Աննա Դանիբեկյան. արխիվային լուսանկար

Յուրի Խաչատուրովի փաստաբանը դատարանից նկատողություն ստացավ

169
(Թարմացված է 15:23 07.10.2019)
Մարտի 1-ի գործով դատավոր Աննա Դանիբեկյանը փաստաբանին մեղադրեց դատարանի նկատմամբ անհարգալից վերաբերմունքի մեջ։

ԵՐԵՎԱՆ, 7 հոկտեմբերի – Sputnik. Մարտի 1-ի գործով ամբաստանյալ ՀԱՊԿ նախկին գլխավոր քարտուղար Յուրի Խաչատուրովի փաստաբանն այսօր դատական նիստի ընթացքում միացավ դատավոր Աննա Դանիբեկյանին ինքնաբացարկ հայտնելու` Ռոբերտ Քոչարյանի փաստաբանների միջնորդությանը։

Աննա Դանիբեկյանի նկատմամբ ոտնձգություն կատարած Սարգիս Օհանջանյանը կալանավորվեց

«Ես մտածում էի, որ ինքնաբացարկ ներկայացնելու համար Ձեզ դրամական փոխհատուցում առաջարկեմ, քանի որ առկա իրողությունների շրջանակներում ՀՀ–ում կարծես թե նորմալ է գնահատվում, երբ որ դատավորին չպաշտոնավարելու համար դրամական փոխհատուցում են առաջարկում, հարգելի դատարան։ Հիմքը` Սահմանադրական դատարանի դատավորների` վաղաժամ կենսաթոշակի անցնելու մասին...»,– ասաց փաստաբան Միհրան Պողոսյանը, բայց չհասցրեց ավարտել միտքը, քանի որ դատավորն ընդհատեց նրա խոսքը։

«Դատարանն ընդհատում է և թույլ չի տալիս Ձեզ շարունակել։ Միաժամանակ, դատարանն արձանագրում է, որ Ձեր կողմից հնչեցրած արտահայտությունն իր մեջ պարունակում է դատարանի նկատմամբ անհարգալից վերաբերմունք, որի կապակցությամբ դատարանը որոշեց կիրառել դատական սանկցիա` նկատողություն»,– ասաց Աննա Դանիեբեկյանը։

Դատարանի այս որոշումն իրարանցում առաջացրեց դատարանի դահլիճում։

Ու թեև Խաչատուրովի փաստաբանը հայտարարեց, որ չի ավարտել իր խոսքը, բայց դատավորը թույլ չտվեց այն շարունակել։

Նշենք, որ դատավորի ինքնաբացարկի միջնորդությանը բացի Խաչատուրովի փաստաբանից միացան նաև մյուս ամբաստանալների պաշտպանները։

Դատավորի աշխատանքից ակնհայտ դժգոհություն հայտնեց նաև մեղադրող դատախազ, Երևան քաղաքի դատախազ Գևորգ Բաղդասարյանը։

Նա դժգոհեց այն բանից, որ դատավորը թույլ չտվեց իրեն արձագանքել փաստաբանների քաղաքական հայտարարություններին։

Աննա Դանիբեկյանի նկատմամբ անհարգալից վերաբերմունք ցուցաբերած երիտասարդը ձերբակալվել է

«Սա նպաստում է իրականությունից շատ հեռու հայտարարությունների տարածմանը, դատարանի ու իմ պաշտպանած մեղադրանքի նկատմամբ վստահության անկմանը»,– աաաց դատախազը։

Այնումենայնիվ, դատախազը չմիացավ պաշտպանական կողմի` դատավորին ինքնաբացարկ հայտնելու միջնորդությանը։

169
թեգերը:
«Մարտի 1–ի» գործով դատավարություն, փաստաբան, Յուրի Խաչատուրով, Աննա Դանիբեկյան (դատավոր), Դատավոր
թեմա:
«Մարտի 1»-ի գործը (255)
Ըստ թեմայի
ՀԱՊԿ-ի նախկին գլխավոր քարտուղար Յուրի Խաչատուրովին թույլ չեն տվել ՀՀ–ից մեկնել Վրաստան
Վահե Գրիգորյանը չի մասնակցի Ռոբերտ Քոչարյանի և Յուրի Խաչատուրովի գործերի քննությանը․ՍԴ
ՀՔԾ–ն ստուգո՞ւմ է Քոչարյանի, Խաչատուրովի ու Հարությունյանի հաշիվները
Բեյրութ

Բեյրութում հայ զոհերի թիվն ավելացել է ևս մեկով

10
(Թարմացված է 12:23 05.08.2020)
Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԵՐԵՎԱՆ, 5 օգոստոսի - Sputnik. Բեյրությում տեղի ունեցած պայթյունի հետևանքով հայազգի մահացածների թիվն այս պահի դրությամբ վեցն է։ Տեղեկությունը հայտնել է ԱԳՆ մամուլի խոսնակ Աննա Նաղդալյանը:

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

«ԱԳՆ-ում ձևավորվել է աշխատանքային խումբ՝ Լիբանանին թիրախային աջակցության տրամադրումն Լիբանանի ճգնաժամային կառույցի հետ համակարգելու նպատակով։ Լիբանանում ՀՀ դեսպանությունը մշտական կապի մեջ է տեղի պատկան մարմինների հետ՝ միասնաբար գնահատելու լիբանանյան կողմի կարիքները և աջակցության շրջանակը»,- Faceboook-ի իր էջում գրել է նա։

Նաղդալյանը նշել է, որ զուգահեռաբար կապ է պահպանվում հայ համայնքային կառույցների հետ՝ կարիքները գնահատելու նպատակով։

Լիբանանում դեսպանությունն աշխատում է արտակարգ ռեժիմով, գործում է թեժ գիծ։

ԱԳՆ խոսնակը միաժամանակ լրատվամիջոցների ներկայացուցիչներին հորդորել է  կապ պահպանել բացառապես իր հետ՝ դեսպանությանը թույլ տալով անխափան իրականացնել համակարգման ողջ աշխատանքը և հավելել, որ ձեռնարկվող քայլերի մասին տեղեկատվությունը կտրամադրվի հավելյալ։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում են լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը: Վերջին՝ 6-րդ զոհի ինքնությունը դեռ հայտնի չէ:

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։
Բեյրութում սուգ է հայտարարվել:

10
թեգերը:
դեսպանատուն, Մահ, հայ, Վիրավոր, Զոհ, ՀՀ Արտաքին գործերի նախարարություն. ԱԳՆ, Աննա Նաղդալյան, Լիբանան, Բեյրութ
թեմա:
Պայթյուն Բեյրութում
Զոհրաբ Մնացականյան

Հայաստանը պատրաստ է անհապաղ օգնություն ցուցաբերել Լիբանանին. Զոհրաբ Մնացականյան

9
(Թարմացված է 12:12 05.08.2020)
Հայ ժողովրդի մտքերն ու աղոթքները Լիբանանի եղբայրական ժողովրդի հետ են։ ՀՀ արտգործնախարարը ցնցվել է Բեյրութի պայթյունի լուրից։

ԵՐԵՎԱՆ, 5 օգոստոսի – Sputnik. ՀՀ արտաքին գործերի նախարար Զոհրաբ Մնացականյանը ցավակցական խոսք է հղել Բեյրութում տեղի ունեցած պայթյունի կապակցությամբ և հայտնել, որ Հայաստանը պատրաստ է անհապաղ օգնություն ցուցաբերել Լիբանանին։

«Ցնցված եմ Բեյրութում տեղի ունեցած պայթյունի և դրա ավերիչ հետևանքների մասին սարսափելի լուրերից։ Մեր մտքերն ու աղոթքները Լիբանանի եղբայրական ժողովրդի հետ են»,–գրել է Զոհրաբյանը։

Նրա համոզմամբ` Բեյրութի շքեղությունը միանշանակ կվերականգնվի։

​Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 5 հայ կա`  լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Բեյրութում այսօր սուգ է հայտարարվել:

9
թեգերը:
Բեյրութ, Զոհրաբ Մնացականյան, Հայաստան
թեմա:
Պայթյուն Բեյրութում
ՌԴ ԱԻՆ–ի ինքնաթիռներ

ՌԴ ԱԻՆ–ը 5 ինքնաթիռով օգնություն կուղարկի Բեյրութ

2
(Թարմացված է 12:20 05.08.2020)
Լիբանանի մայրաքաղաք կմեկնեն նաև Ռոսպոտրեբնադզորի մասնագետները, որոնք Covid-19–ի ախտորոշման լաբորատորիա կտանեն իրենց հետ։

ԵՐԵՎԱն, 5 օգոստոսի – Sputnik. Ռուսաստանի ԱԻՆ–ը 5 ինքնաթիռով օգնություն կուղարկի Բեյրութ` երեկ տեղի ունեցած հզոր պայթյունի հետևանքները վերացնելու համար։ Տեղեկությունը հայտնում է գերատեսչության մամուլի ծառայությունը։

Լիբանանի մայրաքաղաք կհասնեն շրջիկ հոսպիտալներ, բժիշկներ և «Ցենտրոսպասի» փրկարար ջոկատներ։ Բացի այդ, Բեյրութ կմեկնեն նաև Ռոսպոտրեբնադզորի մասնագետները, որոնք Բեյրութում առկա համաճարակային իրավիճակի համապատասխան հատուկ հանդերձանք և պաշտպանիչ միջոցներ կունենան և Covid-19–ի ախտորոշման լաբորատորիա կտանեն իրենց հետ։

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել։ Վերջին տվյալներով՝ պայթյունի հետևանքով տասնյակ մարդիկ են մահացել, ավելի քան 4 հազարը` տուժել: Մահացածների թվում 6 հայ կա` լիբանանյան «Քաթայիբ» կուսակցության գլխավոր քարտուղար Նիզար Նաջարյանը, բուժքույր Ջեսիկա Բեզջյանը, Ժակ Բարամաքյանը, Ալինա Զաբրին և Դելիա Փափազյանը։ Վեցերորդի անունը դեռ հայտնի չէ։

Լիբանանի վարչապետ Հասան Դիաբը կարգադրել է հետաքննել պայթյունի պատճառներն ու 48 ժամվա ընթացքում պատասխանատվության ենթարկել մեղավորներին։ Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Բեյրութում այսօր սուգ է հայտարարվել:

2
թեգերը:
Բեյրութ, Ռուսաստան
թեմա:
Պայթյուն Բեյրութում
Ըստ թեմայի
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին
Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին
Բեյրութի պայթյունից հետո շատ հայեր ուզում են տեղափոխվել Հայաստան. պատգամավոր
Բեյրութի պայթյունից մեծ վնասներ է կրել նաև «Շաղզոյեան» կենտրոնը