Վերին Լարս

Հայկական մեքենաները Վերին Լարսը կհատեն պարզեցված ընթացակարգով. նախարար

83
(Թարմացված է 15:49 14.10.2019)
Էկոնոմիկայի նախարար Տիգրան Խաչատրյանը խոսել է ԵԱՏՄ–ի չիրացված հնարավորությունների ու դրանց հնարավոր օգուտների մասին։

ԵՐԵՎԱՆ, 14 հոկտեմբերի — Sputnik. Հայաստանն առայժմ ԵԱՏՄ ամբողջ ռեսուրսները չի իրացրել։ Այսօր լրագրողների հետ հանդիպման ժամանակ այդ մասին ասաց ՀՀ էկոնոմիկայի նախարար Տիգրան Խաչատրյանը` նշելով, որ Հայաստանն այդ անդամակցությունից ակնկալվող օգուտների ոչ ամբողջ ծավալն է ստանում։

«Դրանք դեռ առջևում են։ Աշխատում ենք այդ ուղղությամբ։ Արդեն ունենք մեր գործընկերների համաձայնությունը, որ մտածենք ընթացակարգերը պարզեցնելու մեխանիզմների մասին»,– ասաց Խաչատրյանը։

Նախարարը որպես օրինակ նշեց էլեկտրոնային հետագծելիության համակարգի ներդրման ծրագիրը, որի գործարկումից հետո բեռնափոխադրող ավտոմեքենաները, որոնք դուրս կգան Հայաստանից ու ուղղության կվերցնեն դեպի Ռուսաստան, էլեկտրոնային դրոշմակնիքի շնորհիվ Վերին Լարսի անցակետում կենթարկվեն ավելի պարզեցված մաքսային հսկողության։

«Այիսնքն` մենք, այդ միության անդամ լինելով, կարողանում ենք մեր արտադրողների համար առավելագույն հարմարավետություն ստեղծել, իրենք ենթարկվում են ավելի քիչ վարչարարական ընթացակարգերի կամ նույն շուկաներում հանդես են գալիս նույն կերպ, ինչպես հանդես են գալիս այդ երկրի արտադրողները։ Սա արդեն ԵԱՏՄ–ին անդամակցելու դրական արդյունքն է»,– ասաց նախարարը։

«Վերին Լարսում» կուտակումները նվազում են. նախարարը լավատես է

Խաչատրյանը շեշտեց, որ այդ արդյունքն այսօր արդեն տեսանելի է արտահանման ծավալների աճի ցուցանիշներում։ Բայց կառավարությունն առաջիկայում ավելի մեծ աճ է ակնկալում։

Հովհաննիսյան. «Վրաստանն իր նպատակներն է հետապնդում Վերին Լարս տանող ճանապարհի կառուցմամբ»

83
թեգերը:
Եվրասիական Տնտեսական Միություն (ԵԱՏՄ), Տիգրան Խաչատրյան, Վերին Լարս, Հայաստան
թեմա:
Հայաստանի հեռանկարը ԵԱՏՄ–ում (125)
Ըստ թեմայի
Հայկական ոսկերչական արտադրանքի առաջ կանաչ լույս վառվեց. ԵԱՏՄ–ն վերացնում է բյուրոկրատիան
Հայաստանը ԵԱՏՄ–ում ավելի հեշտ առևտուր կանի Չինաստանի հետ. ի՞նչ սպասել Հնդկաստանից
Ինչպես ԵԱՏՄ–ում բիզնեսն ազատել հարկային խնդիրներից. Հայաստանն իր մոտեցումն է առաջարկում
«ՀՀ–ի տնտեսությունը լավագույնն է ԵԱՏՄ-ում, բայց ես մտահոգություններ ունեմ». նախկին նախարար