Տրդատ Սարգսյան

Առանց զեկուցման ու քննարկման. Վայոց Ձորի մարզպետն ազատվեց պաշտոնից

228
(Թարմացված է 11:17 10.10.2019)
Կառավարությունն ընդունեց մարզպետի` նախարարին ներկայացրած ազատման դիմումն ու դրա հիման վրա՝ վարչապետի կայացրած որոշումը։

ԵՐԵՎԱՆ, 10 հոկտեմբերի — Sputnik. Կառավարությունը հաստատեց Վայոց Ձորի մարզպետ Տրդատ Սարգսյանի պաշտոնանկության որոշումը, որն արդեն կայացրել էր ՀՀ վարչապետը։

Մարզպետի պաշտոնանկության որոծումն ընդունվեց այսօր, կառավարության նիստում` առանց զեկուցման ու քննարկման։

Տրդատ Սարգսյանը հրաժարականի դիմում էր ներկայացրել հոկտեմբերի 7-ին ՀՀ տարածքային կառավարման և ենթակառուցվածքների նախարար Սուրեն Պապիկյանին, և այդ մասին հայտնել էր Sputnik Արմենիային։

Վայոց Ձորում փոխգնդապետի ծեծկռտուքի գործով ձերբակալվել է նախկին մարզպետի օգնականի եղբայրը

Մարզպետի լիազորությունները վայր դնելու մտադրության մասին Սարգսյանը հայտնել էր դեռ սեպտեմբերի 24-ին, Facebook–ի իր էջում։

«Հաշվի առնելով օրեր առաջ Եղեգնաձորում տեղի ունեցած ցավալի միջադեպը՝ անհրաժեշտ եմ համարում ներկայացնել հետևյալ պարզաբանումները։ Ինչպես հայտնել եմ նախկինում, դեպքի ժամանակ եղել եմ տանը․ նախաքննությունն իրականացնող մարմնին ներկայացրել եմ այս փաստը հիմնավորող ապացույցներ։ Վստահ եմ, որ կիրականացվի օբյեկտիվ քննություն և մեղավորները կպատժվեն։

Այնուամենայնիվ, ևս մեկ անգամ հերքելով որևէ առնչությունս այս դեպքին, բայց դրանից առավել կարևորելով նոր Հայաստանում քաղաքական էթիկայի ու քաղաքական պատասխանատվության կայացումը՝ հայտնում եմ, որ որոշում եմ կայացրել վայր դնել Վայոց Ձորի մարզպետի լիազորություններս այսօր մեկնարկող լայնածավալ ռազմավարական զորավարժությունների ավարտից հետո»,- գրել էր նա։

Վայոց Ձորի մարզպետը որոշել է լքել պաշտոնը․ հեռանալուց առաջ նա պարզաբանում է գրել

Հիշեցնենք` Վայոց Ձորի մարզի Եղեգնաձոր քաղաքում սեպտեմբերի 18-ի գիշերը զինվորականների և մարզպետարանի աշխատակիցների մասնակցությամբ միջադեպ է գրանցվել։ ԶԼՄ–ների տեղեկություններով` ծեծկռտուքի հիմնական դերակատարը մարզպետի օգնական Հարություն Գրիգորյանն է եղել, որը ծանր վնասվածքներ է հասցրել փոխգնդապետ Արա Մխիթարյանին։

Գործի շրջանակներում մարզպետի օգնականն ու նրա եղբայրը կալանավորվել են։

228
թեգերը:
պաշտոնանկություն, ՀՀ կառավարություն, Մարզպետ, Վայոց Ձոր, Տրդատ Սարգսյան
Ըստ թեմայի
Վայոց Ձորի մարզպետի տեղակալն աշխատանքից հեռացվել է դիպլոմը կեղծելու պատճառո՞վ
Ձերբակալվել է Վայոց Ձորի մարզպետի օգնականը. մարզպետի հարցը դեռ պարզ չէ
Վայոց Ձորում տեղի ունեցած ծեծկռտուքին մարզպետի մասնակցությունը ստուգվում է. ՔԿ
Վայոց Ձորում ծեծկռտուքի հետևանքով վնասվածք ստացած փոխգնդապետի վիճակը դեռ ծայրահեղ ծանր է
ԶՈւ գլխավոր շտաբի պետն ընդունել է ՌԴ դեսպանին

Համագործակցություն պաշտպանության ոլորտում․ ԶՈւ գլխավոր շտաբի պետն ընդունել է ՌԴ դեսպանին

1
(Թարմացված է 19:03 13.07.2020)
Օնիկ Գասպարյանի և Սերգեյ Կոպիրկինի հանդիպման ժամանակ քննարկվել են նաև ռազմական և ռազմատեխնիկական համագործակցության հետագա պլանները։

ԵՐԵՎԱՆ, 13 հուլիսի- Sputnik. ՀՀ պաշտպանության նախարարությունը տեղեկացնում է, որ հուլիսի 13-ին ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն ընդունել է ՀՀ-ում ՌԴ արտակարգ և լիազոր դեսպան Սերգեյ Կոպիրկինին և դեսպանության ռազմական և ռազմաօդային կցորդ, գնդապետ Անդրեյ Գրիշչուկին:

«Հանդիպման ընթացքում անդրադարձ է կատարվել պաշտպանության ոլորտում հայ-ռուսական երկկողմ համագործակցությանն առնչվող հարցերին»,–նշված է հաղորդագրության մեջ։

Օնիկ Գասպարյանի և Սերգեյ Կոպիրկինի հանդիպման ժամանակ քննարկվել են նաև ռազմական և ռազմատեխնիկական համագործակցության հետագա պլաններն ու զարգացման վերաբերյալ այլ հարցեր։

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Իրավիճակի մասին այսօր ՀՀ արտգործնախարար Զոհրաբ Մնացականյանն ու ՌԴ ԱԳ նախարար Սերգեյ Լավրովը զրուցել էին հեռախոսով։

1
թեգերը:
Սերգեյ Կոպիրկին, Օնիկ Գասպարյան, Հայաստան, Ռուսաստան
ԱԹՍ

Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել

28
(Թարմացված է 18:43 13.07.2020)
Հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

ԵՐԵՎԱՆ, 13 հուլիսի – Sputnik. Համացանցում է հայտնվել հայկական ԶՈւ-ի կողմից հայ-ադրբեջանական սահմանի Տավուշի հատվածում խոցված ադրբեջանական անօդաչու թռչող սարքերից մեկի լուսանկարը։ Banak.info մասնագիտացված կայքի նախնական տվյալներով՝ սարքը Thunder-B տեսակի անօդաչու թռչող սարք է։

Ինչպես արդեն տեղեկացրել էինք, հայկական զինված ուժերն այս 2 օրվա ընթացքում հակառակորդի մի քանի ԱԹՍ են խոցել, այդ թվում նաև՝ կամիկաձե։

Сбитый азербаджанский беспилотник
© Photo : banak.info
Հայկական ԶՈւ-ի կողմից հայ-ադրբեջանական սահմանի Տավուշի հատվածում խոցված ադրբեջանական անօդաչու թռչող սարքերից մեկը

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրք:
Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

Հայկական կողմն ունի 5 վիրավոր, ադրբեջանական կողմը` չորս զոհ։

28
թեգերը:
անօդաչու, հայ-ադրբեջանական, Տավուշ, Ադրբեջան
Ըստ թեմայի
Հայ-ադրբեջանական սահմանի իրավիճակի վերաբերյալ ՀԱՊԿ արտահերթ նիստը հետաձգվել է․ ինչու
Հայերի կոտրած էջերն են կիրառում․ ինչպես են սուտ լուրերը տարածվում համացանցում
Հայ-ադրբեջանական լարվածություն. Լավրովը Թուրքիայի՞ն է սաստել