Հովհաննես Խանգելդյան

ԱԻՆ ճգնաժամային կառավարման ազգային կենտրոնի պետն աշխատանքից ազատվելու դիմում է գրել

176
(Թարմացված է 19:24 22.10.2019)
ԱԻՆ ճգնաժամային կառավարման ազգային կենտրոնի պետ, գնդապետ Հովհաննես Խանգելդյանը վստահեցնում է, որ ո՛չ անձնական, ո՛չ էլ աշխատանքային տարաձայնություններ ԱԻ նախարարի հետ չեն եղել։

ԵՐԵՎԱՆ, 22 հոկտեմբերի – Sputnik. ԱԻՆ ճգնաժամային կառավարման ազգային կենտրոնի պետ, գնդապետ Հովհաննես Խանգելդյանը աշխատանքից ազատման դիմում է գրել: Տեղեկությունը Sputnik Արմենիայի հետ զրույցում հաստատեց ինքը` Խանգելդյանը:

«Աշխատելու եմ մասնավոր սեկտորում, որտեղից հրավերը դեռ 1 տարի առաջ եմ ստացել։ 21 տարվա ստաժ ունեմ արդեն, ինչը թույլ է տալիս անցնել փրկարարական կենսաթոշակի, և ես դիմել եմ նախարարին` կենսաթոշակի անցնելու համար»,- ասաց Խանգելդյանը:

Անդրադառնալով այն հրապարակումներին, թե իր ազատման դիմումը պայմանավորված է իր և ԱԻ նախարար Ֆելիքս Ցոլակյանի միջև եղած տարաձայնություններով, Խանգելդյանն ասաց.

«Պարոն Ցոլակյանի հարթակը բավականին հեռու ու բարձր է նրա հետ տարաձայնություն ունենալու համար։ Նրա նշանակման առաջին իսկ օրվանից, ինչպես բոլոր նախարարների հետ, եղել են պետական պարկեշտության եւ թույլատրելի փոխհարաբերություններ՝ վերադասի եւ ստորադասի սկզբունքներով»,–ասաց Հովհաննես Խանգելդյանը։

Նա վստահեցրեց, որ իր ու նախարարի միջև խնդիրներ չեն եղել։ Իսկ եթե լինեին` դիմում չէր գրի ու չէր փախչի դրանցից։

ԱԻՆ–ի 7 աշխատակցի պայմանագրերը չեն երկարացվել. ինչ է իրականում կատարվում կառույցում

Հիշեցնենք` այսօր ԱԻՆ–ում սա պաշտոնից ազատվելու միակ դեպքը չէր. այսօր հայտնի դարձավ, որ ՀՀ վարչապետ Նիկոլ Փաշինյանի հրամանով Արտակ Նահապետյանն ազատվել է ԱԻՆ փրկարար ծառայության տնօրենի պաշտոնից։

Ավելի ուշ տեղեկություն տարածվեց, որ չեն երկարացվել պայմանագրերը ԱԻՆ–ի աշխատակիցներից 7–ի հետ:

176
թեգերը:
Ֆելիքս Ցոլակյան, Թոշակ, ազատման դիմում, Հովհաննես Խանգելդյան, ՀՀ արտակարգ իրավիճակների նախարարություն (ԱԻՆ)
Ըստ թեմայի
«Չգիտեմ՝ ունեմ դրա իրավունքը, թե ոչ…». Ցոլակյանը մեքենա է նվիրել հոգնածության պատճառով վթարի ենթարկված 2 աշխատակցի
ԱԻՆ-ի շարքային կազմի աշխատավարձը շատ ցածր է. ինչ է պատրաստվում անել Ցոլակյանը
ԱԻՆ-ն ու ոստիկանությունը պե՞տք է իրար միացնել. նախարար Ցոլակյանի կարծիքը
ՀՀ Ազգային ժողով

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

33
(Թարմացված է 15:18 27.09.2020)
ԱԺ մամուլի ծառայությունից տեղեկացնում են, որ նիստը գումարվում է իրավունքի ուժով այսօր՝ ժամը 16:00-ին։

ԵՐԵՎԱՆ, 27 սեպտեմբերի - Sputnik. Կառավարության որոշմամբ՝ Հայաստանի Հանրապետությունում հայտարարվում է ռազմական դրություն և ընդհանուր զորահավաք: Իրավունքի ուժով այսօր՝ ժամը 16:00-ին, Ազգային ժողովը հատուկ նիստ կգումարի, տեղեկացնում են ԱԺ մամուլի ծառայությունից։

«Լրատվամիջոցների հարգելի ներկայացուցիչներ, ԱԺ հատուկ նիստին մասնակցելու նպատակով չեք կարող մուտք գործել խորհրդարան: Նիստին կարող եք հետեւել հետեւյալ հղմամբ։

Հայցում ենք ձեր ներողամտությունը»,-նշված է գրառման մեջ:

Արցախի ՄԻՊ–ը հրապարակել է վիրավորների լուսանկարները

Հիշեցնենք, որ վաղ առավոտից Ադրբեջանը հրետակոծում է Արցախի խաղաղ բնակավայրերը, այդ թվում՝ Ստեփանակերտը:

Ռազմական դրություն եւ ընդհանուր զորահավաք է հայտարարվել նաեւ Արցախում:

33
թեգերը:
զորահավաք, ռազմական դրություն, ՀՀ Ազգային ժողով
Ըստ թեմայի
Անկախ բոլոր տարաձայնություններից` Հայաստանում քաղաքական ուժերը միավորում են ջանքերը
Գեղարքունիքի սահմանային դիրքերում իրավիճակը վերահսկելի է. մարզպետ
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
Կամավորագրում Շիրակում

Շիրակցին արցախցու կողքին է. կամավորագրվում են նաև Ապրիլյանի պատերազմի զոհերի ծնողները

115
(Թարմացված է 15:24 27.09.2020)
Շիրակում Արցախ մեկնելու ցանկություն են հայտնում նաև մեծ թվով երիտասարդներ, ովքեր նոր են վերադարձել ծառայությունից։

ԵՐԵՎԱՆ, 27 սեպտեմբերի – Sputnik, Արմենուհի Մխոյան. Առավոտ վաղ, Ադրբեջանի կողմից Արցախի  խաղաղ բնակավայրերի ակտիվ հրթետակոծման լուրը ստանալուն պես Շիրակի մարզի Երկրապահ կամավորականների միություն  երկրապահների հոսքը չի դադարում: Շիրակի մարզի Երկրապահ կամավորականների միության նախագահ Յուրա Ալեքսանյանը Sputnik Արմենիային տեղեկացրեց՝  ամեն պահի կազմ -պատրաստ սպասում են հրամանի:

Ի դեպ, Արցախ  մեկնելու ցանկություն հայտնում են ոչ միայն երկրապահները, այլ մեծ թվով երիտասարդներ, ովքեր նոր են վերադարձել ծառայությունից,  ինչպես նաև ապրիլյան պատերազմի զոհերի ծնողները: «Շատ երիտասարդներ են կամավորագրվել: Մեզ հետ են նաև մեր երկրապահ  կին-կամավորները»,-ավելացրեց Յուրա Ալեքսանյանը:

ԵԿՄ Գյումրու բաժանմունքի նախագահ Իգիթ Զաքարյանը Sputnik Արմենիայի հետ զրույցում վստահեցրեց՝ կամավոր մեկնողների թիվն ավելի մեծ է: «Շատերին ուղարկել ենք այս պահին տուն, անհրաժեշտություն եթե լինի կկանչենք, բոլորս սպասում ենք Սասուն Միքայելյանի հրամանին: Փառք ու պատիվ մեր ժողովրդին, մեր ժողովուրդն ինչպես միշտ ցույց է տալիս, որ այս պահերին միասնական է: Արցախցիների ցավը տանենք, թող իրենք իմանան, որ մենք իրենց կողքին ենք»,-ավելացրեց  Իգիթ Զաքարյանը:

Председатель Ширакского отделения союза добровольцев Еркрапа Юра Алексанян
© Sputnik / Armenuhi Mkhoyan
Յուրա Ալեքսանյանը

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Председатель Гюмрийского отделения союза добровольцев Еркрапа Игит Закарян
© Sputnik / Armenuhi Mkhoyan
Կամավորագրում Շիրակում

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

Сборы добровольцев Еркрапа в Гюмри (27 сентября 2020). Ширак
© Sputnik / Armenuhi Mkhoyan
Կամավորագրում Շիրակում
115
թեգերը:
հրետակոծություն, Ղարաբաղյան հակամարտություն, Լեռնային Ղարաբաղ, Արցախ, կամավոր, Երկրապահ կամավորական միություն (ԵԿՄ), Գյումրի, Շիրակի մարզ
թեմա:
Ադրբեջանական ագրեսիա Արցախում. 2020
Ըստ թեմայի
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը
Գարեգին Բ–ն ու Փաշինյանը զրուցել են հեռախոսով
«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին

Հռոմի պապն աղոթել է Կովկասում խաղաղության համար ու կոչ արել բանակցություններ վարել

0
(Թարմացված է 15:21 27.09.2020)
Հռոմի պապ Ֆրանցիսկոսը՝  դիմելով Վատիկանի Սուրբ Պետրոսի հրապարակում հավաքված հավատացյալներին, Կովկասի խաղաղության համար աղոթք է հնչեցրել առ Աստված։

ԵՐԵՎԱՆ, 27 սեպտեմբերի – Sputnik. Հռոպի պապ Ֆրանցիսկոսն աղոթել է Կովկասում խաղաղության համար ու հակամարտող կողմերին կոչ արել երկխոսություն ու բանակցություններ վարել։

«Սիրելի եղբայրներ ու քույրեր։ Մտահոգիչ լուրեր են եկել Կովկասի գոտում բախումների մասին։ Աղոթում եմ Կովկասում խաղաղության համար ու խնդրում հակամարտող կողմերին խնդիրը լուծել ոչ թե ուժի կամ զենքի կիրառմամբ, այլ երկխոսության ու բանակցությունների միջոցով», - ասել է նա՝ Վատիկանի առաքելական պալատի լուսամուտից դիմելով հավատացյալներին ու ուխտավորներին։

Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
աղոթք, բանակցային գործընթաց, Հռոմի պապ, Ադրբեջան, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Մարտունիում զոհվածները տատ ու թոռ են. թոռնիկն 9 տարեկան էր
Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան
Գեղարքունիքի սահմանային դիրքերում իրավիճակը վերահսկելի է. մարզպետ
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