Արմեն Հայրապետյան. արխիվային լուսանկար

Հայաստանն ավելի քիչ տոկոսներ կվճարի. ֆինանսների փոխնախարարը բացահայտել է «մեխանիկան»

195
(Թարմացված է 18:34 30.09.2019)
Օտարերկրա ներդրողները տեսել են, որ Հայաստանը խելամտորեն է տնօրինում իր պարտքերը։ Դա բարձրացրել է երկրի ֆինանսների նկատմամբ վստահությունը։

ԵՐԵՎԱՆ, 30 սեպտեմբերի — Sputnik. Նոր արժութային պարտատոմսեր թողարկելով` Հայաստանը կկրճատի դրանց սպասարկման ծանրաբեռնվածությունը։ Այդ մասին Sputnik Արմենիայի թղթակցին հայտnեց Հայաստանի ֆինանսների փոխնախարար Արմեն Հայրապետյանը։

Սեպտեմբերի 26–ին Հայաստանի ֆինանսների նախարարությունը թողարկել է 500 միլիոն դոլարի պարտատոմսեր` 10 տարի մարման ժամկետով։ Թողարկումն իրականացվել է նախկինից ցածր տոկոսներով։  2013թ.–ին ՀՀ կառավարության թողարկած 700 մլն դոլարի եվրապարտատոմսերի եկամտաբերությունը կազմել էր 6.25 տոկոս, իսկ այժմ` 4,2 տոկոս։

Շուկայում փող ստանալով նոր պարտատոմսերի համար` ֆինանսների նախարարարությունը գնել է հների մի մասը, այսինքն մարել է հին, թանկ պարտքը (որի ժամկետը լրանում էր 2020թ–ին), իսկ դրա փոխարեն թողարկել նորը` ավելի էժանը։ 2019-2020թթ–ին Հայաստանը պարտատոսմերի համար կվճարի ոչ թե 6,0 տոկոս, այլ 3,95։ Դրա շնորհիվ, գերատեսչության հաշվարկներով, Հայաստանը կտնտեսի 10,2 մլն դոլար։

Ինչպե՞ս է հաջողվել հասնել դրան

Առաջին հերթին, նրա շնորհիվ, որ Հայաստանի արտաքին պարտքը չի աճում։ Ավելին, բյուջետային քաղաքականությունից կարելի է հասկանալ, որ հանրապետությունը բավականաչափ հարկեր է հավաքում և ոչ թիրախային ծախսեր չի անում։ Հայաստանի ֆինանսական համակարգի նկատմամբ վստահությունը բարձրացրել է նաև ստվերային տնտեսության կրճատման շնորհիվ հարկահավաքման 25 տոկոս աճը։ Այսինքն ներդրողները ռիսկեր չեն տեսնում բյուջեի հետ, պարզաբանեց փոխնախարարը։

Երկրորդ դրական գործոնը դարձել է Moody"s–ի վարկանիշի բարելավումը։

Լավ կատարված «տնային առաջադրանքի» հետ միասին, Հայաստանի կառավարությունը կարողացել է ընտրել շուկայում ամենանպաստավոր պահը պարտատոմսերը թողարկելու համար։

«Առաջին հերթին, այդ ժամանակ շուկայում շատ թողարկողներ չկային, և ձեռնտու էր պահանջարկ–առաջարկ հավասարակշռությունը։ Երկրորդ, ԱՄՆ–ի դաշնային պաշարները նվազեցրել են առանցքային տոկոսադրույքը, ուստի նվազել են նաև շուկայի այլ պարտատոմսերի տոկոսադրույքները»,–ասաց Հայրապետյանը։

Եթե Հայաստանը կարող է ֆինանսական շուկաներում գումարներ ստանալ համեմատաբար ցածր տոկոսադրույքով, դա նշանակում է, որ հիմա նա ավելի քիչ է կախված միջազգային վարկերից։

Նախկինում, երբ Հայաստանը եկամտի ցածր մակարդակով երկիր էր` օգտվում էր արտոնյալ վարկերից (Արժույթի միջազգային հիմնադրամ, Համաշխարհային բանկ, Ասիական զարգացման բանկ և այլն)։ Հիմա, երբ հանրապետությունն անցել է եկամտի միջին մակարդակով երկրների շարքը, նրա համար բարձրացել են նաև ապագա վարկերի տոկոսները։

«Բայց հիմա մենք ընտրություն ենք ունենալու։ Եթե միջազգային բանկերը մեզ առաջարկեն չափազանց բարձր տոկոսներ, ապա մենք կարող ենք դուրս գալ լայն շուկա, այսինքն թողարկել պարտատոմսեր»,– հայտարարեց փոխնախարարը։

Հիշեցնենք, որ 2013թ–ին Հայաստանը թողարկել է արտարժույթով առաջին պետական պարտատոմսերը` 700 միլիոն դոլարի չափով, 6,25 տոկոս եկամտաբերությամբ, 7 տարի մարման ժամկետով։ 2015թ–ին հետևել է երկրորդ թողարկումը` 7,5 տոկոս եկամտաբերությամբ, 10 տարի ժամկետով։ Վերջապես, երրորդ թողարկումը կազմել է 500 միլիոն դոլար` 10 տարի մարման ժամկետով, 4,2 տոկոս եկամտաբերությամբ։ Պարտատոսմերը շրջանառվում են Դուբլինի Euronext ֆոնդային բորսայում։

195
թեգերը:
Արմեն Հայրապետյան, եվրապարտատոմս, ՀՀ արտաքին պարտք, պետական պարտք, պարտք, Հայաստան
Ըստ թեմայի
Հայաստանի թղթադրամները հայտնվել են լավագույն հնգյակում
«Տարօրինակ տնտեսություն». ի՞նչն է մտահոգել Արթուր Ջավադյանին
Գնաճի և խնայողությունների տիրույթում. ի՞նչ արժույթով է վարչապետը պահում խնայողությունները
Եվրասիական զարգացման բանկը Հայաստանում մոտ 240 մլն դոլարի նախագիծ է նախապատրաստում
Арман Татоян

Ադրբեջանն արհեստական ձգձգում է գերիների փոխանակումը. ՄԻՊ–ը դիմել է միջազգային հանրությանը

1
Արման Թաթոյանը կարծում է, որ ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

ԵՐԵՎԱՆ, 27 նոյեմբերի – Sputnik. ՀՀ մարդու իրավունքների պաշտպան Արման Թաթոյանը հրատապ դիմել է միջազգային հանրությանը` հայտնելով, որ Ադրբեջանն արհեստական ձգձգում է գերիների ու դիերի փոխանակման գործընթացը և շարունակում դաժան վերաբերմունքը։

«Դիմում եմ միջազգային հանրությանը և հատկապես մարդու իրավունքների պաշտպանության մանդատ ունեցող արտերկրյա կառույցներին. անհրաժեշտ է առավելագույն հնարավորություններով ու իրական քայլերով հրատապ լուծել այս խնդիրը՝ պատերազմական ամենածանր հանցագործություններից ու անմարդկային, դաժան գերությունից մարդկանց ազատելու նպատակով»,–նշված է հաղորդագրության մեջ։

ՄԻՊ–ն ասում է` ադրբեջանական իշխանությունները որպես պատճառաբանություն մի կողմից նշում են, թե գերիների փոխանակումն իրականացվելու է դիերի փոխանակման գործընթացի ավարտից հետո, մյուս կողմից, ինքնին դիերի փոխանակման գործընթացը ձգձգվում է առանց պատճառաբանության։ Այս ամենով Ադրբեջանը կոպտորեն ոտնահարում է Ժնևյան կոնվենցիաներով երաշխավորված հիմնարար պահանջները։

Ըստ Թաթոյանի` ակնհայտ է, որ Ադրբեջանն այս ամենով նպատակ ունի դիտավորությամբ հայ հասարակությունում ստեղծել անորոշության ու լարվածության մթնոլորտ, հոգեկան տառապանքներ պատճառել մահացած զինծառայողների ու գերիների ընտանիքների անդամներին:
Լրատվամիջոցների ու հատկապես սոցիալական մեդիայի ադրբեջանական աղբյուրներից անընդհատ հրապարակվում են տեսանյութեր ու լուսանկարներ, թե ինչպես է ադրբեջանական ԶՈւ–ն անարգում հայկական կողմի զինծառայողների դիերը, խոշտանգում ու նվաստացնում գերեվարված զինծառայողներին ու քաղաքացիական անձանց։ Թաթոյանը կարծում է, որ պատերազմական գործողությունների ողջ ընթացքում ակնհայտ էր, որ ադրբեջանական իշխանությունները խրախուսում են այս դաժանություններն ու նվաստացումները՝ նպատակ ունենալով Ադրբեջանում բորբոքել էթնիկ հայերի նկատմամբ ատելություն ու թշնամանք, հերոսացնել դրանք կատարողներին:

ՄԻՊ–ի խոսքով` ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

Հիշեցնենք, որ այս օրերին անհետ կորած զինծառայողների ծնողները բողոքի ակցիաներ են անում կառավարության առջև` պահանջելով, որ իրենց զավակներից որևէ լուր տան, գերիների փոխանացման գործընթաց սկսեն։

1
թեգերը:
Արման Թաթոյան, Ադրբեջան, գերի, Մարդու Իրավունքների Եվրոպական դատարան (ՄԻԵԴ)
թեմա:
Իրադրությունը Հայաստանում և Արցախում հայտարարության ստորագրումից հետո
Հայկ Մամիջանյան

Հայկ Մամիջանյանին մեղադրանք է առաջադրվել

19
(Թարմացված է 12:15 27.11.2020)
ՀՀԿ երիտասարդական կազմակերպության նախագահը մեղադրվում է օրենքով սահմանված կարգի խախտմամբ հավաք կազմակերպելու և անցկացնելու համար։

ԵՐԵՎԱՆ, 27 նոյեմբերի – Sputnik. ՀՀԿ երիտասարդական կազմակերպության նախագահ Հայկ Մամիջանյանին մեղադրանք է առաջադրվել ՀՀ քրեական օրենսգրքի 225.1 (Օրենքով սահմանված կարգի խախտմամբ հավաք կազմակերպելը և անցկացնելը) հոդվածի հատկանիշներով։
Այդ առնչությամբ Մամիջանյանը Facebook-ի իր էջում գրառում է կատարել։

Հայկ Մամիջանյանին ձերբակալեցին նոյեմբերի 20–ին, իսկ հաջորդ օրը բաց թողեցին, քանի որ դատարանը ձերբակալությունը ճանաչվեց ոչ իրավաչափ:

«Քիչ առաջ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնի քննիչներից մեկի կողմից ներգրավվեցի որպես մեղադրյալ (կարգավիճակս կասկածյալից դարձավ մեղադրալ)»,–գրել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Ինչ տվեց Արցախի վերաբերյալ եռակողմ հայտարարությունը․ քարտեզ

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նոյեմբերի 11–ից սկսած հայաստանյան 16 ընդդիմադիր կուսակցություն հանրահավաքներ են կազմակերպում` իրենց անհամաձայնությունը հայտնելով եռակողմ հայտարարությանն ու պահանջելով ՀՀ վարչապետի հրաժարականը։ 

Նույն այդ պահանջով հացադուլ են հայտարարել ՀՅԴ ԳՄ անդամ Գեղամ Մանուկյանն ու ՀՅԴ–ական Գարիկ Ավետիսյանը։ Նրանց են միացել ՍԴ նախկին անդամ Կիմ Բալայանը և 2008 թվականին զոհված Անդրանիկ Կիրակոսյանի մայրը՝ Անահիտ Կիրակոսյանը։

19
թեգերը:
Եռակողմ հայտարարություն, Մեղադրանք, Հայկ Մամիջանյան
Ըստ թեմայի
Արթուր Վանեցյանին մեղադրանք կառաջադրվի. նա ՀՔԾ–ում է
«Չեմ ընդունել, ցուցմունք չեմ տվել». Բաբայանին ու Մանուկյանին ՀՔԾ–ն մեղադրանք է առաջադրել
Միհրան Հակոբյանին մեղադրանք է առաջադրվել, որը նա չի ընդունում