Միրզա Դինայի

Հայտնի է «Ավրորա» մրցանակաբաշխության այս տարվա հաղթողը

355
(Թարմացված է 21:19 19.10.2019)
Մրցանակաբաշխության հաղթողին շնորհված 1 միլիոն դոլար պարգևը թույլ կտա դափնեկրին շարունակել բարության էստաֆետը և աջակցել այլ կազմակերպությունների։

ԵՐԵՎԱՆ, 19 հոկտեմբերի-Sputnik. «Ավրորա» մարդասիրական մրցանակաբաշխության այս տարվա հաղթողը Luftbrücke Irak կազմակերպության համահիմնադիր Միրզա Դինային է։ 

Միրզա Դինային անկեղծացավ, որ լսելով երկու մյուս նոմինանտների պատմությունները՝ իրեն արժանի չի համարել այս մրցանակին:

«Ես երդվում եմ՝ երբ լսեցի Ալ-Սարարիի պատմությունը, որը կորցրել է իր որդուն մի երկրում, որտեղ կանանց չեն հարգում, երբ լսեցի Զանայի պատմությունը, որը հրեշների և հանցագործների հետ է առնչվել և չի իմացել անգամ՝ ողջ կմնա, թե ոչ` ես ասացի, որ ես արժանի չեմ այս մրցանակին»,- ասաց նա և շնորհակալություն հայտնեց իր աշխատանքը գնահատելու համար:

Դինային հավելեց, որ եզդիների պատմության ընթացքում 72 ցեղասպանություն է եղել:

«Պապս Հայոց ցեղասպանության ժամանակ փախավ Սիրիա, հետո Իրաք: Շատ տարիներ են անցել, անգամ եզդիների ընտանիքներում այս մասին չեն խոսում: Անցնում է 100 տարի և մենք այստեղ` սրբազան Արարատի ստորոտում, սրբազան Գառնու երկրում տեսնում ենք, որ հայ ժողովուրդն առաջինն է, որ եզդիական առաջին տաճարի բացումն է նշում Արմավիրում»,-ասաց Միրզա Դինային՝ նշելով, որ այս մրցանակն իր ժողովրդի ցեղասպանության քաղաքական և մարդասիրական ճանաչումն է: 

Նա հայտարարեց, որ իրեն շնորհված պարգևով կաջակցի 3 կազմակերպությունների:

Հիշեցնենք` 2019 թվականի մրցանակաբաշխությանը ներկայացված էին «Ավրորայի» 3 հերոս: Նոմինանտների շարքում էր փաստաբան Զանա Բուկար Մուստաֆան։ Նա Նիգերիայի Մայդուգուրի քաղաքում հիմնադրել է դպրոց, որտեղ սովորում են «Բոկո Հարամի» (արգելված նիգերիական իսլամիստական կազմակերպության) դահիճների և նրանց զոհերի երեխաները:

Մրցանակաբաշխությանը ներկայացված էր նաև փաստաբան Հուդա Ալ–Սարարին։ Նա Եմենից է, կարողացել է գաղտնի բանտերից փրկել հարյուրավոր մարդկանց, որտեղ վերջիններս ենթարկվում էին բռնության, այդ թվում՝ սեռական:

AraratChallenge. Ավրորան նոր մարտահրավեր է նետում աշխարհին

Մյուս նոմինանտը հաղթող դարձած Միրզա Դինային էր՝ Luftbrücke Irak կազմակերպության համահիմնադիրը։ Նա տուժած եզդիներին Իրաքից տեղափոխում է Գերմանիա, որտեղ նրանք բժշկական օգնություն են ստանում։ Դինային օգնում է հարյուրավոր կանանց դուրս գալ «Իսլամական պետություն» խմբավորման բռնազավթած տարածքներից։         

Հանձնաժողովը հերոսներին ընտրել է 719 հայտից, որոնք ստացվել են 79 երկրից։ Ընդհանուր առմամբ, առաջադրվել էին 523 թեկնածու։

Մրցանակաբաշխության հաղթողին շնորհված 1 միլիոն դոլար պարգևը թույլ կտա դափնեկրին շարունակել բարության էստաֆետը և աջակցել այլ կազմակերպությունների։

Հավելենք, որ «Ավրորա» մարդասիրական նախաձեռնությունը ստեղծվել է Հայոց ցեղասպանությունը վերապրածների անունից՝ ի նշան նրանց փրկողների հանդեպ երախտագիտության։

Այն մերօրյա հերոսներին հնարավորություն է տալիս կյանք և հույս պարգևել նրանց, ովքեր մարդասիրական աջակցության խիստ կարիք ունեն ողջ աշխարհում, այդպիսով շարունակելով մարդասիրության համաշխարհային շղթան։

