Տիգրան Ավինյան

Հենց նոր նայում էի Հռոմ–Երևան տոմսի գինը. Ավինյանն էլ է համոզվել, որ թռիչքը 35 եվրո արժի

338
(Թարմացված է 12:37 17.10.2019)
Կառավարության նիստում անդրադարձան Հայաստանի շուկա մտած նոր ավիաընկերության գնային քաղաքականությանը։

ԵՐԵՎԱՆ, 17 հոկտեմբերի — Sputnik. Ryanair ընկերության տոմսերն արդեն վաճառվում են։ Այսօր կառավարության նիստում հայտնեց ՀՀ վարչապետ Նիկոլ Փաշինյանը։

«Շատ կարևոր է արձանագրել, որ այս խնդիրը լուծելու համար շատ մեծ դեր է ունեցել Քաղավիացիայի կոմիտեն։ «Զվարթնոց» միջազգային օդանավակայանները շատ գործընկերային դիրքորոշում են ցուցաբերել։ Կառավարությունը շատ սկզբունքային որոշում է կայացրել այն մասին, որ այն ուղղություններով, որոնք վերջին 10-12 ամիսներին չեն սպասարկվել, չվերթ բացելու դեպքում «օդի տուրքը» կհանվի»,– ասաց Փաշինյանը։

Նա նաև հույս հայտնեց, որ այս փոփոխությունները լուրջ տեղաշարժեր են բերելու ավիացիայի ոլորտում` հօգուտ քաղաքացիների ու հօգուտ տնտեսության։

Փոխվարչապետ Տիգրան Ավինյանը նշեց, որ Հայաստանից դեպի Եվրոպա Ryanair ընկերությունն այս պահին առաջարկում է 4 ուղղություն, 2–ը` Իտալիա, 2-ը` Գերմանիա։

«Ընկերության գնային քաղաքականությունը հենց միտված է նրան, որ հնարավորինս էժան տոմսեր առաջարկի։ Հենց նոր նայում էի Հռոմ– Երևան տոմսերի գները` 2020թ–ի հունվարի 25-ին 35.88 եվրո է մեկ ուղղությունը և հետադարձը նույն գինն է։ Ընդամենը 70 եվրոյով կարելի է մեկնել Հռոմ և վերադառնալ»,– ասաց Ավինյանը։

Նա նշեց, որ այս ծառայության մեջ սնունդ ներառված չէ։ Ուղեբեռի համար էլ հստակ պայմաններ են գործում, նախատեսված քաշը գերազանցող ուղեբեռի դիմաց նախատեսվում է լրացուցիչ վճար։

Ryanair-ը դարձավ առաջին ծիծեռնակը. Փաշինյանը մեծ հույսեր է կապում նոր փոխադրողի հետ

Հիշեցնենք` Ryanair ընկերության կոմերցիոն տնօրեն Դևիդ Օ'Բրայենն այսօր հայտարարել է, որ 2020թ.–ի հունվարից ուղիղ չվերթեր են իրականացվելու Երևանից Հռոմ և Միլան, 2020թ.–ի ամռանը կբացվեն Երևան–Բեռլին և Գյումրի–Մյունխեն չվերթները։

Օ'Բրայենի խոսքով` թռիչքները կիրականացվեն շաբաթական երկու անգամ, տոմսերը կարժենան միջինը 35 եվրո։

Ռուսական ավիաընկերությունը Վորոնեժ–Երևան ուղիղ չվերթ է գործարկում

338
թեգերը:
տոմս, Տիգրան Ավինյան, գին, Հռոմ, Երևան, Հայաստան
Ըստ թեմայի
Տարեվերջին ռուսական ավիաընկերությունները կարող են 10 տոկոսով թանկացնել տոմսերը
Ryanair լոուքոսթերը կատակել է Փաշինյանի ու Քարդաշյանի սելֆիի թեմայով
«Արմավիան» օդի փողը չի տվել. լուծարվող խոշոր ընկերությունները Հայաստանին 47 մլրդ են պարտք
Омбудсмен Арман Татоян на Международной конференции, посвященной 15-летию офиса омбудсмена в Армении (26 ноября 2019). Еревaн

ՄԻՊ-ը երկրորդ զեկույցն է ուղարկել միջազգային կառույցներին

0
ՄԻՊ-ի՝ միջազգային կառույցներին ուղարկված զեկույցում նշված է, որ ադրբեջանական կողմը սեփական հրետանային մարտկոցները տեղադրել է խաղաղ բնակչության մոտ, բնակավայրերում։

ԵՐԵՎԱՆ, 15 հուլիսի – Sputnik. ՀՀ Մարդու իրավունքների պաշտպան Արման Թաթոյանը երկրորդ միջանկյալ զեկույցն է անգլերենով ուղարկել միջազգային կառույցներին՝ կապված Հայաստանի Տավուշի մարզի ուղղությամբ հուլիսի 12-14-ի ադրբեջանական զինված ուժերի հրետակոծությունների և գնդակոծությունների հետ։

