Ռոբերտ Քոչարյան

Ռոբերտ Քոչարյանին վիրահատությունից հետո կրկին տեղափոխել են ՔԿՀ

129
(Թարմացված է 11:48 21.10.2019)
ՀՀ 2–րդ նախագահ Ռոբերտ Քոչարյանի առողջական վիճակն այս պահին նորմալ է գնահատվում, նրան տեղափոխել են քրեակատարողական հիմնարկ։

ԵՐԵՎԱՆ, 21 հոկտեմբերի — Sputnik. ՀՀ 2–րդ նախագահ Ռոբերտ Քոչարյանին վիրահատությունից հետո տեղափոխել են «Կենտրոն» քրեակատարողական հիմնարկ։

Այս մասին Sputnik Արմենիայի հետ զրույցում ասաց Արդարադատության նախարարության ՔԿՀ–ների մամուլի խոսնակ Նոնա Նովիկյանը։

«Ռոբերտ Քոչարյանին այսօր տեղափոխել են «Կենտրոն» ՔԿՀ։ Նրա առողջական վիճակը նորմալ է»,–ասաց Նովիկյանը։

Նշենք, որ Ռոբերտ Քոչարյանին վիրահատել են հոկտեմբերի 9–ին, «Իզմիրյան» բժշկական կենտրոնում։ Թե ինչ խնդիր ուներ ՀՀ 2–րդ նախագահը և ինչի համար են նրան վիրահատել, չի տեղեկացվում։

Հայկ Մարությանին Ռոբերտ Քոչարյանի գիրքն են նվիրել

Հիշեցնենք, որ 2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:

129
թեգերը:
վիրահատություն, բերդ, հիվանդանոց, Հայաստան, Ռոբերտ Քոչարյան
թեմա:
Ռոբերտ Քոչարյան (450)
Ըստ թեմայի
Ռոբերտ Քոչարյանի մոտ քաղցկեղ հայտնաբերվե՞լ է. հստակ պատասխան Սողոմոնյանից
«ՄԻԵԴ–ը մեր հայցն ընդունել է, ուրեմն գործում խնդիր կա». Քոչարյանի փաստաբան
Ռոբերտ Քոչարյանի նախկին թիկնապահը կհարցաքննվի «Առագաստ» սրճարանի գործով
Տիգրան Ավինյան

Գիշերային ժամերին լռության խախտման, հրավառության դեպքերի հսկողությունը կուժեղացվի

0
Տիգրան Ավինյանն հայտնում է, որ գիշերային ժամերին լռության խախտման առնչությամբ բազմաթիվ դիմում–բողոքներ են ստանում քաղաքացիներից։

ԵՐԵՎԱՆ, 10 օգոստոսի – Sputnik. ՀՀ փոխվարչապետ Տիգրան Ավինյանը տեղեկացնում է, որ համապատասխան գերատեսչություններին հանձնարարվել է ուժեղացնել հսկողությունը գիշերային ժամերին լռության խախտման դեպքերի, հրավառությունների իրականացման, հրագործական արտադրանքի իրացման նկատմամբ։

«Հանձնարարվել է քայլեր ձեռնարկել գիշերային ժամերին ճանապարհային երթևեկության կանոնները չարամտորեն խախտող և քաղաքացիների հանգիստը խանգարող անձանց պատասխանատվության ենթարկելու ուղղությամբ։ Բացի այդ, հանձնարարվել է նաև անօրինական վերասարքավորված տրանսպորտային միջոցները հայտնաբերելու և դրանց շահագործումը դադարեցնելու ուղղությամբ»,– Facebook սոցցանցի պաշտոնական էջում գրել է Ավինյանը։

Նրա խոսքով` բնակչության շրջանում կիրականացվի մեծածավալ իրազեկման աշխատանքներ՝ հրավառությունների կազմակերպման և դրանց արգելքների, տրանսպորտային միջոցների ազդանշանային համակարգը օգտագործելու կանոնների վերաբերյալ:

Ավինյանը նշում է, որ բազմաթիվ դիմում–բողոքներ են ստանում գիշերային ժամերին իրականացվող հրավառությունների կիրառման, ինչպես նաև անօրինական վերասարքավորված ու առանց թույլտվության հատուկ ձայնային ազդանշաններով կահավորված տրանսպորտային միջոցների, ստանդարտին չհամապատասխանող երաժշտական համակարգերի օգտագործման առնչությամբ։

Հիշեցնենք` Վարչական իրավախախտումների վերաբերյալ օրենսգրքի 180-րդ հոդվածը սահմանում է, որ հասարակական վայրերում գիշերային ժամերին (ժամը 23։00-ից մինչև 7։00-ն) լռությունը խախտողները նախ զգուշացում են ստանում: Նշված արարքը վարչական տույժի նշանակման օրվանից հետո մեկ տարվա ընթացքում կրկին կատարելու դեպքում տուգանք է նշանակվում` 40 հազար դրամի չափով:

Գիշերային ժամերին հրագործական արտադրատեսակներ օգտագործելու համար (բացառությամբ օրենսդրությամբ նախատեսված դեպքերի) 100 000 դրամ տուգանք է նշանակվում, նշված արարքը վարչական տույժի նշանակման օրվանից հետո մեկ տարվա ընթացքում կրկին կատարելու համար` 200 000 դրամ տուգանք:

0
ՈւԵՖԱ-ի Եվրոպայի լիգայի որակավորման վիճակահանություն. արխիվային լուսանկար

Հայկական 3 ակումբ ՈւԵՖԱ-ի Եվրոպայի լիգայում կպայքարեն 2-րդ փուլի ուղեգրի համար

5
(Թարմացված է 15:58 10.08.2020)
Կորոնավիրուսի համավարակի պատճառով Եվրոգավաթների 2020/21 մրցաշրջանը սկսվում է ավելի ուշ, քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ:

ԵՐԵՎԱն, 10 օգոստոսի - Sputnik. Շվեյցարական Նյոն քաղաքում կայացել է ՈւԵՖԱ-ի Եվրոպայի լիգայի որակավորման առաջին փուլի վիճակահանությունը: 94 թիմեր, այդ թվում նաև 3 հայկական ակումբ`«Շիրակը», «Նոան» և «Ալաշկերտը»  կպայքարեն երկրորդ փուլի ուղեգրերի համար:

Գյումրիի «Շիրակն» ու Երևանի «Նոան» կխաղան մրցակցի հարկի տակ համապատասխանաբար ռումինական «Ստյաուա» և ղազախական «Կայրաթ» թիմերի հետ: «Ալաշկերտը» սեփական հարկի տակ մրցելու է Մակեդոնիան ներկայացնող «Ռենովայի» հետ:

Վիճակահանություններից հետո բոլորը սկսում են քննարկել, թե ու՞մ ի՞նչ մրցակից է բաժին ընկել: Այդ առումով անկասկած ավելի բարդ մրցակիցներ ստացան «Շիրակն» ու «Նոան»:  Ռումինական «Ստյաուան» իր երկրի ամենատիտղոսակիր ակումբներից մեկն է ու ֆավորիտ է համարվում «Շիրակի» հետ խաղում, առավել ևս, որ Գյումրիի թիմի մի շարք առաջատար ֆուտբոլիստներ տեղափոխվել են Երևանի «Արարատ»: Բայց չպետք է մոռանանք, որ «Շիրակն» անակնկալ մատուցող թիմ է:

Հայաստանի գավաթակիր «Նաոն» եվրոպական մրցասպարեզում իր նորամուտը նշելու է Ղազախսանում:  «Կայրաթը» իրոք շատ ուժեղ թիմ է, ու «Նոան» հաջորդ փուլ դուրս գալու համար սխրանք պետք է գործի: Բայց մենք արդեն համոզվել ենք, որ «Նոան», համենայնդեպս Հայաստանում, պայքարում է մինչև վերջին վայրկյանը ու հիմնականում հասնում է իր նպատակին: Հայաստանի սուպերգավաթը նվաճելուց հետո էլ թիմը Ղազախստան կմեկնի բարձր տրամադրությամբ:

Ինչն է եղել 34–ամյա Լևոն Ղասաբօղլյանի մահվան պատճառը. նա կորոնավիրուսով չի վարակվել

Հայկական թիմերից համեմատաբար թույլ մրցակից է բաժին հասել «Ալաշկերտին»: Եղիշե Մելիքյանի թիմը նախ խաղն անցկացնելու է սեփական հարկի տակ, բացի այդ էլ Մակեդոնիայի «Ռենովան» սարսափելի մրցակից չէ: Սակայն մրցակցին թերագնահատել էլ պետք չէ: Պարզապես հաջորդ փուլ դուրս գալու շանսեր «Ալաշկերտը» իրականում ունի այս մրցակցի հետ դիմակայությունում:

Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում

Կորոնավիրուսի համավարակի պատճառով  Եվրոգավաթների 2020/21 մրցաշրջանը սկսվում է ավելի ուշ քան նախատեսված էր, քանի որ նախորդ 2019/20 թվականների խաղարկությունները նույնպես ավարտվում են ավելի ուշ: Եվրոպայի լիգայի 2019/20 թվականների խաղարկության եզրափակիչը կայանալու է օգոստոսի 21-ին: Իսկ 2020/21-ի խաղարկության որակավորման առաջին փուլը մեկնարկելու է օգոստոսի 27-ին: Թիմերը հաղթողին որոշելու են մեկ խաղով:

5
թեգերը:
«Ալաշկերտ» ֆուտբոլային ակումբ, «Նոա» ֆուտբոլային ակումբ, ֆուտզալ, ՀՖՖ, ՈւԵՖԱ
Ըստ թեմայի
Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»
Հայաստանի չեմպիոնին բարդ մրցակցություն է սպասվում. ո՞ւմ հետ է մրցելու «Արարատ-Արմենիան»
ՈւԵՖԱ-ն կարող է մեր նկատմամբ պատժամիջոցներ կիրառել. Մենուա Մեհրաբյան