Նիկոլ Փաշինյան. արխիվային լուսանկար

«Փախչեն-գնան, ոչ մեկին չկարողանանք բռնենք. հեչ հաճելի գործ չէ». պետգնումների հարցը կլուծվի

178
(Թարմացված է 13:58 10.10.2019)
Ֆինանսների նախարարությունը որոշակի փոփոխություններ է առաջարկում պետական գնումների ընթացակարգերում։ Ընկերությունները ստիպված կլինեն բանկային երաշխիքներ ներկայացնել։

ԵՐԵՎԱՆ, 10 հոկտեմբերի – Sputnik. Ոչ մի ֆեյք ընկերություն այլևս չի կարողանա մասնակցել պետգնումներին։ Այսօր կառավարության նիստում հայտարարեց ՀՀ վարչապետ Նիկոլ Փաշինյանը` արձագանքելով Ֆինանսների նախարարության ներկայացրած նախագծին, որով առաջարկվում է պետական գնումներին մասնակցել ցանկացող ընկերություններից պահանջել բանկային երաշխիք։

«Դրա արդյունքում կարող է հիմնավորվի, որ լիքը ընկերություններ կան, որոնք ցույց են տալիս, որ իրենք ընկերություն են, բայց իրականում ընկերություն չեն։ Պետք է հրաժարվենք այս բանից, թե չէ` անգամ այդ ընկերությունների հետ գործ բռնելիս մեզ վրա ամեն ինչը 10 անգամ ավելի թանկ է նստում, ու մենք ոչ մի արդյունք էլ չենք ունենում։ Շինծու ընկերությունների հարցը սրանով լուծվում է, ու ոչ մի ֆեյք ընկերություն այլևս չի կարող մասնակցել պետգնումներին»,– ասաց վարչապետը։

Ուզում ես դպրոցականներին հաց ու միս մատակարարե՞լ. պետգնումների կարգը կպարզեցվի

Նա նշեց, որ այդ երևույթն առկա է անգամ ռազմարդյունաբերության ոլորտում։

Փաշինյանը կարևորեց, որ ռիսկերը կառավարվեն նախօրոք, այլ ոչ թե հետո հարուցվեն քրեական գործեր ու տարիներով փորձեն արդարության հասնել։

«Պետգնումների հետ կապված` տասնյակ քրեական գործեր ունենք և այդ քրեական գործերով` 5 ամիս փորձաքննություն, 6 ամիս` մեկ այլ բան։ Այդ ընթացքում փախչեն–գնան, ոչ մեկին չկարողանանք բռնենք։ Հեչ հաճելի գործ չէ։ Սրանով այս հարցը կլուծվի»,– ասաց վարչապետը։

Ֆինանսների նախարար Ատոմ Ջանջուղազյանը հիշեցրեց, որ բանկային երաշխիքի պահանջը չի տարածվելու օրենքի փոփոխության ընդունումից առաջ կնքված պայմանագրերի վրա։

Դավիթ Սանասարյանը հիշեց անմեղության կանխավարկածի մասին. ինչպես ասում են` բարև ձեզ

Նոր օրենքով, 10 մլն դրամի գնման պայմանագրի դեպքում, ընկերությունը ստիպված կլինի նախապես բանկային երաշխիք ներկայացնել։

178
թեգերը:
Ատոմ Ջանջուղազյան, ՀՀ ֆինանսների նախարարություն, Կենտրոնական բանկ (ԿԲ), Պետական գնումներ, ՀՀ կառավարություն, Վարչապետ
Ըստ թեմայի
Վարչապետն առաջարկում է «փակել պատուհանները». Փաշինյանը` փոշիացված գումարների մասին
Ներկրվող կեղծ դեղեր Հայաստանի դեղատներում կամ ինչու է վտանգավոր դեղահաբերի հատով վաճառքը
Երևանի քաղաքապետարանը «միլիմետրանոց» խախտում է թույլ տվել ավտոմեքենաներ գնելիս
Ինչ արժե զինվորի կերած կարտոֆիլը, և ինչու ՊՆ–ն գյուղացուց կարտոֆիլ չի գնում
Արմեն Սարգսյան

«Սա հսկայական դժբախտություն է». Արմեն Սարգսյանը` կորոնավիրուսի մասին

24
(Թարմացված է 12:44 29.05.2020)
Արմեն Սարգսյանը կոչով դիմել է քաղաքացիներին ու շնորհակալություն հայտնել բժիշկներին։

ԵՐԵՎԱՆ, 29 մայիսի – Sputnik. ՀՀ նախագահ Արմեն Սարգսյանը դիմել է ՀՀ քաղաքացիներին՝ կոչ անելով լինել զգոն և պահպանել անհրաժեշտ բոլոր կանոնները:

«Չեմ ուզում` մեր հայրենակիցներից որևէ մեկը մտածի, որ եթե օրական 10 կամ ավելի քիչ մարդիկ են մահանում, կարելի է սա համարել սովորական կյանք։ Սա սովորական կյանք չէ։ Սա հսկայական դժբախտություն է: Պատկերացրեք` 5, 10, 15 ընտանիքներ իրենց հարազատներին են կորցրել»,-ասել է նախագահը:

Սարգսյանը ցավակցություն է հայտնել մահացածների հարազատներին՝ ևս մեկ անգամ հորդորելով լինել շատ ուշադիր, սկզբունքային ու կարգապահ:

Նախագահը նաև իր շնորհակալական խոսքն է ուղղել բժիշկներին՝ ծանրաբեռնված ու նվիրված աշխատանքի համար:

«Անկախ նրանից, թե ինչ է կատարվում, մենք այսօր գիտենք, որ բժիշկներն աշխատում են օր ու գիշեր, իրենց ու իրենց ընտանիքի կյանքն են վտանգի տակ դնում։ Հիվանդանոցներին պետք է վերաբերվենք որպես առողջության բաստիոնների, ամրոցների։ Բոլոր բժիշկներին հայտնում եմ իմ խորին շնորհակալությունը՝ սկսած գլխավոր բժիշկներից մինչև հերթապահ բժիշկներ, սանիտարներ, պահակներ։ Դուք այսօրվա մեր հերոսներն եք»,- ասված է նախագաի ուղերձում։

Ի դեպ, նախագահն իր ուղերձը հղել է կրթության փորձագետ Անահիտ Բախշյանի հետ հանդիպման ժամանակ:

Հատկանշական է, որ նախագահի մամուլի ծառայության հրապարակած տեսանյութում ու լուսանկարներում հանդիպմանը ներկա Արմեն Սարգսյանը, Անահիտ Բախշյանն ու նախագահի աշխատակազմի աշխատակիցը դիմակներով չեն: Հանդիպման սկզբում նախագահն առաջարկում է հանել դիմակները՝ նշելով, որ միմյանցից բավական հեռավորության վրա են գտնվում:

Հայաստանում կորոնավիրուսով վարակվածների թիվը վերջին մեկ օրում ավելացել է 460-ով և հասել 8676–ի։

24
թեգերը:
Արմեն Սարգսյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն
Մեկ օրում` 7 մահ. Հայաստանում կորոնավիրուսի հերթական զոհերից մեկը 42 տարեկան է
Արխիվային լուսանկար

Հայաստանում 24 ժամով դադարեցվել է 1156 կազմակերպության գործունեություն

22
Կազմակերպությունների գործունեությունը դադարեցվել է համապատասխան մարմինների կողմից հայտնաբերված խախտումների պատճառով։

ԵՐԵՎԱՆ, 29 մայիսի - Sputnik. Պարետի կողմից սահմանված նորմերի խախտման դեպքերով՝ մայիսի 29-ի դրությամբ 24 ժամով կասեցվել է 1156 կազմակերպության գործունեություն։ Տեղեկությունը հայտնում է ՀՀ կառավարության մամուլի ծառայությունը։

«Բոլոր ստուգվողներին տրամադրվել է խորհրդատվություն և խախատումների անհապաղ վերացման պարտադիր կատարման ցուցումներ»,- նշված է հաղորդագրության մեջ։

ԱԱՏՄ ստուգումները շարունակվում են. ովքեր են առավել հաճախ խախտում պարետի որոշումները

Այս պահի դրությամբ ընդհանուր առմամբ իրականացվել է 17572 ստուգում։ Ստուգումներն անցկացվել են ՀՀ առողջապահական և աշխատանքի, ՀՀ սննդամթերքի անվտանգության, ՀՀ Քաղաքաշինության, տեխնիկական և հրդեհային անվտանգության, ՀՀ կրթության և  Շուկայի Վերահսկողության տեսչական մարմինները։

Միջմարզային ճանապարհներին կրկին գործելու են անցակետեր. Փաշինյանը խոսեց խստացումների մասին

22
Ըստ թեմայի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Կասեցվել է «Մարս Ավիայի» շահագործողի վկայականը. Քաղավիացիայի կոմիտե
«Արմենիա» ավիաընկերությունը կասեցնում է իր չվերթերի գերակշիռ մասը
ՀՀ-ում կասեցվել է շուրջ 650 տնտեսվարողի գործունեություն. ԱԱՏՄ-ն խախտումներ է հայտնաբերել
Դավիթ Հարությունյան

Հարությունյան. «ԱԺ կողմից հանրաքվեի չեղարկումը հակասահմանադրական է»

0
(Թարմացված է 12:41 29.05.2020)
ՀՀ արդարադատության նախկին նախարար Դավիթ Հարությունյանը Sputnik Արմենիայի եթերում  անդրադարձել է Ազգային ժողովում քննարկված «Հանրաքվեի մասին» օրենքում փոփոխություններ կատարելու նախագծին։  
Հարությունյան. Հանրաքվեի չեղարկումը ԱԺ կողմից չի տեղավորվում Սահմանադրության տրամաբանության մեջ

ՀՀ արդարադատության նախկին նախարար Դավիթ Հարությունյանի դիտարկմամբ` «Հանրաքվեի մասին» օրենքում փոփոխություններ կատարելու նախագիծը բացարձակապես հակասահմանադրական է։ Ըստ նրա` հղում անել, որ ակտն ընդունող մարմինը կարող է հենց այդ ակտը չեղարկել, որևէ իրավական հիմք չունի։

«Հիմնավորման հետ կապված բերեմ մի պարզ օրինակ. ԱԺ–ն նշանակում է Վճռաբեկ դատարանի դատավոր, արդյո՞ք կարող է ԱԺ–ն հետագայում չեղարկել նախապես ընդունած իր որոշումը, իհարկե ոչ։ Կան որոշակի առանձնահատուկ ակտեր, ինչը հստակ է նաև Սահմանադրությամբ, որոնց դեպքում հանրաքվեի չեղարկումը ԱԺ–ի կողմից բացարձակապես չի տեղավորվում Սահմանադրության տրամաբանության մեջ»,– Sputnik Արմենիայի հետ զրույցում ասաց նա։ 

Հարությունյանը ողջունում է գործող իշխանությունների՝ Վենետիկի հանձնաժողով դիմելու որոշումը։ Այն, ըստ նախկին պաշտոնյայի, սկզբունքորեն հիմնական խաղի կանոնն է, որին ենթարկվում են Եվրոպայի խորհրդի անդամ բոլոր երկրները համապատասխան փոփոխություններ կատարելիս կամ  նախաձեռնելիս։ 

«Բայց բացարձակապես չի տեղավորվում տրամաբանության մեջ հանձնաժողովին դիմելն ու կարծիք հայցելը` միևնույն ժամանակ կատարելով քայլեր, որոնք ուղղված են այդ օրինագիծը հրատապ ռեժիմով ընդունելուն` նախքան հանձնաժողովի կարծիքը ստանալը»,– նշեց Հարությունյանը։ 

Ղազարյան. «ՍԴ ճգնաժամի լուծումը բացառվում է առանց հանրաքվեի»

Հարությունյանը դժվարանում է կանխատեսումներ անել, քանի որ ԱԺ–ն իր վարքագծով ի սկզբանե անտեսում է Վենետիկի հանձնաժողովի կարծիքը։ Կլինի այն դրական, թե բացասկան, այլ հարց է, բայց քանի որ գործընթացն, ըստ նրա, տրամաբանական չէ, հետևաբար դժվար է ասել, թե հաջորդ անտրամաբանական քայլը որն է լինելու։ Դավիթ Հարությունյանի կարծիքով` ողջամիտ մոտեցումը հանրաքվեի նշանակման սահամադրականության վիճարկումն է ՍԴ–ում` հաշվի առնելով, որ նախագիծն ակնհայտ հակասահմանադրական է։ 

«Դատավորների համատարած վեթինգ հնարավոր չէ՝ առանց Սահմանադրությունը փոխելու»․ նախարար

0
թեգերը:
Վենետիկի հանձնաժողով, սահմանադրություն, հանրաքվե, ԱԺ, Դավիթ Հարությունյան
Ըստ թեմայի
Կստեղծվի հանրաքվեի հռչակագիր. արդեն իսկ սահմանվել է 6 դրույթ
Հանրաքվեն հետագա կարևոր ռեֆորմների հնարավորություն է ստեղծում. «Այո»–ի շտաբի ներկայացուցիչ
Ո՞ր դատարանն է քննելու հանրաքվեի հարցը. պատասխանում է նախարարը
ՍԴ ճգնաժամի հանգուցալուծումը կարող է լինել առանց հանրաքվեի․ Ռուբեն Ռուբինյան