Սերգեյ Բագրատյան. արխիվային լուանկար

«Չկա տենց բան, սուտ եք ասում». պաշտոնյայի հայտարարությունը զայրացրեց պատգամավորին

150
(Թարմացված է 13:37 23.10.2019)
Սևանի հարցը բուռն կրքեր առաջացրեց ԱԺ–ում։ ԲՀԿ–ական պատգամավորն անվստահություն հայտնեց Ջրային կոմիտեի ղեկավարի հայտարարության վերաբերյալ։

ԵՐԵՎԱՆ, 23 հոկտեմբերի — Sputnik. Սևանի մակարդակը բարձրացել է, բայց ջրառը շարունակվում է։ Այսօր ԱԺ–ի ամբիոնից պատասխանելով այդ մասին հանրության շրջանում առկա ահազանգերին, այս մասին ասաց Ջրային կոմիտեի նախագահ Վարդան Մելքոնյանը։

«Աշնանացանի հետ կապված, ոռոգման վերջին փուլը մենք պետք է ավարտեինք, և այն թիվը, որ մենք հայտարարել էինք, որ շուրջ 30 մլն խ/մ ավելի քիչ ենք վերցնելու նախատեսված 170 մլն–ից, շուրջ 2 մլն արդեն վերցրել ենք, 1 մլն էլ ամենայն հավանականությամբ կվերցնենք, ու դրանով կփորձենք ավարտել այս տարվա ջրառը Սևանա լճից»,– ասաց Մելքոնյանը։

Ջրառը կրճատվել է, Սևանա լճի մակարդակը` բարձրացել. նախարար

Ջրային կոմիտեի նախագահ Վարդան Մելքոնյանը հայտարարեց, որ ջրառը իրականացվել է միայն վերջին շաբաթվա ընթացքում։ Նրա խոսքով` սեպտեմբերի 25-ից մինչև հոկտեմբերի 15-ը ջրառ չի իրականացվել։

«20 օր մենք ջրառ չենք իրականացրել»,– ասաց Մելքոնյանը։

Ջրային կոմիտեի նախագահի այս հայտարարությանը ԲՀԿ անդամ Սերգեյ Բագրատյանը բուռն արձագանքեց` տեղից բղավելով. «Չկա տենց բան, սուտ եք ասում», ինչի համար նկատողություն ստացավ նիստը վարող ԱԺ փոխնախագահ Ալեն Սիմոնյանից։

Ջրային կոմիտեի նախագահն էլ հայտնեց, որ իր հայտնած տվյալները տրամադրել է Հիդրոմետ ծառայությունը։

Մելքոնյանը նաև շեշտեց, որ չնայած շարունակվող ջրառին, Սևանա լճի մակարդակն անցյալ տարվա համեմատ այս պահին 6 սմ–ով բարձր է։

Վարչապետն անդրադարձել է Սևանի խնդրին. ջրառը նվազե՞լ է

Հիշեցնենք` 2019թ–ին կառավարությունն ԱԺ–ի թույլտվությամբ որոշեց Սևանից 2019թ–ին ոռոգման նպատակով բաց թողնվող ջրի ծվալն ավելացնել 170 մլն խ/մ–ով։ Ավելի ուշ հայտարարվեց, որ այդ ծավալն ամբողջությամբ չի օգտագործվել և ջրառը նախատեսվածից շուտ դադարեցվել է` անհրաժեշտության բացակայության հիմքով։

Վերջերս, սակայն, մամուլում ահազանգեր հայտնվեցին, որ Սևանից ջրառը շարունակվում է։ Պատկան կառույցներն այս տեղեկատվությունը չեն հերքել։

150
թեգերը:
Ջրային կոմիտե, Սևան, Սևանա լիճ, ջրառ, ՀՀ Ազգային ժողով, ԱԺ, Սերգեյ Բագրատյան
Ըստ թեմայի
ԱԺ պատգամավորները որոշեցին սահմանափակել փոքր ՀԷԿ–երի ջրօգտագործումը
Սևանից ջուր բաց կթողնեն. կառավարությունը հաստատեց այս տարվա ծավալը
Սևանը խեղդվում է. ի՞նչ է պետք լիճը չկորցնելու ու մարդ կոչվելու իրավունքից չզրկվելու համար
Զինծառայողներ, արխիվային լուսանկար

Ադրբեջանական ԶՈՒ կրակոցները տարբեր ինտենսիվությամբ շարունակվում են. Շուշան Ստեփանյան

183
(Թարմացված է 01:59 13.07.2020)
ՀՀ Պն մամուլի խոսնակը հայտնում է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։

ԵՐԵՎԱՆ, 13 հուլիսի - Sputnik. ՀՀ Պն մամուլի խոսնակ Շուշան Ստեփանյանը հայտնում է, որ ադրբեջանական զինված ուժերի կողմից կրակոցները պարբերաբար տարբեր ինտենսիվությամբ շարունակվում են։ Ստեփանյանը Facebook սոցիալական ցանցի իր էջում գրառում է արել` հայտնելով, որ հակառակորդի բոլոր փորձերը թիրախավորվում և չեզոքացվում են։

«Հայկական զինված ուժերը կորուստներ և վիրավորներ չունեն»,– գրել է նա։

Մեկ այլ գրառմամբ էլ Ստեփանյանը տեղեկացրել է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։ Նրա խոսքով` թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։

Հիշեցնենք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի

նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

183
թեգերը:
Շուշան Ստեփանյան, կրակոց, Սահման, հայ-ադրբեջանական
Սահման, արխիվային լուսնկար

Համացանցում են հայտնվել ադրբեջանական խոցված УАЗ-ի լուսանկարները

485
(Թարմացված է 02:07 13.07.2020)
Ավելի վաղ հայտնել էինք, որ ադրբեջանցի զինծառայողները հայ-ադրբեջանական սահմանը հատելու երկու փորձ էին արել:

ԵՐԵՎԱՆ, 12 հուլիսի - Sputnik. Հայկական զինված ուժերը խոցել է հայկական դիրքերի ուղղությամբ գրոհած УАЗ-ը: Տեղեկությունը հայտնում է Banak.info կայքը, որի ձեռքի տակ են հայտնվել հայկական դիրքերին չհասած ադրբեջանական կողմի խոցված մեքենայի լուսանկարները։

УАЗ, на котором азербайджанские военные предприняли попытку захватить опорный пункт ВС Армении (12 июля 2020).
© Photo : Banak.info
Հայ զինծառայողները խոցել են ադրբեջանական УАЗ-ը

Ինչպես արդեն տեղեկացրել ենք ադրբեջանական կողմը վերսկսել է Տավուշի դիրքերի ուղղությամբ հրետակոծությունը: Ավելի վաղ հայտնել էինք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել: 

485
թեգերը:
Տավուշ, կրակոց, հայ-ադրբեջանական, Սահման
Ըստ թեմայի
Հայ–ադրբեջանական սահմանին կրակոցների թիվը նվազել է. Արցախի ՊԲ
Մշտադիտարկման դադարեցումը հայ-ադրբեջանական սահմանին նոր ռիսկեր է ծնել
Տոնոյանն այցելել է հայ-ադրբեջանական սահմանի մարտական հենակետեր. լուսանկարներ
ՀԱՊԿ գլխավոր քարտուղարն արձագանքել է հայ–ադրբեջանական սահմանին հնչած կրակոցներին