Գևորգ Պետրոսյան

«Փոխվարչապետի հայտարարությունը վաղը մեր քթից են բերելու». Գևորգ Պետրոսյան

150
(Թարմացված է 16:17 22.10.2019)
ԱԺ պատգամավոր Գևորգ Պետրոսյանը զարմացած է` փոխվարչապետը խորհրդական չունե՞ր, որ խորհուրդ տար` ինչպես ձևակերպել ասելիքը։

ԵՐԵՎԱՆ, 22 հոկտեմբերի – Sputnik. «Բարգավաճ Հայաստան» խմբակցության պատգամավոր Գևորգ Պետրոսյանը կարծում է, որ ՀՀ փոխվարչապետ Տիգրան Ավինյանը ՍԴ–ի մասին հայտարարություն անելուց առաջ այն պիտի քննարկեր խորհրդականի հետ։ Նա այդ մասին ասաց այսօր Ազգային ժողովում` պատասխանելով լրագրողների հարցերին։

«Երեկ առաջին փոխվարչապետը հայտարարեց, որ ՍԴ–ում քաղաքական խնդիր կա։ Չեմ ուզում վիրավորական արտահայտություն անել, սակայն վաղը մեր քթից են բերելու, որ ասում են` ամենաապաքաղաքական մարմնում քաղաքական խնդիր կա։ Լավ, ես զարմանում եմ` էդ մարդիկ խորհրդական չունե՞ն»,–ասաց նա։

Պատգամավորի խոսքով` ինքը նույնպես ՍԴ–ի շուրջ ստեղծված իրավիճակում քաղաքական տարրեր է տեսնում, չնայած այն հանգամանքին, որ միշտ փորձում է իրավական գնահատական տալ նման դեպքերին, հետո նոր` քաղաքական։

Հիշեցնենք, որ Ավինյանը երեկ լրագրողների հետ զրույցում ասել էր, որ վստահ է` ՍԴ–ն այս պահին լեգիտիմության խնդիր ունի։

ՍԴ–ի նման վերաբերմունքն ԱԺ–ի նկատմամբ անարձագանք չի մնա. Մակունց

Հարցին` եթե լեգիտիմության խնդիր կար, ինչպե՞ս է ստացվել, որ նորընտիր իշխանությունը մեկ տարուց ավելի է` մասնակցել է ՍԴ–ի կազմակերպած միջոցառումներին, Ավինյանը պատասխանել էր, որ ՍԴ–ն պետական ինստիտուտ է, որի նկատմամբ պետք է հարգանք լինի։ Սակայն, մյուս կողմից, ըստ ՀՀ փոխվարչապետի, իրենք չեն կարող «աչք փակել» այն խնդիրների վրա, որոնք կան ՍԴ–ում։

«ՀՔԾ-ն քաղաքական հրահանգներ ոչ ստանում է, ոչ էլ կատարում». Խաչատրյանը՝ Թովմասյանի մասին

150
թեգերը:
Տիգրան Ավինյան, Սահմանադրական դատարան, Գևորգ Պետրոսյան, Հայաստան
Ըստ թեմայի
Հրայր Թովմասյանի դուստրերին ԱԱԾ–ում ունեցվածքի մասին հարցեր են տվել. պաշտպան
Այվազյան. «Թովմասյանի դիմումը վարույթ չընդունելով` ՍԴ–ն փոշիացրեց ԱԺ մեծամասնությանը»
Սուրենյանց․ «ԱԺ-ն ի սկզբանե սխալ մեկնակետից էր մոտեցել ՍԴ-ի ճգնաժամի հանգուցալուծմանը»
Вице-премьер Мгер Григорян на заседании правительства Армении (30 июля 2020). Еревaн

Հայաստանի, Ադրբեջանի և Ռուսաստանի փոխվարչապետների հանդիպման կոնկրետ օրը Երևանում չգիտեն

0
Հանդիպումը ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում։

ԵՐԵՎԱՆ, 26 հունվարի – Sputnik. ՀՀ փոխվարչապետ Մհեր Գրիգորյանի գրասենյակից Sputnik Արմենիայի հարցմանն ի պատասխան ասացին, որ Հայաստանի, Ադրբեջանի և Ռուսաստանի փոխվարչապետների հանդիպման հստակ ամսաթիվը և ժամը դեռ ճշտվում են, այն կայանալու է մոտ օրերս:

«Հանդիպման օրակարգում ընդգծված չէ որևէ կոնկրետ ուղղություն կամ ենթակառուցվածք, այն ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում»,–ասացին գրասենյակից:

Ավելի վաղ տեղեկացրել էինք, որ Մոսկվայում վաղը` հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։

Տեղեկացվում էր, որ փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը:
Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:

0
թեգերը:
Նախիջևան, Ադրբեջան, Ռուսաստան, Հայաստան, Մհեր Գրիգորյան
Ելենա Մալիշևա

Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու

10
(Թարմացված է 12:17 26.01.2021)
Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։

ԵՐԵՎԱՆ, 26 հունվարի — Sputnik. Ռուս հաղորդավարուհի, բժիշկ Ելենա Մալիշևան ռուսական «Առաջին ալիքի» եթերում ասել է` որ խմբի ներկայացուցիչները պետք է անպայման պատվաստում ստանան կորոնավիրուսի դեմ։

«Պետք է գլխակորույս վազել պատվաստում ստանալու, քանի որ կորոնավիրուսով ծանր հիվանդանալու ու մահանալու ռիսկերը միլիոն անգամ ավելի մեծ են, քան պատվաստման ցանկացած ռիսկերը», - նշել է Մալիշևան՝ դիմելով ռիսկային խմբերի մարդկանց։

Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։ Այդ գործոններն են՝ 65-ից բարձր տարիքը, ճարպակալությունը, երիկամների խրոնիկ հիվանդությունները, թոքերի հիվանդությունները, քաղցկեղային հիվանդությունները (ոչ սուր փուլում), սրտանոթային հիվանդությունները։

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Worldometer համաշխարհային վիճակագրական կայքի համաձայն` հունվարի 26-ի դրությամբ աշխարհում կորոնավիրուսի հաստատված դեպքերի ընդհանուր թիվը հասել է 100,2 միլիոնի։ Համավարակի զոհ է դարձել ավելի քան 2,1 մլն մարդ։

Առողջապահության համաշխարհային կազմակերպությունը (ԱՀԿ) 2020 թվականի մարտի 11-ին նոր COVID-19 կորոնավիրուսի բռնկումը հայտարարել էր համավարակ։

10
թեգերը:
պատվաստումներ, կորոնավիրուս, Ելենա Մալիշևա
Ըստ թեմայի
Ֆրանսիայում պատվաստվելուց հետո 9 մարդ է մահացել, սակայն կապը պատվաստման հետ ապացուցված չէ
Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը