Գագիկ Ծառուկյան

Պատասխան են տալու. Ծառուկյանը` Արսեն Բաբայանի ձերբակալության մասին

164
(Թարմացված է 12:38 22.10.2019)
Վերջին ձերբակալությունների ու Հրայր Թովմասյանի շուրջ կատարվող իրադարձությունների շուրջ ԲՀԿ նախագահը հայտնել է իր տեսակետը։

ԵՐԵՎԱՆ, 22 հոկտեմբերի – Sputnik. Եթե պարզվի, որ ԱԺ աշխատակազմի ղեկավարի նակին տեղակալ Արսեն Բաբայանի գործողություններում հանցակազմ չկա, նրան ձերբակալողները պատասխան են տալու։ Այսօր ԱԺ–ում լրագրողների հետ զրույցում ասաց «Բարգավաճ Հայաստան» կուսակցության նախագահ Գագիկ Ծառուկյանը։

«Պետք է տեսնենք հիմնավորումները։ Հանցակազմ կա՞ այդ մարդու արարքներում, որի հիման վրա նրան ձերբակալել են։ Ձերբակալողներն էլ պատասխան են տալու, եթե դա անհիմն է։ Հիմա, կլինի դա 5, թե 10 տարի հետո` եթե հանցակազմ չկա, այդ հոդվածը ներկայացնողները պատասխան են տալու»,–ասաց Ծառուկյանը։

Անդրադառնալով ՍԴ դատավոր Հրայր Թովմասյանի շուրջ կատարվող իրադարձություններին` ԲՀԿ նախագահը հիշեցրեց` «կան մարդիկ, ովքեր նույն կարգով, նույն սկզբունքով պատգամավոր եղած ժամանակ ընտրվել են տարբեր պաշտոնների»։

«Չի կարող պատահել, որ մենք կողմ չլինենք, որ հանցանք կատարած մարդն իր պատիժը կրի։ Բայց այսօր ամեն ինչ օդի մեջ, դատարկ–դատարկ հայտարարություններ են, ոչ մի հիմնավորում չկա»,– ասաց նա։

Հիշեցնենք, երեկ ` հոկտեմբերի 21-ի երեկոյան, պաշտոնեական կեղծիք կատարելու կասկածանքով ձերբակալվել էր ՀՀ ԱԺ աշխատակազմի ղեկավարի նախկին տեղակալ Արսեն Բաբայանը։

Արսեն Բաբայանի ձերբակալումը ՍԴ նախագահի դեմ սկսած օպերացիայի հերթական սերիան է. Շարմազանով

Հատուկ քննչական ծառայության պաշտոնական հիմնավորման համաձայն` պաշտոնական անձինք, որոնց թվում և Բաբայանը, ՀՀ սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում կատարել են պաշտոնեական կեղծիքներ։ Պաշտոնատար անձինք այդ քայլին դիմել են խմբային շահերից ելնելով` անձամբ, ինչպես նաև պաշտոնատար անձ չհանդիսացող աշխատակիցների միջոցով։

164
թեգերը:
Բարգավաճ Հայաստան կուսակցություն (ԲՀԿ), Ձերբակալում, Արսեն Բաբայան, ԱԺ, ՀՀ Ազգային ժողով, Գագիկ Ծառուկյան
Ըստ թեմայի
ԱԺ–ն կողմ քվեարկեց Հրայր Թովմասյանի լիազորությունները դադարեցնելու նախագծին
Նոր Հայաստանն ու «Անասնաֆերման». ԱԺ նախագահին մեղադրում են պաշտոնեական կեղծիքի մեջ
Ձերբակալվել է ԱԺ աշխատակազմի ղեկավարի նախկին տեղակալը. ինչ կապ ունի Գագիկ Հարությունյանը