Նիկոլ Փաշինյան

Սերբիա, Եգիպտոս, Իսրայել, Հնդկաստան. Փաշինյանը խոսել է ԵԱՏՄ ապագա ծրագրերից

50
(Թարմացված է 17:03 01.10.2019)
Եվրասիական բարձրագույն խորհրդի ընդլայնված կազմով նիստում ՀՀ վարչապետն անդրադարձել է ԵԱՏՄ անդամ չհանդիսացող երկրների հետ ազատ առևտրի համաձայնագրեր կնքելու՝ արդեն իրականացած ու հեռանկարային ծրագրերին։

ԵՐԵՎԱՆ, 1 հոկտեմբերի - Sputnik. Կան այնպիսի բնագավառներ, ինչպես օրինակ` գազի շուկան, որտեղ առևտուրն ավանդաբար արվում է ոչ ազգային արժույթներով։ Այսօր Երևանում Եվրասիական բարձրագույն խորհրդի ընդլայնված կազմով նիստի իր ելույթում այս մասին ասաց ՀՀ վարչապետ Նիկոլ Փաշինյանը։

«Միացյալ արժութային շուկայի գործարքերի ընդլայնումը պետք է լինի մեր առաջնահերթությունների շարքում։ Ի դեպ, այսօրվա նիստի օրակարգում ներառված է ընդհանուր արժութային շուկայի ստեղծման նախադրյալների հարցը, ինչն արդեն իսկ կարևոր քայլ է դեպի ընդհանուր արժութային շուկայի ձևավորումը»,– ասաց Փաշինյանը։

Վարչապետն իր ելույթում կարևորեց նաև ԵԱՏՄ առևտրատնտեսական կապերի աշխարհագրության ընդլայնումը, մասնավորապես հիշեցնելով, հոկտեմբերին ուժի մեջ են մտնում Իրանի ու Չինաստանի հետ ԵԱՏՄ ազատ առևտրի համաձայնագրերը։

«Օգտվելով հարգելի պարոն Ռոհանիի ներկայությունից, ցանկանում եմ հույս հայտնել, որ Իրանի ու ԵԱՏՄ–ի միջև ժամանակավոր համաձայնագիրը խթան կհանդիսանա մեր հետագա առևտրային կապերի համար, դրական ազդեցություն կունենա մեր երկրների տնտեսությունների վրա` ի հաշիվ փոխլրացման ու ավելացված արժեքի նոր շղթաների ստեղծման»,– ասաց Փաշինյանը։

Մեկնարկեց ԵԱՏՄ բարձրագույն խորհրդի նիստը. այն կանցկացվի փակ դռների հետևում

Հայաստանի վարչապետը նաև հայտնեց, որ Սինգապուրի հետ ազատ առևտրի համաձայնագրի նախապատրաստական աշխատանքներն ավարտված են, և այսօր ԵԱՏՄ–ն, անդամ երկրների ղեկավարներն ու Սինգապուրի նախագահը կստորագրեն համաձայնագիրը։

ՀՀ վարչապետը տեղեկացրեց նաև, որ նմանօրինակ համաձայնագրի շուրջ բանակցություններ են տարվում նաև Սերբիայի ղեկավարության հետ, և հույս հայտնեց, որ առաջիկայում կստորագրվի նաև այդ երկրի հետ ազատ առևտրի համաձայնագիրը։

Փաշինյանը շնորհակալություն է հայտնել Ղազախստանին ԼՂ հարցում հավասարակշռված մոտեցման համար

Բանակցային փուլում են նաև Եգիպտոսի, Իսրայելի ու  Հնդկաստանի հետ ազատ առևտրի համաձանագրերի շուրջ ԵԱՏՄ–ի քննարկումները։

Եվրասիական բարձրագույն խորհրդի ընդլայնված կազմով նիստին մասնակցում են նաև Մոլդովայի, Իրանի ու Սինգապուրի նախագահները։

50
թեգերը:
Չինաստան, Եգիպտոս, տնտեսություն, Հնդկաստան, Իսրայել, Իրանի Իսլամական Հանրապետություն, Ռուսաստան, Հասան Ռոհանի, Եվրասիական Տնտեսական Միություն (ԵԱՏՄ), Հայաստան, Նիկոլ Փաշինյան
թեմա:
Եվրասիական բարձրագույն տնտեսական խորհրդի նիստը Երևանում (33)
Ըստ թեմայի
Եվրասիական միջկառավարական խորհրդի նիստում քննարկվել է 15 հարց. Փաշինյանը բացում է փակագիծը
Երևանում մեկնարկում է ԵԱՏՄ տնտեսական բարձրագույն խորհրդի նիստը. ինչ կարևոր հարցեր կան
Եվրասիական բարձրագույն տնտեսական խորհրդի նիստը. ուղիղ հեռարձակում