Համակարգչի մոտ նստած մարդիկ

Երիտասարդ կինն «Օդնոկլասնիկիում» գրանցված տղամարդուց 7 մլն դրամ է հափշտակել

92
(Թարմացված է 17:17 17.10.2019)
ՀՀ քննչական կոմիտեն հետաքրքիր մանրամասներ է ներկայացրել սոցիալական կայքի միջոցով առանձնապես խոշոր չափերով հափշտակված գումարների մասին քրեական գործից։

ԵՐԵՎԱՆ, 17 հոկտեմբերի — Sputnik. 28-ամյա կինը, կեղծ անձնական տվյալներով «Օդնոկլասնիկի» սոցիալական կայքում գրանցվելով, ծանոթացել է Կոտայքի մարզի բնակիչ 52-ամյա տղամարդու հետ ու նրանից ավելի քան 7 մլն դրամ գումար հափշտակել։ Այս մասին հայտնում է ՀՀ քննչական կոմիտեն` որոշ մանրամասներ ներկայացնելով բացահայտված քրեական գործից։

Երիտասարդ կինը սոցիալական կայքի միջոցով տարիներ շարունակ շփվել է տղամարդու հետ, ձևավորել մտերմիկ հարաբերություններ և առողջական, ընտանեկան խնդիրների կեղծ պատրվակներով պարբերաբար գումարներ վերցրել նրանից։

Երբ նկատել է, որ տղամարդը այլևս չի վստահում իրեն ու գումար չի տալիս, ներկայացել է իր իրական տվյալներով ու շարունակել գումարներ խնդրել։

2012-2015թթ. ընթացքում նա տղամարդուց 7.213.273 ՀՀ դրամ գումար է վերցրել:

Արտակարգ դեպք Վանաձորում. 4 հոգով կողոպտել են առևտրականին և 30 հազար դոլար հափշտակել

28-ամյա կնոջը մեղադրանք է առաջադրվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով (առանձնապես խոշոր չափերով խարդախություն): Նրա նկատմամբ որպես խափանման միջոց է ընտրվել ստորագրություն՝ չհեռանալու մասին:

Գործը՝ մեղադրական եզրակացությամբ, ուղարկվել է դատարան:

Նախկին քննիչները մեղադրվում են խուզարկության ժամանակ ոսկեղեն հափշտակելու մեջ

92
թեգերը:
փող, տղամարդ, Կին, Հայաստան
Ըստ թեմայի
Երևանում տղամարդը ծեծել է 55–ամյա կնոջն ու դրամարկղից հափշտակել գումարը. տեսանյութ (18+)
Գեներալ են ներկայացել ու գումար հափշտակել. ԱԱԾ–ն խաբեության նոր դեպք է բացահայտել
Շվեդիայի և Լիբերիայի քաղաքացուն կալանավորել են ՀՀ քաղաքացուց 1մլն դոլար հափշտակելու համար