Բերքահավաք Աղավնաձորում

Ջուրը լցնե՞լ, թե՞ ջրի գնով վաճառել խաղողը. աղավնաձորցիներն աջակցության կարիք ունեն

125
(Թարմացված է 22:46 14.10.2019)
Յուրաքանչյուր տարի խաղողի մթերման ժամանակ Վայոց Ձորի գյուղացիները բախվում են ձեռնարկությունների առաջարկած ցածր գներին։

ԵՐԵՎԱՆ, 14 հոկտեմբերի  — Sputnik, Աշոտ Սաֆարյան. Խաղողի բերքահավաքն այս տարի Վայոց Ձորի մարզի որոշ բնակավայրերի բնակիչների համար հեշտ չանցավ։ Անցած կիրակի Աղավնաձոր գյուղի բնակիչներն արդեն մի քանի ժամով փակել էին Երևան–Մեղրի մայրուղին ու բողոքում էին մթերման ցածր գների դեմ։ Հիմնական խնդիրը կապված է «խարջի» տեսակի խաղողի հետ. այն քմահաճ է, շատ խնամք է պահանջում, բայց գինին էլ համապատասխանաբար ավելի նրբաճաշակ է ստացվում։ Ընդ  որում, այդ տեսակն էնդեմիկ է` միայն այս տարածաշրջանում է  աճում։

Сбор и закупка винограда в селе Ахавнадзор
© Sputnik / Aram Nersesyan ,
Աղավնաձորում խաղողի բերքահավաք է

«Խարջիի» ընդհանուր բերքը Աղավնաձորում այս տարի կազմել է մոտ 180 տոննա։ Նախորդ տարի գյուղացիներն այդ տեսակը վաճառել են կիլոգրամը 450-470 դրամով։ Այս տարի իրավիճակը փոխվել է. մթերողները մեկ կիլոգրամի դիմաց պատրաստ են վճարել առավելագույնը 250-260 դրամ։ Ու դա այն դեպքում, երբ Արենի խոշորացված համայնքի (որում ընդգրկված է Աղավնաձորը) ղեկավար Հուսիկ Սահակյանի խոսքով` այս տարի խաղողն ընդհանուր առմամբ թանկացել է։ 

Сбор и закупка винограда в селе Ахавнадзор
© Sputnik / Aram Nersesyan ,
Աղավնաձորում խաղողի բերքահավաք է

«Արարատյան դաշտի խաղողը 10-20 դրամով թանկացել է։ Հիմա մեր գյուղացին կարող է հարցնել` այդ դեպքում ինչո՞ւ պետք է Վայոց Ձորի խաղողն էժանանա։ Հատկապես, որ «խարջին» ավելի սպեցիֆիկ համ ունի ու բացի դրանից, այն մշակելն ավելի դժվար է»,– Sputnik Արմենիայի հետ զրույցում ասաց Սահակյանը։

Глава общины Арени Усик Саакян
© Sputnik / Aram Nersesyan ,
Արենի խոշորացված համայնքի ղեկավար Հուսիկ Սահակյան

«Խաղողային» բողոք Հայաստանում․ գյուղացիները դժգոհ են մթերման ցածր գներից

Համայնքի ղեկավարը նշեց, որ երեքշաբթի` հոկտեմբերի 15–ին, էկոնոմիկայի նախարարի հետ հանդիպելու և քննարկելու են խաղողի մթերման գները։ Սահակյանն այս իրավիճակից ելքը տեսնում է վերամշակող ձեռնարկությունների հետ եկարաժամկետ պայմանագրեր կնքելու մեջ։ Խոսքը հիմնականում Armenia Wine ու Պռոշյանի կոնյակի գործարանի մասին է։ Դրանք ամենախոշոր մթերողներն են, թեև ավելի փոքր ընկերություններ էլ կան։ Եթե լինեն  երկարաժամկետ պայմանագրեր, որոնց մեջ նշված կլինեն գնային սահմաններն ու մթերման մոտավոր ծավալները, գյուղացիները կիմանան` որքան ներդրում անեն գործի մեջ, որ հետո փաստի առաջ չկանգնեն։

Сбор и закупка винограда в селе Ахавнадзор
© Sputnik / Aram Nersesyan ,
Աղավնաձորի խաղողի այգիներ

«Աշխատուժը թանկանում է, պատվաստանյութերը թանկանում են, խաղող աճեցնելը գնլաով էլ ավելի շատ նյութական ռեսուրս է պահանջում։ Գյուղացին պետք է ինչ–որ պատասխան ստանա, չէ՞»,–ասում է նա։

Գրեթե բոլոր գյուղացիները վարկեր ունեն, խաղողի վաճառքից ստացած եկամուտը նրանց եկամտի հիմնական աղբյուրն է։ Առաջարկում են գոնե 300 դրամով գնել խաղողը։ Հակառակ դեպքում` կարելի է խոսել զրոյական եկամտի, եթե ոչ կորուստների մասին։

Քանի դեռ կոնյակի անվան տակ մգեցված սպիրտ է վաճառվում, խաղողի արտադրությունը չի զարգանա

Աղավնաձորի գյուղապետ Արամ Միքայելյանը նույնպես պնդում է, որ պետք է երկարաժամկետ պայմանագրեր կնքել։ Նրա խոսքով` իհարկե կարող են գնային փոքր տատանումներ լինել, բայց շուկայում այսպիսի իրարանցում ու խառնփոթ չի լինի։

Староста села Ахавнадзор Арам Микаелян
© Sputnik / Aram Nersesyan ,
Աղավնաձորի գյուղապետ Արամ Միքայելյան

«Եթե մեկ տարվա մեջ խաղողի գինը գրեթե 50%–ով ընկնում է` դա արդեն նորմալ չէ։ Դա մտածելու լուրջ առիթ է տալիս։ Գյուղացիները մտածում են` իսկ գուցե մթերողները գները տապալելու նպատակով պայմանավորվածությո՞ւն են ձեռք բերել։ Եկեք պայմանագիր կնքենք, գներ ֆիքսենք ու վերջ», – ասում է Միքայելյանը Sputnik Արմենիայի թղթակցի հետ զրույցում։

Գյուղացիներից Պետիկ Մարտիրոսյանն ասում է, որ երկու ուսանող երեխա ունի, նրանց պահել է պետք, եկամտի միակ աղբյուրը խաղող աճեցնելն է։

Житель села Ахавнадзор Петик Мартиросян
© Sputnik / Aram Nersesyan ,
Աղավնաձորի բնակիչ Պետիկ Մարտիրոսյան

«Մենք գարնանից սկսած` աշխատում ենք խաղողի այգիներում, պարարտանյութ ենք գնել, ոռոգման գումար ենք տվել, աշխատող ենք վարձել, հիմա էլ պետք է բեռնատար վարձենք, որ մթերքը ձեռնարկություններ հասցնենք (գյուղացիներն իրենք են առաքումով զբաղվում,–խմբ.)։ Այդ ամենը մեծ գումարներ է պահանջում։ Այդ պատճառով էլ ասում ենք` եկեք գոնե 300 դրամով գնեք, որ մեր ծախսերը հանենք ու ձմեռվա համար մի փոքր գումար մնա»,–ասում է Մարտիրոսյանը։

Сбор и закупка винограда в селе Ахавнадзор
© Sputnik / Aram Nersesyan ,
Աղավնաձորի խաղողի այգիները

Եվս մեկ բարդություն կա. որոշ մթերողներ պատրաստ են վճարել միայն 2–3 ամսվա ընթացքում։ Դա նույնպես ձեռնտու չէ գյուղացիներին, քանի որ շուտով ձմեռ է, մթերք ու վառելիք գնել է պետք, հետևաբար, գումարը հիմա է հարկավոր։

Գյուղացիները փակել էին Երևան-Մեղրի ճանապարհը. պատճառը խաղողի գինն է. լուսանկարներ

Արենի համայնքի ղեկավարի խոսքով` մթերման ժամանակ ամեն տարի գնի խնդիր է առաջանում։  Ու այդպես` գրեթե 20 տարի։ Ամեն անգամ որևէ միջանկյալ տարբերակի են հանգում, բայց դրան երկար «կռիվներ» են նախորդում գյուղացիների ու ձեռնարկությունների միջև։ Փաստացի, շուկայական գները մթերողներն են թելադրում, իսկ գյուղացիները ստիպված են նրանց կանոններով խաղալ, հակառակ դեպքում` բերքը կփչանա, ու մեկ տարվա աշխատանքը ջուրը կընկնի։

Сбор и закупка винограда в селе Ахавнадзор
© Sputnik / Aram Nersesyan ,
Խաղողի բերք

Գյուղացիները հույս ունեն, որ կառավարական կառույցների միջնորդությամբ կհաջողվի փոխհամաձայնության գալ ձեռնարկությունների հետ։ Հակառակ դեպքում` կա՛մ ստիպված են լինելու բերքը չնչին գնով վաճառել, կա՛մ խաղողը կփչանա։

125
թեգերը:
Վայոց Ձոր, գին, Գյուղ, Խաղող
Ըստ թեմայի
Հիվանդություն Հայաստանի խաղողի այգիներում. պետությունը կօգնի՞ գյուղացուն
Ինչո՞վ է հեղափոխությունն օգնել հայկական խաղողին ու ի՞նչն է մոռացվել. փորձագետ
Կոնյակը կհամեմատվի մթերվող խաղողի հետ. ՏՄՊՊՀ–ն անբարեխղճություն է նկատում
Ոստիկանության և շտապօգնության մեքենաներ. արխիվային լուսանկար

48-ամյա տղամարդը վիճել է «քենակալի» հետ ու դանակահարել նրա որդուն. շարժառիթը պարզվել է

8
(Թարմացված է 17:14 10.07.2020)
Նա տղային դանակահարելուց հետո հեռացել է դեպքի վայրից, սակայն ճանապարհին հանդիպել է ոստիկանության ծառայողներին և բերման ենթարկվել։

ԵՐԵՎԱՆ, 10 հուլիսի – Sputnik. Արթիկում 48-ամյա տղամարդը հյուր է գնացել կնոջ քրոջ տուն, կենցաղային հարցի շուրջ վեճի բռնվել «քենակալի» հետ ու դանակահարել նրա 21-ամյա որդուն, որը փորձում էր հանդարտեցնել վիճաբանությունը։ Ինչպես հայտնում է ՀՀ քննչական կոմիտեի մամուլի ծառայությունը, դեպքը տեղի է ունեցել հուլիսի 5-ին՝ ժամը 17:30-ի սահմաններում։

Արթիկի բնակիչը, որը ոստիկանության ծառայող է, ահազանգել է, որ իր հետ նույն փողոցում բնակվող հարևանի տան բակում տեղի ունեցած վիճաբանության ժամանակ երիտասարդ է դանակահարվել:

48-ամյա տղամարդը տղային դանակահարելուց հետո հեռացել է դեպքի վայրից: Սակայն ճանապարհին հանդիպել է դեպքի վայր ժամանող ոստիկանության ծառայողներին և հայտնել, որ ինքն է դանակով հարվածել կնոջ քրոջ որդուն, որից հետո բերման է ենթարկվել և բացատրություն տվել դեպքի շուրջ:

Դեպքի առթիվ նյութերի նախապատրաստման ընթացքում պարզվել են միջադեպի մի շարք հանգամանքներ, այդ թվում՝ շարժառիթը:

«Ոնց թե դու իմ շանը զարկես...». Երևանում գարեջրի շշերով կռիվ ու դանակահարություն է եղել

Համաձայն դատաբժշկական փորձագետի եզրակացության՝ ստացած մարմնական վնասվածքը առաջացրել է կյանքին վտանգ սպառնացող առողջությանը ծանր վնաս:

Դեպքի առթիվ ՀՀ քրեական օրենսգրքի 112-րդ հոդվածի (դիտավորությամբ առողջությանը ծանր վնաս պատճառելը) 1-ին մասի հատկանիշներով հարուցել է քրեական գործ, որը նախաքննություն կատարելու համար ուղարկվել է ՀՀ քննչական կոմիտեի Շիրակի մարզային քննչական վարչություն և ընդունվել վարույթ:

Կատարվում է նախաքննություն:

Միջոցներ են ձեռնարկվում դեպքի հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ:

Ի՞նչ կապ կա վարչապետի բառապաշարի, ԱԺ ծեծկռտուքի և փաստաբանի տան վրա հարձակման միջև

8
թեգերը:
ՀՀ Ոստիկանություն, Ոստիկանություն, Երիտասարդ, ՀՀ քննչական կոմիտե, Կին, դանակահարություն
Ըստ թեմայի
Դանակահարություն եղբայրների միջև. մեկը հոսպիտալացվել է, մյուսը` ձերբակալվել
Նոր Նորքում դպրոցականի են դանակահարել. տղան հիվանդանոցում է
Արտակարգ դեպք Գեղարքունիքում. դանակահարել են ոստիկանության ավագ սերժանտին
Լիլիթ Մակունցը, Ալեքսանդր Սանդիկովն ու Սերգեյ Կոպիրկինը

ՍԴ շուրջ զարգացումներից մինչև ավիափոխադրումներ. ինչ են քննարկել պատգամավորները և Կոպիրկինը

15
(Թարմացված է 17:07 10.07.2020)
Լիլիթ Մակունցը ՌԴ դեսպանին է ներկայացրել Հայաստանում ընթացող ներքաղաքական զարգացումները:

ԵՐԵՎԱՆ, 10 հուլիսի - Sputnik. ՀՀ ԱԺ «Իմ քայլը» խմբակցության ղեկավար Լիլիթ Մակունցն ու իմքայլական պատգամավոր Ալեքսեյ Սանդիկովը հանդիպում են ունեցել ՀՀ-ում ՌԴ արտակարգ և լիազոր դեսպան Սերգեյ Կոպիրկինի հետ: Տեղեկությունը Facebook-ի իր էջում հայտնել է Լիլիթ Մակունցը:

Մհեր Գրիգորյանն ընդունել է ՌԴ դեսպանին

«Քննարկել ենք հայ-ռուսական հարաբերությունների զարգացմանն առնչվող օրակարգային հարցեր։ Որպես «Իմ քայլը» խմբակցության ղեկավար՝ դեսպանին ներկայացրել եմ մեր երկրում ընթացող ներքին քաղաքական զարգացումները»,- գրել է նա։

Հանդիպման ընթացքում կողմերն անդրադարձել են իրականացվող օրենսդրական փոփոխություններին, մասնավորապես, «Տեսալսողական մեդիայի մասին» օրինագծով առաջարկվող կարգավորումներին, Սահմանադրական դատարանի շուրջ ծավալվող իրադարձություններին։

Երկկողմ հարաբերությունների առաջմղման համատեքստում կարևորվել է խորհրդարանական դիվանագիտության դերը՝ ընդգծելով հատկապես կորոնավիրուսի համավարակով պայմանավորված ստեղծված իրավիճակում ընթացիկ հարցերը խորհրդարանական դիվանագիտության ճանապարհով կարգավորելու հանգամանքը։ Առանձնակի ընդգծվել է համաճարակի դեմ պայքարում Հայաստանի և Ռուսաստանի համատեղ ջանքերի կարևորությունը։

Մտքեր են փոխանակվել այս օրերին կանոնավոր ավիափոխադրումների բացակայության պայմաններում ՀՀ և ՌԴ քաղաքացիների՝ իրենց երկրներ վերադարձի ապահովման ուղղությամբ իրականացվող քայլերի մասին։

Հայ-ռուսական հարաբերությունները չպետք է դառնան ինչ–որ մեկի շահերի պատանդ. Կոպիրկին

15
թեգերը:
Ռուսաստան, Սահմանադրական դատարան, կորոնավիրուս, «Իմ քայլը» խմբակցություն, Սերգեյ Կոպիրկին, Հայաստան, Լիլիթ Մակունց
Ըստ թեմայի
Հայ և ռուս դիվանագետները գործում են միասնական ճակատում. Կոպիրկին
Հայ-ռուսական համագործակցությունը ՀԱՊԿ–ի կարևոր բաղադրիչն է. Կոպիրկին
Ռուսաստանը զգույշ է վերաբերվում Հայաստանի ներսում տեղի ունեցող գործընթացներին. Կոպիրկին
Կոպիրկինը պատմել է, թե ինչպես են Հայաստանն ու ՌԴ-ն համատեղ պայքարում կորոնավիրուսի դեմ

Արմեն Սարգսյանն Արցախում է. նա շնորհակալություն է հայտնել նախագահի պարտված մրցակիցներին

0
(Թարմացված է 17:24 10.07.2020)
ՀՀ նախագահ Արմեն Սարգսյանը հանդիպել է իր արցախյան գործընկերոջը, որի հետ քննարկել է Արցախի հզորացմանն ու զարգացմանն ուղղված ծրագրերը։

Հայաստանի Հանրապետության նախագահ Արմեն Սարգսյանը մեկնել է Արցախ, Ստեփանակերտում հանդիպել Արցախի նախագահ Արայիկ Հարությունյանի հետ: Տեղեկությունը հայտնում է ՀՀ նախագահի մամուլի ծառայությունը։

Սարգսյանը շնորհավորել է Հարությունյանին ընտրություններում հաղթելու կապակցությամբ և շնորհակալություն հայտնել նրա մրցակիցներին։

«Նրանք անձնապես չհաղթեցին, բայց հաղթեցին միասին՝ ցույց տալով աշխարհին, որ Արցախը ոչ միայն ամուր ու հզոր, այլև ժողովրդավարական երկիր է, ինչպես նաև ազատ երկիր, որտեղ անցկացվում են ազատ ընտրություններ: Նրանք պետք է հպարտ լինեն, քանի որ իրենց ներդրումն ունեցան գործընթացում», - նշել է ՀՀ նախագահը:

Նախագահի լիազորությունները նվազեցնելու մասին խոսք լինել չի կարող. Մակունց

Իր հերթին Հարությունյանն ընդգծել է, որ մասնակցող թեկնածուների մեծ մասը ներկա քաղաքական իշխանության մաս է կազմում և պատրաստակամ է ապահովել երկրի առաջընթացն ու զարգացումն, իսկ նրանք, ովքեր ներգրավված չեն, նույնպես շարունակում են իրենց գործունեությունը հանուն Արցախի: Նա նաև շնորհակալություն է հայտնել Հայաստանի իշխանություններին՝ Արցախի զարգացմանն ուղղված գործնական ծրագրերին աջակցելու համար։

Հանդիպման ընթացքում զրուցակիցներն անդրադարձել են նաև Արցախի հզորացմանն ու զարգացմանն ուղղված ընթացիկ և հեռանկարային մի շարք ծրագրերի:

Արցախի իշխանությունները հետամուտ են լինելու տարածքային ամբողջականության վերականգնմանը

0
թեգերը:
տեսանյութ, Արայիկ Հարությունյան, Արմեն Սարգսյան, Նախագահ, Հայաստան, Արցախ
Ըստ թեմայի
Բնակարաններ սպայական անձնակազմին, զինհաշմանդամներին և ոչ միայն. Արցախի նախագահի խոստումը
Ջալալ Հարությունյանը վերանշանակվել է․ Արցախի նախագահը կարևոր որոշումներ է կայացրել
Արցախի նախագահը հայտնել է` ինչպես է «ծախսելու» աշխատավարձը