Գագիկ Խաչատրյան

Գագիկ Խաչատրյանին հիվանդանոցից տեղափոխել են կալանավայր

117
(Թարմացված է 11:46 15.10.2019)
Հինգ օր հիվանդանոցում գտնվելուց հետո ՀՀ նախկին ֆինանսների նախարարը կրկին կալանավայրում է։

ԵՐԵՎԱՆ, 15 հոկտեմբերի – Sputnik. ՊԵԿ նախկին նախագահ, ֆինանսների նախկին նախարար Գագիկ Խաչատրյանը հինգ օր շարունակ «Սուրբ Գրիգոր Լուսավորիչ» բժշկական կենտրոնում բուժվելուց հետո տեղափոխվել է «Երևան– Կենտրոն» քրեակատարողական հիմնարկ։ Այս մասին Sputnik Արմենիայի հետ զրույցում նշեց քրեակատարողական վարչության հանրային կապերի բաժնի ղեկավար Նոնա Նավիկյանը։

«Երեկ գիշեր տեղափոխվել է կալանավայր։ Առողջական վիճակը հիմա նորմալ է», – ասաց նա։

Սա արդեն երրորդ անգամ էր, որ Խաչատրյանը, գտնվելով անազատության մեջ, տեղափոխվել էր քաղաքացիական հիվանդանոց:

Այս անգամ նրան տարել էին նեյրովիրաբուժության բաժանմունք, որովհետև միզուղիների հետ կապված խնդիրներ ուներ։

Խաչատրյանի պաշտպան Ամրամ Մակինյանն ավելի վաղ Sputnik Արմենիայի հետ զրույցում ասել էր, որ իր պաշտպանյալը ողնաշարի և հենաշարժողական ապարատի խնդիրներ ունի։ Նրա խոսքով`  Խաչատրյանը 2017–ին Գերմանիայում ողնաշարի վիրահատություն է տարել, նրա մարմնում իմպլանտ է տեղադրվել։

Հիշեցնենք` նախկին պաշտոնյան ձերբակալվել էր օգոստոսի 27-ին` իրեն պատկանող տարածքներում ԱԱԾ–ի կատարած խուզարկությունից հետո։ ԱԱԾ–ն հայտարարել էր, որ Խաչատրյանին պատկանող տարածքներում խուզարկություններ են իրականացվել ինչպես այս, այնպես էլ 2019–ի փետրվարի 2-ին հարուցված քրեական գործի շրջանակներում։

Խուզարկություններ էին կատարվել նաև Գագիկ Խաչատրյանի հետ փոխկապակցված անձանց առանձնատներում և բնակարաններում, այդ թվում Խաչատրյանի եղբորորդու` Կարեն Խաչատրյանի տանը։ Նա, ի դեպ, Գագիկ Խաչատրյանի ղեկավարման տարիներին ևս պաշտոնավարել է ՊԵԿ–ում:

Գագիկ Խաչատրյանի դեմ քրգործով 800 միլիոն դրամի վերականգնում է եղել. մանրամասներ

Գագիկ Խաչատրյանին մեղադրանք է առաջադրվել ՀՀ քրեական օրենսգրքի 38-179 3-րդ մասի 1-ին կետով (առանձնապես խոշոր չափերի վատնում կազմակերպելը): Քրեական գործով պետությանը պատճառված 800 միլիոն դրամի վնասը վերականգնվել է: Խաչատրյանի նկատմամբ կալանավորումը, որպես խափանման միջոց ընտրելու միջնորդությունը ներկայացրել էր Ազգային անվտանգության ծառայությունը:

Օգոստոսի 30-ին Երևանի Շենգավիթ համայնքի ընդհանուր իրավասության դատարանը որոշեց, որ Խաչատրյանը պետք է կալանավորվի։

Սեպտեմբերի 30–ին Վերաքննիչ քրեական դատարանը մերժեց պաշտպանների բողոքն Առաջին ատյանի դատարանի որոշման դեմ, և Գագիկ Խաչատրյանը մնաց կալանքի տակ։

Լեգե՞նդ, թե՞ իրականություն. ինչ է հայտնի Գագիկ Խաչատրյանի ունեցվածքի մասին

117
թեգերը:
կալանավոր, հիվանդանոց, Գագիկ Խաչատրյան, Հայաստան
Ըստ թեմայի
ՀՔԾ-ում քննվող` Գագիկ Խաչատրյանի գործի նախաքննությունը կշարունակի ԱԱԾ-ն
Գագիկ Խաչատրյանը մասնագիտացված բժշկական օգնության կարիք ունի. պաշտպան
Ֆինանսների նախկին նախարար Գագիկ Խաչատրյանը կմնա կալանքի տակ