Ռուբեն Վարդանյան

«Չեմ ընդունում զոհի ապրելակերպը». Վարդանյանը խոսել է «Ավրորայի» ստեղծման պատճառների մասին

461
Հայտնի գործարարը փորձում է բարեգործության միջոցով պայքարել անտարբերության դեմ ու հասկացնում է մարդկանց, որ ոչ մի դեպքում չպետք է իրենց զոհ զգան։

ԵՐԵՎԱՆ, 17 հոկտեմբերի - Sputnik. Խոշոր գործարար ու բարեգործ, «Ավրորա» մրցանակաբաշխության համահիմնադիր Ռուբեն Վարդանյանն առաջիկա միջոցառման հերոսների հետ այսօր կայացած հանդիպման ժամանակ նշեց այն հինգ պատճառները, որոնք հիմք են հանդիսացել այս  նախաձեռնության համար։

Վարդանյանի խոսքով` առաջին կուրսից հետո իրեն բանակ են տարել ու ուղարկել Ադրբեջան ծառայելու։ Խորհրդային տարիներին դեռ ղարաբաղյան հակամարտությունը չկար, սակայն մթնոլորտը միևնույնն է՝ լարված էր։ Հայաստան հասնելու համար նրան 27 ռուբլի էր անհրաժեշտ, բայց նա այդ գումարը չուներ։ Ու բոլորովին անծանոթ տղաներ հավաքեցին իրենց վերջին փողերն ու տվեցին իրեն։

«Նրանք անշահախնդիր օգնեցին ինձ։ Մենք այլևս երբեք չենք հանդիպել, բայց ես ընդմիշտ հիշեցի նրանց։ Դա գումարի հարց չէր, դա կյանքի հարց էր։ Ու լրիվ օտար մարդիկ ինձ օգնեցին։ Հիմա էլ մենք ենք փորձում ուրիշներին օգնել»,–ասաց նա։

Վարդանյանը խոսեց նաև այն հինգ պատճառների մասին, որոնք դրդել են իրեն մրցանակաբաշխություն հիմնել։

«Առաջինը` ես չեմ ուզում զգալ ինձ պարտված սերնդի հետնորդ ու զոհ։ Չեմ ընդունում զոհի ապրելակերպը։ Նրանց թվում է, որ չի կարող լինել ավելի վատ, քան իրենց մոտ է։ Իսկ մենք ամբողջ աշխարհից Հայաստան ենք բերում մարդկանց, որոնց իրենց կյանքում հաղթահարել են բարդ իրավիճակներն ու ցույց ենք տալիս`ինչ է կատարվում մոլորակի վրա, ինչու չպետք է անվերջ խղճանք ինքներս մեզ»,– նշեց մրցանակաբաշխության հիմնադիրը։

Երկորդ պատճառը,  Վարդանյանի խոսքով, պայքարն է  անտարբերության դեմ։ Նա ասում է, որ պետք է հրաժարվել այն մտքից, որ փոքր ժողովուրդներն ու փոքր երկրները չեն կարող ոչինչ փոխել։

«Երրորդ պատճառն այն է, որ չեմ ուզում անցյալով ապրել։ Ես հիշում եմ այն, բայց առաջ եմ նայում։ Մենք պետք է նայենք դեպի ապագան։ Պետք է հիշենք հերոսներին ու իրադարձությունները, բայց պետք է նոր ապագա կառուցենք», – ընդգծեց բարերարը։

Չորրորդ պատճառն այն է, որ ինչպես անհատները, այնպես էլ ժողովուրդները, ուրիշներին օգնելով՝ ուժեղանում են։ Վարդանյանը կարևոր է համարում, որ մարդիկ իրենց ուժեղ զգան, երբ օգնության ձեռք են մեկնում ու երախտագիտության չսպասեն։ Հենց դա է չորրորդ պատճառը։

«ХХI դարում չի կարելի հարուստ կայսրություն ստեղծել, պարիսպներ սարքել հետևում ու չտեսնել` մոլորակի վրա ինչ է կատարվում։ Աշխարհը միասնական է դառնում, ու մենք պետք է կամ սպանենք միմյանց, կամ փոխվենք ու ապրենք սիրո մեջ։ Մարդկությունն այլ ելք չունի։ Մրցանակաբաշխության բոլոր հերոսներն օգնել են մեզ լինել ուժեղ ու հաջողակ ազգ, ու դրա համար ես շնորհակալ եմ բոլորին»,– նշեց Վարդանյանը։

«Ավրորա» մարդասիրական նախաձեռնությունը ստեղծվել է Հայոց ցեղասպանությունը վերապրածների անունից՝ ի նշան  նրանց փրկողների հանդեպ երախտագիտության։

Այն մերօրյա հերոսներին հնարավորություն է տալիս կյանք և հույս պարգևել նրանց, ովքեր մարդասիրական աջակցության խիստ կարիք ունեն ողջ աշխարհում, այդպիսով՝ շարունակելով մարդասիրության համաշխարհային շղթան։

«Ավրորա» միջազգային մարդասիրական նախաձեռնությունը Վարդան Գրեգորյանի, Նուբար Աֆեյանի և Ռուբեն Վարդանյանի մարդասիրական և բարեգործական նախաձեռնությունն է, որին արդեն միացել են ավելի քան 440 նոր աջակիցներ և գործընկերներ:

«Ավրորա» մարդասիրական նախաձեռնությունը ներկայացնում է երեք կազմակերպություն՝ Aurora Humanitarian Initiative հիմնադրամը (Նյու Յորք, ԱՄՆ), 100 Lives հիմնադրամը (Ժնև, Շվեյցարիա) և IDeA հիմնադրամը (Երևան Հայաստան):

461
թեգերը:
Հայոց ցեղասպանություն, Ցեղասպանություն, Հայաստան, Ռուբեն Վարդանյան, Ավրորա
Ըստ թեմայի
«Ոչնչացնելու մտադրություն». ցեղասպանության մասին ֆիլմն առաջադրվել է «Էմմի» մրցանակի
Հայ քանդակագործը Շվեյցարիայում պարգև է ստացել Ցեղասպանության հուշահամալիրի համար
Հայաստանն ու Ֆրանսիան պայմանավորվել են Ցեղասպանության արխիվային փաստաթղթեր փոխանակել
«Երբեք չեմ հանձնվի». Քարդաշյանը մտադիր է Թրամփի հետ քննարկել Ցեղասպանության ճանաչման հարցը
ՀՀ ԱԻՆ. արխիվային լուսանկար

Երասխում` հայ-ադրբեջանական սահմանի չեզոք գոտում, եղեգ է այրվել

58
(Թարմացված է 23:37 26.07.2021)
Դեպքի վայր էր մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

ԵՐԵՎԱՆ, 26 հուլիսի – Sputnik․ Այսօր, ժամը 17։07-ին Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղում՝ հայ-ադրբեջանական սահմանի չեզոք գոտում, այրվում է եղեգ։ Տեղեկությունը հայտնում է ԱԻՆ-ը։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 19։25-ին, մարվել՝ 19։42-ին։

Երկրաշարժ է գրանցվել Լոռու մարզում

58
թեգերը:
հրդեհ, Սահման, Երասխ
Ըստ թեմայի
Երևանի կենտրոնում երկու մեքենա է այրվել․ KIA-ն վերածվել է մոխրակույտի. լուսանկարներ
60-ամյա արմավիրցին Արցախում մեքենայով ընկել է 150 մ խորությամբ ձորն ու մահացել
Երևանյան շենքերից մեկի նկուղում փաթեթավորված մարտական նռնակներ են գտել
Հայ–իրանկան սահման

Հայ-ադրբեջանական սահմանն ու Իրանը, կամ արտաքին ուժերը խաղում են փխրուն խաղաղության վրա

132
(Թարմացված է 23:01 26.07.2021)
Նույնիսկ դժվար ներքաղաքական իրավիճակում Թեհրանը մտահոգված է հայ-ադրբեջանական հակամարտության սրացմամբ։ Ընդ որում` այնքան, որ իր օգնությունն է առաջարկում «ամուր խաղաղություն հաստատելու համար»։

Sputnik Արմենիայի քաղաքական վերլուծաբան Արման Վանեսքեհյան

Իրանի համար իրավիճակը բարդ է, քանի որ Հարավային Կովկասի տարածաշրջանը` Անդրկովկասը, իր երկրի հյուսիսային դարպասներն են։ Եվ երբ Իրանի սահմանից այն կողմ կրակում են, երկրի համար վտանգը բազմակի աճում է։ Հատկապես, երբ Իրանի «միջուկային» պայմանավորվածությունների վերաբերյալ Վիեննայի բանակցությունները որոշակի պահի «ոչ մի տեղ չտանող» ճանապարհի վրա շեղվեցին։ Այժմ պայմանավորվող կողմերից մեկը` Միացյալ Նահանգները, սկսեց ընդդիմախոսին մեղադրել գործընթացի ձախողման մեջ։

Թեև ի սկզբանե հասկանալի էր, որ եթե համատեղ գործողությունների համապարփակ ծրագիրը Վիեննայում չստորագրվի մինչև Իրանում նախագահական ընտրությունների անցկացումը, ապա հետո այդ գործը հանգիստ խղճով կարելի կլինի հետաձգել։ Չէ՞ որ ակնհայտ էր, որ դարավոր ավանդույթները պահպանող երկրում նախագահի իշխանափոխության գործընթացն արագ լինել չէր կարող։

Բացի այդ պետք է հասկանալ, որ այսօր Իրանում էլ լուրջ գաղափարախոսական պայքար է սկսվել։ Պայքար պահպանողական-ավանդապաշտների միջև, որոնք  պնդում են, որ չի կարելի վստահել ամերիկացիներին և նրանց, ովքեր կարծում են, որ Վիեննայի բանակցություններում կարելի է զիջումների գնալ, քանի որ և՛ ֆինանսատնտեսական, և՛ սոցիալական իրավիճակը երկրում իսկապես շատ վատ են։

Արդյունքում, ինչպես և կարելի էր սպասել, հաղթեցին հենց ավելի կոշտ արտաքին քաղաքական գծի կողմնակիցները։  Իրանի նոր առաջնորդ Իբրահիմ Ռաիսին մի մարդ է, որից առանձնապես պետք չէ ակնկալել «միջուկային» համաձայնագրին առնչվող զիջումներ։ Բայց չէ որ երկրի դիրքորոշման խստացումն ու բանակցություններից հրաժարվելը միևնույն բանը չեն։

Իրականում իսկզբանե հենց ամերիկյան կողմը թույլ տվեց իրեն հրաժարվել, նախկինում` դեռ Օբամայի օրոք, Իրանի «միջուկային» համաձայնագրի վերաբերյալ ձեռք բերված պայմանավորվածություններից։ Եվ հետին թվով Համատեղ գործողությունների համապարփակ ծրագրի պայմանները (որոնք ժամանակին ձեռք են բերվել մի կողմից Իրանի և մյուս կողմից վեցնյակի երկրների` Ռուսաստանի, Չինաստանի, Ֆրանսիայի, Բրիտանիայի և Գերմանիայի միջև) փոխելու փորձերը վատ են բնութագրում նախևառաջ հենց Միացյալ Նահանգներին։

Հայաստանը կվերանորոգի Երևանից մինչև Իրանի ու Ադրբեջանի սահմաններ ձգվող ավտոճանապարհները

Բացի այդ Վաշինգտոնում իսկզբանե գիտեին և հասկանում էին, որ եթե Վիեննայի բանակցությունների ժամանակ հնարավոր չլինի արագ առաջընթացի հասնել, ապա հետո արդեն ստիպված կլինեն երկար–բարակ սպասել, մինչև Իրանում ավարտվի նախագահի իշխանության փոխանցման գործընթացը։

Իրանը պատրաստ է անձամբ նպաստել Հարավային Կովկասում խաղաղ գործընթացին

Չի բացառվում, որ Վիեննայում ամերիկյան դիվանագիտությունը հույսը հենց դրա վրա էր դրել։ Ժամանակ էր ձգձգում` հասկանալով, որ որքան երկար ամերիկացիները ձգձգեն հակաիրանական պատժամիջոցների չեղարկման ու սառեցված բանկային հաշիվները բացելու հարցը, այդքան ավելի լավ իրենց համար։ Եվ իհարկե, համապատասխանաբար, քիչ էր հավանականությունը, որ Իսրայելը կնեղսրտի։

ԱՄՆ դեսպանը ՊՆ ներկայացուցիչների հետ այցելել է Գեղարքունիքի մարզ

Ինչևէ, ձգձգեցին, սպասեցին և հետաձգեցին` շարունակելով իրենց կոշտ պատժամիջոցային քաղաքականությունը, հույս ունենալով, որ Իրանում որոշակի պահի սոցիալական ոլորտում և ներքին քաղաքականության մեջ պոռթկում կլինի։ Ընդ որում, ոչ միայն Իրանին կվնասի։ Առաջին հերթին Իրանի հետ սահմանակից երկրներին։ Հաշվարկներն արվել էին ամերիկյան այն տրամաբանությամբ, երբ պատրաստվում են հերթական «գունավոր հեղափոխությունը» հրահրել։

Եվ ահա գալիս է Իրանի նոր իշխանությունների գործելու ժամանակը։ Չէ՞ որ Թեհրանում հասկանում են, որ պետական սահմանն այսօր` «ամենաթույլ օղակն է». և՛ Արևմուտքում (անկայուն Իրաքը), և՛ Արևելքում (Աֆղանստանը), և՛ Հյուսիսում (պայթյունավտանգ Հարավային Կովկասը)։ Հավանաբար, հենց Հայաստանի և Ադրբեջանի միջև ԼՂՀ-ի շուրջ արտաքին ուժերի կողմից ռազմական հակամարտություն հրահրած Հարավային Կովկասից է Իրանն ամենամեծ վտանգը զգում։

Չէ՞ որ այստեղ հաջողացրել է խծկվել ՆԱՏՕ–ական Թուրքիան, որը բարձրաձայն հայտարարում է իր ռազմաբազաների մասին։ Իսկ դա նշանակում է` հանգիստ չի լինի, քանի որ տարածաշրջանում տասնամյակներով հաստատված հակակշիռների համակարգերը փլուզվել էին Անկարայի և Բաքվի տանդեմով հրահրված վերջին պատերազմով։

Նման պայմաններում մշտական լարվածությունը, որը ժամանակ առ ժամանակ պայթում է հայ-ադրբեջանական շփման գծում լսվող կրակոցներով, չի կարող չմտահոգել Թեհրանին։ Այն աստիճան, որ օրեր առաջ Իրանի ԱԳՆ մամուլի ծառայության ղեկավար Սաիդ Խաթիբզադեն հայտնեց Թեհրանի մտահոգությունը «Հայաստանի և Ադրբեջանի միջև առանձին սահմանային մարտերի առնչությամբ»։

Ավելին, Իրանի ԱԳՆ պաշտոնական ներկայացուցիչն իր երկրի անունից պատրաստակամություն հայտնեց «ցանկացած օգնություն տրամադրել Հարավային Կովկասում ամուր խաղաղություն հաստատելու համար»։ Իրանական դիվանագիտական օգնությունը որքանով են պատրաստ ընդունել հակամարտող կողմերն ու հիմնական խաղացողները` այլ հարց է, իսկ Իրանի մտահոգությունը հասկանալի է։

 «Անակոնդայի օղակը» Իրանի համար ավելի փո՞քր է

Իրականում ակնհայտ է, որ Իրանում շատ բարդ ներքաղաքական իրավիճակ է ստեղծվում։ Որոշ տնտեսագետների պնդմամբ` այս տարի «մեծ քայլեր գցող» գնաճը կարող է 30 տոկոսից անցնել։ Ու այդ ֆոնին Խուզեստանի գավառում (երկրի հարավ–արևմուտք),  որտեղով անցնում է անկայուն և պայթյունավտանգ Իրաքի հետ սահմանը, բողոքի ալիքները նույնպես մտահոգում են Թեհրանին։

Առավել ևս, որ բողոքի ալիքը կարող է և՛ արևելք հասնել (Աֆղանստանի հետ սահման), և՛ հյուսիս–արևմուտք` Թուրքիայի հետ սահմանի մոտ։

Իսկ անկարգությունները կարող են լինել գոնե այն պատճառով, որ ամերիկյան պատժամիջոցների շարունակությունը սպառնում է պարենի գների հերթական կտրուկ ցատկով։ Իսթեբլիշմենթի մի մասը (այդ թվում` նաև պատգամավորական կորպուսի ներկայացուցիչները)  փնթփնթում են, թե ամեն գնով ամերիկացիների հետ պայմանավորվել է պետք,  այլապես պարենային շուկան կփլուզվի։

Առաջին հերթին իհարկե հույս ունեն պայմանավորվածություն ձեռք բերել «միջուկային» գործարքի շուրջ, որը թույլ կտա հանել պատժամիջոցների գոնե կեսը։ Բացի այդ սառեցված բանկային հաշիվներից որոշակի գումարներ հնարավոր կլինի ազատել։ Սակայն շատ կամացուկ են փնթփնթում, ինչպես ասում են` բամբասանքի մակարդակով։ Նույնիսկ Թեհրանի վերջին ցույցը վարպետորեն քողարկված էր և արվում էր ի «աջակցություն» խմելու ջրի պակասություն ունեցող Խուզեստանի։

Ամեն դեպքում Վիեննայում Իրանի «միջուկային» համաձայնագրի բանակցությունների հերթական` յոթերորդ ռաունդի ժամկետները դեռ հայտնի չեն։ Եվ հայտնի չեն լինի առնվազն մինչև օգոստոսի 5-ը` Իրանի նախագահ Իբրահիմ Ռաիսիի երդմնակալության օրը։  Նրան քաղաքական «ճուռակ» են համարում և պնդում են, որ ամերիկացիներին ավելի բարդ կլինի նրա հետ պայմանավորվել Համատեղ գործողությունների համապարփակ ծրագրի վերաբերյալ։

Վիեննայում «միջուկային գործարքի» շուրջ բանակցություններում առաջընթաց է գրանցվել

Չի բացառվում, որ Իրանի նոր ղեկավարության վրա ճնշում գործադրելու համար ամերիկյան կողմը չխուսափի հակամարտություն հրահրել նույնիսկ Իրանի պետական սահմաններին հարող շրջաններում։ Ստացվում է Ռուսաստանի դեմ ԱՄՆ–ի ծրագրած «անակոնդայի օղակի» պես մի բան, բայց չափերով ավելի փոքր։ Իրաքը, Թուրքիան, Հարավային Կովկասը, իսկ Արևմուտքում նաև Աֆղանստանը ի՞նչ պակաս օղակ են։

132
թեգերը:
ԱՄՆ, Սահման, Ադրբեջան, Իրանի Իսլամական Հանրապետություն, Հայաստան
Ըստ թեմայի
Կարապետյանն ու Շոյգուն քննարկել են տարածաշրջանային անվտանգության հարցը
44-օրյա պատերազմի քննիչ հանձնաժողով կստեղծվի. Ալեն Սիմոնյան
Արցախցին Ադրբեջանի ԶՈւ-ի կողմից ծեծի է ենթարկվել․ Ստեփանյանը լուսանկարներ է հրապարակել
Թաթուլ Մանասերյան

Գնաճը Հայաստանում դուրս է եկել վերահսկողությունից. տնտեսագետ     

0
(Թարմացված է 23:43 26.07.2021)
«Այլընտրանք» հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը Sputnik Արմենիայի եթերում անդրադարձել է տնտեսական միտումներին և երկնիշ տնտեսական աճի հավանականությանը։ 

 

Մանասերյան. «Գնաճը Հայաստանում դուրս է եկել վերահսկողությունից»

Թաթուլ Մանասերյանի դիտարկմամբ` տնտեսական աճն իհարկե ցանկալի է, բայց դրա համար պետք է լինեն հիմնավոր նախադրյալներ, իսկ միտումները` հուսադրող, մինչդեռ այն, ինչ ունենք մինչ օրս` իներցիոն տնտեսության, այսինքն` իներցիոն զարգացման արդյունքն է, իսկ իշխանությունները փորձում են իրենց վերագրել գյուղացու, բանվորի, մասնավոր ձեռներեցի հաջողությունները` ասելով, որ որոշակի արդյունքներ են գրանցել։  

 

«Անգամ սկսել են խոսել աննախադեպ աշխատատեղերի մասին, ինչն ամոթ է, քանզի չկա որևէ ուղղություն, որտեղ լինի տնտեսական քաղաքականություն և մենք ասենք, որ մշակվել է համապատասխան հայեցակարգ և իրականացվել կյանքում։ Ամենակարևորն այն է, որ մեր ազգաբնակչության կեսից ավելին գյուղական բնակավայրերում է ապրում և աշխատում, բայց գյուղատնտեսության ոլորտն այնքան է արհամարված, որ չկա գյուղնախարարություն, չկա ագրարային քաղաքականություն, և եթե այս ամբողջ համապատկերում գյուղացին կարողանում է նույնիսկ նման բնակլիմայական պայմաններում ինչ–ինչ արդյունքներ ստանալ, ապա պետությունը չի զլանում դա իրեն վերագրել»,– ասաց տնտեսագետը։

