Հայաստանում ընթանում է 5–րդ հայ–ռուսական առողջապահական համաժողովը
(Թարմացված է 16:01 21.10.2019)
Երևանում կազմակերպված համաժողովին մասնակցում են Ռուսաստանի առողջապահության նախարարության առանցքային բաժինների ղեկավարները, գիտության և կրթության ոլորտի ներկայացուցիչները։ԵՐԵՎԱՆ, 21 հոկտեմբերի — Sputnik. Հայաստանում մեկնարկել է հայ–ռուսական առողջապահական ամենամյա համաժողովը։ Երկու երկրի փորձագետները կքննարկեն հասարակական առողջության, հակամիկրոբային ռեզիստենտության (հակաբիոտիկների ազդեցությունը մարդու օրգանիզմի վրա` խմբ.) հետ կապված հարցեր, ինչպես նաև կքննարկեն առողջապահության և կենսաբժշկության ոլորտի նորարարությունները։
©
Sputnik / Karine Harutyunyan
Ռուասաստանի առողջապահության փոխնախարար Տատյանա Սեմյոնովան լրագրողների հետ զրույցում նշեց, որ Ռուսաստանից ժամանել են ոչ միայն գերատեսչության առանցքային բաժինների ներկայացուցիչները, այլ նաև գիտական և կրթական հաստատությունների առաջատար մասնագետները` իրենց մշակումներով և ձեռքբերումներով։ Նրանք պատրաստ են իրենց գիտելիքները փոխանցել Հայաստանի գործընկերներին և ծանոթանալ նրանց աշխատանքի փորձին։
«Համաժողովը կարևոր խթան կհաղորդի երկկողմ հարաբերություններին։ Կարևոր է ունենալ համախմբված մարտավարություն կենսանվտանգության հարցերում, քննարկել կենսաբժշկության ոլորտում աշխատելու հարցերը, ոսկրածուծի և ցողունային բջիջների հետ կապված թեմաները», – ասաց նա։
©
Sputnik / Aram Nersesyan
Տատյանա Սեմյոնովան ու Անահիտ Ավանեսյանը
Հայաստանի առողջապահության նախարարի տեղակալ Անահիտ Ավանեսյանն էլ նշեց, որ նման հանդիպումները լավ հնարավորություն են ընդհանուր խնդիրները քննարկելու և մյուս երկրների փորձն ուսումնասիրելու համար։ Նա կարծում է, որ համաժողովը կարող է ավելի խորացնել ու կապեր հաստատել բժշկության ոլորտում։ Ավանեսյանի խոսքով` քննարկվում է հարցերի լայն շրջանակ, և մշակվում են տարբեր հիվանդությունների դեմ պայքարի միասնական ռազմավարություններ։
«Անցած տարի քննարկվել են ուռուցքաբանական խնդիրներ, և համաժողովից հետո ավելի սերտ համագործակցություն է հաստատվել, փորձագետները սկսել են ավելի համախմբված աշխատել, և փորձի փոխանակումն ավելի արդյունավետ է դարձել», – ասաց նա։
Հիշեցնենք` հայ–ռուսական առողջապահական համաժողովն առաջին անգամ անցկացվել է 2014թ–ի նոյեմբերի 7–ին Երևանում, դրան մասնակցելու համար Հայաստան էր ժամանել Ռուսաստանի առողջապահության նախարար Վերոնիկա Սկվորցովան։ Դրանից հետո ամեն տարի համաժողովն անցկացվում է Ռուսաստանում կամ Հայաստանում, քննարկում են առողջապահության ոլորտի տարբեր թեմաներ։
Գրիպի սեզոնը սկսվել է. ի՞նչ են կանխատեսել մասնագետները
Գերեվարված զինծառայողների ծնողները կրկին փակել են Շիրակի մարզպետարանի մուտքը
ԵՐԵՎԱՆ, 5 մարտի – Sputnik. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:
Նրանք, սակայն, հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:
Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:
Մարտի 3-ին, սակայն, նրանք աշխատակիցների ելումուտը չէին արգելել:
Սյունիքում պետք է ստեղծվի 5-7 կմ տարածությամբ ապառազմականացված անվտանգության գոտի. Թաթոյան
(Թարմացված է 12:43 05.03.2021)
Արման Թաթոյանը հետևյալ հարցադրումն է անում. ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանական զինված ուժերից։
ԵՐԵՎԱՆ, 5 մարտի - Sputnik. Սյունիքում պետք է ստեղծվի ապառազմականացված անվտանգության գոտի։ Այսօր կայացած ասուլիսի ժամանակ նման համոզմունք հայտնեց ՀՀ մարդու իրավունքների պաշտպան Արման Թաթոյանը։
Թշնամին այսօրվանից ինժեներական աշխատանքներ է սկսել Որոտանում. Իրինա Յոլյան
ՄԻՊ–ը կոնկրետ օրինակներով ու տեսանյութերով ապացուցեց, որ Սյունիքում ապառազմականացված անվտանգության գոտի ստեղծելու կարիք կա` ասելով, որ իրենց աշխատանքներն են փաստում այդ մասին։
«Ակնհայտ խնդիրներ կան։ Օրինակ, մեր ունեցած տեսանյութերում երևում է, թե ինչպես են Սյունիքի գյուղերի վրա կրակում։ Մասնագիտական ուսումնասիրություն է կատարվել և պարզվել է, որ «Կալաշնիկովի» ձեռքի գնդացրով, «Դրագունովի» դիպուկահար հրացանով, «Կալաշնիկովի» գնդացրով և Մ93 հրացանով են կրակում Սյունիքի գյուղերի վրա»,–ասաց Թաթոյանը` հավելելով, որ վերջին օրերին էլ Շիկահողի և Ներքին հանդի ուղղությամբ են կրակոցներ հնչել։
Նա հայտնեց նաև, որ այժմ սահմաններին կանգնած են մարդիկ, որոնք ամիսներ առաջ ծեծում և խոշտանգում էին մեր հայրենակիցներին։
©
Photo : Facebook / Arman Tatoyan
Օրինակ, մենք ապացույց տեսանյութեր ունենք, որ ադրբեջանցի հրամանատարն ասում է` ընկերոջը հայի ականջներ է խոստացել և ցուցադրաբար, ծաղրի ենթարկելով, կտրում է հայի ականջները։ Մեկ ուրիշ տեսանյութում էլ քաղաքացիական անձին են ծեծի ենթարկում` ասելով, թե դուք մարդ չեք։
Թաթոյանը նշում է` ինչպե՞ս են պաշտպանվելու մարդու իրավունքները, երբ, օրինակ, Գեղարքունիքի Ներքին Հանդի դպրոցը 500 մետր է հեռու ադրբեջանակն զինված ուժերից։
ՄԻՊ–ը շեշտեց` այս ամենը հաշվի Սյունիքի ապառազմականացված անվտանգության գոտի (առնվազն 5-7 կմ տարածությամբ) ստեղծելն անհրաժեշտություն է։ Սա հիմնված է այն զինատեսակների վրա, որոնցով Ադրբեջանը շարունակում է կրակել։ Թաթոյանը հայտնեց` հարցն արդեն իսկ ներկայացրել է միջազգային կառույցներին։
Գորիսից Որոտան, Շուռնուխ և Կապան տանող 21 կմ-ն Ադրբեջանի վերահսկողության տակ է. Թաթոյան
Հիշեցնենք, որ Թաթոյանը դեռ 2020-ի դեկտեմբերի 22-ին հայտնել էր, թե որ համայնքից որքան տարածք է անցել թշնամուն։ Տեղ համայնքում, որի մեջ են մտնում Խոզնավարը, Խնածախը, 2000 հեկտարից ավելի մասնավոր սեփականություն կա, որից զրկվել ենք։ Շուռնուխում 11 տուն է անցել թշնամուն, Որոտանում` 326 հեկտարից ավելի մասնավոր և համայնքային սեփականություն համարվող հողատարածքներից են զրկվել։ 18-20 այգեգործական տնակներ Որոտանում կառուցվել են այն հողերի վրա, որոնք ՀՀ գործկոմի որոշումներով են հատկացվել մարդկանց, որոնցից նույնպես զրկվել ենք։
Ագարակ գյուղում մարդիկ զրկվել են 60 հա մասնավոր և համայնքային սեփականություն համարվող տարածքից, Եղվարդում` 110 հա վարելահողից և 50 հա արոտավայրից, Ճակատենում` 30 հա վարելահողից և 25 հա արոտավայրից։
Ադրբեջանցիները մտել են Որոտանի տարածք. Գորիսի փոխքաղաքապետը մանրամասներ է պատմում