Հայտնի է` ովքեր են «Ավրորա 2019–ի» հերոսները

«Ավրորա» միջազգային մարդասիրական նախաձեռնությունը Վարդան Գրեգորյանի, Նուբար Աֆեյանի և Ռուբեն Վարդանյանի մարդասիրական և բարեգործական նախաձեռնությունն է, որին արդեն միացել են ավելի քան 440 նոր աջակիցներ և գործընկերներ:

Նախաձեռնությունը ներկայացնում է երեք կազմակերպություն՝ Aurora Humanitarian Initiative հիմնադրամը (Նյու Յորք, ԱՄՆ), 100 Lives հիմնադրամը (Ժնև, Շվեյցարիա) և IDeA հիմնադրամը (Երևան Հայաստան):

355
թեգերը:
մրցանակաբաշխություն, Հայոց ցեղասպանություն, Ցեղասպանություն, Հայաստան, Գյումրի, Ավրորա
Ըստ թեմայի
«Ավրորան», Արևմտյան Հայաստանն ու «շրջված» Արարատը. իրականում երկու Հայաստան չկա
«Ավրորա – 2018»–ի հաղթողը հայկական տարազ է հագել
Քաթինան դարձել է «Ավրորա» նախաձեռնության նախագահ, Դեմոյանը հայտնվել է ղեկավար թիմում
Հայտնի է` ովքեր են «Ավրորա 2019–ի» հերոսները
AraratChallenge. Ավրորան նոր մարտահրավեր է նետում աշխարհին
Ջուր

Երևանի մի շարք թաղամասերում ու մարզերում ջրամատակարարման նոր գրաֆիկ է սահմանվել

6
(Թարմացված է 13:00 26.09.2020)
2020–ի հոկտեմբերի 1-ից 2021–ի ապրիլի 30-ը մայրաքաղաքի որոշ թաղամասերում ջուրը կանջատվի կեսգիշերից մինչև առավոտվա 7-ը։

ԵՐԵՎԱՆ, 26 սեպտեմբերի – Sputnik. «Վեոլիա ջուր» ՓԲԸ-ն հայտարարություն է տարածել` տեղեկացնելով, որ 2020–ի հոկտեմբերի 1-ից 2021–ի ապրիլի 30-ը մայրաքաղաքի մի շարք թաղամասերի շենքերում ու առանձնատներում ջուրը կանջատվի կեսգիշերից մինչև առավոտվա 7-ը։

Նման գրաֆիկ կգործի Աջափնյակ թաղամասի Հալաբյան, Ֆուչիկ, Մազմանյան, Մարգարյան, Ավանի Ծարավ աղբյուր, Արաբկիրի Կոմիտաս, Խաչատրյան, Քոչար, Հակոբյան, Էրեբունու Դավիթ–Բեկ, Բելինսկի, Ռոստովյան, Որմնադիրների, Շենգավիթի Արարատյան, Արտաշիսյան, Թադևոսյան, Նժդեհ, Քանաքեռ–Զեյթունի Ուլնեցի, Ռայնիս, Թբիլիսյան, Մալաթիա–Սեբաստիայի Վանտյան, Կուրղինյան, Մեծարենց և այլ փողոցների որոշ շենքերում ու առանձնատներում։

«Ապրեք». Արայիկ Հարությունյանը համոզված է, որ հնարավոր է զերծ մնալ դպրոցները փակելուց

Դավթաշեն և Նուբարաշեն թաղամասերի բոլոր շենքերում և առանձնատներում ջրամատակարարումը կլինի շուրջօրյա։ Կենտրոն թաղամասում ջուրը կանջատվի միայն Ռուսթավելու, Կոզեռնի, Ս. Հովհաննեսի և Օստրովսկու փողոցներում, իսկ Նորք–Մարաշում գիշերը ջուր չեն ունենա միայն Հովսեփյան փողոցի և Նորքի 2, 6, 9, 13, 15 և 17 տների բնակիչները։ 

Հայտարարության մեջ «Վեոլիա ջուրը» նման որոշումը մեկնաբանում է ընկերության «ներկայիս տեխնիկական հնարավորություններով»։ ՀՀ հանրային ծառայությունները կարգավորող հանձնաժողովը հաստատել է ընկերության գրաֆիկը։

Հասցեների ամբողջական ցանկը կարող եք տեսնել այստեղ։

Հայաստանում անսպասելի տաք աշուն է. ի՞նչ պետք է անեն ճնշման խնդիր ունեցողները

6
թեգերը:
ջուր, Հայաստան
Ըստ թեմայի
«Վեոլիա ջուրն» առաջարկել է 2021թ-ին ջրի սակագինը թողնել անփոփոխ
Խորտակված եկեղեցու առեղծվածը. ինչու Սյունիքում վանքը ջրի տակ հայտնվեց
Երկրի վրա ջրի առաջացման առեղծվածը․ գիտնականների բացահայտումները 
Գագիկ Ծառուկյան

«Ծառուկյանի հանդեպ հաշվեհարդարի պատվիրատուները պատժվելու են օրենքի ամբողջ խստությամբ». ԲՀԿ

9
(Թարմացված է 12:37 26.09.2020)
«Բարգավաճ Հայաստան» կուսակցությունը վստահեցնում է, որ իրենց վախեցնել և լռեցնել չի հաջողվելու։

ԵՐԵՎԱՆ, 26 սեպտեմբերի – Sputnik. «Բարգավաճ Հայաստան» կուսակցության քաղաքական խորհուրդը հայտարարություն է տարածել` շեշտելով, որ կուսակցության առաջնորդ Գագիկ Ծառուկյանի հետ տեղի ունեցածը ակնհայտ քաղաքական հաշվեհարդար է։

«Երեկ դատարանը, դատավոր Մնացական Մարտիրոսյանի նախագահությամբ, ապօրինի որոշմամբ կալանավորեց ԲՀԿ նախագահ Գագիկ Ծառուկյանին։ Դատարանը որևէ հիմնավոր փաստ չներկայացրեց, թե առաջադրված մեղադրանքից չորս ամիս անց Գագիկ Ծառուկյանն ինչպես է խոչընդոտել նախաքննությունը։ Տեղի ունեցածն ակնհայտ քաղաքական հաշվեհարդար է խորհրդարանական ամենամեծ ընդդիմադիր ուժի ղեկավարի և ԲՀԿ-ի հանդեպ։ Ակնհայտ է, որ Գագիկ Ծառուկյանը քաղաքական բանտարկյալ է»,– նշված է հայտարարության մեջ:

Ըստ ԲՀԿ–ի` իշխանությունը՝ վարչապետ Նիկոլ Փաշինյանի գլխավորությամբ , հեղափոխությունից երկուսուկես տարի անց, բոլոր ոլորտներում արձանագրելով բացահայտ տապալումներ և ձախողումներ, փորձում է քաղաքական կեղտոտ հաշվեհարդարներով լռեցնել ընդդիմությանը՝ ամենակատարածու դատավորին իջեցնելով Գագիկ Ծառուկյանին կալանավորելու հրահանգ։

«Իշխանության թիրախում են ԲՀԿ բազմաթիվ գործիչներ, պատգամավորներ, տարածքային կառույցների պատասխանատուներ, որոնց հանդեպ շինծու իրավական գործընթացների անվան տակ ակնհայտ քաղաքական հետապնդում է իրականացվում»,– վստահեցնում է կուսակցության քաղաքական խորհուրդը։

ԲՀԿ–ն նշում է, որ մեր երկիրն այսօր կանգնած է լուրջ մարտահրավերների առաջ, ապաշնորհ իշխանությունը երկիրը սոցիալական աղետի հասցնելով՝ ազգային մեր ինքնության դեմ կատաղի պայքար մղելով, արցախյան հիմնախնդրի շուրջ ադրբեջանական քաղաքական վերնախավի հետ բանագնացների միջոցով կոնֆիդենցիալ պայմանավորվածություններ ձեռք բերելով, քաղաքական հաշվեհարդարներով երկրում փորձում է հաստատել վախի և սարսափի մթնոլորտ, ինչը չի ստացվելու։

«Գագիկ Ծառուկյանի և մեր պայքարն արդար է: Մեզ քաղաքական հաշվեհարդարներով վախեցնել և լռեցնել չի հաջողվելու և վստահաբար մենք ունենալու ենք նոր որակի իշխանություն, որտեղ տեղ չեն ունենալու վրեժխնդրությունը, փոքրոգությունն ու անձնական հաշվեհարդարները: Իսկ Գագիկ Ծառուկյանի հանդեպ անամոթ և էժանագին այս հաշվեհարդարի պատվիրատուներն ու բոլոր մասնակիցները պատժվելու են օրենքի ամբողջ խստությամբ։ Եվ դա ընդամենը շատ կարճ ժամանակի հարց է»,– նշված է ԲՀԿ–ի հայտարարության մեջ։

Հիշեցնենք`  ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։

Երեկ` սեպտեմբերի 25-ին, Երևանի ընդհանուր իրավասության դատարանը որոշեց բավարարել ԲՀԿ առաջնորդ Գագիկ Ծառուկյանին կալանավորելու` ԱԱԾ միջնորդությունը։

9
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), Հայաստան
թեմա:
Գագիկ Ծառուկյանի շուրջ ծավալված իրադարձությունները