Մանասերյանը կասկածանքով արտահայտվեց երկնիշ տնտեսական աճի հեռանկարի մասին` նշելով, որ բարոյական չէ նման կանխատեսումներ անել, երբ տնտեսությունը գտնվում է անկազմակերպ վիճակում։ Տնտեսագետը վկայակոչեց երկու հիմնական հանգամանք։

Նախ` անցյալ տարի մենք ունեցանք բավականին լուրջ տնտեսական անկում և այդ ֆոնին ինչ–որ գրանցվում է, դա նույնիսկ չի բերել վերականգնողական մակարդակին, ինչ որ եղել է մինչև անկումը։

Գնաճը Հայաստանում միջազգայինից կրկնակի բարձր տեմպ ունի. ինչ է փորձում կոծկել իշխանությունը

Եվ երկրորդ` համավարակը հարվածեց հենց աշխատատեղերին և շփումը նվազագույնի հասցնելու համար բազմաթիվ աշխատատեղեր փակվեցին։ 

«Այժմ մենք ունենք մտահոգիչ մակարդակի վրա գտնվող գնաճ, մինչդեռ բնակչության եկամուտներն այդ գնաճին ուղղակի անհամադրելի են, գնաճը կրկնակի անգամ ավելի շատ է, քան եկամուտների աճը, ուստի նման պայմաններում մի կողմից պրոֆեսիոնալ չեմ համարում երկնիշ տնտեսական աճին վերաբերող արտահայտությունները, մյուս կողմից բարոյական չեմ համարում»– ասաց տնտեսագետը։

Մանասերյանի խոսքով`գնաճը Հայաստանում դուրս է եկել վերահսկողությունից, սակայն միջազգային պրակտիկայում այն կառավարելի է, եթե պետությունն իր տեղում է, իրականացնում է մոնիթորինգ, իսկ հետո օգտագործում վերահսկողական գործառույթներ։ Ըստ նրա` մեզանում նման բան չկա և միայն  ԿԲ–ի վրա գների կայունության ապահովման խնդիրը թողնելն արդարացի չէ։

Տնտեսագետի խոսքով` երբ տարեսկզբին միլիարդավոր դոլարի ներդրումների մասին էին խոսում, մինչև այս տարեվերջ գոնե մի քանի միլիոն դոլարի ներդրումներ արդեն իսկ պետք է եղած լինեին, մինչդեռ հիմա ունենք բացասական հաշվեկշիռ, այսինքն` փողը ոչ թե մտնում, այլ դուրս է գալիս Հայաստանից։  

Նշենք, որ Ազգային վիճակագրական ծառայության տվյալների համաձայն` 2021 թվականի հունվար-հունիս ամիսներին 2020 թվականի նույն ժամանակահատվածի համեմատ միջին գները (ՍԳԻ) աճել են 5,7 տոկոսով, իսկ տնտեսական ակտիվության ցուցանիշը (ՏԱՑ)՝ 5 տոկոսով։

Արդյունաբերական արտադրանքի միջին գներն աճել են 10 տոկոսով, իսկ արդյունաբերական արտադրանքի ծավալը (ընթացիկ գներով արտահայտված) աճել է ընդամենը 2,1 տոկոսով։

Սննդամթերքի միջին գներն աճել են 8 տոկոսով, իսկ ընթացիկ գներով արտահայտված ծառայությունների ծավալն աճել է ընդամենը 2,7 տոկոսով, առևտրի շրջանառությունը՝ 8 տոկոսով:

«Միտումները ցույց են տալիս, որ գործ կունենանք գնաճային լուրջ ալիքի հետ». տնտեսագետ

0
թեգերը:
Թաթուլ Մանասերյան, տնտեսություն, Հայաստան, գնաճ
Ըստ թեմայի
Հետընտրական շոու, կամ ինչի մասին է խոսում Հայաստանում Ադրբեջանի դրոշով ապրանքի հայտնվելը
Հայաստանը պետք է օգտագործի վետոյի իրավունքը. ԵԱՏՄ–ին Ադրբեջանի անդամակցելը մեզ ոչինչ չի տա
Կենտրոնական բանկում կստեղծվի ՀՀ բոլոր բանկային հաշիվների կենտրոնացված ռեեստր