Ոռոգման խելացի համակարգ

«Մեր քաղաքը կդառնա այնպիսին, ինչպիսին կար». Չարենցավանում նոր «խելացի» համակարգ են ստեղծել

2095
(Թարմացված է 23:04 07.10.2019)
Դպրոցական խմբակի ղեկավարն ու նրա սաները էլեկտրոնային կառավարմամբ ոռոգման համակարգ են ստեղծել։

ԵՐԵՎԱՆ, 7 հոկտեմբերի — Sputnik, Արամ Գարեգինյան. Չարենցավանի միջին դասարանների աշակերտները ոռոգման համակարգի համար կառավարման փոքր հանգույց են ստեղծել։ Նրանց գաղտնիքը պարզ է. երեխաները պարզապես չեն ձանձրանում ֆիզիկայի դասերին։

Մենք զարմանում ենք` 9-րդ դասարանցին չի՞ ձանձրանում ֆիզիկայի դասին։ Պատկերացրեք` հնարավոր է, պատասխանում է Սարգիս Բեգիյանը։ Դրա համար պետք է մտածել, թե ինչ ես ուզում անել քո քաղաքի համար. թքել մայթերին, թե՞...

«Ահա մեր ոռոգման համակարգի բլոկը։ Այն աշխատում է արևային վահանակի օգնությամբ, այսինքն հոսանքին միացնելու կարիք չկա, – պատմում է Չարենցավանի դպրոցներից մեկի ArMath ինժեներական լաբորատորիայի խմբավար Բեգիյանը։ – Կառավարման վահանակը տվյալները ստանում է ջերմաստիճանային տվիչներից և հողի խոնավությունից, ինչպես նաև բաքում եղած ջրի քանակից։ Այս տվյալները օգտատերը տեսնում է իր հեռախոսի վրա և կարող է հասկանալ` ոռոգման կարիք կա, թե ոչ»։

Երբ հեռախոսից տրվում է ոռոգման հրահանգը, համակարգն ինքնուրույն միացնում է պոմպն ու մատակարարում ջուրը։ Վերջում պոմպը հնարավոր է նույն հեշտությամբ անջատել։

Բեգիյանն ու սաները ամբողջ համակարգը ինքնուրույն են ստեղծել. ծրագիր են գրել Arduino–ի համար, դրան պոմպերը միացնող և անջատող ռելեներ միացրել և էլեկտրալարեր անցկացրել արևային վահանակից։

Ոչ թե մեկ, այլ երկու պոմպ են դրել։ Առաջինը անձրևաջրով բաքից է ջուր մատակարարում։ Ջուրը հավաքելու համար անհրաժեշտ է կոլեկտոր տեղադրել, օրինակ` տանիքին, իսկ բաքը դնել ներքևում։ Այդ պոմպը համակարգում հիմնական կլինի։ Եվ եթե անձրևաջուրը սպառվի, այդ ժամանակ կմիանա հիմնական ջրամատակարարումը։

«Սա միայն առաջին քայլն է։ Իսկ ապագայում մենք ուզում ենք կաթիլային ոռոգման ցանցեր ստեղծել և կանաչապատել տանիքները։ Դա շատ կօգնի ամռան տապին», – ասում է Բեգիյանը։

Երևանյան դպրոցը նոր մակարդակի 3D տպիչ ունի. չի մամլում, բայց գոլորշիացնում է ճառագայթով

Համակարգն առայժմ փորձարկել են միայն դպրոցի լաբորատորիայում և դրա օգնությամբ սենյակային բույսեր են աճեցնում։

ArMath–ին այս խմբակի համար անհրաժեշտ սարքավորումներ են տրամադրել Հայաստանի առաջատար տեխնոլոգիաների ձեռնարկությունների միությունը (UATE) և տեղական մեկ ընկերություն, որը ցանկանում է ոռոգման նման համակարգեր արտադրել։ Նրանք ուզում են արտադրություն հիմնել հենց Չարենցավանում։

«Այնպես որ հիմա աշխատում ենք, կատարելագործում մոդելը, որպեսզի հետագայում պատվիրատուներ լինեն։ Գիտե՞ք` ես ծնվել եմ այստեղ, ծնողներս աշխատում էին ինքնաբեռնիչ մեքենաների գործարանում։ Քաղաքում մի քանի նման խոշոր գործարան կար։ Մեր Չարենցավանը արդյունաբերական քաղաք էր։ Սակայն ես չեմ ուզում այդ մասին անցյալ ժամանակով խոսել։ Մենք տղաների հետ կանենք այնպես, որ այն դարձյալ այդպիսին դառնա։ Իհարկե, միայն մեզնից չէ կախված։ Սակայն մարդը պետք է ինչ–որ իմաստ տեսնի իր աշխատանքում և ոչ միայն մեծահասակը։ Երեխան նույնպես պետք է հասկանա` ինչի համար է պետք սովորել», – ասում է Սարգիսը։

Ե՛վ դպրոց են գնում, և՛ ծնողներին օգնում, և՛ ինժեներություն սովորում. ովքե՞ր են նրանք

Իր նախագիծը նա աշակերտների հետ ներկայացրել է DigiTec 2019 տեխնոլոգիական ցուցահանդեսի ArMath դպրոցական լաբորատորիաների տաղավարում։ Ցուցահանդեսն անցկացվում է Երևանում WCIT 2019 ՏՏ համաշխարհային համաժողովին զուգահեռ։

Փորձնական նախագիծ Վանաձորում. ինչու դպրոցականներին չեն կարողանում կտրել դասից

2095
թեգերը:
ոռոգման ջուր, դպրոց, Չարենցավան, Հայաստան
թեմա:
WCIT համաշխարհային համաժողովը Երևանում (25)
Ըստ թեմայի
Սիսիանցի դպրոցականը մեքենա է հավաքել, անունն էլ դրել «Хищник». տեսանյութ և լուսանկարներ
Դպրոցականները մարդու ոսկորներ ու հնադարյան կարասի են գտնում. ի՞նչն է գրավում Մեծամորում
«Հայաստանին նայեք». աֆրոամերիկուհին հայերի մեջ տեսել է այն, ինչը չի երևում Երևանից
Депутат от фракции Просвещенная Армения Эдмон Марукян во время первого заседания парламента Армении 7-го созыва (14 января 2019). Еревaн

Ժնևի հանդիպումը հրադադարի հանդիպում չէ. Մարուքյան

3
Ընդդիմադիր խմբակցության ղեկավարը չթաքցրեց` հանդիպման ու բանակցային մանրամասներին տեղյակ չէ։ Բայց նրա խոսքով` քանի դեռ հրադադար չկա, բանակցություններն արդյունավետ լինել չեն կարող։

ԵՐԵՎԱՆ, 29 հոկտեմբերի — Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանն խորհրդարանական ճեպազրույցի ընթացքում անդրադարձավ այսօր Ժնևում նախանշված Ադրբեջանի ու Հայաստանի ԱԳ նախարարների հանդիպմանը։

«Որքան հասկանում ենք` Ժնևի հանդիպումը հրադադարի հանդիպում չէ, այլ բանակցությունների ինչ–որ սկիզբ է կամ փորձ։ Սակայն պետք է ասեմ, որ խորհրդարանական ուժերը որևէ ձևով, որևէ խողովակով տեղեկացված չեն, թե ինչ է քննարկվելու։ Ես չգիտեմ, թե ինչ է բանակցվում, որևէ տեղեկություն չունենք»,– ասաց Մարուքյանը։

Այդուհանդերձ, ընդդիմադիր խմբակցության ղեկավարը չթաքցրեց, որ մեծ ակնկալիքներ այս հանդիպումից չունի։ Նրա խոսքով` քանի դեռ հրադադար չկա, բանակցություններն արդյունավետ լինել չեն կարող։

Հիշեցնենք` այսօր Ժնևում նախատեսված է ԵԱՀԿ Մինսկի խմբի համանախագահների և Հայաստանի ու Ադրբեջանի արտգործնախարարների հանդիպումը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

3
թեգերը:
հրադադար, Արցախ, Ղարաբաղյան հակամարտություն, Լեռնային Ղարաբաղ, ԵԱՀԿ Մինսկի Խումբ, Ադրբեջան, Հայաստան, Ջեյհուն Բայրամով, Զոհրաբ Մնացականյան, Ժնև, Էդմոն Մարուքյան
Հիվանդանոց

Ինչո՞ւ կորոնավիրուսից մահացած մարդկանց տարիքը չի հրապարակվել. Նիկողոսյանի մեկնաբանությունը

22
Վերջին մեկ օրում Հայաստանում կորոնավիրուսի հետևանքով 29 մարդ է մահացել, սակայն ՀՀ առողջապահության նախարարությունը նրանց վերաբերյալ տեղեկություն չի հրապարակել։

ԵՐԵՎԱՆ, 29 հոկտեմբերի – Sputnik. ՀՀ առողջապահության նախարարությունը կորոնավիրուսի համավարակի ընթացքում առաջին անգամ չի հրապարակել վարակի զոհ դարձածների տարիքը։ Նախարարի մամուլի քարտուղար Ալինա Նիկողոսյանը Sputnik Արմենիայի թղթակցի հետ զրույցում ասաց, որ առաջիկայում, ամենայն հավանականությամբ, մահացածների մասին տեղեկություններ չեն հրապարակվի։

«Այս պահին նպատակահարմար չէ, որ մահացածների տարիքները հրապարակվեն։ Եվ հնարավոր է` առաջիկայում ևս չհրապարակվեն»,– ասաց նա։

Նշենք, որ վերջին մեկ օրում Հայաստանում կորոնավիրուսով վարակվածներից 29–ը մահացել են։ Արձանագրվել է նաև մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 352 է։

Նշենք, որ հոկտեմբերի 29-ի, ժամը 11:00-ի դրությամբ Հայաստանում հաստատվել է կորոնավիրուսային հիվանդության ընդհանուր 85034 դեպք, 53257-ն արդեն առողջացել են, 1272 -ը` մահացել: Այս պահին փաստացի բուժում է ստանում կորոնավիրուսով վարակված 28548  մարդ: Ընդհանուր առմամբ կատարվել է 392660 թեստավորում:

22
թեգերը:
վարակ, տղամարդ, Կին, Մահ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Գիտնականները կորոնավիրուսի նոր բռնկում են կանխատեսել
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Կորոնավիրուսի հետևանքով մահացել է ԱԱԾ նախկին փոխտնօրեն Գուրգեն Եղիազարյանը