով:
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց