Հայփոստ

«Հայփոստը» չի մասնավորեցվի. կառավարությունում նշեցին պատճառը

310
(Թարմացված է 20:15 27.09.2019)
Փոստային ծառայությունը շատ կարևոր է հեռավոր գյուղերում պետական ծառայությունների մատուցման համար, այդ իսկ պատճառով` այն, ինչպես էլեկտրաէներգիայի արտաքին առևտրի օպերատորը, չի սեփականաշնորհվի։

ԵՐԵՎԱՆ, 27 սեպտեմբերի - Sputnik.  ՀՀ կառավարությունը հրաժարվել է Հայաստանի փոստի ազգային օպերատոր «Հայփոստի» սեփականաշնորհումից։ Այս մասին ԱԺ–ում հայտարարեց ՀՀ Պետական գույքի կառավարման կոմիտեի ղեկավար Նարեկ Բաբայանը։

«Հայփոստ» ազգային օպերատորը շատ կարևոր է նախևառաջ հանրապետության գյուղերի համար, որտեղ նա հաճախ հանդես է գալիս որպես պետական ծառայությունների միակ մատակարար, ավելացրեց Բաբայանը։

«Չէ՞ որ փոստի ազգային օպերատորը զբաղվում է ոչ միայն թղթային փոստով և ծանրոցներով։ Փոստում, օրինակ, կենսաթոշակներն են տալիս։ Իսկ ապագայում մենք մտադիր ենք ընդլայնել նաև փոստի միջոցով տրամադրվելիք պետական ծառայությունների ցանկը։  Այսպիսով, փոստային բաժինները կդառնան պետական ծառայությունների կենտրոններից մեկը», – նկատեց Բաբայանը։

Այդպիսով` փոստային ծառայության աշխատանքը, նույնիսկ կորուստներով աշխատելու դեպքում, պետք է ապահովվի պետության կողմից, կարծում են Կոմիտեում։

Մասնավորեցման ծրագրից հանվել է նաև «Էներգոիմպեքս» ընկերությունը։ Իրավական դաշտում առկա փոփոխությունների համաձայն, պետական այս ընկերությունը կմնա միակ սուբյեկտը, որն իրավունք ունի  էլեկտրաէներգիա  արտահանել և ներմուծել։ «Հայաստանի բարձրավոլտ էլեկտրացանցերը», նախկինի նման, ապահովելու են հարևանների հետ Հայաստանի էներգահամակարգի տեխնիկական կապը, սակայն հարցի կոմերցիոն մասով (այսինքն` պայմանագրեր Վրաստանի և Իրանի հետ) արդեն չեն զբաղվի։

Այս պայմաններում թրեյդեր ընկերությունը էլեկտրաէներգիայի արտաքին առևտրով զբաղվելու համար պետք է մնա պետության վերահսկողության տակ նույնիսկ այն դեպքում, երբ դա ձեռնտու չէ կոմերցիոն առումով, սակայն անհրաժեշտ է պետության շահերից ելնելով։

Հիշեցնենք, որ և՛ ազգային փոստը, և՛ «Էներգոիմպեքսը» մասնավորեցնել առաջարկում էր երկրի նախկին իշխանությունը։

310
թեգերը:
թոշակառու, Թոշակ, Մարզ, Գյուղ, ՀՀ կառավարություն, ՀայՓոստ
Ըստ թեմայի
Նոր նամականիշը կխորհրդանշի վերածնվող Սպիտակը. լուսանկարներ
«Հայփոստն» ու «Էներգաիմպեքսը» կմնան պետական. կառավարությունը դրանք չի մասնավորեցնի
Թոշակառուները բողոքում են, որ իրենցից գումար են պահում. Բաթոյանը դիմել է «Հայփոստի» ղեկավարին
Настоятель монастыря в Дадиванке отец Ованнес

Օրվա կադր. հոգևոր առաջնորդը խաչին զուգահեռ զենք է վերցրել ձեռքը

14
(Թարմացված է 14:08 27.09.2020)
Դադիվանք վանական համալիրի հոգևորական տեր Հովհաննես քահանա Հովհաննիսյանը հետաքրքիր գրառում է կատարել։

Շուշիի Դադիվանք վանական համալիրի հոգևորական տեր Հովհաննես քահանա Հովհաննիսյանը Facebook սոցցանցի իր էջում լուսանկար է հրապարակել` աջ ձեռքին զենք, ձախին` խաչ։

«Աջս՝ իմ ժողովրդին, ձախս՝ շուն թուրքերին»,–լուսանկարին կից գրել է նա։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Արցախի թեմի առաջնորդ տեր Պարգև արքեպիսկոպոս Մարտիրոսյանն ուղերձով դիմել է հայ ժողովրդին։ Նա ասել էր` այս անգամ ևս պետք է ապացուցենք, որ մեր միասնականությունն անպարտելի ուժ է։

14
թեմա:
Ադրբեջանական ագրեսիա Արցախում. 2020
Զարուհի Բաթոյան

Արցախի բնակիչներին ապաստարան տալու անհրաժեշտություն այս պահին չկա. Բաթոյան

9
(Թարմացված է 14:06 27.09.2020)
Նախարարը նշել է, որ նման կարիքի դեպքում պետական մարմիններն ունեն ռեսուրսներ և հստակ պլան: Անհրաժեշտության դեպքում կդիմեն օգնության

ԵՐԵՎԱՆ, 27 սեպտեմբերի– Sputnnik. ՀՀ աշխատանքի և սոցիալական հարցերի նախարար Զարուհի Բաթոյանը հայտարարություն է տարածել, որում նշել է, որ Արցախի բնակիչներին ապաստարան տալու կամ երեխաների, կանանց, տարեցների համար խնամք կազմակերպելու անհրաժեշտություն չկա այս պահին:

«Նման կարիքի դեպքում պետական մարմիններն ունեն ռեսուրսներ և հստակ պլան: Անհրաժեշտության դեպքում կդիմենք օգնության»,–գրել է նա:

Նա նշել է, որ մինչդեռ բարի ցանկությունների մասին հայտարարությունները կարող են այլ ազդեցություն թողնել: «Որևէ կասկած չկա կամավորների անշահախնդիր աջակցության մասով, բայց կրկնում եմ՝ դրա կարիքը չկա»,–գրել է նա և շնորհակալություն հայտնել բոլորին բարի ցանկությունների համար։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

9
թեգերը:
Հայաստան, Զարուհի Բաթոյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի
Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը
Արցախի պաշտպանության բանակն առաջնագծից տեսանյութ է հրապարակել
Официальный представитель Министерства иностранных дел России Мария Захарова во время брифинга.

Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա

0
(Թարմացված է 14:09 27.09.2020)
Ռուաստանի և Հայաստանի արտգործնախարարները Ղարաբաղյան հակամարտության գոտում տիրող իրավիճակ թեման քննարկել են հեռախոսով։

ԵՐԵՎԱՆ, 27 սեպտեմբերի– Sputnik. Ռուսաստանի արտգործնախարար Սերգեյ Լավրովը ինտենսիվ շփումներ է վարում, որպեսզի կողմերը դադարեցնեն կրակը և իրավիճակը կայունացնելու համար բանակցություններ սկսեն։ ՌԻԱ Նովոստիի փոխանցմամբ` տեղեկությունը հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Լավրովը հեռախոսազրույց է ունեցել Հայաստանի արտգործնախարար Զոհրաբ Մնացականյանի հետ, քննարկվել է Ղարաբաղյան հակամարտության գոտում տիրող իրավիճակը:

0