Նիկոլ Փաշինյանը` Գյումրիում. արխիվային լուսանկար

Փաշինյանը կրկին Գյումրիում է. ինչպես են ընթանում ավտոմաքսատան շինաշխատանքները. տեսանյութ

102
(Թարմացված է 12:24 19.10.2019)
Վարչապետը ՊԵԿ ղեկավարի հետ շրջել է Գյումրիում նոր կառուցվող ավտոմաքսատան շինարարական հրապարակում, ծանոթացել աշխատանքների ընթացքին:

ԵՐԵՎԱՆ, 19 հոկտեմբերի-Sputnik. Այսօր ՀՀ վարչապետ Նիկոլ Փաշինյանն այցելել է հանրապետության երկրորդ քաղաք՝ Գյումրի՝ ծանոթանալու նոր կառուցվող ավտոմաքսատան շինարարական աշխատանքների ընթացքին:

«Այս տարվա ապրիլի 9-ին ՊԵԿ կառույցներում շրջայցի արդյունքում ՊԵԿ նախագահ Դավիթ Անանյանին հանձնարարել էի միջոցներ ձեռնարկել ավտոմաքսատունը Երեւանից Գյումրի տեղափոխելու վերաբերյալ։ Այսօր այցելել եմ Գյումրի՝ ծանոթանալու ավտոմաքսատան շինաշխատանքների ընթացքին»,- Facebook-ի իր պաշտոնական էջում գրել է ՀՀ վարչապետ Նիկոլ Փաշինյանը։

Կառավարության ղեկավարին շրջայցի ընթացքում ուղեկցել են ՊԵԿ նախագահ Դավիթ Անանյանը, Գյումրու քաղաքապետ Սամվել Բալասանյանը։ Գործադիրի ղեկավարը շինարարների հետ խոսել է աշխատանքների ընթացքի մասին:

Նշենք, որ ավտոմեքենաների մաքսազերծման գործընթացը Գյումրիում կազմակերպելու առաջարկն արել էր ՀՀ վարչապետը` Արարատյան մաքսատուն այցելության ընթացքում։

Ներկայում ավտոմեքենաների մաքսազերծումն իրականացվում է Նորագավիթում տեղակայված Արարատյան մաքսատուն վարչության ավտոտրանսպորտային միջոցների մաքսային ձևակերպման բաժանմունքում, որտեղ հսկայական հերթեր են գոյանում։

Գյումրու մաքսատան շինարարությունն ավարտելուն զուգահեռ այստեղ կտեղափոխվեն տրանսպորտային միջոցների մաքսային ձևակերպումների հետ կապված բոլոր գործառույթներն ամբողջությամբ; Հարավային սահմանով մտած տրանսպորտային միջոցների համար Սիսիանի մաքսատունը կշարունակի գործել:

Ինչ եղավ Գյումրու մաքսատունը. Անանյանի հաշիվները խառնել են շինարարները

Գյումրիում ավտոմաքսատուն կառուցելու որոշումը կառավարությունը կայացրել էր 2019թ.–ի օգոստոսի 1-ին։ Ծրագիրը հիմնավորվում էր նրանով, որ մաքսային մարմինները չեն հասցնում սպասարկել Հայաստան ներմուծվող ավտոմեքենաների աննախադեպ ծավալները։

Ավելի վաղ ՊԵԿ նախագահ Դավիթ Անանյանը խոստացել էր, որ մաքսատան շինարարական աշխատանքները կավարտվեն հոկտեմբերի 11-ին, սակայն հոկտեմբերի 16–ին լրագրողների հետ զրույցում խոստովանեց, ժամկետն ինքն էր սահմանել` առանց հաշվի առնելու շինարարական աշխատանքների ծավալը։ Անանյանը խոստացավ, որ նոյեմբերին արդեն Գյումրու մաքսատունը կշահագործվի։

102
թեգերը:
շինարարություն, ավտոմեքենա, Նիկոլ Փաշինյան, ավտոմաքսատուն, Գյումրի
Ըստ թեմայի
Ո՞վ կկառուցի Գյումրու մաքսատունը. ՊԵԿ–ը պարզաբանեց, թե ինչպես է ընտրվել «Մերձմոսկովյանը»
Գումարի վատնո՞ւմ, թե՞ անհրաժեշտություն. ինչ հարց է լուծելու Գյումրի տարած մաքսատունը
Որքան կբարձրանան մեքենաների ներմուծման մաքսատուրքերը 2020 թ-ից