«Զեկույցում հատուկ շեշտադրումներ են արված քաղաքացիական բնակավայրերի, նրանց բնակիչների առողջության, կյանքի ու սեփականության պաշտպանության մասով։ Ինչպես նախորդը, այս զեկույցն էլ առանձին ընթացակարգով ուղարկվում է նաև ՄԱԿ-ի Մարդու իրավունքների խորհրդին»,-նշված է ՄԻՊ-ի հայտարարության մեջ։
Թաթոյանը հիշեցնում է, որ նման հնարավորություն ունեն միայն «A» միջազգային կարգավիճակ ունեցող Մարդու իրավունքների ազգային հաստատությունները:

Զեկույցում արտացոլվել են նաև այն տվյալները, որ ադրբեջանական կողմը սեփական հրետանային մարտկոցները տեղադրել է խաղաղ բնակչության մոտ, բնակավայրերում, որպեսզի հայկական կողմի պատասխան կրակը ուղղվի սեփական բնակչության վրա։
Հայաստանի մարդու իրավունքների պաշտպանի աշխատակազմը շարունակում է իրականացնել իրավապաշտպան գործունեությունը՝ անմիջական կապ պահպանելով Տավուշի մարզի Մովսես, Չինարի, Այգեպար, Բերդ և մի շարք այլ համայանքների, ինչպես նաև Տավուշի մարզպետարանի ու ՀՀ պաշտպանության նախարարության հետ՝ պաշտոնական հաղորդակցությամբ:

Հիշեցնենք, որ հուլիսի 13-ին ՀՀ մարդու իրավունքների պաշտպանի գրասենյակը միջազգային կառույցներին էր ուղարկել Տավուշի մարզի ուղղությամբ հուլիսի 12-ին և 13-ին ադրբեջանական զինված ուժերի գնդակոծությունների վերաբերյալ առաջին միջանկյալ զեկույցը՝ անգլերեն լեզվով:

Հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։ 

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ և 10 վիրավոր։

0
թեմա:
Հայ–ադրբեջանական սահմանին տիրող իրավիճակը
 Ոստիկանները՝ Մաշտոցի փողոցում գտնվող «Կապույտ մզկիթի» մոտ

«Կապույտ մզկիթում» ռումբի տեղադրման մասին ահազանգը կեղծ էր

10
(Թարմացված է 13:25 15.07.2020)
Արտակարգ իրավիճակների նախարարությունը հաղորդել է, որ ռումբի տեղադրման մասին ահազանգի ժամանակ մզկիթում ոչ մի քաղաքացի չի եղել:

ԵՐԵՎԱՆ, 15 հուլիսի - Sputnik. Երևանի «Կապույտ մզկիթում» ռումբի տեղադրման մասին ահազանգը պարզվեց՝ կեղծ էր: Այս մասին լրագրողների հետ զրույցում ասաց Արտակարգ իրավիճակների նախարարության ներկայացուցիչ Կարապետ Հարությունյանը:

«Արտակարգ իրավիճակների նախարարությունը ահազանգ է ստացել տեղադրված ռումբի մասին, անմիջապես դեպքի վայր են ժամանել փրկարարները: Նրանք զննել են ամբողջ տարածքը՝ ինչպես ներսից, այնպես էլ դրսից: Զննել ենք անգամ նկուղն ու տանիքը»,- ասաց նա՝ նշելով, որ ոչինչ չեն հայտնաբերել:

Ըստ Հարությունյանի՝ ահազանգի պահին մզկիթի տարածքում քաղաքացիներ չեն եղել:

Դեպքի վայր են մեկնել նաև փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խմբերը։

Նշենք, որ «Կապույտ մզկիթը» Երևանի ամենահին ճարտարապետական հուշարձաններից մեկն է։

Ինչ է կատարվում Երևանի «Կապույտ մզկիթի» դռներից այն կողմ. լուսանկարներ

Հուսեյն-Ալի խան Քաջարը մզկիթը կառուցել է 1766 թվականին։ 7000 քմ տարածքով համալիրն ունի ներքին բակ, ծիսական շինություն, գմբեթ և մինարեթ։ Ընդհանուր առմամբ կա 28 սրահ, իսկ հյուսիսային մասում տեղակայված է գրադարանը։ 1991 թվականից Իրանը 100 տարի ժամկետով վարձակալել է մզկիթն ու դրա տարածքը։

Մզկիթի սենյակներից մի քանիսը դասարաններ են, որտեղ հայերը պարսկերեն են սովորում, իսկ իրանցիները` հայերեն։

10
թեգերը:
ահազանգ, մզկիթ, ռումբ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն
Ըստ թեմայի
Կրկին ահազանգ ռումբի մասին. ԱԻՆ–ն «Աջարաբեթի» գրասենյակում է
«Մեգամոլ» առևտրի կենտրոնում ռումբ չի հայտնաբերվել. ահազանգերից մեկը կեղծ էր
«Դալմա Գարդեն մոլից» մարդկանց տարհանում են. ԱԻՆ-ը ռումբի մասին ահազանգ ունի
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով