Գյուղ. արխիվային լուսանկար

Դպրոցի պահակը գյուղապետից շատ ձայն է ստացել. Հայաստանի գյուղերում իրավիճակ է փոխվում

438
(Թարմացված է 19:43 30.09.2019)
Հայաստանի 13 գյուղում համայնքի ղեկավար են ընտրել։  Գյուղերից 6–ում գործող գյուղապետերը վերընտրվել են, 7-ում ընտրվել են նոր զեկավարներ` գյուղական ուսուցչից մինչև գյուղի փոստի աշխատակից։

ԵՐԵՎԱՆ, 30 սեպտեմբերի – Sputnik. ԿԸՀ–ն ամփոփել է Հայաստանի 19 գյուղական համայնքներում կիրակի օրը` սեպտեմբերի 29-ին կայացած ՏԻՄ ընտրությունների արդյունքները։

Նշենք, որ 19 համայնքներից 13-ում են գյուղապետ ընտրել, իսկ մնացած 6 գյուղում միայն ավագանու ընտրություններ են եղել։

13 գյուղերից 6-ում գյուղապետի պաշտոնում ընտրվել են գործող ղեկավարները։ Արագածոտնի Ղազարավան գյուղում առաջադրված 2 թեկնածուներից գյուղացիների ձայների մեծամասնությունը ստացել է  2011թ.-ից գյուղը ղեկավարող նախկին ՀՀԿ–ական, հիմա անկուսակցական Հայկ Ասատրյանը։

Արարատի մարզի Մրգանուշ գյուղում առաջադրված 3 թեկնածուներից ևս հաղթել է գործող գյուղապետը` գյուղը 1998թ.–ից ղեկավարող Մանվել Սարգսյանը, որը ՀՅԴ կուսակցության անդամ է։

Արմավիրի մարզի Նոր Կեսարիա համայնքում առաջադրված 2 թեկնածուներից գյուղացիների վստահությանն է արժանացել  2011թ.–ից  գյուղապետի աթոռը զբաղեցնող Հրայր Գալստյանը։

«Սարուխանա կարտոլն» ու հայ–ռուսական հարաբերությունները, կամ ժողովուրդը միշտ ճիշտ է

Նույն մարզի Տանձուտ գյուղում համայնքի ղեկավարի պաշտոնի համար պայքարած 5 թեկնածուներից ընտրություններում հաղթել է 2011թ.–ից գործող գյուղապետ Մխիթար Պետրոսյանը։

Լոռու մարզի Լուսաղբյուր համայնքում գործող գյուղապետը վերընտրվել է առանց մրցակցության։ Անկուսակցական Արամայիս Հակոբյանը, որն արդեն 4 տարվա գյուղապետ է, ստացել է ընտրությանը մասնակցած 368 ընտրողներից 351-ի քվեները։

Տավուշի մարզի Խաշթառակ գյուղում համայնքի 4 տարվա ղեկավար Անդրանիկ Վիրաբյանն իր միակ հակառակորդից կրկնակի շատ ձայն է ստացել։

Արմավիրի մարզի Զարթոնք գյուղում առաջադրված 2 թեկնածուներից ընտրողները նախապատվությունը տվել են համագյուղացի անհատ ձեռներեց Սամվել Աղաջանյանին։ Նախկին գյուղապետ, ՀՀԿ–ական Պարույր Սարգսյանն ընտրապայքարին չի մասնակցել։ Նա հրաժարականի դիմում էր ներկայացրել դեռ 2019թ–ի ապրիլին, երբ գյուղում զինված միջադեպ էր տեղի ունեցել իր որդու մասնակցությամբ։

Գյուղացիները վաղ առավոտյան հարձակվել էին Զարթոնքի դպրոցի հաշվապահի, ապա գյուղապետի տան վրա, ջարդուփշուր արել գյուղապետի սեփական և ծառայողական ավտոմեքենաները։ Ծեծկռտուքի ժամանակ մասնակիցներից մեկը որսորդական հրացանով օդ էր կրակել։ Նախնական վարկածով` կրակողը եղել է գյուղապետի թոռը` Նարեկ Մելքոնյանը։ Գյուղ ժամանած ոստիկանները կանխել էին հնարավոր արյունահեղությունը։ Գյուղի բնակիչների մի մասը փակել էին գյուղի սկզբնամասում գտնվող Երևան-Գյումրի երկաթգիծը` պահանջելով գյուղապետի հրաժարականը։

Իսկ Արմավիրի մարզի Փարաքար համայնքում 18 տարվա գյուղապետը, թեև մասնակցել է ընտրություններին, բայց պարտվել է ավագանու անդամ Դավիթ Մինասյանին։

Գեղարքունիքի մարզի Գեղարքունիք գյուղում էլ հրաժարական ներկայացրած գյուղապետին այսուհետ կփոխարինի գյուղի դպրոցի ուսուցիչ Արայիկ Աբրահամյանը, որը 53 ձայնով առաջ է անցել իր միակ մրցակից համագյուղացուց։

Նույն մարզի Լճափ գյուղում առաջադրված 4 թեկնածուներից առաջին տեղում է անկուսակցական Արսեն Հովսեփյանը, որը գործող գյուղապետ, ՀՀԿ անդամ, 2004թ.–ից համայնքի ղեկավար Հայկ Սիմոնյանից 4 անգամ շատ ձայն է ստացել։

Հետաքրքրական է, որ Արսեն Հովսեփյանը ստացել է 208 քվե, երկրորդ տեղը գրաված մեկ այլ անկուսակցական թեկնածու Արթուր Շահբազյանը` 170 քվե, իսկ երրորդ տեղում գյուղի դպրոցի պահակն է` 108 քվեով։ Գործող գյուղապետը վերջին` 4-րդ տեղում է։ Նրան ձայն է տվել ընդամենը 51 ընտրող։

Կենտրոնական փողոցն իր անունով կոչած գյուղապետը կհայտնվի՞ դատարանում. մարզպետը դատի է տվել

Գեղարքունիքի Վանեվան գյուղում էլ ընտրապայքարին մասնակցած 3 փեկնածուներից գյուղապետի պաշտոնը ստացել է «Հայփոստի» աշխատակից անկուսակցական Իգոր Հարությունյանը։ Վանեվանի նախկին գյուղապետը`ՀՀԿ–ական Արամ Հարությունյանը հրաժարական էր տվել 2019թ–ի ապրիլին` համագյուղացիների պահանջով։

Լոռու մարզի Եղեգնուտ գյուղում գյուղացիներն ընտրել են անկուսակցական համագյուղացի  Սարգիս Հակոբյանին։ Այստեղ ևս նախկին գյուղապետն ընտրապայքարին չի միացել։

Շիրակի մարզի Գետափ համայնքում էլ գյուղացիները նույնիսկ գյուղապետի ժամանակավոր պաշտոնակատարին չեն ընտրել։ Առաջադրված 2 թեկնածուներից նրան իրենց քվեների մեծամասնությունը տվել են 25-ամյա համագյուղացի Շիրակ Խաչատրյանին։

Հիշեցնենք, ՀՀ ՏԻՄ օրենքի համաձայն, համայնքի ղեկավարնրն ընտրվում են 4 տարի ժամկետով։ Համայնքները ղեկվարվում են կոլեգիալ որոշումներով` ավագանու միջոցով։ 

438
թեգերը:
Հայաստան, ՏԻՄ ընտրություններ, Ընտրություններ, Գյուղ, Գյուղապետ
Ըստ թեմայի
Փաշինյանը չի մոռացել տված խոստումը. Սիս գյուղի «երեխեքն» էլ բողոքելու տեղ չունեն
Ինչ է տեղի ունեցել հայկական գյուղում ադրբեջանական կրակոցների ժամանակ. պատմում է գյուղապետը
Համայնքը զորավոր է. անցանկալի գյուղապետների ճակատագիրը կորոշվի հանրաքվեով
Նիկոլ Փաշինյանն ու  Իլհամ Ալիևը. արխիվային լուսանկար

Ադրբեջանի ագրեսիան նախապես ծրագրված էր. Նիկոլ Փաշինյանը մեղադրել է Ադրբեջանին

14
(Թարմացված է 13:09 27.09.2020)
ՀՀ կառավարության ղեկավարը բացահայտ մեղադրել է Ադրբեջանին հերթական սադրանք հրահրելու համար։

ԵՐԵՎԱՆ, 27 սեպտեմբերի– Sputnik. Ադրբեջանի լայնամասշտաբ ագրեսիան նախապես ծրագրված է եղել։ Նման հայտարարություն է արել ՀՀ վարչապետ Նիկոլ Փաշինյանը։

«Ադրբեջանի ղեկավարության վերջին ագրեսիվ հայտարարությունները, Թուրքիայի հետ համատեղ անցկացվող լայնամասշտաբ զորավարժությունները, ինչպես նաև ԵԱՀԿ–ի` մոնիթորինգ անցկացնելու առաջարկից հրաժարվելը ցույց են տալիս, որ այս ագրեսիան նախապես ծրագրված էր և հանդիսանում է լայնամասշտաբ սադրանք ընդդեմ խաղաղության և տարածաշրջանային անվտանգության»,– Twitter–ի իր միկրոբլոգում գրել է Փաշինյանը։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Հորդորում ենք կողմերին անհապաղ դադարեցնել կրակը. ՌԴ ԱԳՆ-ի կոչը

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Արցախում ռազմական դրություն և համատարած զորահավաք է հայտարարվել

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

14
թեգերը:
ագրեսիա, Ադրբեջան, Արցախ, Նիկոլ Փաշինյան
թեմա:
Ադրբեջանական ագրեսիա Արցախում. 2020
Ըստ թեմայի
«Կրակը պետք է դադարեցվի». Ջաբարովը կողմերին բանակցություններ սկսելու կոչ է արել
Ադրբեջանի կրակոցների հետևանքով տներ են ավերվել. տեսանյութ
Ինչպես է այրվում ադրբեջանական զրահատեխնիկան. նոր տեսանյութ
Դավիթ Տոնոյան

«ՊԲ-ն կասեցնում է թշնամու առաջխաղացումը՝ պատճառելով ծանր կորուստներ». Տոնոյանի կոչը

245
(Թարմացված է 12:59 27.09.2020)
Նախարարը նշել է, որ այս արկածախնդրությունը ծանր հետևանքներ է ունենալու թշնամու համար: Մեր պատասխանը լինելու է կոշտ ինչպես երբեք: Հայկական բանակը տիրապետում է անհրաժեշտ բոլոր միջոցներին՝ հերթական անգամ ջախջախելու մեր հայրենիքի նկատմամբ ոտնձգություն իրականացնող թշնամուն։

ԵՐԵՎԱՆ, 27 սեպտեմբերի – Sputnik. ՀՀ պաշտպանության նախարար Դավիթ Տոնոյանն ուղերձով դիմել է հայ ժողովրդին։ Նա նշել է, որ այսօր վաղ առավոտյան, կոպտագույնս խախտելով միջազգային մարդասիրական իրավունքի գործող նորմերն ու հակամարտության լուծման խաղաղ բանակցային գործընթացի տրամաբանությունը, ադրբեջանական զինված ուժերը հրթիռահրետանային և ավիացիոն միջոցների կիրառմամբ հարձակման են անցել արցախա-ադրբեջանական ուժերի շփման գծի ողջ երկայնքով՝ թիրախավորելով պաշտպանության բանակի մարտական դիրքերն ու Արցախի խաղաղ բնակավայրերը:

«Այդպիսով, մարտական գործողությունների հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը: Այս պահին Արցախի Հանրապետության պաշտպանության բանակը վճռական հակահարվածներով կասեցնում է թշնամու առաջխաղացման բոլոր փորձերը՝ թշնամում պատճառելով ծանր կորուստներ»,–իր ուղերձում ասել է Տոնոյանը:

Նա ընդգծել է, որ հանդիսանալով Արցախի անվտանգության երաշխավորը՝ Հայաստանի Հանրապետության զինված ուժերը պատրաստ են ցուցաբերելու ցանկացած աջակցություն՝ ապահովելու Արցախի բնակչության անվտանգությունը:

«Արդեն իսկ ակներև է, որ դասեր չքաղելով նախկինում ունեցած անփառունակ պարտություններից՝ Ադրբեջանի իշխանությունները կրկին գերագնահատել են ունեցած կարողությունները, ինչի համար, վստահ եմ, խստագույնս կպատժվեն:

Այս արկածախնդրությունը ծանր հետևանքներ է ունենալու թշնամու համար: Մեր պատասխանը լինելու է կոշտ ինչպես երբեք: Հայկական բանակը տիրապետում է անհրաժեշտ բոլոր միջոցներին՝ հերթական անգամ ջախջախելու մեր Հայրենիքի նկատմամբ ոտնձգություն իրականացնող թշնամուն»,–ասել է նա:

Հայաստանում ռազմական դրություն է հայտարարվում. Նիկոլ Փաշինյան

Նախարարը նշել է, որ միասնության շնորհիվ են կերտվել մեր պատմության բոլոր հաղթանակները: Նա վստահություն է հայտնել, որ այս վճռական պահին մենք միասնաբար, պատվով ենք կատարելու մեր մարտական խնդիրը՝ դաս տալով միայն ուժի լեզուն հասկացող թշնամուն:

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Ինչպես է այրվում ադրբեջանական զրահատեխնիկան. նոր տեսանյութ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

245
թեգերը:
Դավիթ Տոնոյան, Ադրբեջան, Բանակ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Թուրքիան հայտարարել է Ադրբեջանին աջակցելու մասին
Հայաստանից ԼՂ զորք տեղափոխելու կարիք չկա. Վարդան Տողանյանի հարցազրույցը
Փաշինյանն Անվտանգության խորհրդի նիստ է հրավիրելու

Ադրբեջանական տանկերը հերթով խոցվում են. ՊՆ–ն նոր տեսանյութ է հրապարակել

0
Պաշտպանության նախարարությունը հերթական տեսանյութն է հրապարակել, որում երևում են, թե ինչպես է խոցվում ադրբեջանական զրահատեխնիկան։
0
թեգերը:
Ադրբեջան, տեսանյութ, տանկ