Ամալյա Եղոյան

Աֆրիկյան երկրներն ուզում են փոխառել հայկական «դպրոցից բիզնես» մոդելը

168
(Թարմացված է 00:43 17.10.2019)
Փորձը Եթովպիային փոխանցելու բանակցություններն արդեն ավարտվել են, հիմա բանակցում են Բենինի ու Նիգերիայի հետ։

ԵՐԵՎԱՆ, 17 հոկտեմբերի — Sputnik. Հայաստանը ինժեներական կրթության ու բիզնեսի մոդելը կփոխանցի աֆրիկյան երկրներին։ Sputnik Արմենիայի հետ զրույցում այս մասին ասաց Ձեռնարկությունների ինկուբատոր հիմնադրամի (ՁԻՀ) ղեկավար Ամալյա Եղոյանը։

ՀՀ արտգործնախարար Զոհրաբ Մնացականյանը դեռ ապրիլին այցելել էր Եթովպիա ու Ռուանդա։ Այնտեղ մի շարք համաձայնագրեր էին կնքվել, այդ թվում` բարձր տեխնոլոգիաների ոլորտում համագործակցության վերաբերյալ։

Համագործակցության մասին համաձայնագիրն արդեն կնքվել է Եթովպիայի հետ, շարունակվում են Բենինի ու Նիգերիայի հետ բանակցությունները։

Միլիմետրի ճշտությամբ. Հայաստանում միկրոսխեմաների համար նոր սարք են արտադրում

Հայաստանն ուզում է այդ երկրներին փոխանցել ինժեներական կրթության ու բիզնեսի զարգացման փորձը։ Մեր երկրում արդեն մի քանի տարի է` նման համակարգ է ստեղծվում։ Հայաստանի առաջատար տեխնոլոգիաների ձեռնարկությունների միությունը (UATE) կառավարում է ArMath դպրոցական ինժեներական լաբորատորիաները, մի քանի խոշոր ընկերություններ ինժեներիայի ու ծրագրավորման խորացված դասընթացներ են պատրաստել վարժարանների համար, Պոլիտեխնիկական համալսարանում ազգային ճարտարագիտական լաբորատորիաներ են գործում, իսկ Երևանում ճարտարագիտական ավան կա, որտեղ նորանոր ձեռնարկություններ են բացովում։

«Մենք սիրով կփոխանցենք այդ համակարգը ստեղծելու մեր փորձը։ Դա կլինի Հայաստանի համեստ ներդրումը աֆրիկյան երկրների զարգացման հարցում», – ավելացրեց Եղոյանը։

Հայկական կողմին աջակցում է Smart Africa աֆրիկյան միջպետական նախաձեռնությունը, որի հետ նույնպես համագործակցության մասին հուշագիր է կնքվել։ Հենց նրանք են կապ հաստատել հայկական կողմի ու Բենինի կառավարության միջև։

«Հոկտեմբերի 24–ին նորից Եթովպիա կայցելենք։ Ադիս Աբեբայի համալսարանի հետ արդեն հուշագիր ենք ստորագրել, իսկ հիմա մեզ կընդունի այդ երկրի նորարարությունների ու տեխնոլոգիաների նախարարը։ Հանդիպման արդյունքում համագործակցության հստակ մոդել կմշակենք», –ասաց Եղոյանը։

Նշենք` հայկական մի քանի ընկերություններ արդեն գործում են աֆրիկյան շուկայում։ Դրանից մեկը Երևանում մշակումների կենտրոն ունեցող ամերիկյան ընկերություն է և աֆրիկյան մի շարք երկրներում արդեն ծրագրեր է ներդրել էլեկտրոնային կառավարության համար։

Իտալացի ինժեներների ծրագրերը Հայաստանում. նոր «օպտիկայից» մինչև Գյումրու հին կենտրոն

168
թեգերը:
Աֆրիկա, Ամալյա Եղոյան, Հայաստան
Ըստ թեմայի
«Կախարդական» բաժակ` լիմոնադի համար. հայկական ստարտափը գնահատել են Pepsi–ում
Պարզապես «գռդոն» չէ. ինչպես հայաստանցի ծրագրավորողները ներգրավեն գերմանական բիզնեսը
Երևանյան դպրոցը նոր մակարդակի 3D տպիչ ունի. չի մամլում, բայց գոլորշիացնում է ճառագայթով
Առաջին զրահապատ ավտոմեքենաները, կամ ինչպես 12 «Ռենոները» զինվորական ավտոմեքենաներ դարձան
Փորձնական նախագիծ Վանաձորում. ինչու դպրոցականներին չեն կարողանում կտրել դասից
Ընտրատեղամաս

Ավելի քան 70 ընտրական տեղամասերում վերահաշվարկ կիրականացվի. ԿԸՀ

18
(Թարմացված է 20:04 22.06.2021)
Տարածքային ընտրական հանձնաժողովները տեղամասերի քվեարկության արդյունքներն անվավեր ճանաչելու վերաբերյալ դիմումներ չեն ներկայացրել։

ԵՐԵՎԱՆ, 22 հունիսի – Sputnik. Քվեների վերահաշվարկի դիմումներ են ներկայացվել թվով 27 տեղամասերի քվեարկության արդյունքների վերաբերյալ, որոնցից միայն 3 տեղամասերի վերաբերյալ դիմումներն են ներկայացվել իրավասու սուբյեկտների կողմից։ Տեղեկությունը հայտնում է ՀՀ կենտրոնական ընտրական հանձնաժողովը։

«Այնուամենայնիվ, համապատասխան տարածքային ընտրական հանձնաժողովների կողմից վերահաշվարկ կիրականացվի նաև մնացյալ 24 տեղամասում»,– նշված է հաղորդագրության մեջ։

Ըստ ԿԸՀ–ի` հունիսի 23-ին՝ ժամը 10։00-ից սկսած, թիվ 2, թիվ 3, թիվ 4, թիվ 5, թիվ 7, թիվ 9, թիվ 10, թիվ 11, թիվ 13, թիվ 14, թիվ 17, թիվ 23, թիվ 24, թիվ 25, թիվ 31, թիվ 33, թիվ 34 և թիվ 35 տարածքային ընտրական հանձնաժողովներում կշարունակվեն իրականացվել ընդհանուր առմամբ 70-ից ավելի ընտրական տեղամասերի վերահաշվարկի աշխատանքները։

Տարածքային ընտրական հանձնաժողովների կողմից տեղամասերի քվեարկության արդյունքներն անվավեր ճանաչելու վերաբերյալ դիմումներ չեն ստացվել:

2021 թվականի հունիսի 20-ին կայացած ՀՀ Ազգային ժողովի արտահերթ ընտրությունների քվեարկության արդյունքների վերահաշվարկի կամ տեղամասում քվեարկության արդյունքներն անվավեր ճանաչելու մասին դիմումներ համապատասխան տարածքային ընտրական հանձնաժողով կարող էին ներկայացվել մինչև հունիսի 22-ը` ժամը 11.00-ն:

Հիշեցնենք` հունիսի 20–ին Հայաստանում ԱԺ արտահերթ ընտրություն անցկացվեց։ Ընտրողների ցուցակներում ընդգրկված 2 593 572 քաղաքացիներից քվեարկությանը մասնակցեցին 1 281 174–ը կամ 49.4 տոկոսը։

Հունիսի 21-ին ԿԸՀ–ն ամփոփեց բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

«Հայաստան» դաշինքը դատի է տվել ՀՀ կենտրոնական ընտրական հանձնաժողովին

18
թեգերը:
Կենտրոնական ընտրական հանձնաժողով (ԿԸՀ), Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Իրանի ԱԳՆ-ն ողջունել է Հայաստանում արտահերթ ընտրությունների անցկացումը
ԿԸՀ–ն համաձայնություն է տվել, որ պատգամավորի թեկնածուին զրկեն ազատությունից
Ի՞նչ կա Քոչարյանի մտքում, որ փողոցային պայքարից հրաժարվել է, և ի՞նչ կապ ունի Մոսկվան
«Հայաստան» դաշինքի անդամներ

«Հայաստան» դաշինքը դատի է տվել ՀՀ կենտրոնական ընտրական հանձնաժողովին

73
(Թարմացված է 19:16 22.06.2021)
«Հայաստան» դաշինքը դիմել էր ԿԸՀ` հայտնելով, որ ՔՊ–ն քարոզարշավի ընթացքում «ակնհայտորեն օգտագործում է վարչական ռեսուրսը»։

ԵՐԵՎԱՆ, 22 հունիսի - Sputnik․ «Հայաստան» դաշինքը հունիսի 21–ին դիմել է ՀՀ վարչական դատարան` հայց ներկայացնելով ՀՀ կենտրոնական ընտրական հանձնաժողովի դեմ։ Ըստ դատական տեղեկատվական համակարգում հրապարակված դատական գործի` «Հայաստան» դաշինքը դատարանից պահանջում է պարտավորեցնել ԿԸՀ–ին մասնակիորեն անվավեր ճանաչել հունիսի 19-ին կայացրած որոշումը և նախազգուշացում կիրառել «Քաղաքացիական պայմանագիր» կուսակցության նկատմամբ:

Հիշեցնենք` «Հայաստան» դաշինքը հունիսի 17-ին դիմել էր ԿԸՀ` հայտնելով, որ ՔՊ–ն քարոզարշավի ընթացքում «ակնհայտորեն օգտագործում է վարչական ռեսուրսը»` կառավարության լրատվական վարչության աշխատակիցներ տեսանկարահանման նպատակով, մեծ թվով ոստիկաններ ու ծառայողական ավտոմեքենաներ և այլն։ Դիմումում նշվել էր նաև Վարդենիսի տուն–ինտերնատի բնակիչներին քարոզարշավում ներգրավելու հանգամանքը։

Հունիսի 19–ին ԿԸՀ–ն որոշել էր մերժել բողոքը վերոհիշյալ հանգամանքների մասով, իսկ վարչապետի կողմից Facebook-ի պաշտոնական էջի օգտագործման պահով` կարճել։

ԿԸՀ–ն արձանագրություն կազմեց. Մուկուչյանը հայտնեց ընտրությունների նախնական արդյունքները

73
թեգերը:
«Հայաստան» դաշինք, Դատարան, Կենտրոնական ընտրական հանձնաժողով (ԿԸՀ)
Ըստ թեմայի
Պայքարը շարունակելու ենք. «Հայաստան» դաշինքի ղեկավարը` մանդատները վերցնել–չվերցնելու մասին
«Հայաստան» դաշինքն ընտրությունների արդյունքի առնչությամբ կդիմի Սահմանադրական դատարան
Միջազգային դիտորդներն անպատասխան են թողել ներկայացրած խախտումները․ «Հայաստան» դաշինք
Միգել Անխել Մորատինոսը

ՄԱԿ–ի քաղաքակրթությունների դաշինքի անդամը այցելել է Բաքվի տիրապետության տակ անցած շրջաններ

0
Արցախյան հակամարտության գոտի ՄԱԿ–ի քաղաքակրթությունների դաշինքի բարձր ներկայացուցչի այցի նպատակը «Ադրբեջանի պատմամշակութային և կրոնական ժառանգության վիճակի հետ ծանոթանալն է»։

 

ԵՐԵՎԱՆ, 22 հունիսի – Sputnik. ՄԱԿ–ի քաղաքակրթությունների դաշինքի բարձր ներկայացուցիչ Միգել Անխել Մորատինոսը ժամանել է Ադրբեջանի ԶՈւ վերահսկողության տակ անցած Ակնայի (Աղդամ) շրջան։

Ինչպես հայտնում է Sputnik Ադրբեջանը, այցի նպատակը Բաքվի վերահսկողության տակ գտնվող շրջաններում իրավիճակին ծանոթանալն է։

«Միգել Անխել Մորատինոսը տեղում ծանոթացել է քաղաքի գլխավոր հատակագծի, ինչպես նաև Ադրբեջանի պատմամշակութային և կրոնական ժառանգության վիճակի հետ», – ասվում է հաղորդագրության մեջ։

Նշվում է, որ ավելի վաղ Մորատինոսն այցելել էր Վարանդայի (Ֆիզուլի) շրջան։

Հայտնել էինք, որ Ադրբեջանի իշխանությունները որոշել էին ՅՈւՆԵՍԿՕ–ի առաքելությանը ԼՂ թողնել մարտական գործողություններից հետո պատմամշակութային հուշարձանների վիճակին ծանոթանալու համար։

Եղեռն եղեռնից հետո. մշակութային ի՞նչ արժեքներ են մնացել Ադրբեջանի վերահսկողության տակ

Հիշեցնենք, որ Քաղաքակրթությունների դաշինքը միջազգային կազմակերպություն է, որը ստեղծվել է 2004 թվականի սեպտեմբերի 21-ին` ՄԱԿ–ի 59-րդ ԳԱ–ի ժամանակ,  Իսպանիայի վարչապետ Խոսե Լուիս Ռոդրիգես Սապատերոյի առաջարկած նախաձեռնությամբ։ Այն աջակցություն էր ստացել Թուրքիայի այն ժամանակվա վարչապետ Ռեջեփ Թայիփ Էրդողանի կողմից։

Նախաձեռնության նպատակն է ծայրահեղականության դեմ միջազգային գործողություններ ծավալել` ազգամիջյան, միջմշակութային և միջկրոնական երկխոսության ու փոխգործակցության հաստատման միջոցով։

 

0
թեգերը:
մշակույթ, Արցախ, Լեռնային Ղարաբաղ, Ադրբեջան, Բաքու, Միավորված ազգերի կազմակերպություն (ՄԱԿ)
Ըստ թեմայի
Զախարովան մեկնաբանել է Բաքվի կողմից հայկական մշակութային ժառանգության ոչնչացման դեպքերը
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Հայաստանի ոչ նյութական մշակութային ժառանգության արժեքների ցանկը համալրվել է ևս 12-ով