«Սպայկա» ընկերության բեռնատար

ԵԱԶԲ–ի նախագծերը «Սպայկայի» և Ucom–ի հետ դադարեցվել են, իսկ «Էլցանցերի» հետ ամեն ինչ լավ է

121
(Թարմացված է 16:32 09.10.2019)
ԵԱԶԲ–ն առայժմ չի հրաժարվել Ucom բջջային օպերատորի և «Սպայկա» թարմ մրգի ու բանջարեղենի խոշորագույն արտահանողի հետ համագործակցությունից, բայց մտածում է «Էլցանցերում» ներդրումներ անելու մասին։

ԵՐԵՎԱՆ, 9 հոկտեմբերի — Sputnik. Եվրասիական զարգացման բանկը դադարեցրել է «Արմասանպրոդուկտի» (օպերատորը «Սպայկան» է) և Ucom–ի նախագծերի վրա աշխատանքը, սակայն մտադիր է նոր համաձայնագիր կնքել «Հայաստանի էլեկտրական ցանցերի» հետ։ Այդ մասին այսօր` հոկտեմբերի 9–ին, մամուլի ասուլիսում հաղորդեց Հայաստանում ԵԱԶԲ ներկայացուցչության տնօրեն Արմեն Մելկիկյանը։

«Սպայկայի» հետ կապված իրավիճակը

Մելկիկյանի խոսքով` ԶԼՄ–ներում երբեմն գրում են այն մասին, որ ԵԱԶԲ–ի նախագիծը ստորագրվել է «Սպայկայի» հետ։ Բայց ԵԱԶԲ–ն նախագիծն իրականացրել է վերջերս ստեղծված «Արմասանպրոդուկտ» ընկերության հետ, որը պետք է ջերմոցներ կառուցեր։

««Սպայկան» այդ նախագծի օպերատորն էր։ Գնումները և վաճառքները չեն մտել դրա գործառույթի մեջ։ Եկեք մեկը մյուսի հետ չշփոթենք այս կազմակերպությունները»,–ասաց Մելկիկյանը։

Բանկին գրավել է այն, որ «Սպայկան» մեծ փորձ ունի նման արտադրանք իրացնելու մեջ։ Հաշվի առնելով այդ հատվածում ընկերության առաջատար դիրքերը` ռիսկն արդարացվել է։

«Տվյալ պահին նախագիծը դադարեցվել է։ Մենք պետք է հասկանանք, թե ինչպես են ընթանալու նրանց հետ կապված գործընթացները։ Մենք չենք ասում, որ «դռները փակ են»։ Բայց եթե պետք է վերսկսել, ապա ամեն ինչ պետք է սկսել զրոյից` հաշվի առնելով ընկերության ընթացիկ ֆինանսական դրությունը», – ասաց Մելկիկյանը։

Նշենք, որ նախագիծը ենթադրել է 60 հա մակերեսով ջերմոցային համալիրի հիմնում` կլոր տարին բանջարեղեն աճեցնելու և այն ՌԴ առաքելու համար։ ԵԱԶԲ ներդրումները պետք է կազմեին մինչև 67 միլիոն դոլար։

Իրանցի նախարար. «Մենք ուզում ենք կրկնապատկել Հայաստանի հետ ինտերնետ թրաֆիկը»

Ապրիլի 8–ին Երևանի ընդհանուր իրավասության դատարանը որոշում է կայացրել «Սպայկայի» տնօրեն Դավիթ Ղազարյանին հարկեր չվճարելու մեղադրանքով կալանավորելու մասին։

Ucom–ի հետ առայժմ չեն պայմանավորվել

Ucom բջջային կապի հետ իրավիճակն այլ է։ Կողմերը չեն հասել պայմանագիր ստորագրելուն (մինչև 100 միլիոն դոլարի վարկ,– խմբ.), քանի որ գործընթացում ծագել են որոշակի հարցեր։

«Ընթանում է երկխոսություն, ընթանում են բանակցություններ։ Եթե ընկերությունը համաձայնում է ինչ–որ զիջումների, մենք նույնպես համաձայնում ենք. դա երկարատև գործընթաց է։ Երբեմն ընկերությունն առաջարկում է աշխատանքի մի ձևաչափ, մի փուլում ներդրումներ, իսկ հետո որոշում է, որ գնում է այլ ուղղությամբ և սկսում այդ նախագծի փոփոխությունը։ Այժմ մենք նման մակարդակում ենք», – ասաց Մելկիկյանը։

Նա նշեց, որ տվյալ դեպքում բանկը չի հրաժարվել նախագծի իրագործումից։

«Հայաստանի էլցանցերի» հետ ամեն ինչ լավ է

ԵԱԶԲ–ը կշարունակի ՀԷՑ–ի հետ աշխատանքը։ Բանկում գոհ են ներկա իրավիճակից, ընկերությունը հետևում է բոլոր պարտավորություններին։

«Նույնիսկ նոր նախագծերի մասին ենք մտածում, և արդեն բանակցություններ ենք վարում»,–նշեց Մելկիկյանը։

Ներդրումային ծրագիրը ֆինանսավորելու և «Հայաստանի էլեկտրական ցանցեր» ՓԲԸ–ի վարկային պորտֆելն օպտիմալացնելու համար ԵԱԶԲ–ը տրամադրել է 60 միլիոն դոլար։

121
թեգերը:
Հայաստան, Ներդրում, Հայաստանի էլեկտրական ցանցեր (ՀԷՑ), «Սպայկա» ՍՊԸ, Եվրասիական զարգացման բանկ (ԵԱԶԲ)
Ըստ թեմայի
Արդյունքների մասին վաղ է խոսել․ ԵԱԶԲ-ն` «Զվարթնոցի» վերականգնման նախագծի մասին
ԵԱԶԲ–ն պատրաստ է մասնակցել Հայաստանում կանաչ էներգետիկայի նախագծերին
ԵԱԶԲ–ն քննարկում է «Զվարթնոց» օդանավակայանում ներդրումների նախագիծը
ԵԱԶԲ–ն ծրագրում է 110 միլիոն դոլարի հասցնել Հայաստանում ներդրումային կապիտալը
ԱԻՆ

Երևանում 28-ամյա քաղաքացին սպառնացել է վնասել իրեն ու տան անդամներին

1
(Թարմացված է 17:36 15.08.2020)
Ահազանգը ստանալուն պես դեպքի վայր են մեկնել փրկարարական ջոկատի անդամները։ Նրանք կանխել են ինքնասպանության փորձը։

ԵՐԵՎԱՆ, 15 օգոստոսի - Sputnik. Երևան քաղաքի Ներքին Շենգավիթի 3-րդ փողոցի տներից մեկի բնակիչը սպառնացել վնասել և՛ իրեն, և՛ տան մյուս բնակիչներին։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնն ահազանգը ստացել է օգոստոսի 15-ին` ժամը 13։37-ին։

Դեպքի վայր է մեկնել ԱԻՆ ՓԾ Երևանի փրկարարական վարչության հրշեջ-փրկարարական ջոկատից մեկ մարտական հաշվարկ։

Երևանում տղամարդ է նետվել շենքից

Փրկարարները կանխել են 28–ամյա քաղաքացու ինքնասպանության փորձը։

Երևանում նախարարի աշխատակազմի ղեկավարի օգնությամբ կանխվել է երիտասարդի ինքնասպանությունը

 

1
թեգերը:
ինքնասպանության փորձ, Երևան, Հայաստան
Ըստ թեմայի
Ավտովթար Երևան-Արմավիր ճանապարհին. «Lexus»-ը կողաշրջվել է
Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին
Երևանում ավտոբուսի վարորդը վրաերթի է ենթարկել փողոցը թույլատրելի հատվածով անցնող հետիոտնին
Ավտովթար Արմավիրի մարզում. տուժածների թվում 3 երեխա կա
Լիոնել Մեսսի

Լիոնել Մեսսին մտադիր է լքել «Բարսելոնան»

7
(Թարմացված է 17:17 15.08.2020)
Պայմանագրի ավարտին դեռ մեկ տարի կա, բայց ֆուտբոլիստը վերջնականապես հիասթափվել է ակումբի կառավարման համակարգից։

ԵՐԵՎԱՆ, 15 օգոստոսի – Sputnik. «Բարսելոնայի» հարձակվող 33-ամյա Լիոնել Մեսսին որոշել է հեռանալ ակումբից։ Տեղեկությունը հայտնում է իսպանական Cadena COPE ռադիոալիքը։

​Արգենտինացին վերջնականապես հիասթափվել է ակումբի կառավարման համակարգից և չի ուզում երկարաձգել պայմանագիրը։ Նա պատրաստ է համաձայնագրի երկարաձգման հնարավորությունը դիտարկել միայն ակումբի կառուցվածքի վերակազմավորման, ինչպես նաև ղեկավարության փոխվելու պարագայում։

Ֆուտբոլիստի պայմանագիրն ավարտվում է 2021թ-ի ամռանը։

Ավելի վաղ հայտնի էր դարձել, որ Մեսսիով հետաքրքրված է «Ինտերը»։ Միլանցիները պատրաստ են 4 տարվա պայմանագիր առաջարկել նրան՝ խաղաշրջանի համար 50 միլիոն եվրո աշխատավարձով։

Նախօրեին «Բարսելոնան» Չեմպիոնների լիգայի քառորդ եզրափակիչում 2:8 հաշվով պարտվեց «Բավարիային» և դուրս մնաց մրցաշարից: 1946 թվականից ի վեր առաջին անգամ «Բարսելոնայի» դարպասում մեկ խաղի ընթացքում 8 գնդակ հայտնվեց։

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

Փորձագետները նշում են` ծայրահեղ իրավիճակներում Մեսսին բազմաթիվ անգամ է թիմին փրկել, բայց երեկ բոլոր առաջատարները խաղում էին նույն (ոչ բարձր) մակարդակով՝ թե՛ Լուիս Սուարեսը, թե՛ Մեսսին, թե՛ Ժերար Պիկեն, թե՛ դարպասապահ Մարկ-Անդրե տեր Շտենգենը։ Այնպիսի տպավորություն էր, որ նա խաղալու տրամադրություն ընդհանրապես չուներ։

Երկրպագուները Երևանի փողոցներից մեկը ներկել են ֆուտբոլային ակումբի գույներով

7
թեգերը:
ֆուտբոլ, «Բարսելոնա» ֆուտբոլային ակումբ, Լիոնել Մեսսի
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում