Կոռուպցիա

Մեր պայքարը ձեր թալանին վնաս չէ. կոռուպցիայի դեմ 18-ամյա պայքարի նոր սկիզբը

241
(Թարմացված է 00:03 25.09.2019)
Նոր Հայաստանի նոր իշխանությունը կոռուպցիայի դեմ պայքարի մեկնարկ է ազդարարում։ Ռազմավարությունը պատրաստ է, հոկտեմբերին էլ կստեղծվի հանձնաժողովը։

ԵՐԵՎԱՆ, 24 սեպտեմբերի — Sputnik, Նելլի Դանիելյան. Հայաստանը տարիներ շարունակ պայքարել է կոռուպցիայի դեմ, բայց կոռուպցիայի կանխարգելման մարմին չի ունեցել։ Sputnik Արմենիայի հետ զրույցում այս մասին ասաց փաստաբան, հակակոռուպցիոն փորձագետ Մարատ Ատովմյանը` անդրադառնալով ՀՀ արդարադատության նախարար Ռուստամ Բադասյանի այսօրվա հայտարարությանը, ըստ որի` հոկտեմբերին Հայաստանում կոռուպցիայի կանխարգելման հանձնաժողով կձևավորվի։

Նոր հանձնաժողովը հիմնականում զբաղվելու է պաշտոնատար անձանց գույքի ու եկամուտների հայտարարագրերի վերլուծությամբ։ Նշենք, որ մինչ իշխանափոխությունն այդ իրավասությամբ զբաղվում էր Բարձրաստիճան պաշտոնատար անձանց էթիկայի հանձնաժողովը։ Իսկ հակակոռուպցիոն առաջին հանձնաժողովը մեր երկրում ստեղծվել էր 2001թ–ին, երբ Հայաստանում առաջին անգամ պետական մակարդակով խոսվեց կոռուպցիայի մասին ու պաշտոնական փաստաթղթերում հայտնվեց «կոռուպցիա» եզրույթը։ 18 տարվա պայքարից հետո ՀՀ նոր իշխանությունը, փաստորեն, ստեղծում է այդ նպատակին ծառայող հերթական կառույցը։

«Խնդիրն այն է, որ մենք կոռուպցիայի կանխարգելման մարմին չենք ունեցել։ Մենք ունեցել ենք հիմնականում իրավապահ մարմիններ, որոնք ունեցել են նաև կոռուպցիայի դեմ պայքարի գործառույթ, այսինքն` կոռուպցիոն հանցագործությունների քննություն են իրականացրել, և ունեցել ենք Բարձրաստիճան պաշտոնատար անձանց էթիկայի հանձնաժողով, որը նաև հայտարարագրերի վերլուծությամբ էր զբաղվում»,– ասաց Ատովմյանը։

Նրա խոսքով` նոր կառույցը կոռուպցիոն հանցագործությունների քննությամբ չի զբաղվելու, այլ հիմնականում իրականացնելու է կանխարգելիչ, ուսուցողական գործառույթներ, ինչպես նաև վերլուծելու է պաշտոնատար անձանց գույքի ու եկամուտների հայտարարագրերի տվյալները։

Թե ովքեր կընդգրկվեն նոր կառույցում ու ով կղեկավարի այն, առայժմ հայտնի չէ։ Նախատեսվում է, որ հանձնաժողովը պետք է անկախ լինի իշխանական բոլոր կառույցներից։ Բայց Ատովմյանի դիտարկմամբ` միայն դրա աշխատանքի արդյունքում հնարավոր կլինի եզրակացնել, թե որքանով է այն իսկապես անկախ ու պրոֆեսիոնալ։

Նշենք, որ մինչ այս որպես անկախ հակակոռուպցիոն մարմին 2012թ–ից Հայաստանում գործում էր Բարձրաստիճան պաշտոնատար անձանց էթիկայի հանձնաժողովը, որը ևս կոչված էր հավաքագրելու, հանրայնացնելու ու վերլուծելու պաշտոնյաների ներկայացրած հայտարարագրերը, իսկ էթիկական խախտումների դեպքում նաև վարույթներ հարուցելու նրանց նկատմամբ։

Հայաստանում հակակոռուպցիոն առաջին մարմինը 18 տարի առաջ ստեղծվել էր կոռուպցիայի դեմ պայքարի պետությունների հատուկ խմբին` GRECO-ին անդամակցելու շրջանակում։ Կառավարությանը կից հանձնաժողովն այդ տարիներին կոչված էր համակարգելու հակակոռուպցիոն ծրագրերի հետ կապված աշխատանքները։

Գործառույթների որոշակի փոփոխություններով, տվյալ պահի գործադիր իշխանության անդամների մասնակցությամբ ու վարչապետի գլխավորությամբ հակակոռուպցիոն ռազմավարության խորհուրդը կառավարությունում այսօր էլ գործում է, բայց արդեն «Հակակոռուպցիոն քաղաքականության խորհուրդ» նոր անվանումով։

Հակակոռուպցիոն տարբեր կառույցներին զուգահեռ կոռուպցիայի դեմ պայքարի անցած 18 տարիների ընթացքում Հայաստանում նաև 4 ռազմավարական փաստաթղթեր են մշակվել (2003-2007թթ, 2009-2012թթ, 2015-2018թթ., 2019-2022թթ.)։

Մարատ Ատովմյանը դժվարացավ հստակ գնահատական տալ, թե այդ փաստաթղթերում արձանագրված քայլերից որոնք են կատարվել և ինչ մակարդակով։

«Դժվար է գնահատական տալ, թե որքանով են դրանք իրականացվել և, եթե ամբողջությամբ չեն իրականացվել, ապա որ մասով չեն իրականացվել, ինչու և այլն։ Դա հատուկ ուսումնասիրություն, մոնիթորինգ ու վերլուծություն է պահանջում։ Բայց օրինակի համար ասեմ, որ վերջին` 2015-18թթ ծրագիրը 4 ոլորտների վրա էր կենտրոնացած` առողջապահություն, կրթություն, հարկերի հավաքագրում և ոստիկանության գործունեությունը` քաղաքացիներին մատուցվող ծառայությունների մասով։ Այս 4 ոլորտների հետ կապված 4 ռազմավարական առանձին ծրագրեր մշակվեցին կառավարության կողմից։ Իմ գնահատմամբ` այս 4 ծրագրերի ամենևին էլ ոչ բոլոր կետերն են իրականացվել»,– ասաց նա։

Ինչ վերաբերում է նոր ռազմավարությանը, դրա ճակատագիրը ևս, փորձագետի համոզմամբ, մեծապես կախված է ՀՀ նոր իշխանության կամքից։

«Թե որքանով է իրականացվել այս կամ այն հակակոռուպցիոն ծրագիրը մեզանում, բաց հարց է։ Եվ հուսով եմ, որ կստեղծվի ավելի արդյունավետ մեխանիզմ, որպեսզի, երբ ավարտվի 4-րդ ռազմավարության իրականացումը, մենք հստակ պատկեր ունենանք»,– ասաց փորձագետը։

Այդուհանդերձ, որքան էլ ռազմավարությունն անթերի լինի, միայն դրանով կոռուպցիան Հայաստանում չի հաղթահարվի։ Դրան զուգահեռ Մարատ Ատովմյանը կարևորում է նաև այլ որոտներում բարեփոխումների իրականացման անհրաժեշտությունը։

Մինչ Հայաստանում փորձում են գնահատել նախկինում արվածն ու չարվածը և նոր ուղենիշներ դնել, Կոռուպցիայի դեմ պայքարի պետությունների խումբը (GRECO) արդեն հաշվել է. Հայաստանին տրված 24 հանձնարարականից կատարվել են միայն 7-ը։ 14-ը կատարվել են մասամբ, 3-ն ընդհանրապես չեն կատարվել։

Այս գնահատականները Հայաստանին տրվել էին GRECO-ի` հունիսին հրապարակված զեկույցում։ 2018 թվականի համար տրված հանձնարարականները վերաբերում էին պատգամավորներին, դատավորներին ու դատախազներին։ Պատգամավորների մասով տրված 7 հանձնարարականներից միայն 1-ն է լիարժեք կատարվել է։ 5-ը չեն կատարվել, 1-ը կատարվել է մասամբ։Դատավորների պարագայում 10 հանձնարարականից լիովին կատարվել են 3-ը, 6-ը՝ մասամբ, 1–ը չի կատարվել։Դատախազների վերաբերյալ 7 հանձնարարականներից 3-ը կատարվել են լիարժեք, 3-ը`մասամբ, 1-ը չի կատարվել։

241
թեգերը:
կոռուպցիա, Հայաստան
Ըստ թեմայի
ԱԱԾ–ն բացահայտել ու խափանել է կոռուպցիոն սխեման
Կոռուպցիա ասելով նկատի չունենք միայն նախկինը. Փաշինյանն ասել է` ինչպես պայքարել դրա դեմ
Պաշտոնական կայքերի սպասարկման հարցում կան կոռուպցիոն ռիսկեր. Արամ Զաքարյան
Բուժհաստատություն

Երևանի քաղաքապետարանի ենթակայության բոլոր պոլիկլինիկաներում սահմանվել է հերթապահություն

12
(Թարմացված է 09:17 29.05.2020)
Երեք պոլիկլինիկաներում և «Գրիգոր Նարեկացի» բուժկենտրոնում իրականացվելու է ռենտգեն հետազոտություն։

ԵՐԵՎԱՆ, 29 մայիսի – Sputnik. Երևանի քաղաքապետարանի առողջապահության վարչությունը տեղեկացնում է, որ առաջիկա ոչ աշխատանքային 3 օրերին (մայիսի 29, 30, 31) Երևանի քաղաքապետարանի ենթակայության բոլոր պոլիկլինիկաներում սահմանվել է հերթապահություն ժամը 10:00-ից մինչև 15:00-ն:

«Թիվ 8, թիվ 1, թիվ 17 պոլիկլինիկաներում և «Գրիգոր Նարեկացի» ԲԿ-ում իրականացվելու է ռենտգեն հետազոտություն»,– նշված է հաղորդագրության մեջ։

Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան

Խնդիրների դեպքում պետք է դիմել տարածքային պոլիկլինիկա, անհրաժեշտության դեպքում քաղաքացին կուղեգրվի ռենտգեն հետազոտության։

«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն

12
թեգերը:
պոլիկլինիկա, Երևան, Հայաստան
Ըստ թեմայի
Հունիսի վերջին կորոնավիրուսով վարակվածների թիվը կես միլիոնի չի հասնի. Արսեն Թորոսյան
ՀՀ առողջապահության նախարարությունը կորոնավիրուսի ախտորոշման համար 2000 նոր սարք կգնի
Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա
Ալֆրեդ Տեր–Մկրտչյանն Օլիմպիական խաղերում

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

17
(Թարմացված է 09:04 29.05.2020)
Անվանի ըմբշամարտիկ, աշխարհի ու Եվրոպայի չեմպիոն, ԽՍՀՄ-ի և Գերմանիայի դրոշների ներքո հանդես եկած Ալֆրեդ Տեր-Մկրտչյանը Sputnik Արմենիայի հետ զրուցում պատմել է ամենահիշվող մրցաշարի, օլիմպիական խաղերի եզրափակիչում ձախողման պատճառի մասին, հիշել զավեշտալի մի դեպք։

Խաչիկ Չախոյան, Sputnik Արմենիա

90-ականների սկզբին հունահռոմեական ոճի ըմբշամարտիկ Ալֆրեդ Տեր-Մկրտչյանը համաշխարհային մակարդակի յուրաքանչյուր մրցաշարում հաղթողի հիմնական հավակնորդներից մեկն էր: Իսկ 1992 թվականի օլիմպիական եզրափակիչը կարող էր լրիվ այլ ազդեցություն ունենալ հետագայում բազմաթիվ տիտղոսներ նվաճած ըմբշամարտիկի համար:

Չմոռացվող գոտեմարտը

1992 թվականի Բարսելոնայի օլիմպիական խաղերում Ալֆրեդ Տեր-Մկրտչյանը շատ մոտ էր բաղձալի երազանքին՝ օլիմպիական ոսկե մեդալին: Եզրափակչում նորվեգացի Յոն Ռյոնիգենի հետ մրցելիս` հայ ըմբիշը որոշեց չգրոհել, ռիսկի չդիմել և վերջին վայրկյանին բաց թողեց մրցակցի գրոհն ու պարտվեց։

Выступающий за Германию борец Альфред Тер-Мкртчян (в красном) и кореец Квон-Хо Сим во время греко-римской борьбы (54кг) на Олимпийских играх (25 сентября 2000). Сидней
© AFP 2020 / KIM JAE-HWAN
Ալֆրեդ Տեր–Մկրտչյանը Եվրոպայի առաջնությունում

«Ոչ մի ըմբիշի չեմ ցանկանա` այնպիսի զգացումներ ունենա, ինչպիսին ես ունեցա եզրափակիչ գոտեմարտից հետո: Համոզված եմ, որ նման զգացում ունեցել է լեգենդար ըմբիշ Ալեքսանդր Կարելինը, որը պարտվել է Սիդնեյի օլիմպիական խաղերի եզրափակչում»,- ասում է Ալֆրեդը:

Ճիշտ է, դա Կարելինի 4–րդ ոսկե մեդալը կլիներ օլիմպիադաներում, բայց մարզիկը կարծում է, որ այդ պարտությունը ևս մեծ ցավ պատճառել նրան։

Սթրես, վթարներ ու վերադարձ

Օլիմպիադայի եզրափակիչում ցավալի պարտությունը շատ ծանր հետևանքներ ունեցավ Ալֆրեդ Տեր- Մկրտչյանի համար։ «Որոշել էի ավարտել մարզական կարիերաս: Գոտեմարտի վերջին վայրկյանը միշտ աչքիս առաջ էր: Երկու անգամ, մտքերով տարված, լուրջ ավտովթարի ենթարկվեցի: Կարելի է ասել, որ խաչ էի քաշել ըմբշամարտի վրա»,–պատմում է Ալֆրեդը:

Բայց Գերմանիայում ապրող նրա ծանոթները առաջարկում են մասնակցել տեղի ակումբային մրցաշարերին: Ու երբ մեկնում է Գերմանիա, նոր միջավայրը տրամադրում է կրկին մարզվելու, գորգը կրկին ձգում է, և նա վերադառնում է սիրած մարզաձևին։

Որոշիչ խորհուրդներ

Իր մարզական կարիերայում Ալֆրեդ Տեր-Մկրտչյանը մարզվել ու շփվել է շատ մարդկանց հետ, բայց, ինչպես ինքն է ասում` երբեք չի մոռանում որոշ խորհուրդներ, որոնք իրեն օգնեցինք ըմբշամարտում հաջողություններ հասնելու գործում։

Պատանեկան տարիքում մարզիչ Հրաչ Դադոյանն ասել է, որ առաջնայինը կարգապահությունն է, և պետք է գորգի վրա  հավասար պայմաններում բաց գոտեմարտել, այդ դեպքում արդյունքի հասնել հնարավոր է:

Հունահռոմեական ոճի ըմբշամարտի Հայաստանի հավաքականի նախկին գլխավոր մարզիչ Արամ Սարգսյանն էլ միշտ խորհուրդ է տվել չառանձնացնել ոչ մի մրցաշար, այլ յուրաքանչյուր գոտեմարտի դուրս գալ որպես սովորական մրցման:

«Եվ վերջապես հավաքների ժամանակ ես նույն սենյակում էի օլիմպիական չեմպիոն Մնացական Իսկանդարյանի հետ: Մի անգամ մարզումից հետո հոգնած եկա սենյակ, հագուստս ու պայուսակս գցեցի ու գնացի լողափ: Երբ հետ եկա, տեսա, որ Մնացականը իմ շորերը հանել է պայուսակից ու կախել, որպեսզի չորանան: Իմ մոտ անմիջապես փոխվեց վերաբերմունքը ամեն ինչի նկատմամբ», - ասում է Ալֆրեդը:

«Դավաճան» վերելակը

1992 թվականի Եվրոպայի առաջնության եզրափակիչ գոտեմարտերից առաջ որոշ ըմբշամարտիկներ կարող է և չներկայանային մրցումներին, որովհետև անհարմար վիճակի մեջ էին հայտնվել, որը հետո որպես զավեշտալի դեպք պետք է հիշեին։

Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին

«Մենք 5-6 ըմբիշներով նստեցինք վերելակ, ընդ որում`մեզանից չորսը պետք է եզրափակչին մասնակցեին, ու վերելակը կանգնեց: Մոտ կես ժամ սպասում էինք, թե ո՞վ մեզ կօգնի դուրս գալ: Երբ վերջապես դուրս եկանք վերելակից, Միխայիլ Մամիաշվիլին գոռում էր բոլորիս վրա։ Բայց բարեբախտաբար հաջողվեց այլ երկրի հավաքականի ավտոբուսով հասանել մարզադահլիճ»,- հիշում է Տեր-Մկրտչյանը: Հենց այս մրցաշարում, եզրափակիչում հայ ըմբիշը, հաղթանակի հասնելով բուլղարացի Բրատան Ցենովի նկատմամբ, դարձավ Եվրոպայի չեմպիոն:

Շվեյցարիայի հավաքականի հայ մարզիչը

2017 թվականի հունվարից 3 ամիս գլխավորելով Շվեյցարիայի հունահռոմեական ոճի ըմբշամարտի հավաքականը` Ալֆրեդ Տեր-Մկրտչյանը պայմանագիր ստորագրեց շվեյցարացիների հետ ու մինչև օրս այդ երկրի հավաքականի գլխավոր մարզիչն է։

«2018 թվականի Եվրոպայի երիտասարդական առաջնությունում շվեյցացարցի երեք ըմբիշ գոտեմարտեցին բրոնզե մեդալի համար: Նման նախադեպ Շվեյցարիայում չէր եղել: Մեկ ամիս անց երիտասարդների աշխարհի առաջնությունում ունեցանք փոխչեմպիոն»,- ասում է Տեր- Մկրտչյանը և հավելում, որ փորձում է փոխել շվեյցարացիների հոգեկերտվածքը ըմբշամարտի հետ կապված:

Հայկական ըմբշամարտի ձեռագիրը

Այսօր աշխարհում հայտնի են հայ ըմբիշներից շատերը, գնահատված է հայկական ըմբշաարտի յուրահատուկ ձեռագիրը: Արմեն Նազարյանը Բուլղարիայի ազգային հավաքականի գլխավոր մարզիչն է, Ալֆրեդ Տեր- Մկրտչյանն էլ` Շվեյցարիայի: Ու, ընդ որում, այս երկու երկրների հավաքականները հաճախակի հավաքներ են անցկացնում Հայաստանի ընտրանու հետ։

«Ըմբշամարտի հայկական դպրոցի ձեռագիրը հայտնի է բոլորին: Մենք ունենք նաև յուրահատուկ ոճ, որը մեր ըմբիշներից շատերին ապահովել է հաղթանակ տարբեր կարգի մրցումներում: Դրա համար հայ ըմբիշների հետ մարզվելը միայն օգուտ է տալիս բոլորին»,–ասում է Տեր–Մկրտչյանը:

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Աշխարհի ու Եվրոպայի չեմպիոն, բազմակի մրցանակակիր, օլիմպիական արծաթե մեդալակիր Ալֆրեդ Տեր- Մկրտչյանի անցած ճանապարհը ըմբշամարտում ուսուցողական է շատ ըմբիշների համար: Նա ասում է` շատ կարևոր է, որ մարզիչը կարողանա հոգեբանորեն տրամադրել իր մարզիկին անել ավելին: Նրա խոսքով` մարզիչը նաև ուժեղ հոգեբան պետք է լինի: Կարճ ասած`եթե շվեյցարացի որևէ ըմբիշ ցանկանում է հասնել մեծ արդյունքների, ընդամենը պետք է լսի հավաքականի ազգությամբ հայ գլխավոր մարզչին:

17
թեգերը:
Շվեյցարիա, Օլիմպիական խաղեր, Եվրոպայի ըմբշամարտի առաջնության, Ըմբշամարտի աշխարհի առաջնություն, ըմբշամարտիկ, Ալֆրեդ Տեր-Մկրտչյան
Ըստ թեմայի
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Թեստավորում

Աշխարհում COVID-19–ով վարակվածների թիվը հասնում է 6 մլն–ի. ո՞ր հորիզոնականում է Հայաստանը

0
(Թարմացված է 09:40 29.05.2020)
Վարակի տարածման տեմպերով կրկին ԱՄՆ–ն է առաջին տեղում, Հայաստանը նահանջել է մեկ հորիզոնականով։

ԵՐԵՎԱՆ, 29 մայիսի – Sputnik. Աշխարհում կորոնավիրուսով վարակվելու հաստատված դեպքերի ընդհանուր թիվը հասել է 5 909 003–ի։ Տեղեկությունը հայտնում է Worldometer կայքը։

Վարակի տարածման տեմպերով առաջին տեղում է շարունակում մնալ ԱՄՆ-ն, որտեղ կորոնավիրուս է ախտորոշվել 1 768 461 մարդու մոտ: Երկրորդ տեղում Բրազիլիան է. այդ երկրում 438 812 մարդ է վարակվել COVID-19–ով:

Երրորդ տեղում Ռուսաստանն է՝ 379 051-ով հաստատված դեպքով։ ՌԴ–ին հաջորդում են Իսպանիան (284 986), Մեծ Բրիտանիան (269 127), Իտալիան (231 732)։ Տասնյակում են նաև Ֆրանսիան, Գերմանիան, Հնդկաստանը և Թուրքիան։

Հայաստանը 58-րդ տեղում է (8216)։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն

0
թեգերը:
Հայաստան, Ռուսաստան, ԱՄՆ, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Ինչպես ստուգել` դիմակն իսկական է, թե «կեղծ». քաղաքացիները՝ «կորոնապաշտպանության» մասին
Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան