ԵՐԵՎԱՆ, 23 հոկտեմբերի – Sputnik. Հայաստանը կարող է դառնալ ՁԻԱՀ–ի կանխարգելման տարածաշրջանային կենտրոն։ Այդ մասին ՁԻԱՀ–ի կանխարգելման հանրապետական կենտրոնի 30–ամյակին նվիրված միջոցառման ժամանակ լրագրողների հետ զրույցում հայտարարեց Հայաստանում ՌԴ դեսպան Սերգեյ Կոպիրկինը։

Ինչպես նորաձևությունը կարող է նպաստել ՄԻԱՎ/ՁԻԱՀ-ի դեմ պայքարին Հայաստանում. Fashion Aids Line.

«ՄԻԱՎ/ՁԻԱՀ–ի և այլ վարակիչ հիվանդությունների կանխարգելման և հսկողության ոլորտում Արևելյան Եվրոպայի և Կենտրոնական Ասիայի երկրներին տեխնիկական օգնության ծրագրի» շրջանակում Ռուսաստանը հոկտեմբերի 15–ին Հանրապետական կենտրոնին նվիրաբերել է երրորդ շարժական կլինիկան։

© Sputnik / Asatur Yesayants

ՁԻԱՀ–ի կանխարգելման հանրապետական կենտրոն

«Ռուսաստանը պրոֆիլային կազմակերպությունների միջոցով սերտ կապեր է պահպանում կենտրոնի հետ։ Հերթական շարժական լաբորատորիան, որը նվիրաբերվել է հայկական կողմին, վկայում է այն մասին, որ փոխգործակցությունը շարունակվում է և օգուտ բերում մեր երկրներին»,–նշեց դիվանագետը։

© Sputnik / Asatur Yesayants

Հայաստանում ՌԴ դեսպան Սերգեյ Կոպիրկին

Կոպիրկինը հիշեցրեց Ռուսաստանում խոշոր հայկական սփյուռքի, ինչպես նաև Հայաստանում ռուս զբոսաշրջիկների թվի սրընթաց աճի մասին, ինչը, նրա խոսքով, ավելի արդի է դարձնում առողջապահության ոլորտում համագործակցության հարցերը։

«Դա այն է, ինչ մեզ թելադրում է կյանքը։ Փոխգործակցությունը, որն իրականացվում է ՁԻԱՀ–ի կանխարգելման և դրա դեմ պայքարի ոլորտում, բոլոր հիմքերն ունի հետագայում ևս դինամիկ կերպով զարգանալու համար։ Հայաստանը մեծ հաջողությունների է հասել այդ ոլորտում և հեռանկարներ ունի դառնալու ՁԻԱՀ կանխարգելման տարածաշրջանային կենտրոն։ Նույնը մաղթում եմ Հայաստանի Հանրապետությանը»,–նշեց դեսպանը։

ՁԻԱՀ–ի կանխարգելման հանրապետական կենտրոնի տնօրեն Սամվել Գրիգորյանն իր հերթին նշեց, որ չի կարելի թերագնահատել շարժական կլինիկաների դերը ՄԻԱՎ/ՁԻԱՀ–ին հակազդելու գործում։ Դրանք գործում են մարզերում և արդեն հասցրել են հետազոտություններ անցկացնել 300 գյուղական համայնքներում` 2013թ.–ից սպասարկելով 60 հազար մարդու։

© Sputnik / Asatur Yesayants

ՁԻԱՀ–ի կանխարգելման հանրապետական կենտրոնի տնօրեն Սամվել Գրիգորյան

«Գյուղական համայնքներում մենք աշխատում ենք առավել խոցելի խմբի` աշխատանքային միգրանտների և նրանց ընտանիքների անդամների հետ։ ՄԻԱՎ վարակի դրական արդյունքի դեպքում այցելուներին ուղարկում են կենտրոն, որտեղ նրանք անհրաժեշտ բուժօգնություն են ստանում»,–ասաց նա։

© Sputnik / Asatur Yesayants

Հայաստանում ՌԴ դեսպան Սերգեյ Կոպիրկինն ու ՁԻԱՀ–ի կանխարգելման հանրապետական կենտրոնի տնօրեն Սամվել Գրիգորյանը

Այժմ երկու շարժական կլինիկաներ են գործում ԿամԱԶ ավտոմեքենաների վրա և ևս մեկը` ГАЗон–ի վրա։ Վերջինը կարելի է օգտագործել հասարակական վայրերում, զանգվածային միջոցառումների ժամանակ։

Պայքար ՁԻԱՀ–ի դեմ. ո՞ր մարզում է իրավիճակն առավել ողբալի

Նշենք, որ առաջին կլինիկան Հայաստանին նվիրաբերել են 2014թ.–ին, երկրորդը` 2016թ.–ին։

1988թ.–ից ի վեր Հայաստանում արձանագրվել է ՄԻԱՎ 3654 դեպք։ Սեպտեմբերի տվյալներով` Հայաստանում կա 2523 ՄԻԱՎ վարակակիր։ Տղամարդիկ կազմում են մոտ 70 տոկոս, կանայք` 30 տոկոս, կա 60 երեխա։ 2100 մարդ դիսպանսերային հաշվառման տակ է և ստանում է հակառետրովիրուսային բուժում։

ԵՐԵՎԱՆ, 3 մարտի - Sputnik. Եթե խորհրդարանական ընդդիմության ընկերներն ընդունեն արտահերթ խորհրդարանական ընտրություններ անցկացնելու առաջարկը, ապա կունենանք ընտրություններ համաձայնեցված ժամկետներում։ ԱԺ–ում կառավարության հետ հարցուպատասխանի ժամանակ ասաց վարչապետ Նիկոլ Փաշինյանը` պատասխանելով անկախ պատգամավոր Արման Բաբաջանյանի այն հարցին, թե ինչպե՞ս է հանգուցալուծվելու ներկա քաղաքական ճգնաժամը։

© Sputnik / Aram Nersesyan

Փաշինյանն ԱԺ–ում է, բայց խուսափում է խոսել. նրան ուղղված հարցերին պատասխանում է Ավինյանը

Նշենք, որ կառավարության հետ մեկուկես ժամանոց հարցուպատասխանի ընթացքում բազմիցս հարցեր էին հնչել՝ ուղղված վարչապետին, սակայն դրանց պատասխանում էր փոխվարչապետ Տիգրան Ավինյանը։

«Ինչո՞ւ անել արտահերթ ընտրությունները համաձայնեցմամբ։ Մենք չենք ուզում անել քայլեր, որոնք կդիտարկվեն «ի հեճուկսի» տրամաբանության մեջ։ Ընտրությունը գործիք է հանրային համերաշխության և ժողովրդին արտահայտվելու հնարավորություն տալու։ Որ ոչ միայն արտահայտվելու հնարավորություն ունենան նրանք, ովքեր ժամանակ ունեն մասնակցելու հանրահավաքներին, այլև մյուսները»,–ասաց վարչապետը։

Նրա խոսքով` կառավարությունը պետք է լինի երաշխավորը, որ այդ ընտրությունները տեղի կունենան ազատ, արդար և օրինական պայմաններում։

Փաշինյանը հայտնեց, որ արդեն իսկ հրավեր է ուղարկել խորհրդարանական ընդդիմության ղեկավարներին, որոնց հետ ուզում է հանդիպել և արտահերթ ընտրություններ անցկացնելու պայմանավորվածություն ձեռք բերել։

Անդրադառնալով կիսանախագահական կառավարման անցնելու իր հայտարարությանը` Փաշինյանը նշեց, թե այդ հարցն առաջ բերելուց որևէ կոնկրետ բովանդակություն նկատի չի ունեցել։ «Ես նկատի եմ ունեցել, որ կա իրավիճակ, և Սահմանադրության գործունակության վերաբերյալ էլ հարցեր կան, ուրեմն եկեք ևս մեկ անգամ անդրադառնանք այդ հարցին»,–ասաց Փաշինյանը։

ԱԺ նիստն ավարտվեց։

Ինչպես է Նիկոլ Փաշինյանը կառավարությունից մեկնում Ազգային ժողով. տեսանյութ