Նիկոլայ Ռիժկով

«Մենք միշտ հիշում ենք ձեր սխրանքը». Սարգսյանն ու Փաշինյանը շնորհավորել են Ռիժկովին

128
(Թարմացված է 18:49 28.09.2019)
Հայաստանի Հանրապետության նախագահն ու վարչապետն իրենց շնորհավորական ուղերձներում հատուկ շեշտել են Ռիժկովի անգնահատելի օգնությունը հայ ժողովրդին։

ԵՐԵՎԱՆ, 28 սեպտեմբերի – Sputnik. ՀՀ նախագահ Արմեն Սարգսյանը 90-ամյա հոբելյանի առթիվ շնորհավորական ուղերձ է հղել ռուս անվանի պետական գործիչ, Հայաստանի Ազգային հերոս Նիկոլայ Ռիժկովին։ Այս մասին հայտնում է ՀՀ նախագահի մամուլի ծառայությունը։

«Հայաստանի, ողջ հայ ժողովրդի համար դուք անկեղծ և հուսալի բարեկամ եք, որը մեզ հետ է թե՛ ուրախության, թե՛ դժվար փորձությունների պահին: Մենք միշտ հիշում ենք Ձեր սխրանքը՝ 1988թ. Սպիտակի ավերիչ երկրաշարժի առաջին շաբաթներին և ամիսներին, երբ դուք գտնվում էիք աղետից տուժած շրջաններում և գիշերուզօր ղեկավարում էիք փրկարարական ու վերականգնողական աշխատանքները: Ձեր անկեղծ սրտացավությամբ, ջերմությամբ ու նրբազգացությամբ Դուք արժանացել եք համընդհանուր սիրո ու երախտագիտության: Հայաստանի Ազգային հերոսի բարձրագույն կոչումի շնորհումը Ձեր կատարած աշխատանքի արժանի գնահատականն էր: Վերջին տարիներին նույնպես դուք եղել և մնում եք Հայաստանի կողքին»:

Նախագահը Նիկոլայ Ռիժկովին մաղթել է քաջառողջություն, եռանդ և հաջողություններ իր պետական գործունեության մեջ:

Վարչապետ Նիկոլ Փաշինյանն էլ ուղերձում նշել է, որ Ռիժկովն իր ստեղծագործական աշխատանքով և նվիրվածությամբ իրավամբ համաժողովրդական հարգանք և ճանաչում եք վաստակել եղբայրական Ռուսաստանում:

«Հայաստանում ձեզ ճանաչում և սիրում են ոչ միայն որպես ականավոր քաղաքական գործչի, այլև որպես հայ ժողովրդի իսկական ընկերոջ, որը մեզ անգնահատելի օգնություն է ցուցաբերել Սպիտակի ավերիչ երկրաշարժից հետո: Եվ պատահական չէ, որ աշխատանքի կազմակերպման գործում ունեցած անձնական մեծ ներդրման և դժվարին ժամանակներում հայ ժողովրդին բացառիկ բարոյական աջակցություն ցուցաբերելու համար դուք իրավամբ արժանացել եք «Հայաստանի ազգային հերոսի» բարձրագույն կոչմանը»,– նշել է վարչապետը:

Փաշինյանը նշել է, որ Ռիժկովը միշտ ցանկալի հյուր է Հայաստանում:

Նիկոլայ Ռիժկովը Հայաստանի ազգային հերոսի կոչում է ստացել 1988 թվականին Հայաստանում տեղի ունեցած աղետալի երկրաշարժից հետո կատարված վերականգնողական աշխատանքների կազմակերպման գործում ներդրած ավանդի համար: Կոչումը շնորհվել է 2008 թվականին։ Գյումրիում տեղադրված է Ռիժկովի հուշատախտակը՝ դիմաքանդակով, Սպիտակում՝ կիսանդրին։ 1988-ի դեկտեմբերի 7-ին նշանակվել է Սպիտակի երկրաշարժի հետևանքների վերացման աշխատանքները ԽՍՀՄ մասշտաբով համադրելու և տուժածներին օգնություն ցույց տալու համար ստեղծված ԽՄԿԿ ԿԿ քաղբյուրոյի հանձնաժողովի նախագահ։ Եղել է աղետից տուժած վայրերում, հսկայական կազմակերպչական աշխատանք կատարել բնակչությանն անհետաձգելի օգնություն ցույց տալու, ավերված քաղաքներն ու գյուղերը վերականգնելու ուղղությամբ։

128
թեգերը:
Նիկոլայ Ռիժկով, շնորհավորանք, Նիկոլ Փաշինյան, Արմեն Սարգսյան, Հայաստան
Ըստ թեմայի
Made in USSR կամ ինչպես ապամոնտաժվեց Խորհրդային Միությունը
Հերոսների ժամանակը կամ Ռիժկովն ու Ազնավուրը երթուղայինում չեն վճարում
Сотрудники медцентра Арташат в коридорах

Վիրավոր զինծառայողներից մեկի վիճակը ծանր է. ՊՆ

40
(Թարմացված է 11:24 15.07.2020)
Հայ-ադրբեջանական պետական սահմանագոտու հյուսիսարևելյան հատվածում ծավալված գործողությունների ընթացքում տարբեր աստիճանի վիրավորումներ ստացած տասը զինծառայող այժմ բուժում է ստանում։

ԵՐԵՎԱՆ, 15 հուլիսի – Sputnik. Հայ-ադրբեջանական պետական սահմանագոտու հյուսիսարևելյան հատվածում ծավալված գործողությունների ընթացքում տարբեր աստիճանի վիրավորումներ ստացած զինծառայողներից մեկի վիճակը ծայրահեղ ծանր է։ Տեղեկությունը Facebook-ի իր էջում հայտնում է ՀՀ ՊՆ մամուլի խոսնակ Շուշան Ստեփանյանը։

Նրա խոսքով, ընդհանուր այս պահին բուժում է ստանում տասը զինծառայող։

«Հինգ զինծառայողի վիճակը գնահատվում է միջին ծանրության` դրական դինամիկայով։ Մյուսներն առաջիկա մեկ շաբաթվա ընթացքում կվերադառնան շարք»,–գրել է նա և առողջություն և շուտափույթ մաղթել ապաքինում տղաներին։

40
թեգերը:
Սահման, Տավուշ, ՀՀ Պաշտպանության նախարարություն (ՊՆ), Շուշան Ստեփանյան, հիվանդանոց, Վիրավոր, զինծառայող, Հայաստան
Հիվանդասենյակ, արխիվային լուսանկար

Կորոնավիրուսով վարակվածներից ևս 16–ը մահացել են. ամենաերիտասարդը 53-ամյա տղամարդ է

64
(Թարմացված է 11:19 15.07.2020)
Վերջին մեկ օրում արձանագրվել է մահվան 5 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով:

ԵՐԵՎԱՆ, 15 հուլիսի — Sputnik. ՀՀ առողջապահության նախարարությունը տեղեկացնում է, որ Հայաստանում վերջին մեկ օրում կորոնավիրուսի հետևանքով մահվան 11 դեպք է գրանցվել։

«Պացիենտները եղել են 82 (կին), 63 (կին), 90 (տղամարդ), 77 (կին), 75 (կին), 53 (տղամարդ), 88 (կին), 84 (տղամարդ), 62 (կին), 84 (տղամարդ) և 88 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ»,– նշված է հաղորդագրության մեջ։

Նախորդ օրն արձանագրվել է մահվան 5 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: 

Այս պահին փաստացի բուժում է ստանում 10 996(֊120) մարդ, կատարվել է  139 220 (+2,418)թեստավորում, առողջացել են վարակվածներից 21 348 (+619)–ը ։ Գրանցվել է մահվան 592 (+11) դեպք։ Այլ պատճառներով մահվան դեպքերի ընդհանուր թիվը 189 (+5) է։

Վերջին մեկ օրում Հայաստանում կորոնավիրուսով վարակվածների թիվն ավելացել է 515–ով և հասել 33 005-ի:

64
թեգերը:
Մահ, Կին, տղամարդ, կորոնավիրուս, ՀՀ Առողջապահության նախարարություն, հիվանդանոց, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
«Դեղերն արդեն կիրառում ենք, իսկ պատվաստանյութ գնելու համար քայլեր կսկսենք անել». Թորոսյան
Կորոնավիրուսը նոր թափ է հավաքում. ԱՀԿ–ն հետաքրքրվել է Сovid-19–ի ռուսական պատվաստանյութով
Ելքը գտնվե՞լ է․ COVID-19-ի դեմ ռուսական պատվաստանյութը նպաստում է իմունիտետի ձևավորմանը